بسم الله الرحمن الرحيم


سمعت بعض المعلمات عم يحكوا عن هذه الاكلة... فقلت اكيد هي سهلة
لأن عادة المعلمات بكونوا ما فاضيين يطبخوا.. و بفتشوا عن الاكلات السهلة
فلما رجعت على البيت ذكرتها لماما قال هي كمان سامعة فيها
فراحت فتشت بالوصفات اللي عندها... و عملناها

اسمها: "مفركة البطاطا"

المحتويات:

1- بطاطا مسلوقة
2- قليل من الحليب
3- كعك مطحون
4- لحمة مفرومة +الصنوبر
5- شوية بندورة مفرومة

الطريقة:
نضع في قعر صينية طبقة من الكعك المطحون،
نهرس البطاطا المسلوقة و نخلطها مع الحليب، ثم نفرشها في كعب الصينية فوق الكعك المطحون
نفرش عليها اللحمة المفرومة ، بعد ما نكون قليناها مع الصنوبر و البندورة...
نغطيها بطبقة رقيقة من البطاطا المهروسة مع الحليب،
ثم على الوجه نغطيها بطبقة رقيقة من الكعك المطحون...


و نخبزها في الفرن شي ربع ساعة ... او الى ان يتحمر وجهها


و صحتين

طيب أنا ما عندي فرن هنا
ما عندي غير غاز :(
ما في عندكم طبخات ما بدها فرن
بالله عليكم أنا ساكن هنا لوحدي وما في حدا يطبخلي غير نفسي!!!

ربما اسم هذه الطبخة بطاطا بوري (Pouré) لا ادري لم الإسم اجنبي يا هلال

اخي طارق ولو شو هالسؤال

فيك تعمل كبسة إذا بدك :)

السلام عليكم،
انا قصدت ان الفظها بالطروبلسي :) من اجل السيد هلال ودار الترجمة :)

هيك عملتوا دعاية عاطلة للطبخة

في واحدة فكرت انها طبخة اجنبية... و قال هي ما بتاكل طبخات اجنبية


هيدي الطبخة بيروتية قح... وقلنا اسمها: "مفركة البطاطا"

اذا كان فيها بطاطا مسلوقة مهروسة مع حليب لا يعني انها صار اسمها بوريه....

كمان اذا قلنا أكلة سهلة، هذا لا يعني انها صارت أجنبية،
لأن الناس معودين ان الاكلات السهلة اجنبية

و ان الاكلات اللي بدها ساعات بالمطبخ هي عربية


و عليكم السلام و رحمة الله