غداً ان شاء الله وفي تمام الساعة الثامنة بتوقيت مدينة طرابلس ... حلقة خاصة عن طرابلس الشام تبث عبر قناة المجد الفضائية في حلقة من حلقات "ليال عربية".

الحلقة تحكي قصة طرابلس منذ الفتح الإسلامي وحتى يومنا هذا...

عاداتها ... تقاليدها ... التزامها ... آثارها ... أشهر العائلات والماكولات والحلويات والشوارع والمعالم الحضارية فيها.

ارجو متابعة الحلقة وإعطاء آرائكم بعد المشاهدة هنا... في هذا الموضوع.

الثامنة صباحاً أم مساءً؟

السلام عليكم

أعتقد مساءً لأن القناة تبدأ بثها عند الساعة الثامنة صباحا يعني ما بعتقد أول برنامج تضعه هو "ليال عربية"

إسمو "ليال عربية"

يعني أكيد بالليل ... مش من فركة عيونهم "ليال عربية".

معلش رح مرئها هلمرة :)

المهم شاهدوا الحلقة وأعطونا آراءكم ... بس ان شاء الله تكون جاية الكهربا

ما انتبهت لإسم البرنامج

و اصلاً هيك هيك طلعت قناة المجد ما بتطلع عنا

و السلام

لهلهلهلهلهله .... خسرنا مشاهد.

ولكن المهم أن الموعد على ما يبدو تغير وأظن أنه ما بين التاسعة والتاسعة والنصف :?

منيح انو تأخر لانو هلأ الساعه 8 وربع وهلأ لتذكرت
كان راحت علينا المقدمه :)

يظهر انو صحافي الاطفال فضح حالو :lol: :lol: على وزن شنق حالو ...

ما حطوووه :roll:

حاطين حملة التبرعات ...

وين الحلقة ؟؟؟؟؟؟؟ :angry:

الله يهديك يا فخر . عم تعمل مقالب ؟؟؟؟

:(

:lol: :lol:

إن شاء الله تذاع الحلقه قريبا

:D
الحمدلله أنا ما انتظرت المقلب معكم!!! :D

مين قال لكم؟؟ أنا كمان رحت بالطايفة..
أنا حط المجد... وبابا يغيرو..

بالأخير انتهزت الفرصة... وبعد جهد جهيد.. على شي الساعة 8 ونص أو تسعة إلا.. تاريهم حاطين حملة تبرعات!!

صحيح ... استبدلوها بحلقة لتسونامي

كان أمراً طارئاً ... لا عليكم ترقبوها هذا الخميس ان شاء الله وادعو الله ما يصير تسونامي جديد قبل بث الحلقة :D .... لكن تذكروا أن الموعد :التاسعة والنصف

السلام عليكم

شو حطوه ولا لسا ؟

:lol:

بعدكم ناطرين ؟

طيب ميشي منشوف لكان ان شاء الله



ابو الفوف انت يلي عاملو ؟؟؟؟؟؟؟


اذا ما عجبني انتظر دورك عالمقصلة عاساحة التل مع باقي المؤسسات الاسلامية بالبلد :lol:

عامل مقصلة مجانية ان شاء الله لكلشي اسمو مؤسسات اسلامية من *** لل *** ل*****
لمدرسة ******* لمدرسة ******* لجامعة ****** لجامعة ******* وانت ورايح
فما تخليني ضيف مراسلي المجد بلبنان عالليستا هاه ;)


السلام عليكم :D

لأ ما انا يللي عاملو ... ولكن علمت به ... وأحببت ان أعرف الأخوة الذين لا يعرفون طرابلس بهذه المدينة العريقة بتاريخها وحاضرها الإسلامي.

الله يسامحكم :evil: حق اهل طرابلس يحاكموكم :coyboy:
اختصرتو معظم الحلقة وتاريخ طرابلس بجمال البحر و بأكل الحمص والفتةوالمناقيش لأ وبشاعرية كمان ...وين المسجد المنصوري والبرطاني وين القلعة وين الميناء وين ساحة النور :angry: ..مرور الكرام بس
وكأنو هشام هنيدي جاي ياكل بطرابلس مش يعرفنا بتاريخها :evil:
طبعا مع احترامي للاخوة فخر وابوعزام والدكتور تدمري :( الحلقة الي شفتها بقناة اقرأ عن طرابلس واثارها كانت احلى بكثير وافيد ..

وانا مع اني ما شفت الحلقة ولكن اؤيد كلام الاخت وداد

((من باب تحسين العلاقات الدبلوماسية مع الاطراف المعادية)) :D

شو هادا يا اخي فخر :x

معقول هيك يعني بتتصرفوا على كيفكم بالبرنامج وكل شوي بيطلع اعلان بيقطع سلسلة افكارنا

شو مفتكر حالك بحمص؟؟

المهم طمنتني وداد انهم لحقوا يحطوا حلاوة الجبن

لا اطمني حطوها وحطوا العجقة او المعجوقة اوما بعرف شو اسمها :? كل شيء له علاقة بالبطن حطوه :?

ههههههههههههه

بصراحة الانتقادات التي وجهتها وداد صحيحة في معظمها ... ولكن أنبه إلى مسألة ... أن الإخراج لم يكن على قدر المسؤولية ...

هناك أكثر من مئة لقطة لم توضع في الفيلم ولا أعرف لماذا ؟؟؟

عن المسجد البرطاسي والمولوية والزوايا الصوفية والحمامات والمدارس المملوكية والأزقة القديمة والخانات والفنادق العثمانية والبيوت الأثرية ...

بالنسبة للنص كان جميل جداً والله يعطيهم العافية كذلك الأداء والأناشيد جميلة .

السلام عليكم ورحمة الله وبركاته

هلاء مبدئيا ما اشبها شي مشان هيك رح خفف الاحكام عنكم ما رح اعدمكم

رح اعفي عنكم واصلبكم يومين وارجع نزلكم مشان تتعلموا

هادا بس كرمال لانو العيد جايه هاه

:lol:

بس اخي فخر عن جد عن جد عن جد كان فيها شوية تخبيص كتير

انو شو دخل بعلبك وصيدا وجبيل بطرابلس ؟ ؟؟؟؟؟؟؟


قلعة المسيلحة مرقناها انو عالطريق لطرابلس

بس شو جاب الطيخ للبطيخ ؟

وانا مع الخالا وداد

كلو اكل ؟؟؟؟؟؟؟؟


يا زلمي هيدول مجد الاردن جيعانين كتير :lol:


على كل كتر خيركم الحلقة حلوة ومميزة

وخلي العالم تعرف انو عنا اكل طيب وحلو طيب :lol:

الله يجزيكم الخير
وسلملي عال top بطريقك وقلو الله يجزيكم الخير ;)

---------

خالا وداد اسمها معجوقة


مرة اكل منها صديقي وبقي اسبوعين معجوق عجق وعقلو ما معو لحين ما رجع اكلها مرة تانية وعملت ردة فعل عكسية ورجع لطبيعتو :lol:


السلام عليكم