السلام عليكم ورحمة اله وبركاته
بما اني اصبحت في مركز قيادي مهم بالمنتدى :lol: شعرت انو لازم اعطيكم بطاقة تعريف عني حتى تكون الرؤية اوضح ويكون في سهولة في التعامل فيما بعد باذن الله

الاسم: من لبنان
مكان الاقامة: بيروت
الجنسية: لبنانية
السن: اكثر من ربع قرن بكذا سنة
اللون المفضل: الازرق
المؤهلات العلمية: ماجستير ادب عربي من الجامعة الاميركية في بيروت
المهنة: مدققة لغوية في مؤسسة دراسات
اختصاصات أُخرى: سنة ثانية طبخ في مطبخ العائلة
هوايات ونشاطات أُخرى: معطلة حاليا الى اجل غير مسمى
صفات مميزة: كان قبلا التعصيب بس الآن اصبحت الابتسامة الدائمة والتطنيش
شعاري في الحياة: ((وكأين من دابة لا تحمل رزقها الله يرزقها واياكم))
قول اؤمن به: " نحن قوم اعزنا الله بالاسلام وان ابتغينا العزة بغير الاسلام اذلنا الله"
اكثر شيء اكرهه: المدنية الحديثة والانترنت
اكثر شيء احبه: السخرية مما يحدث في العالم

اهلا ومرحبا بك اختنا الفاضلة من لبنان
وبصراحة سعدت كثيرا لدراستك (وانا ايضا ساتسجل باذن الله هذا العام دراسات عليا في اللغة العربية)

لكن سؤال: لماذا تكرهين المدنية الحديثة؟؟؟

وهل هناك برايك فرق بين الحضارة والمدنية؟؟

تشرفنا ....

و عليكم السلام و رحمة الله و بركاته

تشرفنا ....

يا بنتي انت overqualified

ما هيك؟

:idea:

اهلا تشرفنا .........

بس بعدني اسأل وين حلاوة الترقي ....... :oops: :oops:

تشرفنا .........

وفقكم الله لما فيه الخير و الصلاح ........

نسيت قول أنكم من الذين شاركوا في ماراتون الارادة ........

:)

السلام عليكم ورحمة الله وبركاته
الشرف النا ابو رضوان
اخي هلال بارك الله فيك وسدد خطاك ووفقك في اختصاصك ودراستك
واذا كنت بحاجة الى اي مساعدة او استشارة انا ممكن ساعدك فلا تتردد في السؤال وخاصة انك بتنزل على بيروت كتير. واذا بدك شي من مكتبة الجامعة الاميركية انا ممكن ساعدك. يعني صحيح انو صرلي مدة مش قليلة تاركتها بس بعدهم بيتذكروني وممكن يساعدوني على قدر الامكان. بعدين هلأ حصلت على بطاقة الخرجين الممغنطة الجديدة يعني كل شي تمام :lol:
أمّا بخصوص الفرق بين المدنية والحضارة فا اكيد في فرق.
المدنية هي مظاهر التطور التقني والعلمي التي تسيطر على اي بلد. يعني التكنولوجيا، السيارات، الهواتف الخليوية، الانترنت، الهمبرغر، الكوكاكولا، السينما، الفيرجن ميغاستورز، الداون تاون وغيرها من المظاهر الموجودة والتي تدل على التطور المادي فقط للبلد. أمّا الحضارة فهي انصهار هذه الاشياء المادية ضمن عادات وتقاليد اهل البلد واستيعابها وتطويرها بحيث تأخذ هوية اهل البلد وتفقد هويتها الاساسية. يعني مش بس نستعمل الاشياء من باب التقليد ونسميه حضارة. لا. هو انو نسخر هذه الاشياء لخدمتنا مش نسخر انفسنا لخدمة هذه الاشياء والحصول عليها. واكبر مثل انتشار اجد موديلات الهواتف النقالة اللي فيها مليون خدمة ما بنستفيد منها بشي بس كل الناس بتركض تشتريها لانها الاغلى والاحدث حتى لو ما كان بدهم يستعملوها.
هيدا رايي باختصار
أمّا ليش بكره المدنية فا يمكن عشان اختصاصي ادب عربي يعني من عصر الجاهلية ومخي قديم ما بيتماشي مع الاشيا الحديثة. :lol: لا عم بمزح بس هيده الفكرة السائدة عن الذين يتعاملون بالعربية انهم محدودين. :roll:
لا انا بكرهها عشان في كتير ناس بيظنوا انها هي الطريق حتى الاسلام يستعيد مجده وهيدا اكبر خطأ

أمّا اختي ام ورقة فيا اختي في اوقات كتير اشخاص بيكون معهم اكبر الشهادات وما بيفيدوا حدا منها على اساس انهم عم بيفتشوا عن المكان اللي بيناسب مركزهم فا بيطلعوا لا من هون ولا من هونيك. المهم الانسان اللي عندو شي الله اعطاه اياه انو يفيد غيرو فيه بغض النظر عن الطريقة او المكان. وما تنسي اننا سنسأل يوم الحساب عن هذا العلم.
بارك الله فيك اختي عراقية واخي مشاكس

السلام عليكم
بس كأني حاسس أنو في شي ببطاقة التعريف ناقص

يعني الحالة الاجتماعية مش مذكورة فما هو السبب يا ترى ؟؟!!!! :lol:

............ السلام عليكم ...............


..........................سؤال ..............................؟؟؟؟؟ ؟؟؟؟؟............

........... يا حبيبتي ......... وعزيزتي ............. المشرفة الرائعة ....... من لبنان .............


............... ما حكتيلنا ........... شو بتحبي ...... من الأكلات والطبخات ...؟؟؟؟؟؟.......

............ وشو بتحبي من الحيوانات ........... طبعا الأليفة ...............؟؟؟؟؟؟؟.........

........... وانت صغيرة كنت شقية ........ ولا لأ ............؟؟؟؟؟؟؟؟؟؟؟؟

..................شكرا ............ تاتا ................... :roll: ...................؟؟؟؟؟؟؟؟


سلامي اليك
lady hla
القدس

السلام عليكم اختى الغالية من لبنان :)
حلوة البطاقة العسل دى بس رقمها كام :roll:
وبعدين نفسى افهم حاجة:
ازاى ماجستير ادب عربى ومن جامعة امريكية :?:
هما الامريكان بقوا بيدرسوا عربى وانا معرفش :|
سلام غاليتى واهلا ومرحبا بك...تشرفت بمعرفتك

ازاى ماجستير ادب عربى ومن جامعة امريكية :?:
هما الامريكان بقوا بيدرسوا عربى وانا معرفش :|



اي يا بنتي منال ليش استغربتي

بس على الارجح اللي درّسوها لـ من لبنان ليسوا أمركان...

ما هي صحيح جامعة أميركية... بس انتبهي هي في بيروت...

بعدين ما تستغربي الامركان بدرّسوا عربي لما بدهم.. و كمان بدرّسوا دراسات اسلامية

في استاذ تربية اسلامية بمعهد شرعي ببيروت آخذ شهادته بالتربية الاسلامية من أمريكا نفسها
و هو نفسه مدير المعهد

تشرفنا يا من لبنان

شو هال سي في الغير شكل؟؟؟

اعمليلي واحد حتى اقدم على شغل

السلام عليكم ورحمة الله وبركاته

عذرا على الرد المتأخر
يا اختي منال ايه والله هي القصة بتثير الاستغراب قليلا . معك حق انو لغة عربية بجامعة اميركية ما كتير زابطة، يعني انا حتى كام سنة كنت بعدني مستغربة بس هلأ تخطيت الوضع. وما تسألي ليه هيك لأني رح قلك ارادة الله وحكمته بس مش اكتر. بس انت عارفة انو اول دائرة انشئت في هذه الجامعة، يعني في ستينيات القرن الثامن عشر كانت الدائرة العربية. انشئت بهدف التبشير بالدين المسيحي وتعليم اللغة العربية في ظل الحكم التركي للبلاد وكانت في الاساس ارسالية تبشيرية بعدين اصبحت علمانية. المهم بالموضوع انو يا ستي الاساتذة اللي بيعلموا فيها عرب ومش اجانب بس آخدين شهادات الدكتوراه من بلاد الغرب يعني معظمهم من الولايات المتحدة وتورونتو ولندن والمانيا وباريس، يعني ما بتلاقي حدا من مصر. بالزمانات كان في دكتورين آخدين الدكتوراه من مصر بس واحد تقاعد والتاني عطاك عمره، وانا على لحظة كنت رحت على الولايات المتحدة لولا رحمة ربي وكبرت عقلي باللحظة الاخيرة.
بس وين النكتة بالقصة انو وقت كان يستعصي على الاستاذ يفسر شي مصطلح معين او فكرة معينة كان يشرحها بالانكليزي وكانت معظم مراجع الابحاث اللي منكتبها بالانكليزي وعلى شوي كنت كتبت رسالة الماجستير بالانكليزي.
فا يا عزيزتي ما تستغربي كل شي ممكن المهم نضل محافظين على لغتنا وعلى حضارتنا الاصيلة بغض النظر عن اللغة اللي منتعلم فيها المهم نتعلم نحب لغتنا ونفتخر فيها

جزاك الله خيرا اختى من لبنان
ولوان فى بعض الحاجات مش فاهماها الا انى فهمت الموضوع ككل
الف شكر حبيبتى :)

اكثر شيء احبه: السخرية مما يحدث في العالم


تشرفنا بمعرفتك أكثر أختنا من لبنان......
وفلسفتك جميلة بالحياة.

السلام عليكم ورحمة الله وبركاته
اختي العزيزة منال تبقي قوليلي على اللي مش فهماه وانا افسرلك اياه مش مشكلة
وشكرا اخي منير وان شاء الله منشوفك اكتر بالمنتدى :lol:

السخرية مما يحدث في العالم =
سخرية ممن احدثوا الحدث +
سخرية ممن وقع عليهم الحدث +
سخرية ممن رأوا الحدث

السلام عليكم ورحمة الله وبركاته
صحيح شو هالدقة والتفصيل والتلاتة اللي ذكرتهم بيثيروا السخرية الشديدة والدائمة سبحان الله
اللهم لا تجعلنا فتنة للذين كفروا ولا سخرية لقومنا او لاقوام غيرنا

لا يسخر قوم من قوم :)

السلام عليكم ورحمة الله وبركاته
اخ بلال سخرية عن سخرية بتفرق
في سخرية بتحمل كل الالم والمرارة والعجز عن القيام باي شيء حيال ما يحدث بتصور هذه السخرية معناها غير اللي قصدته الآية فا ما تكون محدود وتاخد الاشيا بحرفيتها :lol:

السلام عليكم ورحمة الله وبركاته
اختي العزيزة منال تبقي قوليلي على اللي مش فهماه وانا افسرلك اياه مش مشكلة
:lol:
جزاك الله كل خير غاليتى :)
انا قلت لك فهمت الموضوع ككل يعنى مفيش داعى اتعبك معايا
مشكورة حبيبتى وربنا يبارك فيك :)