السلام عليكم ورحمة الله


اختي الفاضلة هو سؤال اكثر منه استشارة


ارجو ان توضحي لي ما الفرق بين المدنية والحضارة والثقافة


وهل سمعت تعريف عمرو خالد للثقافة

انها ملمح كل امة وهي تشمل العادات والتقاليد والقيم والمعتقدات والفن..........(طيب واللغة؟؟؟؟)

من يشمل من: الثقافة تشمل الحضارة ام العكس؟؟؟


الموضوع يهمني جدا.......وشكرا

السلام عليكم ورحمة الله وبركاته
يعني يا اخي بصراحة لاول وهلة رعبتني بس قريت السؤال حسيت حالي امام اللجنة المناقشة ونازلين فيني اسئلة بس بعدين مشي الحال :lol:
طيب ما قلتلي كيف بدك الجواب في شكل اطروحة جامعية او ورقة فصلية او مقال صحافي او دردشة قصيرة؟ :lol:
لا عم بمزح يعني عفوا اذا كان المزح تقيل او مش بوقته بس انقطاع الكهربا والجو العام عم بيخلي مزاجي مزعج شوي.
يعني من حسن حظي انو هاي الحلقة الوحيدة اللي حضرت تصويرها لعمرو خالد بالاونة الاخيرة
انا سمعت تعريفه للثقافة وهو مزبوط وواضح وانا كنت جاوبتك على سؤال الفرق بين المدنية والحضارة بمكان آخر "بطاقة تعريف بـ من لبنان" بس رح جاوبك باختصار انو الثقافة هي الاجزاء اللي بتكون الحضارة يعني الحضارة شاملة اكتر وممتدة على فترة زمنية اكبر. فالحضارة هي وحدة متكاملة بتمثل شعب من الشعوب وبتعطيه طابعه المميز اما الثقافة فهي الاجزاء التي تكون هذه الحضارة وهي على انواع ومستويات مختلفة منها الخاص والعام والشعبي وغيره من الامور ويدخل ضمنها كل ما من شانه ان يعطي هوية مميزة لهذا الشعب يعني اكيد اللغة تدخل ضمن الثقافة لان اللغة هي وسيلة التعبير عن كل شيء عن الحضارة والثقافة معا مثلها مثل التمثيل والرسم والموسيقى بل هي اهم لانها شاملة ومفهومة من الناس كلهم وهي ايضا على درجات لغة العامة ولغة الخاصة ولغة المثقفين ولغة اهل السوق ولغة التجار ولغة اهل الكومبيوتر والتكنولوجيا يعني اكيد تدخل ضمن الثقافة بل هي االشكل الخارجي للثقافة الذي تصل عبره الى المجتمع. طيب هيدا باختصار واذا بتحب اي شي تاني اسال ما عندي مانع ابدا وبتمنى تكون اجابتي واضحة ووفت بالمطلوب

جزاك الله خير الجزاك اختي الفاضلة من لبنان

ما زال الاعداد للمحاضرة حول هذا الموضوع مستمرا بفضل الله تعالى

وقد جهزت مجموعة صور لدعم القضية

اضافة الى استشهاد باشخاص من سرلانكا ويوغسلافيا وروسيا خلال المحاضرة وسيكونون موجودين ان شاء الله