السلام عليكم
البارحة وأنا أفلفش في التلفزيون مر معي على قناة art للأطفال مسلسل بيل وسباستيان
فتذكرت أيام الطفولة لما كنت أعود من المدرسة وأجضر على تلفزيون سوريا (غصباعننك في وقتها)أجمل برامج الأطفال
صدقوني أجمل شي أيام الطفولة ما في لا هم ولا غم الأهل يعملون لناكل شي وكل أوامرنا مجابة

وكانت الرسوم المتحركة جميلة مش متل اليوم أما اليوم فصارت بدون طعمة ومن منا ينسى بيل وسباستيان وهايدي وساندي بل
المهم خللينا نبعد شوي عن الحوارات الحادة ونرجع لأيام الطفولة واطلب منكم أن تقولو لي ما هي المسلسلات الكرتونية التي كانت مفضلة لديكم وهل منكم من يشاهد بين الحين والآخر رسوم متحركة؟؟ ;) ;) ;) ;) ;) ;)

لهلأ إذا في tom and jerry بحضرو.. وبخانق مشانو.. وبخلي ماما تحضره معنا..

وكانوا إخواتي الشباب ما يخلونا نحضر ساندي بيل ولا سالي.. يعني هيدول البنات

الرجل الحديدي.. ساسوكي.. طمطم.. جونكر.. غراندايزر.. مازنجر.. هيدول حفظتن طبعا وبيل وسيباستيان

وكمان poussicat بحبو كتير.. ضد تويتي البشع.. وكمان البطة السودا ما بعرف شو اسمها..

بس هلأ في كونان.. حلو..

السلام عليكم
أبدأ بنفسي
أنا أحب :بيل وسباستيان واللحن الحزين الذي يرافقه أحيانا
هايدي
سباستيان
زينة ونحول
ساسوكي
جونكار
وأتابع الآن لما كون مهموم أفلام الكرتون

ذكرتيني بتوم وجيري
:mrgreen: :mrgreen: :mrgreen:

وسندباد؟؟

نسيتوه؟؟

ونيلز!!

انا اكثر شي كنت حب زينة و نحول

و السنافر


.. بس هلأ ما بحضر شي...

الا اذا كنت عند بيت ستي.. اوقات بتكون عندهم بنت خالتي اللي عمرها 3 سنين... ما فيهم الا يحطوا لها شي من هيدا

إيه السنافر

وشرررررررشبيل!!

وهرهور... هههههه :mrgreen:

أجمل شي عدنان ولينا وغريندايزر ... جونكر بايخ جنب غريندايزر ....أما سندباد غير شكل
الرجل الحديد (منو حلو كتييير)
ساسوكي أكيد بس مش الدبلجة السورية لأنو طلع معون إسمو بشار هههههههههه
الكابتن ماجد ما حدا يقول منو حلو
كمان توم آند جيري هيدا طاغي على الكل .... لسه في (الفتى النبيل)، (ريمي) ،(الفتى الشجاع) ،(بيل وسيبستيان) ،(تانتان وميلو) (بشار)، (زينغو ورينغو)، (نينجا)، (نينجا تورتوز)، ........ هيدول يللي متذكرهم :lol:

بس لهلأ بحضر على قناة البحرين عدنان ولينا ... هيدا سر بيناتنا

ياااه مافي احلى من الطفولة ....
كل الكرتون الي كان فيه قصة وهدف كنت بحبو سنديبل تيري وسالي يا حرااام انظلمو كثير ريمي :cry: :cry: غريندايزر بشار وزينة ونحول ***زينة انقذينيييي * الليث الابيض بتتذكرو كمان تومسوير وشقاوتو وكمااااان سنان يا سنان يا احلى الاصدقاء في الغابة الخضراء وزعبور وفرفور وشرشور :lol: :lol: فيه كمان فلوونة و ما تنسوو الكابتن ماااااجد نجم الملعب نجم رائد نجم حساس ومهذب... والهداف رامي كمااان انا هداف انا هداف العب مثل النجم الساطع اهدافي احلى الاهداف ...وشو نسيييت كمان شو في كمان ااه السنااافر حلو كثير فيه كثير متذكرتهم بس ما عندي الوقت اذكرهم :lol: :lol:
اي اي نسيت الاميرة ياقووت **انا الاميرة ياقوت اصارع الاشرار ولا اهاب الموت**بحبها كثييروكنت بقلدها وكانو ينادوني هيك :lol:
فيه حدا بيتذكر السيدة ملعقة :lol:
هلا ما بقا غير بطبوطة وبطابيطو وشوية خضر وفواكه عاملين عليهم كرتون :? :?

آخخخخخخخخخخخخخ على الطفولة وأيام الطفولة
تابعوا بيل وسبستيان كل يوم على الart الساعة 10 ونصف بتوقيت لبنان واستمعوا (ما عدا أم الغرباء)للحن الحزين عندما يتأزم الوضع مع سبستيان


يا أخ فخر أكيد سرك ببيييييييير :lol: :lol: :lol:
وكلنا بالهوا سوا

هلأ جونكر بايخ وماجد منو بايخ؟؟

ماجد ما في أبيخ منو!! :twisted:

ايه طبعا السيدة ملعقة.. وكمان سنان!! والله برافو عليك يا وداد ما شاء الله ذاكرتك بتعقد!!

لبيبة!! بس غنيتها!!

إفتح يا سمسم...... أحلى شي بدر وأنيس

المناهل........ مغامرات أبي الحروف وخربوط

أتذكر أن ابن خالي كان يحب جونكار كتير ومرة طلع عالبراد وقال جونكاااااااااااااار ونط على أساس أنو يطير
بس نزل وتكسر

شفتي بشور ذاكرتي بس عن جد هي بتضعف يوم بعد شوي :cry: :cry:
استاذ فخر ظلنا زمان ما شفنا عدنان ولينا ابقا خبرنا شو صاير لعبسي :lol:
ااخي من طرابلس هلا جونكااار بيطير وابن خالك ينط للاسفل :lol: الحمد لله انها اجت على قد هيك بس يا ترى لقى كنتارو :lol: وشو صار للمدمرين وديقر الشريرة :roll:

أخت وداد
ابن خالي ما لقا كنتارو بس لقا الدكتور بالمستشفى :mrgreen: :mrgreen:
:mrgreen:

هههههههه حلوة :lol: :lol: ان شاء الله مع الألم ما يكون افتكرو مدمر واحد :mrgreen:

د. وداد أنتي بتسألي عن المدمرين؟

هو مدمر رقم واحد بيسأل عن حالو؟؟ هههههههههههه

أكتر شي بيعجبني بعبسي كيف بيربط شعراتو وبيوقفهم!!! كانو مرعوب..

بندق الدب الأسمر......... :D

السلام عليكم الاخوة والأخوات كل مرة بيذكرونا بالماضي

أضيف بندق الى لائحتي

بندق وووووووووووووووووووووووووووووو الدب الأسمر

ما بندق هو الدب الأسمر.. هيك بعتقد!!

صح بندق هو الدب الأسمر ولوزة هي الدبة البيضاء

بس كلكم نسيتو الشقية (لولو الصغيرة)

وإذا متذكرين أنو في بداية الجنريك تظهر لولو وهي تهبط بمظلة .
المهم مرة أنا وأخي الشرير :twisted: أقنعنا أختي الصغيرة أنها تهبط من على السطح بالمظلة ، والمسكينة اقتنعت بالفكرة وصعدت السطح ولكنها عندما رأت بعد المسافة فزعت وترددت ونحن نشجعها من الأسفل وأحيناً نقول لها يا جبانة ... المهم كان التردد لعدة دقائق فيه خير ، إذ ونحن في هذه المعمعة دخل علينا أبي وأمي وقد وصلا من السوق ...
طبعاً أكلنا يللي فيه النصيب :cry:
كانت البنت راحت برندة :D

هلا اخوك هو الشرير e: لزقها فيه بقا :lol: المسكينة كادت تروح ضحية ارهاب

نسييييييييتو دكايا تو دوروكييييييي***سيارتي اقودها يا رجال ...* :mrgreen:
وانا انا امينة صديقة الصغار ...فستاني جميل قبعتي اجمل :lol:

شفتي شفتي؟؟ أخوه الشرير بس هو لااااااا

شفتي يا دكتورة في عالم فينا نعرفهم شريرين من ال cherriremie عندهم ونبقى مناخد حذرنا منهم هيك

وفي عالم نشوف عندهم ال charchabilemie وكمان نتبع الخطوات اللي تبعدنا عنهم

الحمدلله عسلامتها.. انكتب لها عمر جديد!! :lol:

انتي اقرب خذي العينات تبع الدم و ابعثيها اعمللها تحليل :mrgreen: وانا عارفة النتيجة من الان :mrgreen:

السلام عليكم
شو رأيكم بما أن الموضوع تفاعل نعمل مواضيع على هذه الشاكلة مثل ما أطيب شوكولا تذوقته في طفولتك ؟؟؟
أنا عندي كيندر

down

ماأجمل أيام الطفوله .................... والمغامرات .... أذكر يوم نجيب الفطور الساعه تسعه .. تقول امي روحوا قوموا أخوانكم .. ونقومهم يله يله أرها دندن .... وإذا كان ..نومه ثقيل مايقوم لين يسمع صوت أفلام كارتون.. التي تسبق المغامره ... الله حكايات لاتنسى ..حكايات عالميه ..جمالها أنها مشاهدة بالتلفزيون مع الناس وليس بالفيديو... مغامرات الغابه.. والهداف وهايدي ... الله .. حتى الجبن والزيتون يوميها !! أصلي...!!

وريحة الشناط قبل المدرسه وريحة الكتب الجديده ياربيييييييييييييييي !!!! جميله بتعاسة أول ليله نوم قبل المدرسه.... والحط والنط..........

الرجل الأخضر..عدنان ولينا قرنديزر والصور اللي يبعونها الحجات يوم تفين الله لذة ننتظر صلاة العصر لنجرب حظنا بلعب الصور .....

ياسلام سلمّ


أختكم :::: القصواء :::::::::

من دعاة الحب والصفاء