مشاهدة النسخة كاملة : موضوع طق حنك وثرثرة فارغة
شيركوه
03-31-2006, 07:49 PM
السلام عليكم ورحمة الله وبركاته
اللي بدو يطق حنك ويثرثر وما على بالو
رح اعتبر انو هالموضوع هو قهوة هالركن صوت الشباب والمجتمع
منيح هيك؟؟؟
كويس؟؟
:)
اللي بدو يتسامك
-سامعين يا فاروق ومحمد وفرقاني؟؟-
اللي بدو يسلم على التاني
اللي بدها تشرب قهوة هي واختها
اللي بدو ينملو شوية
يعني
هنا كلشي مباح ما دام مشروع ان شاء الله :)
اهلا بكم
السلام عليكم
شيركوه
03-31-2006, 07:52 PM
سابدأ انا
---------------------------------
اسلم على اخي شادي واقول له اخي شادي سلم على عبد الفتاح والشيخ محمود اذا شفتهم
واذا خطر على بالك عمرة في الويك اند ما تنسى تدعيلي بتمنى انو لساتك حافظهم :)
==========
فاروق
شلونك حبيب
قصدي ابو حميد شلونك حبّاب؟
ما قلتلي " اش اد نمرة جراباتك؟"
==========
فاروق خففلي ثقالة دم بعدين بتتسبب بكارثة في افريقيا يعني ما متحملين الجماعة هونيك انا سمعت انو بلشت افريقيا تميل الى الانخفاض في طرفها الغربي فقلت هادا اكيد من تقالة دمك :) )(
صحيح شو اخر طبخاتك؟؟
========================
معلمي بلال سلامي الى كندا واهالي كندا والهنود خاصة -بس هيدي كرمال فاروق ما كرمالي على اساس بدو يصاهرهم )(
=========
السلام عليكم :)
شيركوه
03-31-2006, 07:56 PM
فاروق بني اسمع مني
لما بقول الى الامام فهيدي للتشجيع
يعني ما بتتزكر انت وصغير كانوا يقولولك الى الامام يا سنفور؟؟؟
هو يغزالعين عنك كان لازم يقولولك الى الامام يا شرشبيل
:)
)(
انضب بقا
السلام عليكم
فـاروق
03-31-2006, 08:06 PM
انا بدي صاهر الهنود؟!! مع احترامي لهم بس انقرضوا اهل بلدي..او الاقرب فالاقرب ؟
وبعدين خليني اعرف ارسل تحياتي فاضيلك انا
---
الى الشرطي السميك الذي اوقفني
سبحان مين ريحني منك...وتنذكر وما تنعاد...
----------
فرفر عيوني صار وقت النوم يللا لشوف روح اتغطى ونام
شيركوه
03-31-2006, 08:22 PM
تسبح على الف خير حبيبي فرفر
يالله السلام عليكم :)
lady hla
04-03-2006, 12:10 PM
............ السلام عليكم ............
........ صار وقت القهوة .....!..... مين رح يعملها ........!.........
........... تقيلة ... وسكر خفيف إزا سمحتو .........!.......
سلامي اليك
lady hla
القدس
فـاروق
04-03-2006, 12:47 PM
انا ما بحب القهوة..واذاشربتها بشربها حلوة...
lady hla
04-03-2006, 01:20 PM
........... السلام عليكم ..........
........... يا أخ فرقاني وين ديمقراطية هالموضوع .......؟؟!!!...... الموضوع موضوعك ......!.....
.......... شو دخل الغرباء لينحشرو فيه .........؟!!........
....... المشرف الكريم فاروق ....... يتدخل فيما لا يعنيه .... وسيلقى ما لا يُرضيه ..........!.......
سلامي اليك
lady hla
القدس
فـاروق
04-03-2006, 01:29 PM
بلش الغلط..الهيئة الديمقراطية ما بتنفع بهالمنتدى...
وبعدين شو هيدي ما لا يعنيه...انا يعنيني كل شاردة وواردة بهالمنتدى ولا بدكم المنتدى يفلت ويصير ملعب :)
خلص اسا شوي وبتشوفوا الوجه الاخر للمشرف العام :) والله يستر
lady hla
04-03-2006, 01:31 PM
........... السلام عليكم ............
........... ليش في إلك كمان وجه تالت ........؟!!!.........
سلامي اليك
lady hla
القدس
فـاروق
04-03-2006, 01:39 PM
لكل مقام مقال
وقس على ذلك !!
lady hla
04-03-2006, 01:42 PM
.......... السلام عليكم ..........
.............. :roll: ............!.........
سلامي اليك
lady hla
القدس
chidichidi
04-05-2006, 07:48 AM
السلام عليكم :)
اعتذر اخي فرقاني لليوم حتى فتت على الموضوع
الله يسلمك الاسبوع الماضي نزلت على المدينة مع عبد الفتاح بس ما شفت محمود كان مشغول بس شفت ماهر (بعدك ذاكره) انا كل يوم تقريبا عم شوف عبد الفتاح ;)
سلملي على شباب الفرقان كلهم بلا استثناء وخاصة الشيخ واسامة:p
سلام :D
شيركوه
04-08-2006, 09:12 PM
السلام عليكم ورحمة الله وبركاته
سلملي كتير على فتاح وقلو يدعيلي
واذا عدت شفتو لمحمود سلملي عليه وقلو خليه يسلملي على عبد القهار
ماهر قالولي انو اجا زيارة على لبنان من فترة مهيك؟
وان شاء الله بسلملك على الجميع
الشيخ على طول بيقلي سلم عليك وعلى بلال -بيعرف حالو هههههه-
ابو السوم الله يعينو من الفجر للنجر
وهلاء في اخبار جديدة وتازة ههههههههه اذا حكينا عالمسنجر بقلك عليها
ايه وشو بدي قلك كمان
يا زلمي هلاء فقدنالو لننان كمان
عجبك؟
ما بقا في غيري وابو السوم وشنا بوش بعض
الله يجير هالمدينة ههههههههههههه
سلاماتي للجميع
صحيح قال عمادو تبع "كبس" بيسلم عليك كتير كتير كتير وهو خجلان منك لانو عم يقرا راسئلك بس ما قدران يرد عليها
----------------
====================
فاروق!!
كباية شاي ازا بتريد يا ابني عالسريع لانو نشف حلقي
================================
اخت حلا شو بدك فيه لفاروق خلص ما تهمتي هادا حاطينو هيك بالمنتدى مشان ما يضوج محمد ويقلب الجو مناحة
----------
فاروق
احبك في الله
السلام عليكم
chidichidi
04-09-2006, 08:32 AM
اخي العزيز وحبيب القلب
السلام عليكم والله مشتاق لكم كتير الكم وحشة
طمني كيف الشباب كلهم وكيف الفرقان
بدي اسألك عن نان بتعرف على اي امارة راح واذا عنده نمرة تلفون هونيك
انا الحمد لله بخير
اذا بدك تحكيني على المسنجر انا كل يوم هون من الصبح للساعة 4 بس بفترات متقطعة بعتلي كيل خبرني فيه متى بتطلع حتى انتظرك
سلامي للجميع
شّيديشّيدي
فـاروق
04-09-2006, 10:11 AM
هلأ بتنتف فيني وبعدين بتقول احبك في الله :)
يللا بسيطة...احبك الله مسيو فرفر
شيركوه
04-12-2006, 04:51 PM
السلام عليكم
شدشود الرقم صار عندك
اتصل فينا ننان يوم الاحد كنا مع الشيخ خالد وحكانا
بتصدق شدشود
توديعتك كسرتلي ضهري وما كنت قادر ودع واحد تاني من الشلة
مشان هيك ما قدرت روح ودعو لننان
قلت ماني متحمل بقا
اتصلت فيه انتا شي؟؟
على فكرة فتاح اتصل فيني
انتبه عليه هاه هادا غالي وامانة :)
===========
فاروق انت حباب
يعني حتى لو نتفناك وما خلينا ريش بيرجع بيطلعلك ريش :)
السلام عليكم
السلام عليكم
كلسينا
04-17-2006, 07:41 PM
السلام عليكم :
قبل أي كلمة سمعنا في قهوة عملوا حسابنا بفجان سكر قليل لو سمحتم . وما بدي إزعاج عم أقرأ الجريدة . بس خلص بحكيكم .
lady hla
04-18-2006, 12:55 PM
........... السلام عليكم .............
........... والله يا حج كلسينا ......... جيتك متأخرة كتير .........!..........
.......... والقهوة خلصت من قبل ما توصل .....!...... وإزا طلبتها ما رح توصل .......!.......
........... عندهن أزمة مالية ........ وديون ..........!.........
......... ومع هيك القهوة بتروح لناس وناس ............!..........
سلامي اليك
lady hla
القدس
شيركوه
04-18-2006, 04:09 PM
اخي كلسينا قلو للواد فاروق :)
السلام عليكم
كلسينا
04-18-2006, 07:09 PM
يعني مافي قهوة . طيب طق حنك بلا شي ما بيصير !!
عندكم عصير زهورات حلبة زنجبيل (كابوتشينوا ) منيح هيدا جيبولنا كابوتشينوا منقعد .
شيركوه
10-27-2008, 11:50 PM
لك مين مستلم القهوة هلاء يا ترى؟؟
صرلي زمان ما فتت ...........
كلسينا
10-28-2008, 12:13 PM
لسلام عليكم جميعاً والله زمان وشتقنا . إن شاء الله الكل بخير . طالما الموضوع أساسه طق حنك طمنونا شوفي مافي شو في شي جديد وكل واحد شو أخباره من سنة لهلق . يالله يالله بلا برادة زعن جد شتقنا للجميع .
لسلام عليكم جميعاً والله زمان وشتقنا . إن شاء الله الكل بخير . طالما الموضوع أساسه طق حنك طمنونا شوفي مافي شو في شي جديد وكل واحد شو أخباره من سنة لهلق . يالله يالله بلا برادة زعن جد شتقنا للجميع .
نحن بالاكثر اخ كلسينا
وين هالغيبة؟
من هناك
10-28-2008, 01:59 PM
اهلين بالحاج وعليكم السلام ورحمة الله وبركاته
بعدني متذكر السفيحة :) جبلك كم وحدي معك للشباب
مقاوم
10-28-2008, 05:58 PM
أهلا بالحج ... هالواو مش مناسبتك أبدا ... هيك يا رجل ؟ ما بتعود تسأل عن حدا؟
شيركوه
10-28-2008, 07:35 PM
اهلين بالحج لك وينك يا عمي؟
ما عدت بينت ولا شفناك؟؟؟
لك يا فاروق وين صار هالكابوتشينو؟؟!!!
يالله
عم فكر غير هالصبي ...
السلام عليكم
كلسينا
10-28-2008, 07:45 PM
الله على راسي الشباب الطيبة كلها . بس مش الواو يللي آخدني هالبلد ومشاكل الحياة هي يللي آخدتني بس بإذن الله سنعود ما أنا متل التفاح مابيطلع إلا بالشتاء . هههه بعدين حاولنا نعمل شي هون ماطلع بإدنا لا نجوز ولا نطلق ولا نغير وحسينا حالنا حنتغير زفقلنا خلينا نبعد شوي ونرجع لنشوف فينا وبلانا شو بيصير ؟؟؟؟؟؟؟
فطلع أنو فينا ولا بلانا متل بعضها .ههههههه
سلام من القلب للجميع . طمنوني فاروق تزوج ولا لسا ؟ وجهاد ومنير وخبرونا ولو هلق جايين نوجب بعط وأهلاً ومابعرف شو . وعجلك شوي بهالكابوتشينو يا أبني .
كلسينا
10-28-2008, 07:46 PM
بعدين فهموني اليوم وصلني طلب صداقة من أخ بالمنتدى شو هالصرعة الجديدة وكيف بتشتغل ؟
شيركوه
10-28-2008, 08:14 PM
ههه صرعة متل ما قلت ... لازم نحس حالنا هيك شوي اب تو ديت :)
--------
ابو الجوج الله يسرلو وصار بالرياض وعم يشتغل بعتقد لسا ما ركب انترنت فمشان هيك ماقدران يتواصل معنا
منير الله يعينو بيبين كل فترة وفترة
فاروق على حطة ايدك لسا ما لاقى الكاميرا خخخخخخخخخخخخخخ
يا اخي ما بعرف شو صايرلو لهالصبي يعني لا كبوتشينو عم يعرف يجيب ولا قهوة متل الخلق
شوف حتى اسال عمو مقاوم ... طلع سكرها زايد ولا لاء؟؟؟
يا زلمي عم يبهدلني وين ما باخدو معي ... لا حول ولا قوة الا بالله
بس انت دعيلي الله ييسرلي :)
السلام عليكم
كلسينا
10-28-2008, 08:19 PM
أنو الله يحميك حكيت عن الكل وماحكيت عن حالك . على أساس أنا متابعك .هههه
طمني لساك ببيروت مع فخر يعني جنب أخونا مقاوم وتاركيني وحي بطروبلوس وشو مشاريعيك الأجتماعية خطبت تزوجت ولا لسا؟؟؟؟
شيركوه
10-28-2008, 08:28 PM
لا انا بطرابلس مش ببيروت بقا
بس كنت عم اشتغل شغل بيدبح ... الدوام اقله 10 ل 11 ساعة يوميا وبمعاش زهيد جدا يعني ما جايب همو ...
هلاء عم شوف وين الله بيسرلي ... بالنسبة لموضوع الخجطبة والزواج بعدني على حطة ايدك :) بس ربك ما بيقطع حدا
عسى خير ان شاء الله انت بس دعيلي :)
---يا عمي وين صار الكابوتشييييييييييييييييييييييييييي ييييييينووووووووووووووووووووو ... يا فاروق!!! ... اذا كحشتو ما حدا يحكي معي هاه ... تسء تسء ... اللهم طولك يا روح --
السلام عليكم
كلسينا
10-28-2008, 09:03 PM
مدري وين غاطس هيدا فاروق بعتو يجبلك شي من أفريقيا مثلاً بدو وقت ليرجع طول بالك عليه .
خلينا نشوفك طالما هون بركة منعطيك شي كي بورد وبتغيرلي هالرسالة الدائمة زههههه
شيركوه
10-28-2008, 09:12 PM
هههههههههههههههههههه
ايه ما هوة انا مطول بالي عليه ...
:)
طرابلسي
10-28-2008, 09:14 PM
طمني لساك ببيروت مع فخر يعني جنب أخونا مقاوم وتاركيني وحدي بطروبلوس
شو باب بيتي أعوج ما شايفه
ولا منّي مملا عينك :(
شيركوه
10-28-2008, 09:17 PM
له ياعمي طرابلسي
انت الكل بالكل
:)
خلص .. تكرم عينك .. واحد شاي عاحسابي ...
يا فاروق .. واحد شاي لعمك طرابلسي عالسريع!!!
له ياعمي طرابلسي
انت الكل بالكل
:)
خلص .. تكرم عينك .. واحد شاي عاحسابي ...
يا فاروق .. واحد شاي لعمك طرابلسي عالسريع!!!
مبارح كنت معتز اليوم ابو حاتم :)
كلسينا
10-28-2008, 09:32 PM
معلمي طرابلسي والله على راسي
حلو عنا كلكم خليكم ببيروت زطرابلسي هون بالمكفا وقدها وقدود . قريباً جداً مابتلاقيني إلا عندك في كذا موضوع بدي آخد رأيك فيهم إذا بتعطيني زوإذا ما بتعطيني منشرب شاي ومنزحط على رووووووووسي يا طيب .
وأنت حج تعيط وتطلب ساعة شاي وساعة كابوتشينو . شكلو سمعان منو هون .
بعدين أخي عزام شكلك كنت متبع تمام وحافظ الأدوار ......
شيركوه
10-28-2008, 09:33 PM
هههههههههههههههه
بس انا ما عم اقدر طول بالي
فت اديش صرلي قايلو على الكابوتشينو؟؟؟
لك والشاي!! لسا لهلاء ما جابو!!!
هلاء بيزعل طرابلسي ...
صحيح خليني وصيلك على واحد زهورات بفرد مرة احسن ما يرجع يرد يروح ما بقا يرجع للسنة الجاية هادا ... فتيلتو طويلة وبعرفو
كلسينا
10-28-2008, 09:40 PM
هو أحلى الشي عنوان الموضوع طق حنك وصرلنا زمان ما طقينا حنك . كل مابدي أكتب مشاركة وبلا طعمة بحس أنو له برجع بتذكر أنو هو الموضوع هيك طق حنك وعلى فكرة شغلة حلوة ومريحة ومابيصير فيها زعل وخلافات
شيركوه
10-28-2008, 09:41 PM
هههه
:)
اهلين بالورد
مقاوم
10-28-2008, 10:54 PM
لك يا أهلا بالزكرتية كلن!
لك يا فاروق ...جدفلك صوبي بشي شخطورة بزورات عالسريع.
وما حدا يغلط عا بيروت هاه ... لأنو أبو العبد بيفرمو.ولك يا حج إزا مانا زابطة معك بطروووبلس
ميّل لعنا يمكن تزبط معك هون :)
شيركوه
10-29-2008, 12:42 AM
ووحدة شاي عا حساب القهوة لعمك مقاوم مع شخطورة البزورات يا صبي ...
همَة همَة ... يالله!!
وعلى روصي البيارتة :)
من هناك
10-29-2008, 03:51 AM
نارة يا ولد
شيركوه
10-29-2008, 04:12 AM
رح يبرد النفس يا فاروق ..............
وينك؟؟؟
يا الله ... لك حاج تقولولي طول بالي عليه .... رح يطفشلي الزباين ببرادة دمو!!!
كلسينا
10-29-2008, 12:05 PM
والله على راسي أخي مقاوم . تسلم ياطيب هيدا عشمنا ونحنا عارفين أنو ببيروت ألنا بيت بوجودك يا طيب .بس أخي طروبلسي بتركو لوحدو ما شيركوه وجود وغيابه متل بعض ما حدا بيشوفو وجهاد من غير شر سافر . محضورة هلق بس دعوتك مقبولة وعلى العين والراس .
أنو هيدا فاروق لا جاب شاي ولا قهوة ولا نارة ولا بطيخ منيح يللي منا طالبين سمكة حرة شو كان صار معو ؟؟؟؟
شيركوه
10-29-2008, 12:19 PM
كان سهل بطنك ههههههههههههههههههههههههههههههههه
يا اخي كل مرة بقول بدي غيرو ... برجع بحن عليه وبقول حرام ما بدي اقطعلو برزقتو بتعرف المثل شو بيقول قطع الاعناق ولا قطع الارزاق ...
يااخي قلبي طيب شو بدي اعمل ...
بعدين هالصبي على وش زواج واذا كحتو وين بدو يشتغل؟؟؟ كيف بدو يدبر راسو؟
يعني آكل همو عالطالعة والنازلة
ايييييييييييييه الله بيعين
يا صبي وين صارت هالطلبات .........
مهدلني مع العالم الله وكيلك ... بس ما فيني اعملو شي ... قلبي ما بيطاوعني
السلام عليكم :)
كلسينا
10-29-2008, 12:45 PM
لا حنون ....
شيركوه
10-29-2008, 01:09 PM
يعني شو بدي قلك
ويلي الكيبورد وويلي فاروق
ما عارف على مين بدي اركض ...
اييييييييه بتهون ... يالله انا بقول لحالي منكسب اجر بهالصبي ومنلمو احسن ما يروح يصيع
مهيك؟
شيركوه
11-10-2008, 03:25 PM
يالله
فاروق بما انك رجعت
تعا شوف طلبات الزبونات الله يرضى عليك
لانو كترو يالله يالله لشوف
السلام عليكم :)