السلام عليكم ورحمةالله وبركاته





كنت اتمنى ان الاخت الفاضلة دهن العود هى تساعدنى بدلا من ان اعرض الامر هكذابس تقريبامشغولة وكمان الرسايل الخاصة مش مفعلة فقلت اسالكم وامرى لله



فى اول الاجازة سالت احد المشايخ فقال اسالى خبراء يعنى حد ربى عيال قبل كدا
فسالت احدى اخواتى الغاليات من العراق عندها ولد وبنت ونصحتنى عدة نصائح استفدت منها فجزاها الله كل خير



هوالدرس3ايام اسبوعيا لحفظ القران جديد وماضى يعنى درس جديد لم يحفظ من قبل وسورة ماضى
ويوم رابع نراجع فيه ما حفظ فى الماضى والجديدعشان مينسوش
وفى اليوم دا بناخد درس قسمته 3 اجزاء


جزء شعارات
عبارة عن 3 شعارات مطلوب تطبيقهم هذا الاسبوع
الشعار الاول اية كقوله تعالى "انما المؤمنون اخوة"
الشعار الثانى حديث كحديث (اذا شرب احدكم فلا يتنفس فى الاناء)
والشعار الثالث قول ماثور او فائدة
وبشرحلهم كل شعار وامثلة من واقعهم هما كصغار



جزء تانى
عبارة عن تذكرة وهذا استفدت فيه من كلام اختى الغالية سالتها علمهم ايه؟ قالت عن النعم وبر الوالدين وماالى ذلك فدرستهم عن الحب فى الله والنعم وفائدة الوقت واقوال عن الدنيا ومن حيث المعاملة اخدوا درس من حسن اسلام المرءتركه مالايعنيه ومن حيث العقيدة اخدوا درس ماهى كلمة التوحيد وما معناها وماشروطها
بكتب اية اوحديث او عنوان والشرح تحته



الجزء الثالث
بيكون درس كبير شوية كنا فى اول الاجازة ناخده مرة درس عن الغناء او الحجاب ومرة تجويد بس استمرينا تجويد لان الوقت مش بيكفى يدوب اخدوا اسماء الغناء واحكام النون الساكنة والتنوين والنون والميم المشددتين


فات سبع اسابيع عالنظام دا والحمدلله عملتلهم امتحان شامل الاسبوع دا وكانت النتيجة طيبة


القران تقريباخلصت مراجعته ماضى وحاضر باقى بس قليل جدا
والتجويد ماشاء الله تطبيقهم كويس ويعرفوا يستخرجوا الاحكام
والشعارات والتذكرة فاهمين والامتحان كان تحريرى وجاوبوا كويس باسلوبهم مش بالحفظ الا الايات والاحاديث هى المحفوظة



وعشان يحبوا اللى بياخدوه ويبقوا هما اللى عاوزين يتعلموا خلتلهم مكافاة الامتحان فسحة للمنتزة-حديقةحيوان مصغرة- واتمرجحوا ولعبوا براحتهم والحمدلله ورجعوا مبسوطين



دلوقتى اكمل عالنظام دا وايه الدروس تانى اديهالهم؟



فى كمان استاذات مجموعة تانية تقريبا حد جابهم المسجد يعنى المهم بيدوهم فقه وتجويد بس هما فى التجويد هناك اخدوا الصفات والمخارج بس متعقدين ليه معرفشى قلتلهم خلاص اى حاجة مش فاهمنها قولولى وانا اشرحها بس المشكلة فى الوقت يادوب بيكفينا بالعافيةبس ربنا ييسر


كان فى الخطة ان كل واحدة هتاخد قصة من المسجد عن قصص الانبياء او الصحابة وتقراها فى البيت وتجى تشرحهالنا بس انا خفت عالقصص تتبهدل لان عندهم اخوات صغيرين ممكن يقطعوها فبقوا بيقروا فى المسجد لوحدهم كدا لما يخلصوا تسميع



دلوقتى هما البنات واحدة فى تانية ابتدائى و3فى رابعة و3فى سادسة وواحدة فى تانية اعدادى



عندكم مقترحات للدروس او تغيير للنظام او اى ملاحظة؟


ياريت تفيدونى فانتم اكبر سنا واكثر خبرة وبارك الله بكم

بما أن البرنامج نافع معك لماذا تريدين التغيير ؟
ملاحظة بسيطة : أنا لا أستطيع أن أجمع بين هذه المراحل التعليمية المختلفة وأكيد الأعمار كذلك في درس واحد .
حيكون أكيد تضييع وقت بالنسبة للبعض على حساب البعض الآخر .
وبالنسبة للحفظ تحديداً القرآن أنا أهتم بالفهم أكثر من الحفظ يعني ممكن نقرأ سورة كاملة ونشرحها ونستفيد منها ونحفظ فقط آيتين منها .

مش تغيير تغيير يعنى تعديل او اضافة
وايه دروس تانى ياخدوها يعنى اركز على ايه؟يعنى اللى قالتهولى اختى عن برالوالدين وغيره خلاص خلصت اللى وصتنى به ممكن يستوعبوا ايه تانى

على فكرة العيال اذكياء جداماشاء الله معرفشى الجيل دا طالع ناصح كداازاى ؟....ربنا يحميهم

بالنسبة لاعمارهم مقدرشى افرق البنات معايا من 3سنين ومش راضيين يروحوا للاستاذات التانيين وفى بنات اخوات مينفعشى يتفرقواعن بعض

بعدين انا باخدواحدة واحدةعشان كدا الوقت بيبقى طويل شوية
الصغيرة دى اللى فىتانية ابتدائى واختهافى تانية اعدادى دول مش حاملة همهم اوى لان مامتهم متابعة فى البيت واظن سنة4و6ابتدائى سنهم مقارب لبعض

بالنسبة للقران اللى بتاخد سورة مبتحفظشى الا لماتعرف التفسير والحمدلله جت منهم دى هما يحبوا يعرفوا المعانى ويسالونى على اى اشكال اجيب التفسير ونقرا لكن الحفظ لازم يحفظوا لان لومحفظوش صغيرين صعب يحفظوا كبار الناس بتكبر تزيد همومها ووقتها بينشغل

يلا جزاك الله خيراوبارك الله بك

ليس لدي ما اضيفه على ما تم ذكره...الا ان اقول بارك الله بك وبهن...واستعملنا في خدمة دينه

اللهم امين

جزاك الله خيرا وبارك الله بك

يعنى كدا مفيش تعديل طيب انا همشى على نظامى ان شاء الله واحاول اسال مشايخ تانى عشان انا هتحاسب عالعمل دا وادينى سالت وعرضت عليكم الامر لانى احسبكم من الصالحين والله حسيبكم ولا ازكى على الله احدا عشان لما اجى اتحاسب ويكون فى تقصير مش هشيله لوحدى بقى

يلا جزاكم الله كل خير وبارك الله بكم

جازك الله كل خير أخت منال على هذا الجهد والعزيمة .
يمكنك أضافة السيرة النبوية مبسطة وبذكر النقاط الأساسية فيها بدون تفاصيل مشتته لفكرهم . وتبدأ كل سنة تتوسعي معهم أكثر بالتفصيلات . وأهم شيئ أن تعطيهم كل يوم ولو وقت قصير ليسئلوا عن أي شيئ يدور في فلك رؤوسهم مما يدرسونه وما يدور حولهم في الحياة اليومية ، مما يقوي عندهم التركيز على ما يدور حولهم لإستخراج سؤال يوجهونه لك في اليوم التالي . وتكمن أهمية هذه النقطة في تحديد أهتماماتهم وتصويبها إذا أقتضى الأمر ، وتحديد المناهج التي يحتاجون فعلاً لها .

بارك الله بك فكرة مفيدة ان شاء الله

ماشى ان شاء الله بنشوف معاكم السيرة ومن موقع د.راغب السرجانى لانه بيربطها بالواقع بطريقة جميلة وبالنسبة للبنات ماشاء الله عليهم دا هما بيجوا يحكوا من غيركلام ويااستاذة شفتى فى غزة معرفشى ايه وفى لبنان معرفشى ايه ومين انضرب وامبارح حصل كذا وعملوا كذا
بس فكرة حلوة اخليهم يتابعوا ويجوا يسالوا عشان اشوف بيفهموا ازاى واربطلهم التاريخ من زمان لدلوقتى

بارك الله بك وجزاك الله كل خير

بارك الله لك بهذا العمل وجعله إن شاء الله في صحائف أعمالك .

امييييييييييين وجزاكم الله خيرا على نصيكتكم وجعلها فى موازين حسناتكم ان شاء الله

يمكنك أضافة السيرة النبوية مبسطة وبذكر النقاط الأساسية فيها بدون تفاصيل مشتته لفكرهم ..
هل يشترط الترتيب؟

فى قصص بالمسجد قسمتلهم يوم للسيرة ويوم قصص انبياء ويوم الصحابة وفى سلسلة الكبائر اى واحدة يختاروها بس سبتلهم الاختيار هما يختارواى قصة ويقروها بالبيت ويشرحوا وانا اعلق

الان اواجه مشكلة المدرسات الاخريات

بيدوا للبنات من كتاب البنيان فى تربية الفتيان موجود فى الكتاب العقيدة الطحاوية على هيئةسؤال وجواب وفيه فقه وكمان بيدولهم تجويد...البنات كرهت العلوم الشرعية
بالنسبة للتجويد انا بدات معاهم من احكام النون الساكنة وكانوا كويسين معايا وحابين وبيحفظوا الابيات هناك اخدوا من الصفات والمخارج قلت كويس راح يوفروا على الوقت ويكونوا اخدوها لكن للاسف فى بعضهم مش فاهمها والبنت قالت للاستاذة قالتلها حد يشرحلك قلتلها انا مش قلتلكم او مفهمتوش حاجة تعالى اسالينى عموما متقلقيش هشرحهالك ان شاء الله بس البنات زهقانة..... انا بخليهم يحفظوا تحفة الاطفال ناخد الحكم ونحفظ الابيات بتاعته وفى بنات ماشاء الله حفظت اللى هما فى سنة رابعة ابتدائى الباقيين معرفش دا دلع او كسل حفظوا شوية وانهاردة يقولوا يا استاذة بلاش الابيات دى بلاش التجويد خالص دى مادة بايخة-استغفر الله- فبنت ردت عليها قالتلها دافرض ياختى لازم نعرفه قلتلهم طيب تاخدوا عقيدة -وكان فى مسابقة كنا هنشترك واذاكرلهم عقيدة الطفل المسلم كلهم قالوا لالالالالالالالالالالالالا دا الاستاذة التانية بتديهالنا وبتدينا حاجات كتير وكل شوية امتحان


هوانا فهمت اسلوب الاستاذات الفاضلات الاخريات:
هما تقريبا الحاجّة اللى منظماهم قالتلهم الكتاب دا لازم يدرس فى الاجازة ويخلص فهما اعتنوا بالكم لا بالكيف فبيدوا للبنات بكمية كبيرة وكل شوية امتحان عشان يرغموهم على الحفظ بس للاسف مش شايفة ان الاسلوب دا نفع لان البنات انهاردة قالولى خلاص احنا مش رايحين الدرس دا تانى ...وكلهم بيشجعوا بعض...واحدة تقول اه دى الابلة بتدى كتيروالتانية ترد: اه دى مش بتسيبنا نلعب وتالتة تعلق: اه دا المسجد بيكون زحمة ومبنعرفشى نركز---طالبة واحدة بس هى اللى عاوزة تستمر فى الحضور هى تحب تتعلم وهى فى السف السادس الابتدائى---حاولت اشجعهم يروحوا بس معرفش نافرين خالص المشكلة مش كدا وبس بل مش طايقين حتى العلوم اللى اخدوها من فقه وعقيدة وتجويد طب احببهم فيها ازاى؟

أختي الكريمة ، لا أستطيع أن أفتيلك بهذا الموضوع ،لعدم خبرتي بهذا المجال .(التعليمي الديني تحديداً )
ولكن ما أجده يلقى آذان صاغية عند مختلف الناس وجميع الأعمار (هو القصة ) فلذالك أتخذت السيرة النبوية والتاريخ الإسلامي مادة تركيز ، أما القرآن الكريم فما سيحفظونه إذا لن يداوموا على مذاكرته سينسونه بعد فترة لذلك طلبت منك التركيز على الشرح وفهم المعاني وحفظها أكثر من أحكام التجويد وغيره . أما بالنسبة للعقيدة فلا تدخليهم بهذه المتاهة التي حولها خلافات كبيرة وركزي على أصل العقيدة وهو الإيمان بالله سبحانه وبأنه هو الخالق والرازق والمحيي والمميت وهو الذي بيده كل شيئ وهو على كل شيئ قدير . وهو عالم الغيب والشهادة (السر والعلن ) والذي لا يطلع على المستقبل سواه .
بالنسبة لعمرهم إذا فهموا هذه النقاط فهم تام وكامل فهو جيد . أنت تريدين تخريج مشايخ وعلماء شريعة ولا مسلمين ملتزمين بدينهم حريصين عليه بكل كبيرة وصغيرة . وليعملوا ما يحبونه ويرتضونه من عمل لا معصية لله فيه .
فالمجتمع الإسلامي بحاجة لمدرسة الكيمياء المسلمة والرياضيات والدكتورة والمربية وووووووو المسلمة وليس فقط لعلماء الشريعة .
فيتعلمون السنة من السيرة التي لا خلاف عليها بين أي مذهب أو طائفة وهي كالحكاية تنال الإستحسان عندهم .
ويتعلمون أمور دينهم من القرآن الكريم ( العقيدة والفقه ويرتبطون بمصدر المنهج ) بعيداً عن متاهات العلماء التي يلجأ لها المتخصصون .
قد تستنيري ببعضها وتستفيدي منه بشرح وربطه بالقرآن .
هذا ما أراه فكري به جيداً وأستشيري أحد العلماء .
أما بالنسبة للترتيب في السيرة طبعاً ضروري لكي لا ينخبص عقلهم مع الإختصار اللازم ، والتركيز على المفاصل والنقاط المهمة . وذلك لترتيب القصة في دماغهم ويبقى إنشدادهم للمتابعة ليعرفوا الخطوات والمراحل التالية والنهاية .

جزاك الله خيرا وبارك الله بك على حسن تعاونك

بالنسبة للعقيدة اجلتها ان احيانى الله للعام القادم لانه مش باقى الا 3اسابيع عالدراسة
اما ماذا يدرسون فى العقيدة هوكنا هنشترى كتاب عقيدة الطفل المسلم كتاب بالالوان والصور عشان يناسبهم ويحبوه ومفيش اى خلافات للعلماء فيه دا حاجات بسيطة يسيرة

وهناك ممن اعتنى بالتربية الدينية فالف كتبه على هيئة قصص يعنى انا لدى كتيب صغير عن فلسطين عبارة عن اسرة جالسة هذا يتحدث وذاك والوالد يعلق والوالدة ويشرحا للابناء فاسلوبه جميل بارك الله بالكاتب
ارى اهمية العقيدة لسببين
الاول لدينا فى المنطة مسجد للصوفية والمسجد يستقطب العيال لاتساعه ووجود المكيف-فى المسجد اللى بناخد فيه مكيف نعم لكنه ليس بوسع التانى دا فلو لم ننشر العقيدة الصحيحة لانتشرت عقائد الصوفية

السبب الثانى بعض الاطفال يسال اسئلة غريبة وله اعتقادات لابد من توضيحها
مثال:كنا فى الاتوبيس انا وصديقتى فى طريقنا للجامعة وجاء رجل ومعه حفيدته صغيرة لااظنها دخلت المدرسة بعد ونظرا للزحمة جلست بجانبنا ووقف الرجل فالبنت تنظر من النافذة فرات دخانا فى السماء-خارج من مدخنة لمصنع الطوب-فقالت بالحرف الواحد ((داربنا بيمشى))-قلنالها ايه بتقولى ايه هو فين اللى بيمشى؟فاشارت الى الدخان ...هى تعلم ان الله بالسماء فلو تقرر لديها اننا لا نراه بالاعين فى دنيانا هذه لما قالت كلمتها

وفى حاجة ضحكتنى((أنت تريدين تخريج مشايخ وعلماء شريعة ولا مسلمين ملتزمين بدينهم حريصين عليه بكل كبيرة وصغيرة ))مشايخ مين وعلماء مين مش لما اتعلم انا الاول

الدرس فى الاساس كان لحفظ القران الكريم بعدين انا زودت الدرس لانى شفت البنات بدات تكبر ولازم تتعلم واستفدت من راى حضرتك فى دراسة السيرة فاقترحت عليهم قراءة القصص وشرحها فجزاك الله عنا كل خير والحمدلله معظمهم بيحبوا القراءة دا لو لم يكن الجميع نسال الله ان يبارك فيهم وان يجعلهم ذخرا للاسلام والمسلمين

يلا معلش طولنا على حضرتك وازعجناك بكثرة الاسئلة بارك الله بك وجزاك عنا كل خير