هيدا عن جدا مش طلب مني بل من والدتي ....هي تبحث عن وصفات لتحضير الحلويات والمأكولات الشرقية التقليدية في المشرق مثلا البقلاوة ..كول واشكور ..التبولة .... يعني بعض الحلويات والمأكولات التقليدية والمشهورة لحتى تجربها هنا ... لذا بدي من البنات المنتدى يبعثولي شيء طرق تحضير على الاميل الخاص وبارك الله فيهم ...***مش يمكن احتاجها انا كمان ;) ;) **

من شان التبولة لازم يكون في برغل ... وهيدا غير متوفر عندكم ... يعني مش رح تزبط مهما حاولتي.

أما بالنسبة للحلويات فهناك صعوبة في تحضيرها بالمنزل ... خاصة الحلويات التي ذكرتي.

فهي تحتاج إلى أفران متخصصة على ما أظن ورقائق غير متوفرة في السوبرماركت كما أن هناك سر المهنة وهذا لا يعطيه الحلونجي لأحد :( يقول انه سر المهنة ....

شو بدكم بهالعذاب (شراية العبد ولا تربايتو)

بخصوص البرغل اعتقد انو موجود لكن يمكن عندو تسمية ثانية
اما بخصوص الحلوى ليش انتو ما بتصنعوا حلويات ببيوتكم ؟؟؟ البقلاوة مثلا :o :o

البرغل غير موجود في المغرب العربي كله ... لأنني عشت هناك وكنا نعاني من هذه المسألة.

أما البقلاوة والكنافة وما شابه فهذه فقط عند الحلونجي .... ومن الصعوبة صنعها في البيت لعدم توفر موادها الأولية لكل الناس ... ولكثرة وتشعب احتياجاتها.

بس انا ذقت البقلاوة تبعكم :lol: :lol: ونحنا هون نصنعها بسهولة بالبيت بس لازم يكون فيه الة بسيطة خصيصا لصنع الرقائق لا يتعدى ثمنها 20 دولار
بخصوص البرغل نحنا عندنا شيء اسمو البرغل بيكون مثل السميد ويصنع يدويا لكن بيكون سميك شوي وبشكل كرات صغيرة ولونو مايل للسمرة ما بعرف اذا كان هو فعلا

هيدا هو

بس لازم يكون ناعم

لأنو في صنف خشن وصنف ناعم

الصنف الناعم يستخدم في الكبة النية والتبولة
والصنف الخسن بالمجدرة وبرغل على دجاج (مع أن الدجاج يكون فوق البرغل) :?

ماشاء الله ست عفوا **رجل بيت ....تعال افتح مطعم للاكلات اللبنانية عندنا وبضمنلك الزبائن :lol: :lol: ههههه

السلام عليكم ورحمة الله وبركاته

اختي الكريمة ميشان الحلويات العربية فما انصحك ان تاكليها لانها تؤدي الى ارتفاع في الشحوم الثلاثية (triglycerides) بس اكيد على المدى البعيد فانها ستؤدي الى انسداد جدار الشرايين ما يؤدي الى تصلب الشرايين وممكن ان يؤدي ايضا الى infarctus للقلب او اي عضو اخر

اما بالنسبة للتبولة فانصحك باكلها ولا تنسي ان تضيفي لها الزيت لان ال Vitamin A
لا يمتصه الجسم الا بـmilieu lipidique

وبالنسبة للبرغل اذا كان عندكم شيء اسمه قمح فيعني انكم تستطيعون تحضير البرغل بسهولة وذلك عبر ما يسمى بعملية (جرش) البرغل والعملية ليست معقدة

اولا يسلق القمح على درجة حرارة عالية
ثانيا يوضع القمح في الهواء الطلق بشكل مبعثر ليجفف جيدا ولنتجنب تلفه
ثالثا يجرش البرغل ويعرض ايضا للهواء الطلق لايام عدة ليجفف ويصبح صالحا للتخزين

ابعد الله عنا وعنكم السوء

والسلام عليكم
اخوكم ومحبكم ابو مجاهد

يه يه يه اولا انا لست من محبي الحلويات وما بحب السكر كثير انا بحب المالح :lol:
هذا الطلب للوالدة يعني طبعا الحلويات لازمة لضيوف لفرح لخطوبة هيك شيء وحتى للبيت

اي في قول طبي يقول :
( قبل وبعد الاربعين احذر الابيضين ) اي الملح والسكر

حتى وان كنت بتحبي الملح وبتستخدميه اكثر من السكر فان الملح يساهم في ارتفاع ضغط الدم وهذا ما يؤدي ايضا الى تصلب الشرايين وبالتالي الى جلطة


عافانا الله واياكم منها

السلام عليكم،
حرام ما في صبايا يجاوبوا على الأكل. هل تذكرون التحدي من شي شهرين عندما فشلت كل الصبايا في الرد.

يمكنك ان تصنعي في البيت
* بعض انواع البقلاوة (لفة القاضي، البرمة، البلورية، رقائق بالفستق...)
* البصمة (العثملية)
* الكنافة
* المعمول
* المفروكة
* الكربوج
* زنود الست
* ورد الشام

انا لو كان عندي وقت كنت كتبتلك كيف تصنعيها ولكن إن شاء الله تتحمس الصبايا او اكتب لاختي ان تخبرك كيف :) او اكتب لك انا ولكن بعد ان انتهي

بالنسبة للاكل، يمكنكم ان تحضروا معظم الأكل اللبناني والآن هناك برغل على ما اظن في المغرب لانه في كندا معظم هذه المواد تستورد من المغرب. يجب ان تبحثي في المحلات الكبرى وستجدينه. كان عندي موقع عن الاكل ولكنني نسيته
سابحث لك عنه إن شاء الله

شو اخ مجاهد يظهر انك ناوي تقطع علي الاكل كلو :( :( صحيح الملح يضر بس شو بدي اعمل
نحنا بيقولوا عنا الشخص الي بيستهلك الملح كثير يبقى شخص صعب وشخصيتو صعب التعامل معها
اخ بلال بارك الله فيك هو حضرتك وين بيحطوك تجي واقف ؟؟؟ يعني حتى بالطبخ يظهر انو الغربة بتعلم كثير :lol:

اظن يمكنك ان تصنعي التبولة بالكوسكوس عوضاً عن البرغل؟؟؟

بعدين المعذرة اخت وداد اذا نحن ما ردينا على الموضوع الى الآن
و هو اني الآن شفت الموضوع

ثانياً.. بالنسبة للحلو.. لا اظنه يلام من لا يحب الحلو من الاساس صح؟
يعني كيف بدنا نكون منعرف نطبخ شي ما منحبه؟

نحن ما مناكل حلو الا بالعيدين و برمضان... حلو عربي

و بعدين اسمعي كلام ابو مجاهد ، معه حق

اظن يمكنك ان تصنعي التبولة بالكوسكوس عوضاً عن البرغل؟؟؟

إياك أن تفعليها ... مرة جربناها بليبيا وطلعت منا طيبة أبداً ... طعمة السميد تختلف تماماً عن طعنة البرغل ... بعدين شو صاير عليكم ، أعملي بنصيحة أبو مجاهد واجرشي برغل على السطح :lol: .


( قبل وبعد الاربعين احذر الابيضين ) اي الملح والسكر

حلوة هالخبرية ههههههه .... مين قلك يا شاطر أنو الدكتورة وداد صارت فوق الأربعين :lol:

طعنة؟؟

بعدين.. هو قال لك: قبل و بعد الاربعين

يعني انت بس انتبهت لكمة "بعد" الاربعين

يعني قصده في كل الاعمار


يعني يمكن انتو اشطر منا بالطبخ
بس ما حدا اشطر منا بالحكي

شوووووووووو؟؟؟؟؟؟؟!!!!!!!!

يظهر أنو في تحالف كبير ؟؟؟!!!!

الله يديم الوفق ... :D مع أني أستبعد

يا ستي قبل وبعد الأربعين مفادها أن الرقم يبدأ من 35 وحتى 45

والله أعلم.

نازلين حكي والطلب ناسيينو :D
بعدين هو قال قبل وبعد الاربعين ...اليوم ما رح اكل لا حلو ولا مالح معدتي عاملة في العمايل :cry: :cry:
بعدين انا ما بعرف اجرش ولا رح اجرش الله يخليلي الماما ويخليلنا السوبر ماركت عجبكم ؟؟؟ :P

لا تواخذينا وداد

يعني ما حدا أفادني بالموضوع :( :cry: طيب خير ....

التبولة

المقادير:

نصف كأس برغل ويمكن تقليل الكمية
حزمتين بقدونس
حزمة نعناع
3 حبات بصل أخضر ( او بصلة صغيرة عادية)
حبة طماطم كبيرة
6 ملاعق طعام عصير ليمون حامض
4 ملاعق طعام زيت زيتون
ملح
خس للزينة (حسب الرغبة)


الطريقة:

* ينقع البرغل في ماء ساخن لمدة ساعتين تقريباً، ثم يصفى ويترك جانباً. ( و لكن نحن نغسله فقط و نضيفه مباشرة )
*يفرم كلاً من البقدونس والنعناع والبصل فرماً ناعماً .
* تقطع الطاطم مكعبات صغيرة وتضاف للبصل والنعناع
والبقدونس.
*يضاف البرغل وعصير الليمون والزيت والملح وتخلط
السلطة جيداً .
*وتوضع على صحن مغطى بأوراق الخس وتزين بشرائح
الليمون وتقدم.

http://www.lakii.com/cookportal/images/cookimages/tabuleh.jpg

البرغل..مشتقة من كلمة عامية و هي ( بَرغَلَ) أي دوّر....

و بالفعل فلقد عرفت بلاد الشام الجاروشة التي تدور فيها حبات القمح و تجرش فتصبح برغلاً....

أما التبولة من (تـَبـَـلَ) أي خلط

و هي مكونة من:

- بقدونس مفروم ناعم
- خيار مقطع صغير
- بصل أخضر
- بندورة مفرومة
- زيت زيتون
- حامض
تخلط جميعها و يضاف الملح حسب الرغبة...و تؤكل بأوراق الخس بدل من الملعقة

و صحتين...

أما البقلاوة و كول شكور...فهي من اختصاص الحلونجيين.... :P

بارك الله فيكم

بإمكانك أن تضيفي إلاى التبولة السماق ... يعطيها نكهة غير شكل.
بعدين كذلك فينا ناكلها بورق العنب الأخضر.