يا شيعة علي
يا دم تحدى السيف...
وحمل روحه اعله جفه
وكصد مشـــــــــايه
ما هاب المهالك
داس راس الموت...
جن عباس هذا
وحامل الرايــه
من ذاك الوكت
دم ننزف ومنموت
حملنه حسين
معنى
ومنتهى الغايه
دوار اللؤلؤه
ينزف ...
علم مرفوع
يعانق كربله
ودموعه جرايــــــه
يكلهه ..
الدم يسيل
وعز نصير اليوم
وهذا الطف اشوفه
بدمه وبمايـــــــــــــه
مسبيه الاماني
وقيداه الموت
بحبال المنايه
وعين بجايـــــــــــــــــــه
يا بحرين اهلنه
وللمنامه انصير
من بغداد ...
جسر انمد فدايــــــــــــه
ولو عز الطريق
وكطعوا الصوبين
هذه ارواحنه
من الشوك عنايه
شيعه احنه وامس
علمنه درب حسين
لو مات الكلام
انقدم دمايـــــــــــه
واذا ما وفه دمنه
وظل عطش بالكاع
هاذي اطفالنه
للكاع وفايــــــــــه
امس ثارت مصر
يدمعهه شرق
وغرب
بس شيعة علي
من اتثور خطايـــه؟؟؟!!

________________________________
حسين زايد البديري

http://www.hewarona.com/vb/showthread.php?t=11963&page=5


هدية للشاعر المتبحرن ؟!!