بسم الله الرحمن الرحيم

قضية ترك الاعضاء وهجرهم لمنتدياتهم قضيه منتشرة ومؤرقة خاصة إذا كانوا هؤلاء الأعضاء بارزين في المنتدى سواء بكثرة المشاركات أو التميز في هذه المشاركات من خلال مواضيعهم التي يكتبوها أو ردودهم التي يردون بها أو حتى المواضيع التي ينقلونها من مصادر مختلفة

لا أريد الاطالة وحشو الكلام فخير الكلام ما قل ودل.. أحببت أن أذكر بعضا من الأسباب التي تدعو الأعضاء إلى هذا الشيئ ومن عنده إضافة فلا يبخل علينا بها...

أولا:
تعرض الكاتب للتجريح من قبل عضو آخر ولم تقم الإدارة بواجبها في إنصاف المخطئ عليه وأخذ حقه

ثانيا:
عضو يتميز عن الآخرين في المنتدى ويبذل الجهود الجبارة في إنجاح المنتدى وإظهاره بالمظهر الجميل بطرق شتى.... ((ولكن لا يقابل ولو بكلمة شكر أو تكريم من إدارة الموقع فماذا تتوقعون؟ هل ستقوى همته على المضي في نفس المنهج الذي انتهجه في المنتدى!! أم سيصاب بالإحباط...!!))

ثالثاً:
* وجود أحزاب في المنتدى يهتمون بمواضيعهم فقط ويهملون مواضيع الأعضاء الآخرين
*كذلك الدلالة الواضحة على المعرفة الشخصية للأعضاء بعضهم لبعض من خلال المنتدى وطبعا سوف تولد الحساسية عند أعضاء وجدوا أنفسهم بين شلة بينهم صحبة ومعرفة على أرض الواقع فـ"من الممكن" أن يقفوا صفا واحدا ولو أنهم على خطأ في وجه أي عضو من الأعضاء بداعي المعرفة التي بينهم سوى قرابة أو زمالة أو معرفة مسبقة...

رابعاً:
قلة الردود وخصوصا عندما يجتهد الكاتب في كتابة موضوع ويتعب عليه ثم يفاجأ أنه بقي بلا ردود أو عددها قليلة عندها يمسح الكوكيز ويترك المنتدى.. انظروا عدد المواضيع التي لم يرد عليها عندنا في المنتدى: 2992...

خامساً:
عدم تطوير المنتدى لا بافتتاح اقسام جديدة ولا بتغيير شكل المنتدى فترة طويلة... عندها يداهم الملل الأعضاء وقد يتركون المنتدى

سادساً:
عدم السؤال عن العضو إذا غاب وطال غيابه فكان وجوده مثل عدمه عندها يحجز ذهاب بلا عودة إلى منتدى آخر.. بس إذا صار عندو شي لا سمح الله عم نعرف

سابعاً:
غياب الإدارة وانشغالها عن المنتدى وربما تلاحظون أو يلاحظ في المنتديات الأخرى قلة مشاركااتهم ومن يصدق أن مدير موقع مشاركاته تعد على الأصابع ..!! ولكن الحمد لله لا يوجد هذا في منتدانا.. ما شاء الله عنده 3396

ثامناً:
عندما يستخدم الاداري ((مشرف* مراقب)) السلطة الإدارية في غير محلها فيحذف موضوع
والحذف في غير محله عندها يسجل خروج هذا العضو المغلوب على أمره وقد يلحق به ركب من الاعضاء عز عليهم تركه للمنتدى ولا يتصورون المنتدى بدونه فــ "يلحقون به".. (ما بقصد حدى ها)

أتمنى من الجميع التعليق على كل سبب وكما ذكرت في البداية اللي عنده إضافه لا يبخل علينا..
أخيرا... لجودة هذا الموضوع وفائدته وجدت نفسي مرغمة على نقله لكم للفائدة.

السلام عليكم،
الله يبارك فيك يا صوتة :)

ما شاء الله غيورة على مصلحة المنتدى. انا اقترح ان ننقلب ونضع مشرفة عامة بدل المشرف العام.

عليكم السلام ورحمة الله وبركاته

بسم الله الرحمن الرحيم... شو هالسرعة بالردود؟؟ كنت بعدني عم عدل فيه... شفت أنك أهدأ من السكون وأسرع من لمح العين؟؟

لا.. أنا ما بقبل أنو يستلم المنتدى مشرفة عامة... لأنو بصراحة رح يتخربط بزيادة.. :idea:

............... السلام عليكم ...............





.............. بارك الله فيكِ ...أخت بشرى... على هالموضوع .......... المهم ..........؟!!..........



......... فعلا بالنسبة ........... لقلة الردود أو انعدامها لموضوع في غاية الأهمية ............؟!.............. مشكلة كبيرة ...........أو تحمسهن بالأول للموضوع . وبالآخر ........................ بيبردوا .... وما بيرجعو يهتمو الو .........؟!... ولا كأنو صار شي ........؟؟!......


............... عدم السؤال عن أي عضو يغيب لفترة من الزمن عن المنتدى .........!!!....


............. هالشي لفت نظري ما في هالاهتمام الكبير .........ل هالشغلة ........ ولا كأنو عالعضو من منتداهن وانهن لازم يسألو عنو ...........!!!..........ما بعرف ازا هيه برودة أحاسيس ومشاعر ....... مع انو المسلم الحق ........... بيكون كتلة ملتهبة من المشاعر والاحاسيس الانسانية ........!!؟؟؟...........


...... مزبوط في ناس كتير مميزين وبيتعبو لأجل المنتدى . بس ما في كلمة شكر .........؟!............أو اهتمام فيهن ................!!؟......

........... ازا القيت كمان تعليق عندي رح اكتبو ..............!!!!.........



سلامي اليك
lady hla
القدس

السلام عليكم،
ما شاء الله عليك يا صوتة شو سريعة :)
شكراً لك يا ليدي حلا على هذا الرد
انا امزح ولكن المشكلة هي في انشغال الاعضاء والمشرفين في كتابة ما لديهم والرحيل بسرعة او في الخصام.

................. السلام عليكم .................




..................... ش..... ك......ر........ا.................. .!.............


................. هلأ هدي الكلمة قديش رح تاخد من وقتنا ......لنكتبها.....؟!!.....

....... شكرا ........ أخي ..........بلال ......وبارك ......... الله ........ فيكَ.....!!!!.......



سلامي اليك
lady hla
القدس

صحيح يتركونها :(

شكرا لكِ اخت بشرى

up up up

السلام عليكم ورحمة الله وبركاته
انا بصراحة ما رح علق على شي عشان كل الحكي بينطبق علي فا لا تعليق واذا بكم اترك المنتدى برمته يا ريت تلغولي اسمي بيكون احسن الي والكم :lol:
وتكرمي ست بشرى رح اعمل شي بينفع وثبتلك الموضوع

السلام عليكم ورحمة الله وبركاته

:roll:


طيب خلينا نعمل محكمة للشعب وخلي البروليتاريا تاخد مجدا ونحاكم الطبقة الحاكمة " المشرفين "

و بعدها


















الى المقصلة :lol:




-----


بس بالفعل معك حق اخت صوت(ة) بكلامك وبارك الله فيك على هالهمة والغيرة عالمصلحة العامة

وانا اقترح ان نرشحك للانتخابات البلدية او اقصد انا اضم صوتي للاخ بلال :lol:


السلام عليكم

بمناسبة الحديث عن هذا الموضوع !!!
أين أخونا في الله فخر
لم يشارك منذ فترة !!!
:roll:
عسى خير إن شاء الله :p

السلام عليكم ورحمة الله

الحمد لله انا عضو مثل باقي الاعضاء خاصة في الصوت العام لانه لم اعد مشرفا لذلك فانا في صفوف المعارضة :lol:


يا عيبشوم بس اخصصصص لكان يا منظومين ما عم تردوا على مواضيعنا؟؟؟؟؟؟؟؟


بالنسبة لي لا مشكلة لان الموضوع الذي اتعب عليه وانزله هنا فاني انزله في منتدى اخر ولكني مستمر هنا ان شاء الله

واعتقد ان الوضع افضل من ذي

ولكن لي تعليق ان هناك اعضاء فعلا ردودهم استفزازية انا رايت ما فعلوه مع نجوم ومع حتى منال وحتى حلا

الغريب ان الواحدة تكتب موضوعا فيرد عليها الاخر باستهزاء وينسى مراعاة الحال انها من بيئة مختلفة ودولة مختلفة


خيرا ان شاء الله

:)
الله يكرمك اخى هلال
سلااااااااااااااااااااااااام
والله راح اكثف الدعاء لك اليوم على الافطار وفى ثلثل الليل الاخير
فعلا الكلمة الطيبة صدقة جزيت خيرا وبارك الله فيك
اخت بشرى معلش ما قرات الموضوع اولا ليس لدى الوقت الكافى وثانيا لا اريد ان اتذكر
بارك الله فيكِ وفىالجميع ودمتم ذخرا للاسلام والمسلمين :)

السلام عليكم

جزاك الله خيرا اختي منال

واشكرك على دعائك

بارك الله فيكم

سابعاً:
غياب الإدارة وانشغالها عن المنتدى وربما تلاحظون أو يلاحظ في المنتديات الأخرى قلة مشاركااتهم ومن يصدق أن مدير موقع مشاركاته تعد على الأصابع ..!! ولكن الحمد لله لا يوجد هذا في منتدانا.. ما شاء الله عنده 3396


شو قصدك ؟؟؟؟؟ :evil:

شو قصدي؟؟؟

إن المشرف العام من الإشارة يفهمو

أهلاً أهلاً :foot: :mrgreen: :arabi: :p
نرحب بمرور أخونا ومعلمنا فخر على منتدانا بعد طول غياب
والله اشتقنالك يا رجل

.................. السلام عليكم .................




............... الله يبارك فيكم جميعا ................!.............



سلامي اليك
lady hla
القدس

السلام عليكم

تعقيباً على ماذكرته الأخت الفاضلة / بشرى /

فإنني أقول و بالله التوفيق....

( التمس لأخيك بضعاً و شبعون عذراً )...

يعني فخر مثلاً...

الله يعينه يا دوب ملحق شغل الصباح و المراسلات و شغل الظهر و شغل البيت و الأولاد من المدرسة و يادوب يجلس مع أهله و يا دوب يحكي مع زوجته و يا دوب و يا دوب...

بقى معذور....


و هلال بجامعته....و الشباب بأعمالهم....و أنا يا دوب لحق فوت عالإنترنت و على منتدى صوت....


مش متل الأخوات................جامعة و خلصت....و ثانوية و تخرجت....و شغل كم ساعة.....وطبخ ساعة....وجلي....ربع ساعة...و بعدين؟

فاضين و راضين.....كتابات و مشاركات و ماشاء الله عليهن....

بقى الأخوات أشطر و أفضى بالاً و اهنأ حالاً من الأخوة....

فاعذرونا........ ;)

تحية احترام و تقدير لكن...و خاصة للأخت المقدسية التي لا أمل من طلب الدعاء منها في الأقصى كلما زارته.... :!:

المشرف omar أهلا بك وأرحب بمشاركاتك النادرة..


( التمس لأخيك بضعاً و شبعون عذراً )... شبعون؟؟ طيب
رح التمس لو سبعين عذر.. بس أنا ما قلت ليش ما عم يكتبوا بالمنتديات.. أنا ذكرت ليش عم يهجروا المنتديات.. هيدي أولا

تانيا بالنسبة لأخي فخر:

الله يعينه يا دوب ملحق شغل الصباح و المراسلات و شغل الظهر و شغل البيت شو المقصود بشغل البيت؟؟ :?: يعني هو اعترف في إحدى المحطات أنو ما بيعمل شي بالبيت وقال:
بس هيهات هيهات مين يسمع نداءات مرتو وهي بتطلب منو طلب وهو مسؤول عن كلامو..

تالتا:
مش متل الأخوات................جامعة و خلصت فرضا جامعة وخلصت.. يعني ما رح تفتش على مكان تقدر تشتغل فيه؟؟ ما بدها تزبط أوراقها وشهادتها وإجازتها لعملها؟ وبس شهادتها بدها تخليها تدور السبع دورات من طوابع وسجل عدلي وإخراج قيد وتقديم طلبات ووووو... وليكون بعلمك أوقات الأنثى بتشتغل 12 ساعة بالنهار.. والله دوام يقصم الظهر.. دوامها متل دوام الشباب.. وأوقات بتشتغل ليلا.. وبعدين عندها البيت وشغلو.. والطبخ.. والجلي.. والمسح.. وتدريس الأولاد.. والغسيل... والكوي.. وشراء حاجيات البيت لأنو ما شاء الله الرجل منهك بشغلو وما معو وقت يحك راسو.. وما بيتذكر أغراض البيت.. هيدا كلو إذا ما كانت بعدها عم تتابع دراستها.. وإذا ما كانت متزوجة.. أما إذا متزوجة فزوجها لوحدو بيشكّل لها "دوام عمل آخر".. ومع ذلك يتذكرن مسؤولياتهن أينما كنّ..

حبيت وضح لك الأشياء اللي ما بتعرفها يمكن مع انو كلامي كلو كان خارج الموضوع الأساسي..

سلام الله على الجميع............................. ................................... ........

الاخت بشرى معها حق يا أخي عمر
كلنا وقته ضيق

((وراء كل رجل وقته ضيق امرأة تمده بما لديها من وقت فائض ;) ))والله المستعان


أنا شخصيا أحاول الرد على المواضيع التي فيها ما يهمني أو ما يشد انتباهي،
اما المواضيع التي لا أجدها ممتعة أو مفيدة أو مهمة فمن غير المنطقي أن أرد عليها. :D

الله يعينه يا دوب ملحق شغل الصباح و المراسلات و شغل الظهر و شغل البيت شو المقصود بشغل البيت؟؟ :?: يعني هو اعترف في إحدى المحطات أنو ما بيعمل شي بالبيت وقال:
بس هيهات هيهات مين يسمع نداءات مرتو وهي بتطلب منو طلب وهو مسؤول عن كلامو....

نعم أنا مسؤول عن كلامي ... عمر يقصد واجبات البيت ... وتاني مرة لا تفهموا غلط :lol:


مش متل الأخوات................جامعة و خلصت فرضا جامعة وخلصت.. يعني ما رح تفتش على مكان تقدر تشتغل فيه؟؟ ما بدها تزبط أوراقها وشهادتها وإجازتها لعملها؟ وبس شهادتها بدها تخليها تدور السبع دورات من طوابع وسجل عدلي وإخراج قيد وتقديم طلبات ووووو... وليكون بعلمك أوقات الأنثى بتشتغل 12 ساعة بالنهار.. والله دوام يقصم الظهر.. دوامها متل دوام الشباب.. وأوقات بتشتغل ليلا.. وبعدين عندها البيت وشغلو.. والطبخ.. والجلي.. والمسح.. وتدريس الأولاد.. والغسيل... والكوي.. وشراء حاجيات البيت لأنو ما شاء الله الرجل منهك بشغلو وما معو وقت يحك راسو.. وما بيتذكر أغراض البيت.. هيدا كلو إذا ما كانت بعدها عم تتابع دراستها.. وإذا ما كانت متزوجة.. أما إذا متزوجة فزوجها لوحدو بيشكّل لها "دوام عمل آخر".. ومع ذلك يتذكرن مسؤولياتهن أينما كنّ.. ..[/quote]

البنات هون كلهم مش متزوجات ... هيدي واحدة ...

أما الثانية فهي أن البنات ينلن دائماً عطف الآباء والأمهات ... فلذلك تعطى كل المهام الصعبة التي تخص الفتيات إلى الشباب وذلك بحجة أنها "ضلع قاصر" وأن ذاك "رجاااااااااال" وعليهم تحمل المسؤولية عنها .....[/quote] فرضا جامعة وخلصت.. يعني ما رح تفتش على مكان تقدر تشتغل فيه؟؟ ما بدها تزبط أوراقها وشهادتها وإجازتها لعملها؟ وبس شهادتها بدها تخليها تدور السبع دورات من طوابع وسجل عدلي وإخراج قيد وتقديم طلبات ووووو... [/quote] ... كل هذه الأعمال يقوم بها عادة الأب أو الأخوة الذكور ... ويا دلو إذا كان أخ صغير "يقوم بدوره دون منة من أحد" :cry:

بالنسبة لعمر ... فلازم تعذروه دائماً مشغول ;) "بالنوم"

أما المنتدى ... فساعة أستطيع الدخول ... لا أتأخر ...

طارق "أفندي" تقبر قلبي شو مشتقلك ... أرجو أن تنطقها "باللهجة الدرزية" :lol:

من لبناااااااااااااااااااااااااااااااا اااااااان
فيكي تشيلي التثبيت إذا بدك... هيدا إذا سمعتيني...

السيد فخر...
شو يعني أنت عملت استقصاء وعرفت أنو كل بنات المنتدى مش متزوجين؟؟
يعني قاعدين ومرتاحين؟؟
ما عجبني هالكلام.. بكل حال روح أنت مرة وحدة على دائرة حكومية وشوف هونيك "الشمططة" اللي منشوفها...

خد وجيب.. واطلع وانزل.. وصور وصدّق... وجيب طوابع.. واعمل هيك.. وقدم طلب.. واتصل.. وضوف.. وارجع تعى... وما إلى ذلك من عذاب نفس وشقاء..

آآآآآآآآآآآآآآآآآآآآآخ ما يوقع بإيدي حدى من اللي عذبني بهالدوائر.. بدي أشفي غليلي منو.. استنى وشوف

هناك إختراع إسمه "معقب معاملات"

وهناك مثل يقول "هن قرشك ولا تهن نفسك"