http://members.lycos.co.uk/islammi/

إن شاء الله ينال الموقع إعجابكم.............

السلام عليكم،
بارك الله بك

بدما همة من الشباب كي لا يبقى الموقع ابيض. يعني قليلاً من التصميم يا شباب صوت

للرفع للرفع للرفع

أخي بلال الله يجزيك الخير،

نسيت أي جامع، عساف أو منذر

لأنك دوختني، وكل ساعة بتقول اسم........ :o

فأي واحد بلاقي ضالتي... ( كلام مبطن)

السلام عليكمـ
كلا كلا بل هو جامع الأمير عساف

الحق على الذاكرة صارت عم تخونني بآخر عمري :)

إن شاء الله أخي بلال، ما زلنا في مطلع الشهر الفضيل وفي جعبتي الكثير من الطاقة بإذن الله تعالى..

ما شاء الله لا قوة إلا بالله

لم نجد ضالتنا في مسجد الأمير عساف، لا بد وأنه الأمير منذر........

المهم، التقط لك إقامة الصلاة من مسجد الأمير عساف.....

حلو التنويع وتغيير اللون.... حتى ما كل مرة نسجل من نفس المحل

http://members.lycos.co.uk/islammi/Iqama5ra.mp3

السلام عليكم ورحمة الله وبركاته
بارك الله فيكم وجزاكم كل خير
اخي منير ليش ما بتنقل من اذاعة القرآن الكريم صلاة التراويح من مسجد الامام على بقراءة شيخ قراء بيروت الشيخ محمود عكاوي قراءته حلوة بعد في يومين وبيصيروا ينقلوا الصلاة من مسجد قريطم كمان الشيخ هونيك قراءته حلوة

أختنا أم لبنان، طولي بالك علينا شوي

اليوم ان شاء الله من مسجد السلطان سأذهب لصلاة التراويح هناك..... وان شاء الله نجد وقتا لباقي المساجد

اما بالنسبة للتسجيل تقلا عن الاذاعة

ما فيني، لأن الجهاز مش بس إلي أنا.........

يعني ما فيني اترك العدّة موصلة ووقّت التسجيل وفل....................

السلام عليكم ورحمة الله وبركاته
يا اخي منير خود وقتك بس انا خفت تكون متل غير ناس بس بيهتموا بالداون تاون والمساجد اللي فيها ووقت بدون ينتقدوا كمان بينتقدوا هالاماكن وبينسوا انو في المقلب التاني من بيروت فيه خير وبركة كتير. :D بس الحمد لله شكلك عم تعمل جولة على المساجد كلها بارك الله فيك وهداك سواء السبيل.
بس عندي سؤال حشوري شوي انت عم تاخد اذن المشايخ قبل ما تحط التسجيل على الانترنت انو بركة في حدا منهم ما بيحب يطلع على الانترنت

من؟ ماذا؟ لماذا؟ هل يمكنك إعادة السؤال.. :lol:

السلام عليكم ورحمة الله وبركاته
شو اخي منير انت كمان من اللي بيثبتوا نظرية انو النساء بيحكوا اكتر من الرجال بمرتين عشان الرجال لازم ينعاد الحكي عليهم مرتين حتى يفهموه؟ :lol:
اي انا عم بسألك اذا سالتوا المشايخ عشان كنت عم بخبر حدا عن الموقع وقام انزعج عن الشيخ وقال يمكن الشيخ ما بيريد يطلع التسجيل على الانترنت. فا ما بعرف شو رح يواجهك اذا راح هالزلمي وخبر اتباع الشيخ. انا ما خصني :lol:

السلام عليكم،

اتباع الشيخ؟؟؟؟ شو يعني.

من؟ ماذا؟ لماذا :)
:twisted:

نعم لا ربما لا أعرف.. هل يمكنك إعادة السؤال..........


وكمان ما في حفظ حقوق لدين الله عز وجل، طالما أنني لا أستخدمها تجاريا.......

وكمان، لو أتباع الشيخ شاطرين يفرجونا تراث الشيخ، ما يخلوا واحد دخيل أشطر منهم


على كل حال يخبروا، وإذا ما عجبوا سأكون خصيمه أمام الله يوم القيامة،
لأنه سيمنع كلمة الله تعالى من العلو والارتفاع عاليا..........


:D

نعتذر اليوم عن الذهاب لصلاة التراويح لأسباب صحية..
ونسأل الله تعالى الشفاء العاجل.

السلام عليكم ورحمة الله وبركاته
سلامتك يا اخي منير وطهور ان شاء الله
شو هيدا ولو هيك دغري بتبلش بالخصومة ويوم القيام وما بعرف شو طول بالك شوي شوي على الزلمي :lol: بعدين طيب ما انت اعرف شو وجهة نظره وبعدين خاصمه ما هيك يلا بتبلش مخاصمة وين التماس الاعذار :lol:
بعدين انا قلتلك قال يمكن الشيخ ما بيريد يعني عم بيفكر من عنده ومش هيك الشيخ قال فا طول بالك :D
بعدين ما بيمشي تراث الشيخ الا على الانترنت :evil: يعني على كاسيت ما بيمشي

ليه خبريني شي،

هل احتج أحد المشايخ على هذا النشر؟؟؟؟

ثانيا، من قال لك أنه مش موجودة على كاسيت، دعاء الشيخ أمين الكردي موجود عند مؤسسة الفجر للنشر والتوزيع الديني وهذا كان قبل سنة .................


بالمناسبة، كل الشباب تبعول الجامع عمري منعرفهم، كنا معهم في ثانوية الحسين بن علي أيام الدراسة المتوسط والثانوية........ بس ولا واحد كان من دفعتي....

معظهم كانوا من أهل دفعة 1997

نحن دفعة 98

وبظن بعضهم بيعرفني شخصيا.........


وبالنسبة لقراءة الأخ عزت أروادي.... فانا بعرفه من لما كنا بالثالث متوسط، كان معي بالصف......
ومعه خبر أنني سانشر على النت ما أسجله.....

وبعدين انا عم امزح معك....... أنا هيك دايما عدائي، بدك تكولي بالك عليّ....... أو كما يقولون ( مبربر)، ودايما باخد موقف دفاعي، بس ما في أطيب من قلبي، بس ما بحب خلي فرجة لأحد كي يتنفس منها.... يعني محسوبك متل 12/7 مدفع رشاش، وما بتعامل بالأسلحة الفردية ( هذا ما تعلمناه بالجيش أيام خدمة العلم )

وأنا مستعد لأن أمحي أثارهم لو أرادوا وأعتذر لهم فردا فردا...... وبالأحضان كمان...

أنا بإنتظار ردهم الكريم...

لكن أنا بالنهاية من تيوس راس بيروت........... واللي براسي بدي اعمله، وما حدا في يغير فكرتي ومبدأي... إلا إذا كانت تخالف الشريعة.... واسأل الله تعالى أن لا أخالف الشريعة..
والسلام عليكم ورحمة الله وبركاته..

منير عيتاني ( وهيدا كمان ختمي الرسمي) لا حكم عليه.


بيروت _ لبنان.


وتكرم عينكم.

السلام عليكم ورحمة الله وبركاته
ما شاء الله عليك اذا مريض وهيك فا لو كنت بكامل صحتك شو كنت عملت :D
يا اخي شكلك مزبوط من تيوس راس بيروت :lol: ما انا عم بقلك انو الشيخ ما عرف شي وما خصو بشي هيدا واحد اسمه اخي عم بيتفلسف هيدي كل القصة.
بعدين بعرف انو من زمان الشيخ امين عنده كاسيت يعني تصور ما بعرف وصرت اهدي الناس منه كمان .
طيب بس طول بالك شوي على الناس يعني خفف العيار شوي مش رشاش مرة وحدة خليك لطيف يعني صاروخ سكود اخف :lol:

ولا يهمك ان شاء الله ما بصير إلا خير وعافية

وانا بتمنى لو يعرف الشيخ شو بدما أحلى وأشرف من هيك يعني صيط غنى ولا صيط فقر وبعدين المحاكم فاتحة بوابها لاستقبال الشكاوى، بس لازم يستعجل شوي لأنه بعد شهر وثلاثة أيام بصير بدهم الانتربول حتى يوصلوا لي لو تيسرت الأمور



الحمد لله أنا أحسن بس الي يومين جهازي الهضمي ملخبط شوي.........

غير جهازي النومي، الله يعين، محسوبك دايما مقرقع، مما يسبب لي هايبر أكتيف ستايت بكل شي............

السلام عليكم،
انا اذكر ان الشيخ طلب من سنتين من بعض الشباب ان يبدأو موقعه على الانترنت وكان اسمه www.islamicvision.net
لكن المشكلة ان بعض الشباب لم يتابعوا واليوم العنوان معروض للبيع بالمزاد العلني :(

كان الهدف من الموقع هو نر بعض الفتاوى وتعريف بالمسجد يوم كان تحت الترميم ووضع التلاوات ونقل الصلاة :)

يعني الأخ منير يؤدي ما عجز عنه الشباب

:twisted:

The quoted price will be at least $688 and may be over $10,000. Due to high demand and decreasing availability, the prices of Premium Domains are rising weekly.


يا ضيعانه، هلق ما بظن حدا بيشتريه بهيك ثمن مرتفع

السلام عليكم ورحمة الله وبركاته

اخي منير لا محاكم ولا شي بعدين طلعت تلميذ مقاصد ما بقا فينا نحكي شي :lol:
ضيعانه ها الموقع :cry: والله من زمان في حدا خبرني انو كان عم بيساعدهم فيه بس بطل انقطع الاتصال بينه وبين الشباب بعدين عرفت انهم بلشوا يحطوا معلومات على الموقع بس الهيئة زهقوا وما عاد بدهم هالشغلة! خسارة

للرفع ولمتابعة جديد 10 رمضان من المسجد العمري
وغدا ان شاء الله .. من مسجد السلام.

السلام عليكم،
إذاً الشباب لا يعملون إلا إن كان هناك اتصال مع جهات خارجية. الآن فهمت كيف يتم اختراق الحركات الإسلامية :)




ضيعانه ها الموقع :cry: والله من زمان في حدا خبرني انو كان عم بيساعدهم فيه بس بطل انقطع الاتصال بينه وبين الشباب بعدين عرفت انهم بلشوا يحطوا معلومات على الموقع بس الهيئة زهقوا وما عاد بدهم هالشغلة! خسارة

لا تنسوا متابعة الجديد........

لا تنسوا متابعة الجديد........

السلام عليكم،
ما شاء الله عليك يا منير وبارك الله في جهودك.

شكرا لك أخي بلال على المتابعة،

ان شاء الله بعد قليل تجد على الموقع مواد لشيخ قرّاء بيروت الشيخ محمود عكاوي