السلام عليكم ورحمة الله وبركاته

باقيلى لاخر الاسبوع واروح الكلية فكرت استفيد من الايام دى بس لا لى نفس اقرا ولا اسمع ولا اكتب حاجة قلت خلاص اراجع قران تانى قبل ما ادخل الدراسة واقلل المراجعة

فشلت فى ان حد يساعدنى من البيت او من المنطقة اقول لاحمد يقول لى لا انت بتسمعى كتر اقوله طب سمعلى سورة بس من الاول البقرة ال عمران النساء اى حاجة اللى يعجبك يقول لى لا خلى ماما تسمعلك والوالد ةالله يحفظها شايلة البيت على دماغها يعنى مش عايزة اتقل عليها

ومش عاوزة اروح لشيوخ :?

وهنا المراجعة اللى عاملنها اسبوعية ولما زودت المراجعة علىّ ما شاء الله كله خلع :|

حد بقى يساعدنى لو ممكن ومش هحدد حاجة اللى يقدر يساعد يحدد على مزاجه اول خمس اجزاء اخر خمسة اللى فى النص اول عشرة اى حاجة

ساعدونى بقى واكسبوا ثواب فىّ :cry:

و عليكم السلام و رحمة الله و بركاته

انا مستعدة ..

و لكن.. عندي استفسار بسيط، و هو لماذا لا تريدين الذهاب الى شيوخ؟

أليس التسميع يكون من وراء حجاب؟

ظننت ان هذا ليس فيه حرج...

على كل حال اذا ما عندك مانع انا أفضل ان تكون هذه المراجعة على المسنجر



ما رأيك؟

السلام عليكم ورحمة الله وبركاته

جزاك الله خيرا اختى ام ورقة

بالنسبة لاستفسارك انت معايا عالماسنجرى هوضحلك ان شاء الله

اما سبب اختيارى الموضوع هنا

اولا ما عرضت الموضوع على الاخوات فى الماسنجر لانى عارفة لكل واحدة مشغولات ومسئوليات عندها

اما بالنسبة انى عرضت التسميع هنا لانى رغم انى بدخل النت كتير لكن ماليش وقت محدد حسب الاحوال الاحتلالية فى البيت يعنى احنا نقعد بالتناوب انا واخواتى وبعدين ممكن وانا قاعدة ماما تنادى تكون عاوزة حاجة اروح قايمة او اخويا يجى انا اصحابى مستنينى او بعتوله رسالة او رنوله فاضطر اقوم واقعده

وبعدين مش بلحق اطول عالماسنجر وبيكون معايا عشرتلاف اخت

المهم شوفى انت بقى اللى يريحك وشوفى هتراجعيلى انهى اجزاء

يلا السلام عليكم:)

Salam 3alaykoum
Eh Da Messenger walla Oumam Mouta7hida






وبعدين مش بلحق اطول عالماسنجر وبيكون معايا عشرتلاف اخت
:)

وعليكم السلام ورحمة الله وبركاته

هما مش عشرتلاف عشرتلاف,,,,,دى كناية عن الكثرة

بس مش بلاحق فعلا ارد على مين ولا مين وبضطر اكتب باختصار لما يكونوا كتير

وبعدين هما برضه امم متحدة بس على المحبة فى الله

ان يختلف نسب يؤلف بيننا......دين اقمناه مقام الوالد
او يختلف ماء الوصال فماؤنا.....عذب تحدر من غمام واحد

اسال الله ان يجمعنى بهم فى الجنة :)

ينفع كدا يعنى :evil:

فين بقى وتعاونوا على البر والتقوى

يعنى انا لو رحت لمنتدى تربتت وطلبت شىء مش كويس هلاقى الاف يساعدونى

خلاص مش عاوزة حاجة برضه هلتمس لكم عذر واقول مشغولين

بس برضه مش داخل دماغى العذر دا يعنى هياخد وقت اوى فتح المصحف على اى صفحة وكتابة سؤال :roll:

عموما يلا نروح ندور فى مكان تانى الله يبارك لكم فى وقتكم :)