ليش مذيعاتنا دائما عندون نفس الأسئلة؟؟

ليش كل الشعب حفظان شو هي الأسئلة؟؟

ليش ما بتتغير هالأسئلة؟؟



يعني المذيعة بتروح على شي حديقة أو شي مطرح متجمعين فيه الأولاد الصغار بالعيد.....وبتبلش بالأسئلة الفذة ....:

• اشتريت لبس جديد على العيد حبيبي؟؟؟ يعني شو بتتوقع يقولها؟؟

لأ...ما اشتريت لبس جديد....هادول سرقة من على حبل الغسيل تبع الجيران

ولا ولا بتتوقع يقولها...أخدت لبس أخي الكبير تبع السنة الماضية ولبستو...؟؟

طيب بركي فعلا كان في ولد هيك وضعو....ليش حتى تسألو وتكسرلوا نفسيتو قدام بقية الأولاد

• شو بتشتري بالعيد...شوكولاته وأكلات طيبة؟؟

لا والله...على العيد بشتري 10 غرام حشيش...وبنقعد نصطهج فيهون أنا ورفقاتي.....وبعدين بنأرجل....وبناخدلنا كاسين ....

يعني الولد الصغير شو بيحب يشتري وياكل؟؟مجدرة ولا عدس بحامض؟؟

• شو بتعمل بالعيد احكيلنا حبيبي....بتلعب بالمراجيح؟؟

لأ أبدا...ما بقرب صوب المراجيح....

بالعيد بروح بلعب مصارعة رومانية...وشوية تايكواندو....

• بتلعب مع أصحابك بالعيد؟؟

أعوذ بالله...شو مع أصحابي...أبدا...بنزل بلعب مع شوفيرية التكاسي والزعران...

• احكيلنا ...وين بتروحوا بالعيد إنت ورفقاتك... حبيبي....؟

ما بدها سؤال...على الكباريه...لترين عرق.... 4 رقاصات .....2 على اليمين و2على اليسار....



طيب مذيعاتنا المهمات...ما عم يلاحظوا كيف الولد عم يتلعثم...وعم يتلبك...وماعم يعرف يحكي...ومالو رايد يحكي....وبلشت تشط ريالتو من العبطة...وما عم يطلع صوتو....وما عبيحكي شي....؟؟؟

هالمذيعة الحنونة هاي....ما عم يطلع من خاطرها تترك الولد بحالو؟؟

ما عم تلاحظ إنو الولد ما بدو يحكي....؟؟

لك اتركيه بحالو

ما بيمشي الحال من دون السؤال الخامس؟؟
بعد فيه سؤال ما كتبتو
* بتحب الماما والبابا؟؟؟ شو بتقول لهم بمناسبة العيد؟؟

السلام عليكم،
هذا يبقى افضل من إحدى المذيعات اللبنانيات الفالحات التي رأيتها من حوالي 10 سنوات ربما.
كانت تسأل احد الأطفال عن تجربتها مع رفيقته وهي تقصد طبعاً ان توعيه للعلاقات الغرامية

قالت له: مين بتحب؟
رد عليها: بحب الماما

قالت له: عقلك بشو مشغول؟
رد عليها: بالدرس

قالت له: شو اهم شي عندك؟
رد عليها: انو حب الله (الطفل ليس مسلماً)

قالت له: شو بتحتب تعمل اول ما توصل على الملعب بالفرصة؟
رد عليها: اكول التارتين :)


يعني اغلق عليها كل جوانب الفتنة بدون وعي :)

هه هه هه
حسبي الله ونعم الوكيل
آكول التارتين!!!!