السلام عليكم ...
من دون مقدمات ، خلينا ندخل بالموضوع ...
أمس عقب صلاة العشاء، ما لحق الأمام يسلم، الا وعج المسجد ، متل العادة يعني الشباب عم تحكي وتتسامر مع بعضها، بعيد التشابيه والعياذ بالله متل ما بيصير بقهوة موسى ، دردشة وعجقة شبابية،
لكن ما هون المشكلة ( الله يشهد ) المشكلة انهم ما شاء الله عنهم مو حيلا شباب ، لا حبيبي فتح عينك هالقد، ( الله يشهد )، هيدول شباب الحركة الأسلامية، شباب منظمين ( الله يبعدنا )، كلهم بياخدو حلقات( الله يشهد )، وعندهم وعي سياسي وفكري ،( ما عدا الوعي الأدبي مع الله في حرمة المساجد ) ( الله يشهد )،والرسول عليه السلام أيش قال حبيبي ، بمعنى الحديث اذا كنت عم تقرأ القرآن الكريم ، لازم توطي صوتك وما تسمع اي مصلي ، وكمان حبيبنا النبي عليه السلام كان يصلي بصوت خافت اذا حدا نايم ، لكن يبدو انو احبابنا هدول ما وصلتهم هالتعاليم النبوية الشريفة ، ملتهيين بشي أكبر من هيك يمكن ,( الله يشهد ).......
ويا ريتك بتتسمع لأحاديثهم ، يا عيني ، أكثرها دنيوية وتافهة وسخيفة ،
( الله يشهد ) ..
فمبارح يا حبيبات البي بلا طول سيرة ، قمت صلي بعد صلاة الفريضة ،
بعد ما دخلت بالصلاة ، كان واقف وراي اتنان ، وبلش الحكي يا اخي وما كان يخلص ، وين ايامك ، شو عامل ،الى آخره .......
خلصت الصلاة والتفتت ، وانا اصلاً من الصوت عرفت المتحدث ، الله اكبر ..
الله اكبر .. الله اكبر .. انه الأمام الثاني للمسجد ، ومتخرج من المعهد الشرعي ، ( الله يشهد )، وبيدرس وبيدرس ، دين طبعاً ..
قلت في نفسي والله مو العتب عهالأولاد ( الكبار ) الباقيين يللي بالمسجد ...
حملت نفسي ، وهربت رحت عمحلي ، ألت احسلي ، لكن الحمد لله ، الله لطف، وأجا الفرج ، تشك تشك تشك ، انه صوت فناجين القهوة ،
انه صديقي القهوجي السوري ...
يا سلامممم ، واحد وسط عمي .....
:mad: :rolleyes:

لمن يهمه الأمر


نفيدكم بأن ما ورد في هذه المشاركة من قبل الأخ " أبو السعد "
تعبر عن موقف إجتماعي مشاهد في حياتنا .

و بناء عليه ندعو الأخ أبو السعد إلى العطاء المزيد م هذه التنبيهات و الإنتقادات....

و حيا الله جهوده الكوميدية مع فرقة الترويكا:D


و السلام عليكم

السلام عليكم اخونا أبو السعد..........والله معك حق المساجد ملئة بهؤلاء.والطامة الكبرى أنو الائمة كمان هيك بس مش كلهم ........ والله بالمسجد لما بكون عم ينعطى درس بتلاقى العالم اكتر من الي مش عالم عم بحكي الله أكبر ............ بالصلاة وبالمساجد كمان وين صحوتنا الأدبية مع يقولون ويفعلون بس هؤلاء يقولون ما لا يفعلون وكبر مقتا ان تقولوا ما تفعلون بثوا كل خير لهذه الامة من الاداب والاخلاق ...... الله يجزيك كل خير انت وامثالك......... ويهدي الجميع...:(

أخوي السلام عليكم ،
الله يبارك فيك ، شايفك بتعرف عني تمام ، الله يرضى عليك بس لا تذكر عنوان البيت، شكلك عارفني كويس ، عرفني فيك أخوي...
شو عليها منشرب سوا فنجان قهوة :rolleyes:
انا ادعوك لفنجان قهوة......
بانتظارك أخوي .....;)

أخت جنى أشكرك ،
والله هادا مرض عضال ، اسأل الله ان ينجينا منه ...
لكن معليش ، فنجان قهوة بينسي الواحد ...
:)