مشاهدة النسخة كاملة : يا بنات المنتدى اشتغلوا شغلة تنفع
Saowt
10-19-2004, 05:09 AM
عليكم السلام ورحمة الله أخي بلال
أنا متلك... اليوم لعرفت أنها بتمعمل بالموتزريللا
بس قال بتنعمل.. وقالت لي عليها وحدة طباخة ما شاء الله وماهرة..فاااااااااااا حطيتها.. ما بدكم بالموتزريللا.. اعملوها بالشغيلة أضمن لأنو نحن قصدي الماما بتعملها بالشغيلة.. المهم أنا كتبت كيف بتنعرف جبنة الشغيلة ب حلاوة الرز.. طيب برجع بقول لكم
بتنزلوا عند بياع الألبان والأجبان.. بتقولوا لو بدنا جبنة شغيلة أو جبنة حلويات.. هيدي الجينة هي نفسها بيستعملوها للقطايف، لحلاوة الرز، لحلاوة الجبنة، للكنافة.. لكلللل شي حلويات..
بوصف لكم اياها؟؟ هي جبنة بيضاء :D ومنها مالحة أكيد.. اي وهي نفسها الجبنة بس ليملحوها ويحطوها عالنار بتنعمل جبنة حلوم..
بس بدي خبركم كيف بتعرفوا انو الجبنة شغيلة.. بتجيبوا شمعة.. بتضووها طبعا بعدين بتقطعوا شوي من الجبنة.. يعني قطعة رقيقة وامسكوها فوق الشعلة اللي طالعة من الشمعة للحظات وارجعوا جربوا تشدوا الجينة.. إذا مطت بتكون شغالة.. ما مطت.. منها شغالة.. بدكم تحطوها بمكان شوي دافئ منو بالشمس!! وترجعوا تعملوا نفس الطريقة إلى ان تصبح شغيلة..[/color]
ولتتأكدوا أنها شغيلة كمان وكمان.. لما بتقطعوها بالنص بتشوفوا بقلبها هيك غرف هواء.. متل الجبنة اللي بتوم إند جيري.. مفخوتة وفيها ممرات ودهاليز.. بس لازم ما نعتمد على هالشكل لازم قبل كل شي تمطّ أو تمدد عالحرارة.. بعدين أخي بلال ليه عم تسال؟؟ إذا سيدات المنتدى ما سالوني.. يييي ما تكون انت بدك تعمل حلاوة الجبن؟؟ تمام.. لكن اعمل وخبرنا ككككيف؟؟ إذا ما طلعوا طيبين ما تقول لأنو المقادير تبعوني منن صح.. لأنو هيدا الشي بيرجع لمهارة الطباخ..
أما إذا كانوا طيبين فااااااااا أكيد لأنو مقاديري صحيحة 100% وما خص الطباخ بشي :lol:
no saowt
10-19-2004, 02:34 PM
السلام عليكم،
انا بعرف الجبنة الشغيلة بس بدي شوف تفسيرك
كلمة واحدة بحاجة إلى صفحة لتفسير ما شاء الله على غنى اللغة العامية :)
سوف اجرب واخبركم مع انني اعرف ان المقادير بتعطي حلاوة الجبن مثل يللي بيبيعوها الكيلو بألف ليرة :)
يجب ان تزيدي النكهات كي تصبح مثل يللي عند رمضان على الأقل. اما كي تكون مثل يللي عند الحلاب فلا بد من خبرة طويلة جداً
بارك الله بك
Saowt
10-19-2004, 03:48 PM
السلام عليكم،
كلمة واحدة بحاجة إلى صفحة لتفسير ما شاء الله على غنى اللغة العامية :)
سوف اجرب واخبركم مع انني اعرف ان المقادير بتعطي حلاوة الجبن مثل يللي بيبيعوها الكيلو بألف ليرة :)
ميرسي... 1000 ليرة؟؟؟ بسيطة...
ثانيا... ما تقول هيك إلا لما تدوق اللي عم ينعمل..
معليه اسال اللي داق الحلاوة... هو بيقول لك..
قال ماما: لا ما لازم سمن... وكمان قال بتستعمل ماء ورد ما ماء زهر.. معليه الحق عالزاكرة اللي خانتني..
المهم هيدا هو التعديل... إسا بدي قول لك يا بلال بالأكل الأصل النفس.. إيه؟؟ أنت ما بتعرف حلاوة الجبن تبعة أهل ضيعتي؟؟ بيقولوا عنها طيبة... بس تبعة ماما لا يُعلى عليها.. انت اسال بس اللي داق.. انا عرفت انو الحلاب ما بيشبّر حد الماما بشي
fakher
10-20-2004, 11:29 AM
لالالالالالالالالالالالالالالا
... لا الحلاب ولا غيرو ....
يللي بيدوق بيعرف .... حلاوة الجبن غير شكل ;)
lady hla
03-27-2006, 01:42 PM
........... السلام عليكم ...........
............ شو نرجع نفتحو ....؟!!!.... ولا نفسكو مسدودة .....؟!.....
سلامي اليك
lady hla
القدس
fakher
03-27-2006, 03:00 PM
فتح الله عليك من أوسع أبوابه
من لبنان
03-27-2006, 08:01 PM
السلام عليكم ورحمة الله وبركاته
أنا كرهت الطبخ وكل شيء يمت الى المطبخ بصلة فا رجاء لا ما تفتحوا الموضوع من جديد:)
mohammad
03-28-2006, 03:57 AM
........... السلام عليكم ...........
............ شو نرجع نفتحو ....؟!!!.... ولا نفسكو مسدودة .....؟!.....
سلامي اليك
lady hla
القدس
الله يرضى عليك ِ
جاء في وقته قبل ان نموت من الجبنة والتونا.... والفلافل
lady hla
03-28-2006, 10:42 AM
............. السلام عليكم ............
......... وعلي** .... أشكرك جزيل الشكر على دعوتك الجميلة .... أبو رضوان حفظك الله ........!.......
.......... يا من لبنان ....... والله المطبخ حلو ...... بيكفي الشعور بالإستقلالية والمسؤولية ...........!..........
......... حفظك الله أخ محمد ....... والله يعينكو على الغربة وبلاويها .....!.......
....... فليس كل من تَغَرَبَ عن وطنه .....غريب .....!..... هُناك من يسكنون أوطانهم .... وغرباء .....!......
........ وهذ الغربة ... أقولها عن تجربة .... ولا زلت .... أحسها .... وألمحها ........!!!!.......
.... ورح نحاول نكتبلكو كمن طبخة سهلة .... لحتى تجربو .... ويمكن تنفعكو ..... بس النتيجة ما دخلنا فيها ......!!!.....
سلامي اليك
lady hla
القدس
محبتكم في الله
03-28-2006, 02:36 PM
السلام عليكم و رحمة الله و بركاته
ما شا ءالله اختي lady hla
همتك عالية بوركتِ و بانتظار ك
بالنسبة لاخ محمد ليه ما تروح على Edjware road
بتلاقي كل ما تحتاجه ..و خلفه في محل ايراني و هندي ممكن تلاقي طلبك
و هذا لينك ممكن البحث فيه و اقرب الاماكن لك
http://www.london-eating.co.uk
و لو فعلا بحاجة لبعض الوصفات السريعة ممكن باقرب فرصة الاقيها لي اصور لكم
بعض الاشياء سهلة التحضير بالغربة نوعا" ما
اردت المساعدة اعرف الوضع كم هو صعب بالنسبة لكم
اختكم محبة
lady hla
03-29-2006, 08:46 AM
............. السلام عليكم ...........
....... الحمد لله ...... حفظك الله أختي الكريمة ........!!!.......
......... شكراً لك على مساعدتك الطيبة .........!!!!.......
سلامي اليك
lady hla
القدس
من لبنان
03-29-2006, 01:55 PM
السلام عليكم ورحمة الله وبركاته
اليكم هذا الربط يساعدكم على طبخ الأكلات البيروتية اللذيذة
http://www.yabeyrouth.com/pages/index1118.htm
من لبنان
03-29-2006, 01:57 PM
انصحكم بالمفتقة كتير طيبة وسهلة كتير وخصوصاً للمبتدئين والمغتربين:)
Saowt
02-20-2007, 10:26 AM
((يـــرفـــع))
lady hla
02-20-2007, 10:30 AM
.......... السلام عليكم ...........
...... بس كأنو المنتدى عامل ريجيم .....!!!؟!......
...... طيب بلشي أول طبخة يا صوته ... ما دامك رفعتي الموضوع .....!!!.....
سلامي اليك
lady hla
القدس
Saowt
02-20-2007, 11:16 AM
وعليكم السلام ورحمة الله وبركاته...
لا بأس.... سأضع الطبخة الأولى طمعا في كتابة أطباق أخرى...
شيخ المحشي
باذنجان: 3 وسط
لبن: كيلو ونصف تقريبا
ثوم: سنين وسط
نعنع يابس: هلأد
قشري الباذنجان وقطعيه لدوائر وسط أيضا ثم انقعيه بالماء والملح إن كان حادا أو عرضيه لأشعة الشمس لبرهة من الزمن. إن نقعتيه بالماء والملح عليك عصر قطع الباذنجان من الماء حتى لا تصيبي المطبخ بكوارث أثناء قليها.
اقلي قطع الباذنجان بالزيت النباتي ثم ضعيه جانبا ليتصفى من الزيت
اللبن.. يوضع في وعاء بعد أن يصفى (كي لا يفرط) وتصفيته كفيلة بذلك وبإمكانك إضافة كمية ضئيلة من الماء له ثم حركيه دون توقيف حتى يغلي..
ضعي قطع الباذنجان المقلية في اللبن واتركيه يغلي لمدة 10 دقائق. دقي أسنان الثوم واخليطهم في وعاء اللبن وهو على النار وأضيفي النعنع اليابس..
لتزيين الطبق ضعي القليل من اللحم المفروم المقلى وشيئا من الصنوبر.
يقدم الطبق ساخنا إلى جانب الأرز المفلفل...
منح هيك يا حلا؟؟؟
lady hla
02-20-2007, 11:24 AM
......... السلام عليكم ........
...... كتير منيح ... ما شاء الله عليك .... طبق بجنن ... وإجتمع فيه اللبن والباذنجان .....!!.....
...... عن جد شكلو طيب .....!!!.....
...... يسلمو يديك ....ويعطيك العافية ......!!!......
...... ننتظر باقي الأطباق إن شاء الله .......!!.....
سلامي اليك
lady hla
القدس
من هناك
02-20-2007, 02:22 PM
جزاكن الله خيراً
وين الكبة النية :)
Saowt
02-20-2007, 02:33 PM
الكبة النية؟
من المفروض أن تقوم حلا في الغد بكتابة طبق فلسطيني... بعدها من بغداد بكتابة طبق عراقي.. وإذا أرادت الأخت إيمان كتابة طبق سعودي على ما اعتقد فلا مانع..
بعد هذه الدورة سيقوم بلال بكتابة الطبق بعد أن يستعين بمعلومات زوجته ولا بأس في ذلك
lady hla
02-21-2007, 03:10 PM
......... السلام عليكم .......
...... كبة نيّة ....؟؟!!!..... لما أتوحش رح أفكر بإني آكلها ..... :? ....!......
..... بس عن جد مش منيح أكل اللحمة نيّة ... بتسبب أمراض ... مضرة كتير .....!!!؟؟!.....
..... يا صوته أنا عليّ القهوة .....!!!.....
....... بدكو إحكيلكو كيف بتنعمل ....؟!؟؟!!......
....... بعدين وين طريقة المعمول ... مش طلبت منك تسألي إمك عنها .....!؟؟!!.....
سلامي اليك
lady hla
القدس
من هناك
02-21-2007, 03:31 PM
إن شاء الله سأطلب من زوجتي ان تعرض طريقة عمل المعمول. بكل بتواضع، المعمول جيد جداً :)
lady hla
02-21-2007, 03:34 PM
.......... السلام عليكم ...........
...... شكراً لكَ ولزوجتكَ مقدماً .... أريد أن أعمل على دمج الحضارات حتى في الأكلات .....!.....
....... يعني إحنا بنعمل المعمول بس بدي أجرب طرق تانية .....!!!.....
....... وهو من أحبّ الحلويات لي أيضاً ......!!!.....
سلامي اليك
lady hla
القدس
Saowt
02-21-2007, 05:06 PM
لا...
جربي كعك جوز الهند أو الزلابية!!!
lady hla
02-21-2007, 05:07 PM
....... السلام عليكم ........
...... بسكوت الجوز الهند قصدك ......!!؟؟؟!......
سلامي اليك
lady hla
القدس
Saowt
02-21-2007, 05:42 PM
اكتبي الوصفة لأخبرك إن كانت هي او غيرها
lady hla
02-21-2007, 05:57 PM
....... السلام عليكم ........
......إن شاء الله .... بس ألاقي الكتاب .... لأنو صارلو مسافر من زمان أو أنا مسافرة .....!؟؟!!......
سلامي اليك
lady hla
القدس
Al Zahra2
02-26-2007, 09:18 PM
Al salam alaykom okht lady hla,
Bil nesbi lal maamoul, la7 elik kif ana t3elamt a3emlou,
Awal shi, 3ajinit el maamoul, :
Kilo smid
~ 400 g. zebdi
~ 60 ml. sekar
~ 60 ml. may ward
~ 60 ml. may zahr
1/2 ma3el2it khamiri
Btekhelti el 3ajini mnih, ma lazem tetla3 ktir nashfi , ba3den bet7adri el 7ashwi, bet7eti
~ 400g. festo2 7alabi
~ 150 ml. sekar
~ 50 ml. may ward (ya3ni ta2riban ad fenjan kahwi arabi) ~ 50 ml. zebdi
~ 50 ml. halib
kamen bterja3i betkhaltiyon mnih, w bet7adri el maamoul ba2a 3a kayfek, w dou2i edaysh byetla3 tayeb :)
wa salam alaykom wa rahmatou Allah
Ghina
من هناك
02-26-2007, 09:21 PM
انا اشهد ان هذه الوصفة مميزة جداً :)
lady hla
02-27-2007, 08:08 AM
........ السلام عليكم .......
........... أهلاُ بكِ أختي .... أشكركِ جداً ... بإذن الله سأجربها .......!!......
....... الطريقة كتير بسيطة وسهلة .......!........
..... سؤال .... يعني ما بتحطي بهارات المعمول ... إلي هي خليط جاهز بينشرى .....؟؟!!.....
...... عن جد مبيني بإنها الوصفة مميزة كتير ......!......
....... باركَ الله بكِ ..... معلش أتعبناكِ ........!.......
سلامي اليك
lady hla
القدس
Saowt
02-27-2007, 04:47 PM
بدنا نشتغل بالغرامات؟؟
واللي ما عندو mini ميزان؟؟
lady hla
02-27-2007, 04:50 PM
......... السلام عليكم .........
...... بتقدري تشوفي بكيت السميد أو الطحين أو السكر إلي وزنو كيلو ...!.....
....... وبتشوفي كمن كاسة بيعمل .... وعن طريقو بتحطي المقادير ... للحلو بشكل عام ....!!.....
....... أما بالنسبة للزبدة ... بيكون مكتوب عليها وزنها ......!!!.....
سلامي اليك
lady hla
القدس
Al Zahra2
02-28-2007, 07:13 PM
Al salam alaykom,
Okht lady hla, bisara7a ma besta3mel bharat el ma3moul el jahzi... w ma ba3ref shou hiyi kamena :) bas ana bisara7a t3elamt bi hal tari2a, w sad2ini byetla3 el ma3moul ktir ktir tayeb :)
eb2i khabrini iza shi youm jerabti kif byetla3 ma3ik :)
wa salam alaykom
lady hla
02-28-2007, 07:19 PM
......... السلام عليكم .........
...... أنا على ثقة كبيرة بإنو طريقتك كتير طيبة ... بالعكس أنا عجبتني لأنو ما في بهارات المعمول .....!!.....
..... خلينا نتعلم طرق تانية ......!!!.....
..... على فكرة بهارات المعمول هي خليط من الأعشاب المطحونة ... متل اليانسون والشومر ....!!!....
....... وإن شاء الله لما أجربها رح إحكيلك .....!!!.....
...... وكمان مرة ...... شكراً إلك على الطريقة .....!!!....
سلامي اليك
lady hla
القدس
من هناك
02-28-2007, 07:57 PM
انا فكرت انو صوت ما شاء الله عليه فتحة وبتعرف تقدر. بس للأسف :)
بدنا نشتغل بالغرامات؟؟
واللي ما عندو mini ميزان؟؟
Saowt
02-28-2007, 09:01 PM
إيه مزبوط بقدّر تقدير
بس شغل عالليبرة ما بعرف!!
الحق على زهراء كان لازم تقول هلأد مي.. وهلأد سكر وهلأد سميد
شكرا جزيلا يا زهراء عالوصفة...
Abu Mujahed
03-01-2007, 05:59 AM
الشيرة يا اخ فخر كلمة حجازية تسمى عندنا في بلاد الشام القطر الذي يوضع على معظم انواع الحلوى :icon_razz:
Saowt
03-01-2007, 06:26 AM
طبق اليوم: (ما بعرف شو اسمو لكن بإمكاننا أن نطلق عليه اسم البطاطا المحشوة واللي بيعرف اسمها يتفضل ويكتب اسمها)
بطاطا: 5 حبات متوسطة.
لحم مفروم: وقية ونصف تقريبا
بصل: بصلتين متوسطتي الحجم
رب بندورة: هالأد
ماء: كوبين أو 3 أكواب
ملح: هالأد
ثوم: هالأد
نعنع يابس: هالأد
افرمي البصل فرما ناعما وضعيه في طنجرة مع اللحم المفروم وشوية ملح على النار ودعيه ينضج.
قشري البطاطا.. ثم استعملي حفّارة الكوسى لحفرها...
اغسلي البطاطا.. ثم بادري بحشوها من مزيج اللحم المفروم والبصل (طبعا بعد أن يبرد)
ضعي حبات البطاطا المحشوة في قدر، وضيفي إليها رب البندورة المخلوطة بالماء حتى تغمر حبات..
اضيفي الملح والثوم بعد دقها، والنعنع اليابس إلى قدر البطاطا قبل نضجها بقليل.
تقدم ساخنة إلى جانب الأرز الأبيض.
ما قمتي بحفره من البطاطا، لا ترميه.. بإمكانك غسله ونقعه بالماء والملح لفترة قبل قليها. أو اغسليها جيدا، ورشي عليها شيئا من الخل والملح ومن ثم اقليها (تشيبس على خل وعلى ملح)
lady hla
03-01-2007, 07:33 AM
......... السلام عليكم .........
....... إسم هذا الطبق الذي وضعتِ مقاديره يا صوته .... ( مخشي بطاطا ) ......!!!.....
....... طبعاً مخشي ... وليس محشي ... لأنو في فرق بيناتهن ......!!؟؟!.....
سلامي اليك
lady hla
القدس
Saowt
03-01-2007, 02:58 PM
منكم نستفيد!!!!! :)
lady hla
03-02-2007, 08:51 AM
......... السلام عليكم .........
....... ومنكِ نحن نستفيد أيضاً ... والحمد لله ......!؟؟!!.....
سلامي اليك
lady hla
القدس