تسجيل الدخول

مشاهدة النسخة كاملة : أبو عبد الرحمن..... و الأوتوستوب



أم ورقة
10-01-2004, 05:14 AM
كان أبو عبد الرحمن واقف ينتظر وسيلة من وسائل النقل المشترك كي ينتقل بها من عاليه الى بيروت..........

و إذا بسيارة تقف له... و فيها سائقة..... و هذه السائقة محجبة....!

و تقول له: تفضل !

فإذا به يلتفت وراءه ليرى اذا كانت تكلم أحداً غيره !

لأنه لم يكن يتوقع ان واحدة مثل هذه السائقة تقف له، و تقول له اتفضل ....!

و لكنها عادت و قالت له: اتفضل يا شيخ ! ألست نازل على بيروت؟ أنا بوصلك على طريقي ! تفضل يا شيخ ولووو نحن أخوة في الله !!!!

أبو عبد الرحمن رجل ملتزم... و ليس شيخاً، و لكن له لحية لا يحلقها ابداً... ويرتدي ملابس تجعل الناس يظنون أنه شيخ...

ابو عبد الرحمن انصدم من هذا الموقف الذي حصل معه..... و طبعاً رفض ان يركب مع هذه الأخت في الله !!!!!!!!

و لكنه عاد الى بيروت مصدوماً و روى لزوجته هذه الحادثة.....!!!!!!!

منال
10-01-2004, 05:18 AM
:|
جزاك الله خيرا اختى ام ورقة
وفعلا حق له ان يصدم
اسال الله ان يهدى شباب وفتيات المسلمين وان يعصمهم من كل سوء وفتنة

no saowt
10-01-2004, 05:30 AM
السلام عليكم،

بينما كنت عائداً من بيروت يوماً إلى طرابلس فوجئت ان هناك عجقة سير خانقة بعد نفق شكا وكانت الشمس حارة جداً

لذلك كان سهلاً ان ترى السيارات القريبة وتسمع كلام الناس ايضاً وخصوصاً الفقراء مثلي الذين لا مكيف عندهم

المهم كانت هناك محجبة تقف على جانب الطريق وهي تتصبب عرقاً

فما كان من اخ في سيارته إلا ان دعاها كي يوصلها (يبدو انه ملتزم وعفل هذا بدافع الغيرة على مسلمة تقف على الطريق ولا سيارات اجرة كي تنقلها) لكنها رفضت بشدة وادارت وجهها فما كان منه إلا ان سار خجلاً جداً وترى الإحمرار في وجهه وهو يهرب من نظرات الفضوليين امثالي :)

كان يظن انه يفعل الخير ولكنه نسي ان درء المفاسد مقدم على جلب المصالح ولعلها نالت بهذه الوقفة تحت الشمس اللاهبة ما يدرأ عنها حر جهنم إن شاء الله

عراقية ابية
10-01-2004, 09:30 AM
بارك الله فيك اختي


كان يظن انه يفعل الخير ولكنه نسي ان درء المفاسد مقدم على جلب المصالح ولعلها نالت بهذه الوقفة تحت الشمس اللاهبة ما يدرأ عنها حر جهنم إن شاء الله



بارك الله فيك اخي .........

درء المفاسد مقدم على جلب المصالح

حقا قاعدة عظيمة

fakher
10-01-2004, 05:07 PM
مع أنني أعتبر الركوب في سيارة تقودها امرأة "انتحاراً" ، إلا أنني تنازلت عن هذا الرأي عندما كانت سايرتي معطلة وعليي أن أسير مسافة نصف ساعة تحت لهيب الشمس حتى أصل إلى مرادي وما كان مني إلا أن ركبت مع إحدى الأخوات في سيارة تقودها .... بعد دعوة منها طبعاً


قيادتها لا بأس بها ... وبتعرف تشفط كمان .










لا يذهب فكركم لبعيد .... هذه أختي :lol:

أم ورقة
10-01-2004, 05:21 PM
إلا أنني تنازلت عن هذا الرأي عندما كانت سايرتي معطلة وعليي أن أسير مسافة نصف ساعة تحت لهيب الشمس حتى أصل إلى مرادي :lol:

مسافة نصف ساعة تحت لهيب الشمس تعتبرها كثير؟؟؟

أنا بعرف اخوات بيمشوا تحت لهيب الشمس أكثر من هيك

وما تنسى انهن محجبات.... يعني بكون اللهيب بعد أكثر

fakher
10-01-2004, 05:36 PM
ماذا تختارين لو كنتي مكاني؟

هل أركب سيارة أختي المكيفة .... أم أركب راسي وأمشي نصف ساعة تحت حر الشمس.

بعدين المحجبات ما بيحسوا بالحر أبداً ... لأنهم محجبات.




جدي (يبلغ من العمر 80 سنة) يقول لي : يا جدي يللي بيرد البرد بيرد الشوب ، ويقصد الكوفية والثياب الكثيفة على الجسم.


وبالفعل جربتها ونفعت. :D

أم ورقة
10-01-2004, 05:40 PM
طيب ليش ما بتضل لابس الكوفية و الثياب الكثيفة و بتمشي بالحر

ما دامك جربتها و ردت الحر و نفعت


انا ما راح يصح لي اركب بسيارة اختي المكيفة، لأن ما عندها سيارة أصلاً...


بس صرت بلاقي المشي أحسن من الركوب بالسرفيس أو خلافه.... و هيك عم حاول اتعود

بعرف كثير اخوات ما بروحوا على عملهم الا مشي... و بيتهم بعيد نسبياً

fakher
10-01-2004, 06:39 PM
نحن في زمن يسبقنا .... لذلك نحاول أن نسبقه بكل وسائل السرعة والراحة .

أنا أحبذ المشي ولكن عندما يكون عندي وقت مش على حساب مواعيد ابرمتها ... وبما أنه ليس لدي وقت أقضيه في المشي فأفضل السيارة ولو في طيارة مش رح أتأخر.

على فكرة المشي مفيد جداً خاصة في المرتفعات والتلال.

من لبنان
10-01-2004, 07:09 PM
السلام عليكم ورحمة الله وبركاته




كان يظن انه يفعل الخير ولكنه نسي ان درء المفاسد مقدم على جلب المصالح



صح مزبوط اخ بلال معك حق مية بالمية بس بدك مين ينتبه ويطبق هالقول على حاله قبل غيره :lol:

no saowt
10-02-2004, 02:10 AM
السلام عليكم،
كيف حالك يا سيدتي من لبنان

انا لم افهم لماذا هذه الضحكة العريضة :)

بعدين انا إذا كنت طلع معي نسوان كانوا كلن ختاريي ;)

أم ورقة
10-02-2004, 05:28 AM
غريب كيف في ناس يظنون انه لو كانت المرأة عجوز يعني لا بأس.....


كما ان هنالك نسوان يظنون ان اذا كان الصبي اصغر منها يعني لا بأس... هو مثل اخوها الصغير..


كما اعلم ان هنالك امرأة كبيرة في السن، من عمر جدتي، و هي تتعالج عند دكتور من أقاربها و لكنه ليس محرم.... فعندما يزروها هذا الدكتور في بيتها زيارة عادية و ليس بداعي المعالجة لا تتحجب، و تقول، ما هو دكتور يعني يحق لي ان ابقى مكشوفة أمامه... لا بل و تصافحه

اذا كان الشرع اباح لها ان تكشف في وقت المعاينة و بقدر الضرورة هذا لا يعني انها تبقى مكشوفة كل ما شافت هذا الدكتور

حتى لو كانت عجوز هذا لا يعني انه يباح لها كل هذا



إنا لله و إنا اليه راجعون

على كل حال ما فينا نكون شرطة على الناس

الله هو الحسيب و الرقيب

من لبنان
10-02-2004, 01:39 PM
السلام عليكم ورحمة الله وبركاته
يا اخ بلال اولا انا الحمد لله ماشي الحال وشكرا على التعزية.
ثانيا ليه شو بها الابتسامة العريضة ما تكون مش عاجبتك انا بس حطيتها حتى ما حدا يخمن اني معصبة، بعدين لو بدي الطش حدا شي لطشة كنت حطيت هيك ;)
ثالثا مين جاب سيرتك هون ومين قال اني قاصدتك وشو بعرفني مين بطلع بسيارتك ختيارية او صبايا، انا كنت عم بحكي عن شاب كان معي بالشغل. شاب من الملتزمين القليلين اللي كانوا عنا بالشغل واللي بطل في منهم ولا واحد. مسكين كان كتير قلبو طيب وبيحب يساعد الناس كتير لدرجة انو اذا موظفة مثلا اتصلت انها عملت حادث بشي محل كان مستعد يترك الشغل ويروح يوقف معها ويساعدها حتى يحل القضية. هيدا الشاب كان عندو سيارة متواضعة بس كان يحس انها وسيلة مهمة بين ايديه فا يحب يوصل الموظفين رفقاتو معو طبعا اللي على طريقو. وكيف صايرة القصة انو معظم الموظفين ساكنين بالمنطقة عندو فا اول ما اجا على الشغل كان بيشتغل مع رجال فا كان يعبي هالسيارة شباب ويروح بس بعدين صار بيشتغل مع النسوان فا كمان صار ويوصل هالصبايا، ما اخوة بالله ورفقة، وبركة بيهتدوا على ايديه، وبيتهن على طريقه، يعني ما بتزبط الا هيك. بس بعدين ما كانت تنبلع معه القصة فا صار يجي بلا سيارة ويروح مشي بس برفقة النسوان يعني اخف شر حتى اجا يوم ما حمله راسو ترك الشغل ويمكن البلد كمان.

fakher
10-02-2004, 03:56 PM
صباح إحدى الأحدات وبينما كنت مسرعاً لإيصال ابني إلى مدرسته استوقفتني جارتنا الختيارة (النصرانية) ... ما بعرف ليش طلعتها معي بالسيارة ...


المهم بتعرفوا لوين وصلتها ؟؟؟



على الكنيسة :cry:


ما خلت دعوة وما دعيتها ... واسم الـ..... عليك وعلى ابنك :cry:

Saowt
10-02-2004, 04:40 PM
:lol: :lol: :lol:

سمت عليك؟؟؟ خلص!!

دام استعملت ال ..... خلص... عيش بهالنعيم!!

انا كتير بتضايق لما النصارى بيشوفوا طفل مسلم وبيسموا عليه بطريقتهم الخاصة لحتى يوم قلت للماما عادت قالت لي لازم قول:

فالله خير حافظا وهو أرحم الراحمين

شيركوه
10-02-2004, 09:04 PM
السلام عليكم ورحمة الله وبركاته

سمت عليك اخي فخر ؟

خرجك هادا يلي بدو يطلع ناس عالكنيسة :P


يا لطييييييييييف هلاء اذا طشينا هالخبر انو فخر عم يوصل نسوان عالكنيسة


شو بيصير ؟

:lol:


بس ما رح اعملها بتبقى اخي :D

بالنسبة للموضوع

بارك الله بهم جميعا

بصراحة انا مرة وحدة طلعت اوتو ستوب
كنت اصغر من هيك

كان عمري شي 16 وشوي

كان الوقت ماخر كنت راجع من النادي

وما لقيت مصاري بالجيبة

المهم وقفلي واحد عمرو بشي التلاتينات او هيك بدالي

المهم انا قاعد جنبو وخايف مرعوووووووووب

سالني لوين رايح

قلتلو لبعد القلمون بشوي

قلي ايه

بس بصراحة شكلو ونظراتو ما عجبتني

سالني وين كنت

قلتلو عم اتمرن : كيك بوكسنغ

قال عاساس بدي خوفو :lol:

وهيك صار يسالني اسالة وانا استغرب منها وما عجبتني

وصرت اعملو افلام

وطلع بالاخير اخي بطل عالمي بالكيك بوكسنغ
وما معي خبر :lol:


المهم انا شفت اول بيت بالمنطقة قلتلو وصلت

قام وقفلي شكرتو بتهذيب
و
وزززززززززززززززز


عالبيت


:lol:


والتوبة آآآآآآآآآآآخر مرة :lol:


السلام عليكم

fakher
10-05-2004, 10:06 AM
لا تشمت الأعدقاء فينا


استر على أخوك فخر ... الله يستر عليك ;)

شيركوه
10-05-2004, 07:32 PM
السلام عليكم ورحمة الله وبركاته


على روصي معلمي

تكرم عينوك


خرطوش ردك انا


:lol:

خلص ما توصي حريص


يالله السلام عليكم

:)

fakher
10-06-2004, 05:53 AM
تيقى ذكرني أعطيك تنويه على إخلاصك :D

شيركوه
10-06-2004, 06:54 PM
السلام عليكم

معلمي شفناك اليوم ولا تنويه ولا من يحزنون :(


شو بدي اسالك

ما عيط عليكم الختيار ؟


قلتلكم هربو


هادا الختيار بيعيط كتير :?

يالله

السلام عليكم