السلام عليكم ورحمة الله وبركاته


انا ساروي لكم القصة وانتم قولوا لي ماذا افعل


؟



هادا يا حضرات الاخوة والاخوات الكرام


من شي اسبوع وشوي

اجانا اتصال عالبيت ...........


الاتصال - وحدة بنت - : ألووووو ميرا هون ؟؟

اخي : لاء النمرة غلط

بعد فترة


ترلت ترلت

الاتصال - وحدة بنت نفسها :lol: - : الوووو ميرا هون ؟؟

اخي : لاء النمرة غلط


بعد كم ساعة


ترلت ترلت

الاتصال - وحدة بنت هي ذاتها - : الووووووووو ميرا هون ؟؟

اخي : لاء النمرة غلط ما عنا ميرا

---------

بعد يومين تقريبا


ترلت ترلت

الاتصال ..... نفسه ........ - الوحدة بنت نفسها - السؤال نفسه : الوووو ميرا هون ؟

اخي : لاااااااااء النمرة غلط ما عنا ميرا




بعد كم ساعة

ترلت ترلت

الاتصال : البنت نفسها ...... السؤال نفسه

ميرا هون ؟

----------


بعدها بكم يوم



عادت اتصلت

هالمرة انا يلي رديت

وما معي خبر انها نفسها


المهم


نفس الشي ....... ميرا هون ؟

قلتلها لاء النمرة غلط


فسمعني اخي وسالني مين ؟

قلتلو وحدة قال بدها ميرا

قالي يييييييييييييهيييييييييييي علينا شو هيدي ما بتفهم ؟

قلتلو ليش

قام شرحلي القصة متل ما قلتلكم


المهم بلا طول سيرة




هيدي رجعت اتصلت تاني يوم


الوووووووو ميرا هون ؟؟؟؟؟؟؟؟

قمت رديت عليها وقلتلها :

عفوا بس هيدي صارت تاني مرة بتتصلي فينا لهون بيومين والنمرة غلط ما عنا ميرا
هون طرابلس والرقم هو *********
قام قالت يي ايه باي

وسكرت

بصراحة انا واخواتي حطينا ليستة اجوبة مشان اذا عادت واتصلت

منها :

اعطينا رقمها لميرا واحنا منتصل فيها ونقلها تتصل فيك

وكذا جواب



وانا من جهتي قلتلهم اخر حل اننا نتصل فيها ونقلها بدك ميرا ؟ ايه النمرة غلط


:twisted:




فما رايكم دام فضلكم








بس عندي سؤال


كل البيارتة هيك ؟ بما انو النمرة من بيروت




























لااااااااااااااااء عم امزح ما حدا ياخدها بشكل جدي :lol:



يالله سلامي الى كل اخوتنا من بيروت

بالذات الحبيب منير الليل


السلام عليكم ورحمة الله وبركاته

و عليكم السلام و رحمة الله و بركاته


لا ما كل البيارتة هيك

و في بيارتة ما بحبوا يحكوا على التلفون و لا يردوا عليه

حتى لو ضل يرن و هني قاعدين حده ما بيفتحوه


نحن في عندنا خطّين...

في خط منهم بضلوا برنّوا عليه نمرة غلط....

فماما بطلت ترد على الخط التاني لو مين ما رنّ يرنّ


بس في حل
الواحد ممكن يشتري هيدي الآلة اللي بتكشف الأرقام... و يصير يرد على النمرة التي تحلو له

السلام عليكم ورحمة الله وبركاته
اخر حل اننا نتصل فيها ونقلها بدك ميرا؟ ايه النمرة غلط السلام عليكم ورحمة الله وبركاته

وعليكم السلام ورحمة الله وبركاته..
هذا الرد يدلّ على مشاكسة من الدرجة الأولى!!

ايه بس هيك شي منو طبيعي!!
بركي عندكم ميرا بالبيت وانت ما معك خبر!!

السلام عليكم ورحمة الله وبركاته


اخت ام ورقة بارك الله فيك انا كنت عم امزح ورديت نبهت بالاخير اني ما قصدت اهل بيروت بشيء بس مجرد مداعبة بسيطة على امل ان تمر بسلام


اخت بشرى !!!!!!!! مشاكسة من الدرجة الاولى ؟


:lol:

طيب بالله عليك شو بقلها ؟


بس بظن انو راي ما اشبو شي

بما انو انا واخوتي ضحكنا واتفقنا عليه :lol:

بالنسبة لميرا

انا سالت هون وهون قام بالاخير ما طلع عنا ميرا بالبيت

شو بدنا نعمل

يالله

السلام عليكم

أنا خايف أنه ميرا تتصل وتقول
مرحبا انا ميرا حدا اتصل فيني؟؟؟ :lol: :lol: :lol:

اعطينا رقمها لميرا واحنا منتصل فيها ونقلها تتصل فيك



ممتااااااااااااز :P

هذا هو الحل الافضل :twisted:

يبدو أن الفتاة المتصلة تتمتع بذكاء خارق ...

فهي استطاعت فهم أن ميرا ليست موجودة على هذا الرقم بعد أكثر من 10 اتصالات كانت الأجوبة فيها "النمرة غلط"

هل رأيتم أن النساء قدرة فهمهم الأشياء ليست كالرجال ...


منيح ما كان في 14000 اتصال لتفهم أنو "النمرة غلط" :lol:

ممكن تقول لها أنا اسمي ******** وبيدلعوني ميرا واتعرف عالبنت
يمكن يصير النصيب
كتير قصص هيك بتبلش شو ما بتحضر أفلام عربي ؟؟؟!!!

من طرابلس وبيدلعوه .... ميرا :D

بتمشي ليش لأ

وضعنا خطط لتلافي هذا الامر

ولكن طرح اخي حلا طريفا

كل ما تتصل

بيروح اخي ويتصل عليها ويسالها : عفيف هون ؟

وهيك كذا مرة لحديت ما شي يوم تتصل وتسال : ميرا هون ؟
بيقوم بيقلها لاء بس عفيف هون اذا بدك

:lol:

------------


يا اخ ميرا هاي الحركات تركنالك ياها

8)








حبيبي فخر كيفك ؟ مشتاقلك والله




السلام عليكم

انا بحب نكش المواضيع القديمة....

مرة اتصلت فيني وحدة

قالت: مرحبا

-اهلين
-كيفك ؟
-الحمد لله
وبعدين قالت بلهجة مصرية: انا كنت مصاحبة واحد، وكنت ناوية اني اول ما اخلص منه اتعرف عليك
وسألتني: انت اسمك إيه؟؟ انا سكتت فقالت: ياااه اسم حلو اوي

وبعدين صارت تسأل أسئلة وانا ساكت، بالآخر قالت يلا باي هكلمك بعدين

احزروا مين طلعت؟؟؟؟

يعني خلصتوا من ميرا .. :)

و هي المسكينه ابتلشت بعفيف :not:



منو ...

ههه

منو الي نصبت عليك :comp:

:?:

طلع واحد صاحبي لبناني عم يمزح... او بالاحرى عم يختبر صمودي امام الجنس الآخر

وكانت القصة مجرد تسجيل صوتي لفتاة حصل عليه من احد المواقع :didam:

حادثة حصلت أمامي:

اتصلت إحداهن على المكتب الذي أعمل فيه وطلبت شخصاً بعينه ..."أحد الزملاء"

فناديناه فدارت هذه المحادثة بينهم.

هو : ألو ... مين معي.
هي : إحزر
هو : عايدة ؟؟
هي : لأ
هو : عائشة ؟؟
هي : لأ
هو : وهيبة ؟؟
هي : لأ
هو : فلانة ...؟؟؟ فلانة ؟؟ فلانة ؟؟؟
هي : لأ ... لأ .... لأ ....
وبنبرة قوية صرخت فيه حتى أننا سمعنا صراخها من السماعة .... تقبر عمرك ، كم وحدة بتعرف يا مضروب
هو : فاطمة ؟؟؟؟
هي : أي فاطمة

اتضح أن فاطمة هي زوجته وأنه يسمع صوتها عبر الهاتف لأول مرة ... وكل الذين ذكرهن ... أرامل وطاعنات في السن ، ومعرفته فيهن من خلال عمله في إحدى الجمعيات وتوزيع المساعدات عليهن.
----------------------

بس يا حرام أكل رعبة :D

ما بتسمع إلا رجال آكلين رعبة من زوجاتهم

الله يحمل مع الرجال ويساعدهم :eys:

السلام عليكم ورحمة الله وبركاته

ما عادت اتصلت من اخر مرة

للاسف ما قدرنا نطبق ولا مخطط شرير من يلي خططناهم


:lol:


والله التليفونات شغلة غريبة سبحان الله

منهم من يستغلها للخير ومنهم من يستغلها للشر

الخوف من الزوجات ؟؟؟؟؟؟؟

لماذا ؟

هذه المسالة لم افهمها بعد

ولكن اظن انهما لو علما ما لهما وما عليهما لما كان هناك داع للخوف


:lol:

هلاء المتزوجين بيقولولي بس تتزوج تبئا فرجينا هههههههه

السلام عليكم