بالتعاون مع اخي الحبيب فرقاني تم إصدار هذا القاموس
وهو يتميز عن غيره بأنه لا يلتزم اي تسلسل ابجدي ولا غير ابجدي :D



ماني غضران: يعني لست بقادر




تشكل آسي: تعبير يتمنى فيه القائل ان يموت قبل الذي يوجه اليه الكلام وذلك من شدة الحب


ولا: أداة تستخدم
في النهر والشتم


دشرني= حل عني...وحل عني يعني اتركني بحالي



ايدي بزنارك: يستخدم للتعبير عن الرجاء



دخيل الله: أيضا تعبير والمقصود به هو الاستغاثة بالله


و ضراب السخن : وهي شتيمة
وتعني ......ما بعرف

بحبش: أيضا مفردة تعني البحث مع التمحيص



ينمحئ ... و يعني
ينضرب على قامتو .. يسطفل



يتحورق : كمان متل يبعتلو حمى



يتقوص . بنفس المعنى



و في كمان كلمة : تتأمع


قعود يقعد رزك ... يعني خيلتنا
حاجة تحوص .. المعنى الادق يقعد رزك يعني تموت و الناس ياكلوا رز ... لانو لما
حدى بيموت من العادات انو بتصير عزيمة و بيطعموا
الناس اوزي على روح الميت
و الاوزي اكله معروفة بالشام



وين غاطط .يعني
وينك مو مبين



و السبع تنعام ..يعني النا الشرف



ما بيعرف الخمسه من الطمسه: عن الرجل اللي ما عندو ثقافه



سري مري : عاللي بيخفق برات البيت لسا رايح سري مري



شروي غروي او شندي يندي: عالحكي اللي بلا طعمه



مجنط-فايت بالحيط- طاقق الفيوز-كلهم للدلاله على انو واحد مصيف وضارب مخه


ايدو ماسكه على
البخيييييييييييل



شاطط و ماطط . يعني مدلع زيادة



نعيان ... يعني هيك قلبو بارد



شحاطة ...
ما يلبسه المرء في قدمه عندما يكون في المنزل




تعسيله .. نومه بعد الظهر



نايط = نعيان
بارد



مسرسبة : يعني بتحب النظافة كتير



اسيييييييييع - اوعى الزيت بمعنى ممكن تاخد طريق



اغيييييييييي هي للابضايات وبس ;)


تاكلك الدودة العميا ...
الدودة العميا هي دودة القبر .. يعني الواحد يموت و
ياكله الدود بعيد الشر



يبعتلو اتلو شو سمج::: يبعتلو اتلو .. كمان يعني يموت و سمج
يعني غليظ



موسوس يعني مهووس بشغله



و في كمان .. عقلو جوزتين بخرج ..
يعني عقله صغير



متل الأطرش بالزفة ... يعني مالو علاقة بالموضوع

شوية رخار = بعد شوي


وصلنا بالايميل من بلد المنشأ وتم التعديل لأغراض أمنية

your dictionary needs another dictionary

i couldn't understand every thing :|

anyway thanks alot :)

Fourqani can explain every thing for you :D

موضوع حلو حلو حلو حلو

وبيستاهل * * * *







ووحدة زيادة...

*


:D

هيدي زيادة عن السيدة صوتة.

;)

يعني صاروا خمس نجوم

الله يخليكم شي كم نجمة كمان وبيصير خرج يتثبت ;) شو رأيكم؟؟

كمان..

يامو: يا ماما..
يا بي: يا بابا..

خيتو: أختي
خالة: tante أو aunt

خانم: هانم.. يعني الست.. متل الست صوت..
خوش: لأنو..

مقروق: معصب..
شحّنّي.. ليكنّي.. (وفسر الماء بعد جهد بالماء) :roll:

your dictionary needs another dictionary

i couldn't understand every thing :|

anyway thanks alot :)

منال شو نسيتي حالك؟
نحن لسنا بالفري سبيتش هنا

الا اذا بدكم تقلبوا المنتدى كله فري سبيتش

على قولة من لبنان... صار لازم تضيفوا حرف الـ i على اسم منتدى saowt لأن صار انترناشونال !!!

منال شو نسيتي حالك؟
نحن لسنا بالفري سبيتش هنا
!!!
لا والله اختى ما نسيت حالى بس الجهاز كانت النسخة اللى نزلها اخواتى ما كان فيها عربى :)

اذا كان الامر هكذا بسيطة

شوي شوي ... رح تشوفوا الكل عم يحكي طرابلسي

كتير من هالكلمات بنستخدمن يعني ما اظن هيدول بس للشوام او الطرابلسيه
:roll:

كتير من هالكلمات بنستخدمن يعني ما اظن هيدول بس للشوام او الطرابلسيه

ما هو نحن من بلاد الشام

صح

بس انا حسيت قصدن الشام سوريا :roll:

صح

بس انا حسيت قصدن الشام سوريا :roll:

:lol: :lol:

الله يرحم ايام ما كانت : سوريا و لبنان و فلطسين و الأردن و العراق كلها بلاد الشام من دون تقسيم سايكس بيكو . :(

و دول الخليج : أرض الحجاز

و اليمن.

تعيش وتترحم يا ابو الجوج

السلام عليكم ورحمة الله وبركاته

في كلمات بدنا من اخي محمد يجابونا عليهم

انا بعرف معانيها بس طريقتو بالترجمة عجبتني


1- نتتر
2- شحو
3- ميمة
4- شنو
5- مو خارط مشطي


في كذا شغلة لسا بس مو خاطرين على بالي

السلام عليكم :)

السلام عليكم

ابو حميد ؟ لك وينك يا زكرتي ؟

في كم كلمة حلوين :

ألبالة

:)

السلام عليكم

كيفك يا فرقاني

وينك مو مبين؟

تكرم عينك

نتتر::::::: يعني قام غاضبا ... ويحبذ وضع همزة وصل قبل الكلمة حتى نضمن أن تقرأ بنون ساكنة يعني تصبح (انتتر)

ميمة:::: يعني ماما وبحلب بقولوا::: يوم


شحو:::: هذا هو... او إنه هناك

شنو:::: حيث أن.... او ذلك ان... مثال.. أنا في غياب عن المنتدى شنو ما عندي انترنت حاليا ;)


مو خارط مشطي::: يعني ما مرقت عليي القصة... او ما عم تنهضم معي... يعني لست معجبا بالفكرة


ألبالة... يقال ان فلانا مصاحب ألبالة تعبانة يعني شلة تعبانة والشلة مجموعة من الاشخاص

السلام عليكم ورحمة الله وبركاته
اشتقنالك خيو
ربي يرضى عليك

الله يجزيك الخير

السلام عليكم

تكرم عينك يا قبضاي

خدام الطيبين

على راسي حارتك ;)

السلام عليكم ورحمة الله وبركاته

ما يامر عليك ظالم يا حبّاب انت يلي مو مبين

ما عدنا شفناك لا هون ولا على المسنجر


سلم يا حبيب

السلام عليكم

ما معنى عبارة: خزيت العين (نقطة بالمصحف)؟؟؟

لما تقولي لحدا خزيت العين:: يعني بيكون في شي بينحسد عليه

الام مثلا بتقول هيك اذا كان ابنها حلو

ومعناها:: ((الخزي للعين التي تحسدك أو تشوفك وما تصلي على النبي))

خزيت هو الفعل ((يعني انا خزيت)) بالماضي

والعين هي عين الحسود

ألا تستعملونها في لبنان؟؟

السلام عليكم

وعليكم السلام

بلى....

ولكن ما هذه نقطة بالمصحف..؟؟؟؟؟؟؟؟؟؟

وعليكم السلام ورحمة الله
محمد.. فسرت اللي بعرفو.. انا قصدت نقطة بالمصحف ما معناها؟؟ وليش عم يشبهوه بالنقطة اللي بالمصحف؟؟

نقطة بالمصحف

اول مرة بسمعها

ولكن اعتقد انها بنفس معنى الاولى

بس ما بعرف شو هو وجه الشبه