تسجيل الدخول

مشاهدة النسخة كاملة : موضوع جديد خاص برمضان.. بحاجة الى مشاركتكم



من لبنان
10-09-2004, 05:12 PM
الحمد لله الذي منّ علينا بنعمة الحياة حتى نبلغ رمضان ونتزود من بركاته الخيرات العظام
لقد انتشر في المجتمعات العربية كثير من العادات الاجتماعية التي تبتعد بالمسلمين كثيرا عن روح رمضان فاردت ان افتح بابا للتناصح الاجتماعي فيما بيننا
فنحن كثيرا ما نواجه مواقف نضطر الى القيام بها مسايرة للوضع السائد او لأننا نجهل ان ضررها اكبر من نفعها وخصوصا ان رمضان فرصة اذا فاتت لا تعوض. انبه هنا باني اتحدث عن مواقف اجتماعية قد يكون الحكم الشرعي واضح بشانها لكننا نقوم بها.

سابدأ بالموضوع الاول كي اوضح الفكرة وارجو التجاوب والمشاركة لما فيه من فائدة ستعم الجميع ان شاء الله في هذا الشهر الكريم.

مشاهدة التلفزيون:
مثلا انا انصح بعدم مشاهدة التلفزيون نهائيا خلال شهر رمضان حتى ولو كان الذي سيشاهَد برنامجا دينيا. لان الجلوس لساعات طويلة من دون حركة يورث التعب والخمول وخصوصا بعد تناول وجبة كبيرة. فستكون مشاهدة التلفزيون على حساب القيام بعبادات ونوافل فيها الاجر الكبير.
يعني وان كان الانسان الذي يشاهد التلفزيون لا ينوي ان يشاهد منكرا، وهذا فيه شك كبير، فهو سيبدا بمشاهدة الشيخ الفلاني وينتهي بالمشاركة بمسابقة رمضانية تقدمها الفنانة الفلانية.
هذا بالاضافة الى ان الذي يشاهد التلفزيون سيبقى باله مشغولا طوال الوقت كي لا يفوته وقت البرنامج وتراه يرتب اموره واوقاته بحسب وقت البرنامج، فتراه مثلا يشاهد المسابقة القرآنية ويتساءل اي من المشتركين سيفوز ويتعاطف مع الخاسر بدلا من ان يدعو الله في فترة الاجابة قبل الافطار. وعلى ذلك امثلة كثيرة

منال
10-09-2004, 06:14 PM
السلام عليكم ورحمة الله وبركاته

ينبغي أن نستقبل هذا الشهر الكريم بالعزيمة الصادقة على صيامه وقيامه إيمانًا واحتسابًا لا تقليدًا وتبعية للآخرين: وأن تصوم جوارحنا عن الآثام من الكلام المحرم، والنظر المحرم، والاستماع المحرم، والأكل والشرب المحرم؛ لنفوز بالمغفرة والعتق من النار.

وجزاك الله كل خير اختى من لبنان :)

من لبنان
10-09-2004, 07:01 PM
السلام عليكم ورحمة الله وبركاته
بارك الله فيك اختي العزيزة منال وجزاك كل خير
بس ياريت تعرضي لنا شي كام موقف بيحدثوا عندكم في المجتمع المصري وانت بتشعري انها مخالفة لروح رمضان بركة هيك منتشارك بالافادة

منال
10-09-2004, 07:09 PM
السلام عليكم ورحمة الله وبركاته
بارك الله فيك اختي العزيزة منال وجزاك كل خير
بس ياريت تعرضي لنا شي كام موقف بيحدثوا عندكم في المجتمع المصري وانت بتشعري انها مخالفة لروح رمضان بركة هيك منتشارك بالافادة
وعليكم السلام ورحمة الله وبركاته
طيب ايه لزمته الاحراج ده :oops:
اقولك مواقف رمضانية لكن مخزية بس استنى يمكن رمضان السنة دى احلى من ذى قبل
انا هبقى اكتب نصايح وخلى المواقف دى بعدين

ينبغي لنا أن ننتهز فرصة الحياة والصحة والشباب، فنعمرها بطاعة الله، وحسن عبادته.

وأن ننتهز فرصة قدوم هذا الشهر الكريم، فنجدد العهد مع الله على التوبة الصادقة في جميع الأوقات من جميع الذنوب والسيئات.

Saowt
10-10-2004, 10:48 AM
نصيحة؟؟

رح فكر بشي وحدة وارجع اقول لكم

no saowt
10-10-2004, 12:41 PM
السلام عليكم،
حلو التفكير على رواق :)




نصيحة؟؟

رح فكر بشي وحدة وارجع اقول لكم

من لبنان
10-10-2004, 12:48 PM
السلام عليكم ورحمة الله وبركاته
اي بس ان شاء الله ما يطول هالرواق وتروح معكم القصة لآخر رمضان
بدنا مشاركات اذا بتريدوا

lady hla
10-10-2004, 05:02 PM
........... السلام عليكم ..................


.....سلامي اليك............. يا عزيزتي من لبنان .......... :roll: ......!؟...............



.......... نصيحة ..... :?: ....؟؟؟؟!.............

............. عند آذان المغرب...... ..عند موعد الإفطار... :!: .... فكروا قبل أي لقمة سوف تضعونها بفمكم ....؟!......


............. بأن هناك الألوف من المسلمين .......بالنسبة لهم أصبحت هذه اللقمة ........ حلم

بعيد عن متناول اليد .....................لظروف ما ......................؟؟؟؟!!!!!!!!! !...........

........... فتذكروهم ............. لحظة .......................!؟.......... ........

............ وطبعا لا ننسى أن نتذكر بأن نرحم أمعائنا ........... ولا نسير بها إلى طريق التخمة ....... ثم الهلاك ....................... :idea: ...............!؟؟؟.............




سلامي اليك
lady hla
القدس

شيركوه
10-10-2004, 05:42 PM
السلام عليكم


بالنسبة للمواقف .....

اكتر موقف بيقهرني هو :


انا صايم = انا لازم كون معصب


انا صايم = انا لازم سب واشتم وعصب على السواق يلي في الخط المقابل




انا صااااااااااااايممممممممم :x


هادا الموقف بيموتني


دائما عند الافطار نجد الوضع كالتالي :















بررررررررررررررر :motors: ( واحد راكب دراجة او سيارة )
وييييييييييييييييييئئئئئئ ( صوت فرامل )

بم بم ( الابواب تفتح بعنف )

:coyboy:

( ينزل الرجال من السيارات )

توووووووووووووووووووووووووووووووووو ووووت ( صوت شتائم بس اقتطعناها حرصا على اسماعكم :lol: )

:ninja:

ولما يجي واحد ويقلهم : يا جماعة نحن في رمضان


يقولو نحن صايمين :x :didam:

الله اكبر الله اكبر ( اذان المغرب )


تك تك :idea: ( ضوء المسرح )
خلص الفلم


ما معهم خبر انهم فطروا قبل الوقت :(

وبحجة الصيام تضيق نفوس الناس ذرعا ببعضهم البعض

هادا من المنواقف المحزنة

السلام عليكم

lady hla
10-10-2004, 05:49 PM
............... السلام عليكم ..................



........ عيدها ...... عيدها ............ عيدها .............!!!؟؟...... :roll: ....



....... حلوة المسرحية ............. عجبتني ................؟!................

....... صحيح . انسيت تحكي كم حادث بصير بهديك الساعة ...... وسيارات الويوي..... :idea:

....... بتبلش تشتغل .......... والحملات ..... والمستشفيات ..... وبعدين المقابر .. 8) ..؟!




سلامي اليك
Lady hla
القدس

Saowt
10-10-2004, 06:04 PM
يييييييييي علينا

من لبنان....... هيدا فوق ما عم أجهد نفسي وفكر؟؟

إسا كمان
أنا صايم= ممنوع أدرس حتى ما اتعب

إسا من كم يوم... في وحدة عم تقدم إمتحان
عاد عصلاة الظهر ما عملت كتير منيح

ليش يا بنتي؟؟ قال بتعرفي.. اني تعبانة وصايمة ما قدرت ركز..

منال
10-10-2004, 06:22 PM
ينبغي لنا أن نحافظ على آداب الصيام: من تأخير السحور إلى آخر جزء من الليل، وتعجيل الفطر إذا تحققنا غروب الشمس، والزيادة في أعمال الخير، وأن يقول الصائم إذا شُتِمَ: 'إني صائم' فلا يسب من سبّه، ولا يقابل السيئة بمثلها، بل يقابلها بالكلمة التي هي أحسن؛ ليتم صومه، ويقبل عمله.

و يجب علينا الإخلاص لله عز وجل في صلاتنا، وصيامنا، وجميع أعمالنا: فإن الله تعالى لا يقبل من العمل إلا ما كان صالحًا وابتغي به وجهه، والعمل الصالح هو الخالص لله، الموافق لسنة رسوله صلى الله عليه وسلم.

والسلام عليكم ورحمة الله وبركاته

شيركوه
10-10-2004, 06:24 PM
السلام عليكم ورحمة الله وبركاته

:nurs:


:lol:


:(



عجبتك المسرحية ؟


لسا في غيرها


-----------










خخخخخخخخخخخخخ




خخخخخخخخخخخخخ






خخخخخخخخخخخخ

( واحد نايم )

ترررررررررررررررررررررررررررررررررر ررررررررررررررررررررررررررررررررر
( صوت الساعة المنبهة )

كح كح بخ بخ ( الرجل يا حرام يكاد يختنق من الفزع بسبب صوت المنبه المزعج )

الرجل : اديش الساعة ؟ - يوووووووو لساتها وحدة ؟

( لتتوضيح : الساعة الواحدة بعد الظهر )

الرجل : يالله ..... شو بدي اعمل ؟ خليني فيق وامري لله .... بقوم بتوضا وبصلي الصبح قضاء وبشوف اذا بصلي الظهر وراها او برجع بنام وبصليها مع العصر قبل المغرب

تششششششش بوخ بوخ بوخ ( يتوضا باسراف )

الله اكبر الله اكبر سمع الله لمن حمده الله اكبر الله اكبر الله اكبر الله اكبر
الله اكبر الله اكبر سمع الله لمن حمده الله اكبر الله اكبر الله اكبر الله اكبر
السلام عليكم ورحمة الله السلام عليكم ورحمة الله
( الرجل انهى صلاته والحمد لله فيما امه ما زالت لم تنه غسل كبايتين من الازر = اكسبريسو )

وززززززززز وشششش وعئ ويعئ قالت وكالة .....وعئ ويعئ يا عيني يا ليلي وعئ ويعئ
شوف نريكم يا قبيلة بني كبيسة وعئ ويعئ
( الرجل يقلب محطات التلفاز )

بعد وقت قصير .....

الله اكبر الله اكبر
( اذان العصر )

يووووو اذن العصر وما صليت الظهر

يالله بعد شوية بقوم بصلي

( ويعود الى التقليب في محطات التلفاز من محطة الى اخرى من برنامج تسلية لاخر من مسلسل لاخر من برنامج طبخ لاخر )

يا ماما انا جعت اديش باقي للمغرب

الماما : ما باقي شي يا دوبك ياذن

الرجل : يووووووو لازم قوم صلي ..... يا ترى لساتني متوضي ولا لاء ؟ يالله الشك لا يزيل اليقين ( ما شاء الله عارف القواعد الفقهية كمان )
الله اكبر الله كبر السلام عليكم
الله اكبر الله اكبر السلام عليكم

الحمد لله صليناهم
( اعتقد ان سرعة هذا الشاب اكبر من سرعة الضوء ب 20% تقريبا )

الله اكبر الله اكبر

نيم نيم هم هم نيم نيم هم هم كح كح كح ( بينما ياكل بنهم ..... كاد ان يختنق )


ماما رح يبلش المسلسل اقلبيها بسرعة



و تبدا الكرة من جديد ......

الله اكبر الله اكبر ( اذان العشاء )

ماما ما بدك تروح تصلي التراويح ؟

الرجل : نعم ؟ تراويح ؟ هلاء ( = دلوقتي ، ديه علشان اختنا منال ) يا امي بطني منفوخ آآآآآآآآآآآخخخخخخخ اخخخخخ بعدين رح يبدا مسلسل البطة والسبع نعجات

وتبدا السهرة

بعد قليل !!!!!!! :| ( بحسب توقيت هذا الشاب )

يووووو صارت الساعة 4 الا ربع بالليل

تقوم صلي يلي عليي واتسحر ونام


ثم


وخخخخخخخخخخ وخخخخخخخخ وخخخخخخخ

وتعاد الكرة في اليوم التالي



:( :roll:




هيدي مسرحية كوتراجيديا

السلام عليكم

منال
10-10-2004, 06:30 PM
( = دلوقتي ، ديه علشان اختنا منال )
يا سلام ربنا يبارك فيك
جزاك الله كل خير
بس ما شاء الله سرد جميل للاحداث لكن عاوزين يوميات صائم بجد مش واحد صايم اى كلام
يلا سلام عليكم

من لبنان
10-10-2004, 06:37 PM
السلام عليكم ورحمة الله وبركاته
بارك الله فيك اخي فرقاني ما شاء الله عليك
الله يرضى عليك كترلنا منهم هول هيدا المطلوب بالزبط من الموضوع المواقف المغلوطة في شهر رمضان
يا ريت كل يوم تمرقلك شي موضوع دسم هيك
وشكرا الى الاخوة الذين شاركوا في الموضوع - ورح يضلوا يشاركوا باذن الله - وجزاكم الله كل خير وبلغكم رمضان وانعم عليكم من بركاته

شيركوه
10-10-2004, 06:39 PM
السلام عليكم

ان شاء الله اختي

بس ديه عاوزة مسلسل بتاع تلات اربع اجزاء بئه

:lol:

بس ان شاء الله رح تابع بمسلس شوفو الناس في رمضان :lol:

بس مش اليوم لاني تعبان وبدي روح عالبيت

يالله السلام عليكم ورحمة الله وبركاته

منال
10-10-2004, 06:41 PM
شفاك الله وعافاك
لا بأس طهور ان شاء الله

من لبنان
10-10-2004, 06:44 PM
السلام عليكم ورحمة الله وبركاته
الله يعطيك العافية ويقويك على نصرة الاسلام
براحتك يا اخي بس المهم كل يوم ان شاء الله تطل على هالمنتدى وتعطينا الحلقة اليومية من المسلسل وما تنسانا :)

شيركوه
10-10-2004, 07:00 PM
السلام عليكم

:lol:

ان شاء الله تعالى :)
الله يبارك فيكم

جزاك الله خيرا اختنا منال

Saowt
10-11-2004, 04:21 AM
شفاك الله وعافاك
لا بأس طهور ان شاء الله

إي وبعدين؟؟؟

منال
10-11-2004, 06:15 AM
شفاك الله وعافاك
لا بأس طهور ان شاء الله

إي وبعدين؟؟؟
بعدين لمين بالضبط؟

هلال80
10-11-2004, 06:38 AM
شفاك الله وعافاك
لا بأس طهور ان شاء الله

إي وبعدين؟؟؟

السلام عليكم
لا saowt تقصد طول الغيبة المخرج المسرحي
والله اعلم

المهم

اخي فرقاني .... رائعة هذه اللقطات الواقعية
عندم موهبة ما شاء الله

منال
10-11-2004, 06:55 AM
وعليكم السلام ورحمة الله وبركاته

جزاك الله خيرا اخى هلال على التوضيح
ومعذرة على الازعاج بس اصلى لسه ما اخدت على طريقتكم فى الكلام

شكرا لك والسلام عليكم

Jinane
10-11-2004, 06:01 PM
من اللقطات يلي ممكن تشاهديها قبل رمضان هو "سيران رمضان".. الكل يسأل وين السيران هالسنة ؟! . . بعض الناس يبحثون مكان ما فيه ناس للسيران لكي لا يكون إستقبال رمضان بمعصية أم البعض الأخر حدث ولا حرج ..

عندنا في القلمون سهل بالجبل إسمه "سهل النبعة" أكثر من نصف الناس عندنا بكون سيرانهم فيه .. بصيروا بلعبوا مع بعضهم التنس أو كرة القدم ووو .. وطبعا لا ينسون الشوي والأكل ..

السنة الماضية مجموعة من الشباب يلي بخاف ربه قرروا يعملوا مخيم فيه لمدة يوم واحد لمنع ما يحدث من سوء إستقبال رمضان .. نصبوا خيامهم في السهل قبل اليوم وعملوا سهرة نارية .. وبذلك ما قدر حدا يطلع عليه ..

ومناسبة ذكر السهل تذكرت حدث حصل معي وأنا صغيرة .. طلعت أنا وإبنة خالي للسهل مع بعض الناس وكانت المرة الأولى .. ولكن صدمنا بالموجود وقررنا العودة فورا .. ولكن كيف طريق العودة ؟! .. تبعنا بعض الناس راجعين حتى وصلنا إلى الطريق العام ومن يومها حرّمنا نطلع عليه إلا في الأيام العادية .. منظر الناس يومها ما زال عالق في ذاكرتي ..

--
عرضي للموقف مش مشوق متل عرض الأخ فرقاني -ما شاء الله - بس يا ريت تقرؤه.. :roll:

شيركوه
10-11-2004, 07:37 PM
السلام عليكم ورحمة الله وبركاته

:oops:

خجلتوني يا جماعة


:lol:



-------

حلقة جديدة ؟





طيب انا كان بدي اعملها عن السيران بس قلت لحالي بما انها الاخت جنان طرحتها ننتقل لاى حلقة اخرى
:)

-----

صلاة التروايح في رمضان .......








عباس رجل عادي من عامة المسلمين ...... يقضي نهاره صائما في رمضان
يعود من عمله ....



تشك تشك بم ( صوت المفتاح ثم اغلاق الباب )

سا عيكن ( تسليمة بالطرابلسي )
شو طابخين اليوم ؟ هف هف ( يتشم رائحة الطبيخ )

يجلس على الكنبة

ترررم تللم تللم ( صوت اخبار الجزيرة )

يتابع الاخبار

بعدها ينقل بين المحطات قليلا

ثم يذهب الى سريره ليتمدد قليلا ريثما يحين وقت الافطار

بعد قليل

-- يا عباس
يا عباس

يا ابو مروان قوم اذن المغرب

- اه اه شو ؟ اذن

وين المي ؟
-- ليكها جنبك على الكومادينا

بعق بعق بعق ( صوت الماء يدخل جوفه )
- اللهم اني لك صمت وعلى رزقك افطرت .....
وان التمر يا مرا ؟

يجد اخونا عباس التمرات ثم يجلس على الطاولة

- يالله بسم الله

ويبدا افطاره :

1- شوربة بشعيرية
2- شوربة بشعيرية حمرا ( يعني مع رب البندورة )
3- سلطة او فتوش او تبولة
4- كبة نية
5- الطبق الرئيسي :

ممكن كوسى بلبن
ممكن كوسى ببندورة
ممكن باتجان ببندورة
ممكن كبة بالصينية
ممكن صيادية
ممكن وممكن
هذا في حال ما كان في اكل من مبارح
كمان بينحط على الطاولة علشان ما ينكب :?

بعد هيك

في التحلية

مع العصير


يعني

كنافة

مفروكة

قطايف بقشطة

مشكل

هريسة

اضافة الى العصير :

سوس

خرنوب

ليمون

توت



ثم يتبع ذلك بعد القرمشات

فستق حلبي

عبيد

حوز لوز

بزر بطيخ


بزر ببغاء



وهات يا اكل وهات يا عس


بعدها

الله اكبر الله اكبر ( اذان العشاء )

يااااااااااااااااااااااا رببببببببببببببب ( يقولها بثقل )
لنقوم نروح نصلي التراويح

يذهب اخونا عباس ويدور حول المساجد من مسجد لاخر من مسجد لاخر


1- ييييي هاذا الشيخ بيطول كتير
2- يوووووو هاذا قراءتو مانها طويلة بس بيطول بالركوع بينفلق بطني
3- الله اكبر على هالامام شو مفتكر حالو امام الحرم ؟
4- اها هادا معقول بيقرا 5 ايات بكل ركعة
5- لهله هادا احسن بس سمعت انو في واحد لسا اسرع
6- الله اكبر هادا هو اية بكل ركعة

ويدخل اخونا عباس المسجد ...... السلام عليكم ورحمة الله السلام عليكم ورحمة الله

لهلهله خلصو العشي يا الله هلاء بصليا يحولي وامري لله

يصلي اخونا عباس جالسا على الكرسي ومع كل تكبيرة بئ باااااااعئ ( وفهمكم كفاية 8) )

***** معذرة لكنه عرض للواقع :oops: ********

وطبعا هو كاخونا السابق ينقر نقرا قال شطارة يعني انو يلحق قبل ما تبدا التراويح



وتبدا صلاة التروايح


الامام : الله اكبر
الناس : الله اكبر
ود ود ود ود ( صوت الناس وهي تقرا دعاء الاستفتاح )

الامام : الحمد لله رب العالمين الرحمن الرحيم مالك يوم الدين اياك نعبد واياك نستعين اهدنا الصراط المستقيم * صراط الذين انعمت عليهم غير المغضوب عليهم ولا الضالين آآآمين * ( اليوم من حظكم انو الامام كمان متقل الفطور لانو في العادة يسحبها كرة واحدة بدون توقف بس انقطع نفسو المسكين )

الناس : آآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآ .....

الامام : قل هو الله احد ...... الله اكبر

الناس : ......... آآآآآآآآآآآآآآآآآآآآآآآآآآآآآآآآآمي يييييييييييييييييييييييييين

ويبدو ان البعض لم يتنبه للامام انه كبر للركوع الا من اعتاد عليه

الناس : الله اكبر
الامام : سمع الله لمن حمده

الناس : وس وس وس وس وس ( صوت التسبيح خلال الركوع )

الناس : ربنا ولك الشكر ( انا لا انقل الا الواقع ولست اتبنى اي راي :lol: )

الامام : الله اكبر

الناس : سب سب سب سب ( كمان صوت تسبيح بس يختلف عن الاول لان مستوى الصوت انخفض لانو الناس ساجدة بس ;) )

المهم ..... بلا طول سيرة ..... بيكونوا الجماعة هدول خلصوا اول اربع ركع وباقي الجوامع لساتهم ما انهوا القراءة باول ركعة :roll:

ننتقل الى مسجد آخر يصلي فيه مروان ابن الاخ عباس .....

المسجد الثاني انظم بشوي من الاولاني يعني الامام يقرا 3 او 4 ايات يعني ممكن احيان تظبط معه ويقرا سورة الناس في ركعة واحدة

في هه الاثناء تجد الناس :
1- ناس بتتطلع بساعتها
2- ناس ضعلها شيء في مناخيرها وتبحث عنه :?
3- ناس لسا بتصلح ثيابها
4- ناس ناس بتنتظر الامام ليخلص قراءة ويركع حتى تدرك الركوع
5- اولاد و واع وويع وحااااااااااااااالة
6- ممكن تلاقو ناس عم تصلي عن جد
7- ناس ساندة على بعضها من التعب ( التعب بسبب الانتفاخ في البطون وليس بسبب طول القيام اكيد )



:roll:

المهم

يا جماعة الخير مروان وابو مروان خلصوا التراويح وكل يذهب مع ابناء جيله
ابو مروان يذهب الى القهوة مع ابو محمد و علوان وابو سامر
مروان يهب مع طوطو وفافي وكوكو ويلعبو كونتر سترايك في محل العاب الكمبيوتر

بعد ساعة


ابو مراون : ياالله يالله بدكم شي يا حبايب ؟ سا عيكن

ابو سامر : لك لوين ؟ لسا ما خلصنا دق الطاولة

ابو مروان : لك رح يبلش مسلسل : هالتو بكيزة ( مسلسل كوميدي سوداني :lol: تعرضه القناة الثالثة الفضائية من مجموعة قنوات تء حنك :? )




وهكذا .......

هذا مشهد من مشاهد رمضان

اعاده الله علينا وعليكم بالخير وبالركات والنصر والتمكين ان شاء الله


















طبعا عندما لا اقول تختفي هذه الحالات ولكن عندما تتضاءل لدرجة الاختفاء ان شاء الله


















وكل هالتو بكيزة وانتو بخير


:lol:


السلام عليكم ورحمة الله وبركاته :)

من لبنان
10-11-2004, 08:37 PM
السلام عليكم ورحمة الله وبركاته
بارك الله فيك اختي جنان ومشاركتك كتير مفيدة. يعني ما شاء الله على الاخ فرقاني وبارك الله فيه وفي اسلوبه بس ولا يهمك في اساليب تانية كمان حلوة وبتوصل الرسالة التي نريد ارسالها. ما تترددي واتحفينا اختي العزيزة بمشاركاتك القيمة

اخي هلال وين المشاركة ولا اكتفيت بالتوضيح؟ :)
منال العزيزة شكرا على التعليفات بس ياريت تشاركينا بمشاركة صغيرة
وست صوت بعدك عم بتفكري يلا ناطرين على نار

no saowt
10-12-2004, 03:49 AM
السلام عليكم،
من ابرز ما اراه في رمضان في الشرق والغرب هو الإستعداد (الفورة) للشهر الكريم

تنتهي هذه الفورة بعد ايام فقط. إن شاء الله هذا العام نرى المساجد تغص بالزوار على مدار الشهر

من الصور الأخرى ايضاً موضة المساجد الفخمة في الداون تاون :) وفي الميناء في طرابلس. كما انه لا يجب ان ننسى ان بعض الأئمة يعجلون في التراويح لجذب اكبر عدد من المريدين (!!!!) وربما لأسباب سياسية ايضاً :)

منال
10-12-2004, 02:43 PM
السلام عليكم ورحمة الله وبركاته
منال العزيزة شكرا على التعليفات بس ياريت تشاركينا بمشاركة صغيرة

وعليكم السلام ورحمة الله وبركاته
اختى الغالية اعذرينى فأنا لا اتحمل ان اسمع خبرا سيئا عن المسلمين واحوالهم فكيف لى ان اروى مثل هذا.............ربما تقولين انها مبالغة لكن والله عندما تجتمع الاخبار ورا بعضها احزن كثيرا واحس بالتقصير الشديد وانى السبب فى كل ما يحدث للمسلمين الان،ناهيك بأه عن كثرة التفكير فى هذا الامر وتأثيره على دراستى ونفسى كثيرا :|
اعذرينى اختى الغالية لن اتحمل ولولا ان الاخ فرقانى والاخت جنان يروونها بصورة فكاهية شوية انا كنت رحت فيها ،مع العلم انى كمان مش بكمل قراءتها :roll:

يلا طولت عليكِ معلش سلام بأه

lady hla
10-12-2004, 03:35 PM
........... السلام عليكم ................



............ شو لسّه المسلسل الرمضاني شغّال ............ :roll: .....؟؟؟!!!!!!...............


........... إمبارح راحت علي الحلقة التانية ....... واضطريت أحضرها معيودة .........!!؟....


......... يلا ............. خسارة ما هده المحطة ما بتيجي عنا ..........؟!................

......... بستناها على منتدى صوت .......لأحضرها........؟؟!!......... ..... :roll: ....

................. بس حلقة بجد........رااااااااااااااااااااااا ااااائعة .........!!!!!!!!!!!..........



سلامي اليك
Lady hla
القدس

جهاد
10-12-2004, 07:04 PM
السلام عليكم رحمة الله و بركاته
الأخت الفاضلة من لبنان , موضوع حلو و يستحق المشاركة ,
الأخ الحبيب فرقاني ....... ما شاء الله مخرج طراز أول , أسلوب في عرض الواقع بطريقة شيقة , يعني لم يبق مجال لنا أن نكتب أي شيء :)

بالنسبة للنصيحة : توجه بدعاء صادق قبل تناول طعام الافطار , لأن للصائم عند فطره دعة لا ترد .

بالنسبة لموقف محزن في رمضان :" التهافت على محلات الحلو و عتلان الهم ماذا سنفطر و نأكل غداً و بعد غد , و نسيان الدعاء للمسلمين ,و نسيان الفقراء و المساكين ( الا من رحم الله )
يعني لو يدفع الناس 1 على 10 من الأمال التي يدفعونها لشراء الحلو , في المشاريع الخيرية : عائلات فقيرة يتامى , مدارس علوم شرعية ..... لتحسن الوضع .

Saowt
10-12-2004, 07:18 PM
السلام عليكم رحمة الله و بركاته
يعني لم يبق مجال لنا أن نكتب أي شيء :)

لا يا من لبنان............ وقفت التفكير من زمان ;)

أم ورقة
10-13-2004, 10:23 AM
السلام عليكم و رحمة الله و بركاته

بالفعل مواقف فرقاني بيستاهل عليها شهادة فخرية....


و بالفعل مثل ما قالوا السابقين :

يعني لم يبق مجال لنا أن نكتب أي شيء


بس من باب المشاركة،
المواقف المحزنة في رمضان لا تخفى عليكم... و أبرزها الموائد و الولائم التي تقام و فيها كسر لقلوب الفقراء........... و ملئ لمعدات المترفين..... و هذا مما ينافي معاني الصيام.....


و من المواقف المحزنة،
عندما نذهب الى التراويح و نعود عم نركّب مقلة : شفتي هيدي كيف صلّت... و هيديك كيف دفشتني حتى تفوت بالصف...... شفتي كيف كانوا عاملين....!

فقررنا هالسنة ما نروح على التراويح في المسجد - نحن النساء- حتى ما نضطر نرجع عم نركّب مقلة...

و بعدين نصيحتي هي للنساء: صلاة المرأة في بيتها أفضل،

الا اذا شافت ان الصلاة مع الجماعة ستساعدها في المثابرة

بينما الرجال، عيب عليهم اذا ما راحوا على المسجد، ليس للتراويح فقط، بل الخمس أوقات من باب أولى، لأن التراويح سنّة، و الخمس أوقات مع الجماعة واجبة........
و لا تكون هذه العادة في رمضان و بعدين يعود الحال كما كان....

و نصيحتي للمترفين: بدل ما تعملوا موائد بالأوتيلات..... افطروا المساكين....

جهاد
10-13-2004, 10:45 AM
الأخت أم ورقة مشكورة كتبت:

بينما الرجال، عيب عليهم اذا ما راحوا على المسجد، ليس للتراويح فقط، بل الخمس أوقات من باب أولى، لأن التراويح سنّة، و الخمس أوقات مع الجماعة واجبة........
و لا تكون هذه العادة في رمضان و بعدين يعود الحال كما كان....

جزاك الله خيراً.

no saowt
10-13-2004, 10:13 PM
السلام عليكم،
طيب يا شباب ويا صبايا اكتبوا عن رؤيتكم الأخرى لرمضان

ماذا ستفعلون. كيف. متى.

بم ننصح ماذا نتجنب

الموضوع هنا: http://www.saowt.com/forum/viewtopic.php?p=53430#53430

no saowt
10-14-2004, 11:34 AM
معرض للمأكولات الرمضانية ببيروت

أقامت سيدات جمعية "أجيالنا" الخيرية اللبنانية معرضها الثاني للمأكولات والهدايا الرمضانية في مركزها الصحي الاجتماعي في شارع مار الياس ـ غرب بيروت. واستقبلت الدكتورة لينا زعيم الدادا، رئيسة الجمعية، حشدا كبيرا من سيدات المجتمع اللبناني وصديقات "أجيالنا"، اللاتي لبين الدعوة لتذوق الحلويات الرمضانية وشراء الهدايا من تحضير وتنسيق سيدات الجمعية والذي سيعود ريعه لتجهيز مشغل حياكة ثياب للأطفال، كما ورد بجريدة الشرق الاوسط .

هذه صورة اخرى من الإستغلال التجاري لرمضان

من لبنان
10-14-2004, 09:19 PM
السلام عليكم ورحمة الله وبركاته
اول شي بدي قول اني مش معصبة ولا زعلانة ولا شي ابدا :lol:
اخ بلال انو شو عم تعمل دعاية ضدي وبمنتداي كمان بعدين بدك تفتح موضوع افتحو بس ما يكون تقليد اخترع شي جديد :D . لا عم بمزح بس انو يمكن انفهم قصدي من الموضوع بطريقة مختلفة فجاءت الردود غير ما انا كنت متوقعة بس كمان مفيدة حتى لو زعجت البعض. :)
انا كان قصدي الحديث عن اعمال يقوم فيها المسلمون الملتزمون الذين يعلمون حقيقة معنى رمضان بس أمّا لجهلهم او لتهاونهم في بعض الامور يقعون في الخطأ.
يعني بالمشاركات التي مرت تحدثوا عن الافطارات بس كان لازم يتحدثو عن الافطارات التي يقوم بها الصائمون مثلا لانهم بيحسوا انو اذا ما عملوا افطار برمضان يعني رمضان ما الو معنى او ما كسبو حسنات برمضان. يعني هذه الافطارات كثيرا ما تقام بين الموظفين في المؤسسات والشركات. فيكون الاطار الخارجي رمضان والافطار الرمضاني والاطار الداخلي الاختلاط وتضييع صلاة المغرب او على الاقل صلاة التراويح بالاضافة الى كسب المعاصي من اختلاط والغيبة والنميمة وما الى هنالك.

من لبنان
10-14-2004, 09:20 PM
والموضوع الثاني مثلا زيارة طبيب الاسنان في رمضان. ما بعرف انا كتير عم بسمع انو في اطباء اسنان المفروض انهم مسلمون ويعلمون الحلال والحرام يقولون لزبائنهم ان زيارة الطبيب وهم صائمون لا تفطر. وانا صارت معي شخصيا وقت اراد ان يعطيني طبيب الاسنان الذي يعايني موعدا في رمضان ورفضت احمرت وجنتاه وكاد ينفجر من الغيظ وقال لي اي مرقيلنا اياه هالمرة شو انا عم بحطلك الدوا قصد حتى فطرك، انو صحيح هو ما رح يحط دوا بس نص معدات العيادة رح يكونوا بتمي. فا رفضت وابيت وخصوصا انو ما في ضرورة بس يتزيد فترة العلاج شوي انو ما رح بيصير شي اذا تأخرت شهر، فا استسلم بالاخر وهوعم بيقول بفكره مسكينة شو معقدة هالمخلوقة.

من لبنان
10-14-2004, 09:21 PM
الموضوع الثالث وهيدا كتير مهم وما حدا حكي فيه لا هون وبموضوع الاخ بلال وهو بر الوالدين
يعني كلهم حكيو عن زيادة العبادات وصلاة التروايح وقيام الليل وحضور افطارات بس ما حدا قال انو انا رح امضي المساء مع اهلي او مع والدتي بالتحديد في البيت لانها حتكون تعبانة ومش قادرة تروح تصلي تراويح وهي كل النهار تعبانة عم تطبخ وترتب وتنظف البيت وما عم بتشوف حدا من اهل البيت وبتجي آخر النهار بتقعد لحالها وجها بوجه الحيط.
بما انو المطلوب هو تسكير هالموضوع فا انا بكتفي بهالقدر واذا حدا عندو شي يزيده فا يتفضل

Saowt
10-15-2004, 02:41 AM
بس ما حدا قال انو انا رح امضي المساء مع اهلي او مع والدتي بالتحديد في البيت لانها حتكون تعبانة ومش قادرة تروح تصلي تراويح وهي كل النهار تعبانة عم تطبخ وترتب وتنظف البيت وما عم بتشوف حدا من اهل البيت وبتجي آخر النهار بتقعد لحالها وجها بوجه الحيط.
بما انو المطلوب هو تسكير هالموضوع فا انا بكتفي بهالقدر واذا حدا عندو شي يزيده فا يتفضل

انو يا من لبنان!! يمكن ما قلنا هالشي لأنو عالأكيد رح نقضي مع أهالينا بالبيت... عن جد ما بيحكوا فيها تنان!! :roll: ما منروح برا البيت خاصة بالليل والأكتر من هيك برمضان..

لا.. إن شاء الله ما بتتعب الماما...... هو الكلام موجه للشباب... بعرف من إخواتي إذا راحوا عالعشاء ما بيعودوا يعرفوا يرجعوا...

يا بنات...... التراويح بالجامع حلوة؟؟ :roll: بجربها السنة؟؟؟ :?:

no saowt
10-15-2004, 03:13 AM
السلام عليكم،
للأسف عندنا البيت كله يرحل للتراويح :)
يعني امي تتعب كل النهار والله يعطيها العافية كم اشتاق إلى اكلها الرائع وفي آخر النهار تتعب اكثر بالقيام

الله يعينها على هذه العيلة :)



وبتجي آخر النهار بتقعد لحالها وجها بوجه الحيط.
بما انو المطلوب هو تسكير هالموضوع فا انا بكتفي بهالقدر واذا حدا عندو شي يزيده فا يتفضل

شيركوه
10-15-2004, 01:14 PM
السلام عليكم ورحمة الله وبركاته

جزاكم الله خيرا على كلامكم الطيب تجاه ما كتبت

الحقيقة اني احببت ان اعرض الواقع السيء بشيء من تجميع المواقف السخيفة مع بعضها بحيث بدت ضخمة

ولكني لا انكر انها قد تجتمع كثيرا في ايامنا عند كثير من المسلمين
وحسبنا الله ونعم الوكيل


نامل ان يتغير الواقع المر

السلام عليكم