إليكم هذا الرابط :


http://www.d-sunnah.net/forum/showthread.php?s=&threadid=11141

ماشاء الله موضوع شي غير شكل....يغزي العين يعني......الله يفتح عليك اكتر و اكتر........اي هيك اوعا تنسا تنقل ما تسميه" فضائح" اخوانك المسلمين....يا سبحان الله.........عذرا على الأسلوب بس بجد شي بخجل....."فنحمد الله عز وجل أن يسر لنا في هذا المنتدى المبارك بدأ الحملة المباركة في فضح المخالفين للقرآن والسنة المطهرة من رافضة وصوفية وغيرهم من الزنادقة الذين يخالفون العقل والنقل ويأتون بأقوال وأفعال مخالفة لما جاء به الدين الحنيف"
"والتصوف هو الطريق إلى التشيع الذي هو سلم الرفض ومن ثم الإقرار بالتزندق والإلحاد ـ والعياذ بالله ـ ."
اي هيك امرنا الإسلام انو نحكي عن بعض و نشبه فرقه مسلمه تؤمن بالله و تتبع نهج الرسول بالزنادقه بارك الله بهيك منتديات........وعلى فكره ما بعرف ازا سامع هالمعلومه كمان انو السيد الرفاعي عندما ذهب لأداء فريضه الحج قال مخاطبا الرسول عليه افضل الصلاه و السلام:

على البعد روحي كنت ارسلها*****تقبل الأرض عني و هي نائبتي
وهذه دوله الأشباح قد حضرت****فامدد يمينك كي تحظى بها شفتي
يا روح روحي و روح الناس كلهم

كمان هاي حادثه منقوله انو الرسول عليه السلام مد يده الشريفه من قبره و قبلها الرفاعي امام الحجاج هاي فضيحه كمان قابله للنشر.... بس والله ما متأكده ازا السيد الرفاعي صوفي اما لأ و ما بعرف ازا فعلا في اي مذهب بالعالم كلو مفروض الإنسان يتبعو....لأنو كل اهل مذهب بكفروا اهل المذهب التاني.. والله صرنا بزمن فعلا القابض على دينه كالقابض على جمر..اي سوره بالقران امرتنا نتبع عورات الناس؟؟؟ اي حديث امرنا فيه الرسول نكفر بعض و نشبه اخوانا المسلمين بالزنادقه؟؟؟؟؟؟؟؟؟؟؟؟؟؟؟لك يا الله لمتى هيك رح نبقى؟؟ والله العظيم احيانا بقول الشيعه احسن منا ب 1500 مره لك على الأقل ما بيحكوا على بعض هو اكيد تحسبهم جميعا و قلوبهم شتى بس على الأقل ادام العالم ايد وحده بجد وضعنا بحزن كتييييييييييير والله العظيم مفروض نبكي على حالنا دم مو دموع...لك هني عندون شيوخون و اامتون شي مقدس...نحن بس شاطرين ننتقد و نعيب و نحكي ماشاء الله هيك رح ندخل على الجنه ركد..مافي غير الصوفيه بيحكوا على السلفيه و السلفيه يغزي العين كمان ما بقصروا.. ويلا....بعتذر من الجميع على اسلوبي و بعتذر منك خاصه اخ هديب الشام بس فعلا كتييييييييير زودناها.......بس يا ريت نصير ايد وحده و ازا حدا سألنا من اي فرقه انتو نقلو نحن مسلمين على مله سيدنا ابراهيم عليه السلام....حلم يا ريت يصير حقيقه بس بدنا نشتغل بحالنا اول شي و بدنا نشتغل شي كتييييير........الله يثبتنا على طريق الحق......و برجع و بقلكم اني اسفه كتير على اسلوبي....:( :( :(

السلام عليكم
أنا لم أقرأ الموضوع ولكن رد مجاهدة أعجبني

يا شباب ويا صبايا

لا تردوا على العنف بأعنف

أنا لا أحب بدع الصوفية و أقر ان الكلام عنهم صحيح ولكن كونوا ربانيين في كلامكم

تواضعوا للعلم وادعوا إلى الحق

يا مجاهدة ما تعصبي لانك قد تري ما هو أقبح من هذا عند الطرفين والحمد لله ما في عند الصوفية كتثر متعلمين يجب على احترامهم :)

ماشاء الله.......بس بعتقد انو نحن كونا متعلمين و مثقفين قال يعني مفروض يكون تفكيرا غير هيك نهائيا.....هلأ بدي افهم شو رح يستفيد كل سلفي من الحكي على الصوفيه و شو رح يستفيد كل صوفي بالحكي على السلف؟؟؟ و اخ بلال صدقني طالما انك انت المتعلم و المثقف بتفكر هيك و عم تحاكم العالم و بتبني احترامك لإلون على حسب المذهب فبقلك شو ما عملو الأميين ما مفروض نحكي......ازا انا و انت رح نقول رح نحترم هالشخص لكونو سلفي او اشعري او صوفي او شو ما كان يكون رح يجي يوم من الإيام حدا ما يحترمنا لكونا منقول لا إله إلا الله..........على كل حال يمكن الموضوع ما عنالك بس انا هيك مواضيع بتعنيلي و ما بكون عم اكتب او عم قول قاصده اني دافع عن اي فرقه او لحتى ضحك حدا او سلي لا بس الوضوع صار بخوف اليوم كل اهل مذهب بيحكوا عن اهل المذهب التاني بكرا الله اعلم شو بيصير و عن مين منصير منحكي...........

السلام عليكم
شكراً لك على هذه النصيحة يا مجاهدة :)
واعتذر من الإخوة إن بدر مني أمر غير مقبول

لكن والحق يقال أنني عندما أقصد الصوفية لا أقصد المسلمين الذين ينتسبون إلى الصوفية فقط بل أقصد كل الصوفية سواء البوذية، التيبيتية، اليهود، الهنود، الداليين، ...

على كل أنا سوف أحدد لاحقاً من أقصد :)

تكرمي

الأخت الكريمة مجاهدة

الصوفية أقسام ، فيه منهم المغالي الذي ترتبط بأفكاره مثل هذه الوثائق ، وهناك من عنده دروشة لكن لا يتقبل مثل هذا الكلام.

والكلام هنا في غلاة الصوفية الذين لا يختلفون في الضلال عن الشيعة شيء ، القضية ليست قضية كلام مسلم في مسلم ، نحن لا نرضى بالكلام السيء على مسلم ، أما المشرك أو المغالي الذي اقترب كثيراً إلى الشرك والكفر بالله فعلينا واجب التعليم والإغلاظ بالكلام معه ، وهذا هو هدي رسول الله ، كان يغلظ بالكلام على المخطئ أحياناً لأنه يستحق الإغلاظ في هذا الموضع ، وينبهه أحياناً إلى خطأه بهدوء وحنية حينما يكون ذلك الأنسب.

الصوفية أقسام ، فيه منهم المغالي الذي ترتبط بأفكاره مثل هذه الوثائق ، وهناك من عنده دروشة لكن لا يتقبل مثل هذا الكلام يعني مافي واحد فيون خلق و عالم......سبحان الله شدتني مناقشه شخصين عن اختلاف المذاهب و عن كيف كل مذهب بيختلف عن الأخر و بلشت اقرأ عن المذاهب اللي غير مذهبي اللي هو الحنفي و بصراحه استفدت كتيييير و لقيت انو الإمه الأربعه كل واحد بيحترم التاني اكتر..و احيانا بيستشده على اقوالو بقول لأحد الأمه الباقين..فقلت لحالي الفرق اكيد نفس الشي يعني الكل رح يتساعد لحتى يبين للناس شو الصح و شو الغلط و محد رح يغلط على حدا بس انصدمت لمه من فتره اعطاني احد الأشخاص رابط عن الفرق و فعلا صعقت بس صرت اقرأ عنون ... ليش؟؟ لأنو لو في واحد بفكر صح ما كان حكا عن اخوانو من الفرق الأخرى....بس اللي فعلا لاحظتوا انو كل فرقه بدها تبين حالها الصح و انو التانين غلط...وحتى هالشي عم يوصل لتكفير الفرقه المختلفه عنهم.....وهالشي صار بالمنتدى هون بينا نحن و شوفوا نحنا ادي إلال...انو بعض اشخاص متعصبين للفرقه للي بيتبعوها ما اختلفنا يتعصبوا اد ما بدون بس انو يوصل هالشي لتكفير و تلقيب اهل الفرقه التانيه بكلام ما حلو بجد هالشي غلط و بيأهر...يعني قليل كتييييير لتلاقي صوفين بيتقبلو انو يحضروا مثلا درس لشيخ سلفي و السلف نفس الشي انو لا يا با نحن شو و هني شو......اللهم سلم...والله يا اخواني انو نحن بحاجه لكل درس لكل عظه لكل كلمه من اي شيخ.....خلونا نحضر دروس لأي شيخ وناخد بس اللي بيعجبنا و منقتنع فيه و منحسوا ما بيتضارب مع قوله تعالى و ما سمعنا عن رسولنا الكريم......ليش رح نبقى هيك؟؟ هاي الفرقه شو عملت و هذا الشيخ حكا و التاني مدري شو عمل و التالت و الرابع و الخامس لإمتى رح نبقى هيك؟؟؟ انا هيك مواضيع بكره شارك فيها لأنو بعرف اسلوبي كتير بيكون غلط بس بحس حالي اني لازم شارك.....فإن شاء الله الجميع بيسامحني يا رب..........

أختي مجاهدة

طولي بالك

أولاً: أنا لا أدافع عن ذاك المنتدى ، فرأيي فيه معروف وقد نصحت صاحبه في تغيير أسلوب المنتدى ولذلك أنا لا أشارك فيه لأني أؤمن بأنّ السباب والشتائم واللعن ليس من هدي الاسلام.

ثانياً: أنتِ يا مجاهدة ما فهمتي علي ... أنا أقول إذا كان الخلاف أو الكلام مع جماعات اسلامية المفروض مهما وصل الخلاف نتفهم بعض ويكون بالنا طويل ونحب بعضنا البعض ، لكن إذا كان الخلاف حول قضايا عقائدية وأناس يدخلون في الإسلام ما ليس فيه ويتلاعبون في دين الله ، فكيف نسكت عنهم أو نتساهل معاهم؟
لا بد من كشفهم وفضحهم أمام الناس حتى لا يغتروا بهم.

ثالثاً: فرقي يا أختي بين المذاهب الأربعة والاختلافات الفقهية وبين أناس يعبثون بعقائد المسلمين.

الحنفي على راسي وأنا شافعي اسماً حالياً لكني في بداية دراسة المذهب الشافعي ، والمالكي حبيب ألبي والحنبلي صديقي ، مش هيدي المشكلة.
المشكلة في غلاة الصوفية الذين يدخلون عقائد خبيثة في الإسلام باسم حب الرسول عليه الصلاة والسلام ، بعضهم ينسب لنفسه أنه يخلق باذن الله ، والثاني يدّعي أنه يتلقى من رسول الله مباشرة !

المذاهب الأربعة شيء ، وهؤلاء المجرمون شيء آخر ، لا تخلطي بين الأثنين.

بتشكرك اخي محب للتوضيح.......و بحيك على عدم مشاركتك بهيك منتدى.........بس انا بعرف شو الفرق بين المذاهب الأربعه و هول الفرق...بس قصدت انو مع عظمه الأإمه الأربعه و انو كل إمام فيهم اجتهد لحتى قدر يوصلنا المعلومات اللي نحن هلأ عم نتسخدمها بحياتنا اليوميه من خلال اتباعنا لمذهب معين بس ولا مره صار موقف بين اي واحد فيهم...صح؟؟ انو الإمام ابو حنيفه ولا مره غلط او كزب الإمام الشافعي......او مثلا قال لا يا جماعه الإمام الشافعي غلط...هدول اللي قاموا على المذاهب الأربعه هيك اخلاقون فكان قصدي انو مفروض كمان اللي عم يقولوا انو هني بدون يدعوا الناس لفرق على الأقل اخلاقون لازم تكون هيك و يحبوا بعض و بالعكس يتساعدوا مو يكرهوا العالم ببعض.....عرفت شو قصدت؟؟؟

السلام عليكم
قد عند المدخل :وثيقة0
ولكنها لم تكن كذلك0
انها منقولة من كتاب 0
وتحياتي لك ست ( مجاهدة)0
واهنئك على فكرتك0 ولكن000
لا بد من اتباع الشرع في تمني توحد المسلمين0
فهناك من ينتسب الى الاسلام, والاسلام منه براء,فوجب التنبيه0
وهناك ما ينسب الى الاسلام وهو منه براء فوجب التنبيه والتحذير ايضا"0
وانت اذ تنوهين على ضرورة توحيد المسلمين وتشيرين الى ذلك وتتمنينه
فانا اشجعك واضم صوتي الى صوتك ولكن 000 كيف يتحقق ذلك

اخي احمد انا معك انو في كتير ناس ينتمون للإسلام و الإسلام منهم بريئ بس لمه نحن بدنا نصلح هالفرقه او هالمجموعه بدو يكون اسلوبنا معهم اسلوب صح....يعني بالرفق مو انو نروح نفتش على فضائحهم و الأشياء الغلط عندون و ننشرها بين الناس صح؟؟ انا هيك قناعتي..و سألتني كيف تتم توحيد كلمه المسلمين يااخي ازا كل مسلم طبق احبب لأخيك ما تحب لنفسك فصدقني منصير امه غير شكل...بس نحن منتبع اللهم نفسي نفسي.....و بس شفنا خطأ على حدا منبلش نحكي و نحكي و نحكي اسأل الله ان يعفوا عنا و ان يهدينا لما هو خير لديننا و دنيانا...

ملاحظة نبهني عليها أحد الأخوة الكرام ، وهي أني حينما أنتقد أسلوب منتدى ما فإنّ ذلك لا يعني الطعن في القائمين عليه (حاشا لله):

فبعض أصدقائي مشرفي منتديات ، منها منتديات مشهورة كالفوائد وانا المسلم وغيرها ، ويتقبلون مني النقد الصريح لمنتداهم وهم يعلمون أنّ الحب للإخوان شيء والرأي الشخصي في المنتديات شيء آخر.

الأخ الكريم السعدي القائم على منتدى الدفاع عن السنة أخ كريم ، التقيت به شخصياً في الكويت ، وهو أخ فاضل وطيب جداً.

ورغم قِصر فترة لقاءي به إلا أننا تآخينا في الله ، فلا يُفهم من كلامي أي تقليل من شأن القائمين على هذا المنتدى ، لا تقليلاً من شأن هذا الأخ المجاهد بكلمته وبوقته وبماله ولا بجهود إخوانه من الذابين عن أعراض أصحاب النبي صلى الله عليه وآله وسلم ، فهم أخوة كرام نواليهم ونحبهم.

لكن كلامي كان عن أسلوب الحوار في المنتدى ، ولعل هذا القصور الذي نرى كدعاة أنه مخالف للإسلام هو من بعض أعضاء ذلك المنتدى.

وربما الأخ السعدي وغيره من المشرفين هناك لا يحبون إحراج أحد من الأعضاء في المنتدى لتغيير أسلوبه وعدم الإساءة للمنتدى بهذه الصورة ، وهذا ما لمسته من خلال تعرفي على الأخ السعدي الذي بدى متفهماً لهذا الموضوع بشكل كبير.

هذا للتنويه ..

نقد المنتدى شيء والكلام في القائمين عليه شيء آخر ، ومعاذ الله أن يكون من خلقي التكلم عن إخواني بسوء.

وعلى العموم ، هذا الكلام ساري على منتدى آل البيت :) .. صدري رحب لأي انتقادات إن شاء الله.

الحق أحق أن يقال يا أخي محب

ليس بالضرورة أن تعرف شخصاً حتى يكون بريئاً.

المشكلة بالمنتدى الذي ذكرت هو المشرف العام السعدي نفسه وأسلوبه الذي يطلق العنان للسفيه ويلقي التهم على أصحاب العقل والهدوء... وأعتقد أنها الحقيقة وأكيد لن تطلب مني أدلة لأنني لن أبعثها لك على البريد بل سأنشرها هنا إذا أحببت ... وخليها فضيحة ما رأيك؟؟؟؟

عندما يسكت المشرف يا عزيزي عن سفالة وحقارة بعض المشاركين الذين صدر منهم بحقي وبحق هلال كلاماً لا يليق بمسلم أولا ولا بمحاور ثانيا ولا بمنتدى يدعي دفاعه عن السنة، وبعد أن تأكدوا جميعاً أننا لسنا شيعة وحتى لو كنا شيعة لا يجوز التفوه بهذا الكلام ... لم يكتفي المشرف العام السعدي بالسكوت بل برر لهذا السفيه سفاهته ... ما رأيك بهذا يا حبي هل تريد أكثر ؟؟؟؟

ما رأيك أن يقول لك أحد الأعضاء هنا أسكت يا ابن ..... كلمة تطعن بشرف الأم وبررت أنا موقفه هذا تبريرا كاذبا ... يعني أنا كذبت عليك لأبرر لذاك الشخص ما قاله ، وهذه لم تكرر مرتين بل أكثر من عشر مرات وبحق كثيرين.

يعني يا سيدي كذب + جهل + سكوت عن الحق ... ماذا تريد أكثر من هذا؟؟؟؟

لا تنسى : مثلما تكونوا يولى عليكم ... والسفاهة التي يتمتع بها الناشطون في ذاك المنتدى هي ترجمة لأخلاقهم وفكرهم المشوش وهي ترجمة لكل المشرفين ومن دون استثناء.

والساكت عن الحق شيطان أخرس.

والله يا أخي فخر

لا أنا ولا كل مسلم يعرف الله ورسوله يرضى بأن يقال فيك أو في هلال كلام مثل هذا النوع -عياذاً بالله-.

لكن من خلال كلامي مع الأخ السعدي حيث طرحت له كل ما في خاطرك من أمور ، ومن بينها إعطاء فرصة للبعض للكلام في أعراض المخالفين ، بيّن لي بأنه لا يرضى بذلك ، وأنه ينبه بنصائح خاصة بعض هؤلاء الجهلة وقليلي الحياء ، فالرجل لا يرضى بمثل هذه الأمور وينصح المخطئين بالسر ( وإن كان الشرع يقول بأنّ المنكر المعلن ينكر على العلن).

أما إذا كان عندك إثبات أنّ الأخ السعدي أو غيره من الأخوة يرتضي مثل هذا الكلام في إخوانه أو يساهم في ذلك فحينئذ الصورة تتغير.

وبصراحة فاجأتني جداً بقولك أنّ الأخ السعدي قد برر كلام من قذفك.

من خلال مقابلتي للرجل لا أتصور أنّ مثله ممكن يرتضي ذلك ، فهل أنت متأكد؟!

لا يجوز قذف السني ولا الشيعي ولا اليهودي ولا النصراني ولا البوذي حتى بالزنا دون بينة.

والمسألة قبل أن تكون مسألة حلال وحرام فهي مسألة أخلاق قبل كل شيء.

أما رأيي في المنتدى فكما قلت ولا زلت أقول: أرى أنه لا يمثل منهج الإسلام في الحوار ، وفيه مخالفات شرعية واضحة المعالم كمثل قذف المخالفين والسباب والشتائم.

وأنا قصدّت التفريق بين الكلام عن بعض الأخوة الذين عرفنا عنهم الخير وبين المنتدى الذي جمع بين الخير والشر ، وشره أكثر من نفعه.

كل المشاركين في المنتدى شافوا وقرأوا وبإمكانك سؤال سعد الحمد...

لا حول ولا قوة الا بالله.

ما أدري ايش أقولك بصراحة