السلام عليكم و رحمة الله و بركاته

الأخت الفاضلة حقيقة أود أن أسألك عن الأوضاع في فلسطين , لأن الصورة التي تصلنا هي صورة التدمير و القتل و هدم البيوت و الأهالي الذين يستصرخون الضمائر و الجنود الصهاينة المجرمين الخ .....

يعني الواحد منا يظن أن فلسطين كلها كذلك . و نتعجب حين نجد مشاركات على الانترنت من اخوة من فلسطين ( و لا أقول هذا الا من باب محبتنا لأخوتنا ) .

فهل توجد مناطق غير معرضة للأيدي الصهيونية الخبيثة ؟ يا ليت تخبرينا عن الحياة في فلسطين .

لو باختصار ......... و جزاكم الله خيراً .

بسم الله الرحمن الرحيم .......
السلام عليكم .........
بشكرك كتير على اهتمامك وسؤالك عن احوالنا بفلسطين .............
اول شي مزبوط الصورة الي حكيت عنها والي بينقلوها محطات الاعلام والوسائل الاخرى عن الاوضاع عنا من قتل وتدمير وارهاب وتشريد ........... وبدي احكيلك بصراحة انها هالاشياء موجودة بأشكالها ...... بس طبعا بمناطق الضفة بشكل عميق وكبير من غزة ونابلس وجنين .....الخ .......... اما احنا عنا الوضع القدس اجمالا هادي بطريقة غير مباشرة ......... يعني عنا مناطق عم يهدوا فيها الدور والبيوت ......... وعنا كمان اعتقالات ......... واعتداءات على الناس وخاصة على المحاسيم ....... وطبعا ما تنسو احداث النفق 1996 ...... ما زالت الحفريات مستمرة .......... وهلأ الصهاينة عم يسعوا لتهويد القدس ...... وزيادة عدد اليهود والمستوطنين والمستعمرات ......... حتى يثبتوا انو اليهود عددهن اكتر منا احنا العرب في القدس .......... والسيطرة عليها تكون لصالحهن ........ يعني الوضع عنا بيصير بطريقة هادية وتكتيك مدروس ......... قدر الامكان يكون بدون ضجة وارتباك ...... وهالشي لصالح طبعا العدو وامانه ......... المستعمرات ما بتبعد عنا كتير ....... قدامنا بتكون ........وفي جهات بتبعد عنها عدة امتار وبس .......... كيف بدك ياهن يسعو لعمل ارتباك ...... اليهود بيحتجو عليهن لانو اهم شي عندهن الامان والحياة ....... بيخافو على حياتهن بشكل كبير .......... على فكرة كتير من المجندين بالخدمات العسكرية حاولو يستقيلو بعد هده الانتفاضة التانية من خوفهن ........ وفي منهن كتير تركو هالبلاد وسافروا على بلد اكتر امان ....... مع انو ما في امان بالعالم ........واقتصادهن بيرجع لورا كتير .... وبينخفض ........ وصاروا يخفضوا اجور العمال والتأمين وضمان الدخل والعجز ......... الخ .................... احنا مسيطر علينا بطريقة كبيرة وما حد بيسترجي يعمل شي لانهن عايشين بينا .................. وما حد بيثق باخو في هالوضع ............ اكيد فاهم قصدي ..........
وشكرا الك
ملاحظة ...... ازا بتحب احكيلك شي تاني احكي ......وإسأل.... عادي ما في عندي اي ازعاج ........
وسلامي اليك
lady hla
jerusalem

الأخت الفاضلة lady hla

أشكرك على ردك , و أسأل الله أن يحفظكم و يعينكم و يصبركم و يثبتكم .

يعني تقريباً صار عندي فكرة عن الأوضاع , بس عندي بعض الاستفسارات اذا ممكن .

هل عندكم انترنت في المنازل و خطوط هاتف ؟ هي تصلكم الكهرباء و المياه بالدوام ؟

هل عندكم نسبة كبيرة من الأولاد الذين يرتادون المدارس و الشباب الذين يذهبون الى الجامعات ؟

هل تستطيعون السفر و استقبال المغتربين ؟

هل المنطقة مؤهلة للعيش الجيد من حيث الطرقات المعبدة و وسائل النقل ؟

سامحيني اذا كنت أكثر الأسئلة بس حقيقة حابب أعرف .

الله يكون معكم ,,,,,, :|

.........سلامي اليك ..........
اولا ....... من ناحية الانتر نت وخطوط الهاتف ..... طبعا موجودة بشكل كبير وتقريبا اكتر البيوت ما بتخلى من هده الاشياء .............وطبعا متوفرة عنا احنا اهل القدس من شركات اعدائنا بنحصل عليها ...........ومن ناحية المياه متوفرة كمان وبشكل منيح عنا .......... بس زيادة عدد الناس بيعمل بعض الاحيان ضغط عليها ............ وبالنسبة للكهرباء تقريبا متل المياه...... حالتها ......وبالنسبة للتعليم في عدد كبير بيروح على المدارس .........وعلى الجامعات ........ بس من ناحية الشغل ما بيشتغلو على شهاداتهن كتير ........ وفي الانتفاضة الاولى 1987 ....... بعد ما كانت نسبة الدراسة كبيرة ....... خفت بسبب الاحداث ........ وبعدها رجعت الحالة للافضل .........ومن ناحية السفر بنقدر نسافر على كل البلدان تقريبا ........ ما عدا سوريا ولبنان ........ طبعا ب (سيبسيه اسرائيلي ) .... طبعا قصدي عن اهل القدس ........بس من فترة قصيرة صار فيه سياحة على سوريا ولبنان بباصات بيطلعو من القدس ...........ولازم نحصل على عدم ممانعة من البلدان الي رح نزورهن .......ومن ناحية شو قصدك استقبال المغتربين .......... ما افهمت عليك .......... يعني مين يستقبلهن ؟؟؟؟؟
عنا بالقدس في اماكن منيحة ومؤهلة للسكن وطبعا اماكن وسط ....... واماكن مش كتير منيحة ........ يعني تشكيلة .........

وانا متل ما حكيتلك بتقدر تسألني الي بدك ياه بدون خجل وانا ما رح انزعج ....... وعلى الرحب والسعة ...........
وشكرا لاهتمامك ...........

ملاحظة ....... انت شكلك حابب تعيش عنا بالقدس ....... اكيد الحياة عجبيتك ........... :P

lady hla
jerusalem

و الله يا أختي الفاضلة أنو عندنا الاكهرباء تنقطع و الفواتير ضخمة و الانترنت غالي شوي ...
و على طول الحفريات شغالة ... بس الحمد لله و الأمان عند الله ما عندنا تدمير و تشريد ....
بس كمان عندنا أغلبية الشباب اذا أرادوا العمل يسافرون الى الخارج : أستراليا و كندا أكثر شي ,
و الذين يبقون في لبنان يشتغلون بدخل قليل . الحياة الاقتصادية صعبة .

و الله اذا صح لي سافر روح على فلسطين , باذن الله ما بقول لا , بس ان شاء الله بتكون روحة من غير رجعة ........

......... اكيد قصدك روحتك تكون لشهادة ..........في سبيل الله ........... ما اروعها .........
يا ريت الله ينعمنا فيها ............ ونولها ...............
على كل حال اهلا وسهلا فيك .......... مهما كان الهدف ........ وانشاء الله تزور القدس وتصلي فيها وتشوفها خاصة بالليل ........ رائعة جدا ............ ذات جمال هادئ ..........

ملاحظة ........ الحياة عنا في القدس غالية كمان بس كل شي متوفر ........... وموجود .......وبالنسبة للحفريات ....... يا عيني على المستعمرات ....وتفجير البارود ....... والدوشة .......... والحفر من عز الصبح لبعد المغرب ...........
الله بعين .......

lady hla
jerusalem

الأخت الفاضلة أشكرك على الاجابات و التوضيح .....

يعني الفكرة صارت واضحة ...

أرجو منك أن تتكرمي و تستمري معنا بهذا المؤتمر :D لأن عندي أسئلة اضافية :

1- أنا أعرف أن القدرس مقسومة قسمين : فلسطيني و يهودي . فهل أنتم على حدود الحي اليهودي ؟ ثم هل تستطيعون دخول الحي اليهودي ؟

2_ فهمت منك أن السفر ممكن " من و الى " فلسطين , طيب لماذا الحكومة الاسرائيلية تمنع الفلسطينيين من العودة الى فلسطين ؟

3_ هل الصلاة في المسجد الأقصى آمنة؟

4_ هل عندك اطلاع على مناهج الحكومة اليهودية التعليمية ؟ اذا نعم . يا ليت تعطينا فكرة عنها .

أكتفي بهذا القدر و أكيد اذا شاركني الأخوة الأسئلة فالقرار يعود اليك بالرد أو لا :D .

ثم يا ليت تعطينا تعريب لاسمك لأنو ما بحب كل مرة أكتب انكليزي و عربي , بقا خليني أكتب اسمك بالعربي اذا ممكن . :oops:

بسم الله الرحمن الرحيم

احد المتطفلين دخل على الخط ....

اخي العزيز اسمح لي ان اجيبك على بعض الاسئلة ...

وضع القدس يختلف تماما عن الضفة و غزة ....

القدس قسمين قسم غربي ( يسكنه يهود ) و قسم شرقي ( يسكنه مسلمون )

عدد اليهود في المدينة 400000 و عدد المسلمين 200000 اي هم ضعف العدد ...

يوجد جزء بسيط من القدس تريد اسرائيل تسليمه لعرفات الخائن ( قريتي ابو ديس و العيزرية )

اهل القدس عرضت عليهم الجنسية الاسرائيلة فرفضها اهل المدينة ...

فقامت الحكومة الاردنية على اعطائهم الجنسية الاردنية .... و نحن نتنقل بها في دول العالم ...

و الصلاة في المسجد الاقصى امنة جدا .... و لكن يوم الجمعة يمنعون الشباب من الصلاة فيه ...

اما بالنسبة لمنهج التعليم .... فهو اردني .... و يوجد مدرسة واحدة فقط على ما اعتقد في القدس تعلم المنهج الاسرائيلي ( الذي يتعلمونه اخواننا في جزء 48 ) ....

و المنهج الاسرائيلي قوي من ناحية الرياضيات و الفيزياء و العلوم .... و لكنه ضعيف في المواد الادبية ....

اما المنهج الاردني و هو المنهج الدارج فهو يقسم الى قسم علمي و قسم ادبي ... و هو جيد في الادبي ضعيف في العلمي ....

و اهل القدس يا اخي شبه معزولين عن اخواننا في الضفة و معزولين تماما عن عزة ....

و هذا ما لدي .... و اعتذر للاخت المقدسيه لانني سبقتها في الرد

أخي الكريم عمر ........

يا هلا فيك و الله ردك أسعدني جداً لا تطفل و لا شي , بالعكس أنا أفرح بكل من يشارك معنا في هذا الحوار و خصوصاً اذا كان من أحبابنا في القدس أو في أي مكان من فلسطين .

و أشكرك على المعلومات التي حقيقة ما كنت أعرفها , و خاصة أن عدد اليهود أكثر من الفلسطينيين ,

بعدين وين بتصلوا الجمعة ؟؟؟ :cry:

بعدين عدد اليهود أكثر ؟؟؟

طيب يا ترى بالرغم من الهدوء الذي عندكم ,هل الأوضاع مطمئنة و حاسين باطمئنان ؟

هل تستطيعون زيارة المدن الفلسطينية الأخرى ؟
و هل تستطيعون دخول المدن الاسرائيلية ؟

.... سلامي اليك .........
بشكر الاخ عمر المقدسي على المعلومات الي اعطاك ياها وهيه مزبوطة ..........
بس بخصوص انا بنقدر ندخل على القسم الغربي من القدس ......... الي بيسكنو اليهود ........اكيد بنقدر ............ وعادي بيدخلو وبيتسوقوا في اسواق اليهود ............ وبيشتغلو عندهن كمان .............وبالنسبة للصلاة .........في المسجد الاقصى ...........امنة ......... بس طبعا ما تحاول تحكي بشي عن السياسة والاشياء التانية داخلو .......... خليك بحالك وصلي بإطئنان ......... لانو ممكن الي قاعد جمبك يكون من احد العصافير ......... فالحزر واجب ........ ولما بيمنعوا الشباب تحت سن 45 من الصلاة يوم الجمعة .........بيضطروا يأدوها في احد المساجد القريبة من الاقصى .......... وكانو بعض الاحيان يصلوها بباب العامود ....... بالشارع ........ طبعا هالشي دليل على الاصرار .........

وشكرا الك
وشو ما خطر على بالك إسألني او إسأل الاخ عمر المقدسي ........ كلنا اخوة ...... ازا ما عندو مانع ..............

سلامي اليك

ملاحظة ......... بخصوص اسمي ......... تعريبو بالعربي ( ليدي حلا )........ مع اني بحبو بالانجليزي .......... بس على راحتك .....

lady hla
jerusalem

ملاحظة ......... بخصوص اسمي ......... تعريبو بالعربي ( ليدي حلا )........ مع اني بحبو بالانجليزي .......... بس على راحتك .....lady hla
jerusalem

وعندي انتقاد بسيط ... لو تقبليه بصدر رحب..............

لست أعرف إذا كانت خاصة تغير المكان أو الإسم ما تزال موجودة...

إذا كانت كذلك ..
فأرجو منك ..

أن تغيري المكان بدل jerusalem....................... إلى القدس........

وذلك أن من يستعمل هذا الإسم غذا كنت لا تعرفين أختي...

هم اليهود...

وهي من لغتهم..... لأن هذه الكلمة هي كلمة عبرانية... "" أورشليم jerusalem ""

والقدس... كلمة عربية وإسلامية..

والسلام......

أختي الفاضلة ليدي حلا , بارك الله بك و شكراً على رحابة صدرك و الاجابات التي أفدتينا بها .

حالياً ليس عندي ما اسأله يعني كفاها الله :D , و يمكن الأخ منير اليل على حق , لازم نعتز بعروبيتنا و نكتب القدس , بدل جيروزاليم .

في حال كان عندي أسئلة أخرى , سأطرحها هنا ان شاء الله ,,,

اللهم فك المسجد الأقصى , اللهم أخرج بيننا قائداً مثل صلاح الدين , اللهم كن مع أخواننا في كل أرض و مكان , اللهم آمين ...

بسم الله الرحمن الرحيم


ملاحظة ......... بخصوص اسمي ......... تعريبو بالعربي ( ليدي حلا )........ مع اني بحبو بالانجليزي .......... بس على راحتك .....lady hla
jerusalem
وعندي انتقاد بسيط ... لو تقبليه بصدر رحب..............
أن تغيري المكان بدل jerusalem....................... إلى القدس........

وهي من لغتهم..... لأن هذه الكلمة هي كلمة عبرانية... "" أورشليم jerusalem ""
والقدس... كلمة عربية وإسلامية..
والسلام......
و عليكم السلام

بارك الله فيك اخي

و اريد ان انبه الاخت حلا لشيء مهم ...

رب العالمين انزل القرآن بالغة العربية ... و بعض الاخوة للاسف الشديد يتركون هذه اللغة العظيمة و يستعملون لغة الغرب الكافر و يفتخرون بها ....

اختي الله سبحانه و تعالى اختارها لان تكون لغة القرآن .... انتبهي بارك الله فيكي

اختي يجب ان نفتخر بلغتنا .... و سوف نعمل على نقل الاسلام لكل العالم و تعليم هذه اللغة لكل العالم باذن الله ...

اما بالنسبة للخوف من العملاء .... فلن نخاف منهم و لا من اسيادهم الكفرة ... و سوف ندوسهم بارجلنا باذن الله ....

و يا اختاه الاقصى مليء بالدروس الدينية و السياسية و لن يوقفنا عنها لا اعتقال و لا سجن و لا قتل ....

و يوم النصر قريب باذن الله ...

و لا اعرف يا اختاه من اين معلوماتك عن المسجد الاقصى و دروسه .... و لكن اليك هذا الموقع الذي فيه دروس المسجد الاقصى :
http://www.al-aqsa.org/index.php

و اتمنى يا اختاه ان تاخذي هذه النصيحة بصدر رحب ....

و نحن يا اختاه نحب ان نسمع لغتنا .... و نكره ان نسمع لغة الكفرة ...

و هذا لا يعني ان لا نتعلمها .... بل سوف نتعلم و نتقدم لنهزمهم ... و لكننا نحب لغتنا

السلام عليكم ورحمة الله و بركاته

كنت اريد ان اسال :
هل تتكلمون العبرية بشكل جيد ؟
و هل باستطاعتكم تعليمنا اياها ؟

و بس
:)

و نحن يشرفنا ان يكون معنا اخوة من الارض الحبيبة التي تسكن قلوبنا و التي نسال الله جل في علاه ان يبلغنا اياها فنصلي فيها محررين فاتحين باذن الله مهما طال العمر


و السلام عليكم

بسم الله الرحمن الرحيم
و عليكم السلام

نعم اخي في الله فرقاني ... جزء من اهل القدس يتكلمون العبرية بشكل جيد ....

و نستطيع ان نعلمك اياها اذا احببت ... مع انني اكرهها جدا ....

هل تريد ان نبدأ بالدروس ؟؟؟

و بالنسبة للدعاء فنقول :

آآآآآآآآآمين

سوف ياتي يوم يا اخي و نلتقي معا باذن الله ....

........ سلامي اليكم جميعا .........
وشكري الكم ............... على كل الي حكيتوه ........ وانا برضى كل هالملاحظات ازا كانت لصالحي بكل حب ورضى ...........وانتو اخوة غاليين علي .......... ونصائحكم كمان لصالحي .......... وازا اغلطت بشي انا بعتزر من الجميع ....وما كان قصدي اني ما بحب اعترف باني عربية ولغتي عربية ....................
وانا بفتخر كتير بلغتنا العربية ........... وبحبها كتير .................
الكل بيغلط ......... بس اهم شي الاعتراف فيه ............... وشكرا لك واحد فيكم لفت نظري لشي ............ ودايما انصحوني لما اتحسوني رغ اغلط بشي ........... ورح ارضاه بكل فخر واعتزاز ...........

lady hla
القدس

ملاحظة ......... اسمي رح اكتبو بالعربي ....... لانو ما الو تأثير على شي ............ :P

تعيش اللغة العربية ......... تعيش تعيش تعيش !!!!

:mrgreen: :arabi: :mrgreen: :arabi:

أختنا الفاضلة بارك الله بك على هذه الكلمات الرقيقة ,,,,,

السلام عليكم ورحمة الله وبركاته


إخواني الأعزة الأحباب إلى قلبي


والله عندما علمت أنك إخوة لنا من أرض الرباط من الأرض التي أعشقها يشاركوننا في هذا المنتدى شعرت بصغري والله ووالله لم تتمالك عيني إلا أن فاضت بالدمع .

لا أملك الكلمات في هذه اللحظات ولكني شعرت أن من واجبي أن أهدي هؤلاء الإخوة والأخوات أعظم وأطيب ما صاغته البشرية من كلمات الحب والإخاء ... فهنيئا لكم إخوتي وبارك الله بكم حيث أنتم ....


عذرا فقد خانني القلم وودت لو أن لي ألف قلم بل أكثر حتى أكتب لكل أخ وأخت في أرض الإسراء .

السلام عليكم ورحمة الله وبركاته ..



((في الشدائد يختار القلة سلامة المنهج بينما يختار الكثرة منهج السلامة))

السلام عليكم و رحمة الله و بركاته

حيا الله اهل الرباط و اهل القدس و اهل فلسطين

------------

ذكرل لي اخ ذهب للعمرة منذ سنة تقريبا لقاءه بشاب من القدس في مكة المكرمة

و ابكاني و الله من وصفه لهذا اللقاء .......... عناق حار و بكاء .......... سبحان الله
ان لكم معزة في قلوبنا يا اهل فلسطين
و ذكر له ذاك الاخ المقدسي ... ان يهود يقومون بادخال نساء روسياتو غيرهن لينشروا الفاحشة بين الشباب المسلم بالذات و بثمن بخس يقعون في المحظور
و لا حول و لا قوة الا بالله

فاعانكم الله على ابتلاءاتكم
فاصبروا و صابروا و رابطوا
و اعلموا ان النصر موعدكم و ان كتائب التحرير قادمة لا محالة مهما طال الامد باذن الله

----------------------

اخ عمر ................

لما نجي القدس باذن الله ............ :) .......... بدي منك تستقبلني عندك في البيت باذن الله
ماشي :) ؟

باذن الله

اني لارى ذاك اليوم


----------------

و بالنسبة للعبري .......... كلنا نكرهها
بس بدي اتعلمها باذن الله
و لنشوف مين من الاخوة راح يايد اقتراحي

بس انا جاهز و يمكنك البدء متي تشاء باذن الله

---------
احبكم في الله
و السلام عليكم و رحمة الله و بركاته

حياك الله فرقاني ..... ردك حلو كتير و الله ....

أنا أؤيدك بفكرة أن نتعلم العبري لأن من تعلم لغة قوم أمن مكرهم .

يللا شدوا الهمة أستاذة حلا و أستاذ عمر المقدسي .

:)

سلامي اليكم جميعا ................
بشكر الجميع على ترحيبهن الحار ومحبتهن الكبيرة النا من اخوة واخوات ....... وبشكر الاخ وائل على عمق احاسيسه ......... وشعوره النبيل اتجاهنا وترحيبو فينا ...........
وبشكر كمان الاخ فرقاني على كلامه الطيب والجميل ........ وبدي احكيلك ........انو الاخ عمر مش هوه الوحيد الي رح يستقبلك ............ انا الي اخوة بالبيت كمان هنه رح يستقبلوك .......... ورح يستقبلو كل اخوانا من طرابلس .............. وانشاء الله يصح الكم فرصة تيجو لعنا ........ واهلا وسهلا فيكم ....... من وين ما كنتم ........ورح انطعميكم من الاكلات الفلسطينية .......... .......وانا متأكدة رح اتحبوهن ....... :P واكيد الاخ مشاكس كمان مدعو ........
والاخ فخر ........ والاخ عمر ......... كل الي بحب يزورنا ................
واخ فرقاني الشاب الي حكى لاخوك بخصوص نساءالروس ........وكمان لا تنسىنساء الصهاينه ...... فعلا هنه الفتنه بحالهن .......وهنه سبب دمار الشباب ............. الصهاينه بدهن الشباب ما يفكرو بدين ولا وطن ........... وازا حبيتو اي استفسار منا عن اي شي ....... انا ما عندي مشكلة ......... وشكرا الكم ..........

lady hla
القدس

بسم الله الرحمن الرحيم
و عليكم السلام

أحبك الله الذي أحببتنا فيه يا أخي في الله وائل .... و بارك الله فيك ...

اخي في الله فرقاني البيت بيتك بارك الله فيك ...

اخي في الله مشاكس بارك الله فيك ...

و باذن الله دروس اللغة العبرية سوف نبدئها بعد شهر .... لان اخوكم عمر مشغول جدا ...

اعذروني يا اخوة ... و السلام عليكم

السلام عليكم و رحمة الله وبركاته

رضي الله عنكم وارضاكم

احبكم في الله

و بارك الله بكم و اعانكم و ثبتكم

و انابانتظار اليوم الذي نزوركم فيه

:)

و كذلك بانتظار الشهر القادم حتى نبدا باذن الله

السلام عليكم

أختنا الفاضلة ليدي حلا أكرمك الله و الله لو صح لي أن أذهب الآن لا أقول لا , بارك الله بكم و حفظكم .

أخي عمر و فيك بارك الله .

.......... السلام عليكم ................



...... أختي الحبيبة منال ............... هدا الموضوع الي طلبتي اتشوفي............؟!..........




سلامي اليك
lady hla
القدس

وعليكم السلام ورحمة الله وبركاته

مشكورة اختى الحبيبة ليدى حلا
:cry: :cry: :cry: :cry: :cry:
اختى ان العين لتدمع وان القلب ليحزن على ما وصلت اليه حالنا ونعتذر اليكم اختى فنحن لا نملك الا الدعاء...حفظكم الله ورعاكم وسلمكم من كل سوء وفتنة وسدد على الحق خطانا وخطاكم
اختى كما اخبرتك من قبل حينما.....سأزورك ان شاء الله وادعو الله ان يعجل لى بزيارة المسجد الاقصى فكم تشتاق نفسى لرؤية ثالث الحرمين بعدما رأيت الاول والثانى

بارك الله فيك اختى وجزاك الله كل خير
والسلام عليكم ورحمة الله وبركاته