تسجيل الدخول

مشاهدة النسخة كاملة : وصية...



ismail
06-14-2004, 05:46 PM
يابنى قوم واسمع
وصية خلتك العاقلة بهانه
كتبها لك بعد ما شافت
من الدنيا المهانة
عيش حمار هتعيش تمام
عيش حمار هتعيش كمان
واوعى مرة تفكر إنك يوم تفكر
اصل داء الفكر يا بنى
مالوش علاج
واللي فكر فى الزمن دا
مالوش مكان
واحنا ليه هنفكر احنا
هما بس يفكروا
م الغلابة يسرقوا
واحنا فيه فى إدينا إيه
غير همنا
نمضغة مع حلمنا
واما بيجينا الكابوس
كنا بنطاطى نتفه فى عبنا
عيش حمار يابنى
وكتر فى العليق
خلى تفكيرك فى برسيمك
بلاش تعمل جريء
وانت اية فى الدنيا همك
غير زريبة يا واد تلمك
مالك انت ومال قصورهم
خلى عينك فوق سجونهم
والحقيقة هى مش فارقة
زنازين من زرايب
ماأحنا ساكنين فى الخرايب
المهم تخلى بالك من سيوفهم
والحقيقة هى مش فارقة
سيف من تابوت
ماأحنا أصلاً من الجوع
راح نموت
والحقيقة احنا يا بنى من الخوف
راح نموت :cry: