تسجيل الدخول

مشاهدة النسخة كاملة : فخر مريــــــــــــــــــــض



من طرابلس
09-23-2004, 06:14 PM
السلام عليكم
بعد تعليمة مني (missed call(واتصاله هو بي قال لي فخر أنه مريض (سخونة ووجع رأس)

فلا تبخلوا عليه بالدعاء

Saowt
09-23-2004, 06:27 PM
تعليمة؟؟؟ :?

طيب الله يشفيه يا رب ويكون بعونو..

طهور إن شاء الله أخويي فخر

وداد
09-23-2004, 06:32 PM
اسال الله رب العرش العظيم ان يشفيه ..

شيركوه
09-23-2004, 07:40 PM
السلام عليكم ورحمة الله وبركاته
طهور لا باس عليك اخي فخر


---------

اختنا في الله وداد


في موضوع بانتظارك رح تلاقيه بكوووووووووووووووول اركان منتدى صوت

بتمنى تشاركي فيه اذا عندك وقت لانه مهم جدا باذن الله


السلام عليكم

من لبنان
09-23-2004, 07:56 PM
السلام عليكم ورحمة الله وبركاته
سلامتك مولانا فخر وان شاء الله عدوينك
انت بتعرف انو ما من مسلم يصيبه اذى شوكة فما فوقها الا كفر الله بها سيئاته وحطت عنه ذنوبه كما تحط الشجر ورقها
والله اذا احب قوما ابتلاهم فجعلك الله من الذين يحبهم

Saowt
09-24-2004, 08:20 AM
من طرابلس.... هيدي إشاعة شي؟؟؟

على كل... سلام الله عليكم ورحمته وبركاته.. تحية طيبة من أعضاء منتدى صوت ونتقدم إليك بخالص أمانينا ودعائنا بالشفاء العاجل.

فتحية طيبة من عند الله له، وبانتظار عودته لساحة الحوار قريبًا؛ لإحياء فكرته وضبط إيقاع الحوار بين المشاركين. وختامًا ندعو له جميعًا بالشفاء العاجل:

"أذهب البأس رب الناس، اشفِ أنت الشافي، لا شفاء إلا شفاؤك، شفاءٌ لا يغادر سقمًا".

عراقية ابية
09-24-2004, 09:32 AM
طهور لا باس عليك اخي فخر





اسال الله رب العرش العظيم ان يشفيه ..

آااااااااااااااااااااااااامين

طارق-بن-زياد
09-24-2004, 11:25 AM
بسم الله الرحمن الرحيم،
السلام عليكم ورحمة الله وبركاته،
أخ فخر
أسأل الله العظيم رب العرش العظيم أن يشفيك
أعوذ بعزة الله وقدرته من شر ما يجد فخر ويحاذر

هذه هدية بسيطة ليس لها علاقة بالموضوع بس بيدل إسمها هدية:
http://www.arab3.com/upload/images/Sep04/mikati_himma.jpg

طارق-بن-زياد
09-24-2004, 11:28 AM
وهذه هدية كمان
http://www.enshad.net/audio/Jamal_Al-Roo7/Jamal_Al-Roo7_-_07_-_Atadri.ram

fakher
09-24-2004, 12:32 PM
سامحك الله يا عمر

شوية سخونة ... عملت منهم "مرض"

الحمد لله على كل حال وشكراً لكم على سؤالكم ودعائكم لي وبارك الله بكم وجزاكم خير الجزاء.

طارق بيك ... مشكور على الهدايا ...

أحبك في الله ;)

lady hla
09-24-2004, 01:23 PM
......... السلام عليكم ..................



............ ييييييييييييييي ............. الحمد لله على السلامة .............!!!!!!!.........

................. الله يشفيك .......... يا أخي ..... ويا استاز فخر .............!!!!!!!؟؟؟؟؟.......


سلامي اليك
lady hla
القدس

fakher
09-24-2004, 01:26 PM
الله يحفظك


وسلامي إليك :D

أم ورقة
09-24-2004, 02:02 PM
طهور ان شاء الله

fakher
09-24-2004, 02:09 PM
بارك الله بكم

عراقية ابية
09-24-2004, 04:36 PM
الحمد لله على السلامة .........

سخونة شوية ؟؟؟؟؟؟؟؟؟؟؟؟ :!: :!: :!:

يالله المهم ان شاء الله انت بخير ............

الله يعطيك الصحة و العافية ........

و يقومك بالسلامة ..........

وداد
09-24-2004, 05:31 PM
يا جماعة فخر لا مريض ولا شيء صحته احسن من الحصان :lol: :lol: هو بس بيستعطفنا منشان نحن عليه لانو سمع عن الانقلاب الي بدنا نعملو :P :P

Saowt
09-24-2004, 05:45 PM
الله يقومك بالسلامة استاز فخر

الحمدلله قام بالسلامة

الدليل: وجودو هون

وما عاجبو انو الكل سال عنو

no saowt
09-24-2004, 08:21 PM
السلام عليكم،
من يروج هذه الإشاعات

فخر راسو عم يوجعوا ام انا ؟؟؟؟

من اول ما رجع على الانترنت وراسي عم يوجعني :)


قال كيف هو في يشوف صفحة والعالم كلها ما فيها تشوفها :) انا والله فكرت انو الزلمي عندو نوع من الهلوسة او متل ما العالم بتقول ((( عم يشوف نجوم الضهر)))

الله يعين المنتدى على فخر :twisted: :twisted:

fakher
09-25-2004, 07:47 AM
ههههههههههههه

والله معك حق .... امبارح وجعتلك راسك على الآخر ... بس الحمد لله آخر المطاف كان مثمر ..

بدك تطول بالك علينا "معلمي بلال"

من طرابلس
09-25-2004, 02:20 PM
لازم تشكرني لأنو أولا أظهرت للأعضاء أنك كريم وبترد على التعليمة عالتلفون وتانيا الكل سأل عنك واخيرا شفنا مشاركة لأم ورقة في الصوت الحر وبعدين وصلتك هدية
شو بدك احسن من هيك ؟؟؟!!!!!


قلبي على فخر وفخر قلبو عالحجر :( :(

Saowt
09-25-2004, 06:09 PM
لازم تشكرني لأنو أولا أظهرت للأعضاء أنك كريم وبترد على التعليمة عالتلفون....... قلبي على فخر وفخر قلبو عالحجر :( :(

اشكرو يا حضرة المشرف العام
أنا هلللللللللأ لعرفت انك كريم

ما هو علم لك عالتلفون؟؟؟ 8)

من لبنان
09-25-2004, 06:50 PM
السلام عليكم ورحمة الله وبركاته
شو عم تحكوا ابو رضوان كريم؟؟؟؟؟
ايه عشان هيك ما وزع كاتو احتفالا بتعييني مشرفة والاعضاء كلهم عم بيطالبوني الي بالحلوان معقول؟؟؟؟؟
بارك الله فيك يا ابو رضوان عم بمزح :lol:
(احسن ما حدا يخمني معصبة)

fakher
09-26-2004, 10:28 AM
من طرابلس ... أنت كل يللي هامك تشوف مشاركة لأم ورقة هون ... يظهر في تحدي على مشاركتها هون.

من لبنان ... روحي على أي محل بطرابلس واشتري منو دزدينة كاتو أو أكتر وخليهم يضيفو الحساب على فخر. :D

من طرابلس
09-26-2004, 11:04 AM
حلو هالعرض

فخر بيشتري من السوبرماركت يللي تحت بيتنا كل غراض البيت هللء بروح لعندو وبشتري حلاييييييييون للشباب وبقللو خلليهن على حساب فخر


شكرا أخ فخر هيدا عرض عملي جدا

fakher
09-26-2004, 11:12 AM
عم أتخيل أني شوفك عندو بدل "علي" عم تقطع جبنة .... ههههههههه

بدل ثمن الحلويات :lol:

من طرابلس
09-26-2004, 11:40 AM
أنا صعبة أضحك بس هالمرة ضحكتني

صاير مهضوم يا منظوم :lol: ::lol:

Saowt
09-26-2004, 06:53 PM
:D :D :D

جهاد
09-26-2004, 07:27 PM
ييي فخر مريض ؟؟؟

على سلامة يا فخر . ان شاء الله منشوفك متل الحصان , بعيد الشر عنك ....

:nurs:

عراقية ابية
09-27-2004, 06:26 AM
بس سؤال اختي العزيزة من لبنان مين هو ابو رضوان ........

اتصور اخي فخر ؟؟؟؟؟؟؟؟؟؟؟صح :?: :?:

ليش مطلعيلة هالاسم ؟؟؟؟؟؟

لو كان بدك تجاوبي جاوبي ..........

و ان كان بدك ما تجاوبي لا تجاوبي .........

حرية ....... :!: :!:

من طرابلس
09-27-2004, 11:11 AM
السلام عليكم
اسمو أبو رضوان ببساطة لأنو المسكين متزوج وابنو اسمو رضوان

من لبنان
09-27-2004, 08:05 PM
السلام عليكم ورحمة الله وبركاته
شو هالحكي استاذ ابو رضوان :roll: انو من كل عقلك بدك ياني اطرق مشوار على طرابلس من بيروت ومن دون محرم او عذبه لهالمحرم كرمال دزينة كاتو على حسابك :evil:
اييي بلاها هالاكلة من اساسها واللي بدو الحلوان رح اعطيه شي اهم رح اعطيه هالدعاء :lol: :
اللهم بارك فيه واجعله ممن يسعى للآخرة سعيها واجعل سعيه مشكورا وزوده زادا في دنياه يوصله اعلى عليين في اخراه
بتصور هيدا اطيب من الحلوان وبلا جميلة ابو رضوان :lol:

جهاد
09-27-2004, 08:29 PM
أخت من لبنان , ازا أبو رضوان ما عاجبو عجب , نحنا بحاجة ماسة لهذه الأدعية .........

لا تبخلي بها علينا .

fakher
09-28-2004, 02:45 PM
وليش مسكين يا عمر ...

قل الحمد لله ....

الأخت من لبنان لا تأتي اليوم

لأن رفعت الحلاب توفى مساء أمس ...

محلاته مقفلة و كذلك حلو عبدالرحمن الحلاب "أخوه"

من لبنان
09-28-2004, 04:50 PM
السلام عليكم ورحمة الله وبركاته
انا لله وانا اليه راجعون
حسبنا الله ونعم الوكيل
اسكنه الله فسيح جنانه