تسجيل الدخول

مشاهدة النسخة كاملة : عندك ملابس قديمة؟؟؟؟؟؟؟؟؟



بشرى
05-17-2004, 04:08 PM
بسم الله الرحمن الرحيم
عندك ملابس قديمة ومش بتستعملها ؟
ايوه عندى..

عارف ان فى مسلمين وناس كتير اوى فقراء فى امتنا ؟؟
ايوه عارف...

عارف يعنى ايه انك تكون محروم وشايف الناس بتلبس وعندها كل حاجة؟؟؟
جرب كدة انك متلبسش غير طقم واحد لمدة شهر.. شهرين.. او سنة. ايه اللى هتحس بيه؟؟؟ احساس فظبع بالاتكسار والحرمان والضيق.. تقدر دلوفتى تحس بيهم وبحرمانهم؟؟

عارف اننا سنحشر يوم القيامة عراة؟
ايوه عارف.. وخايف اوى من الموقف ده.
تقدر تتخطى الموقف ده بانك تكسى مسلم وتدخل السرور على قلبه فى الدنيا ..ربنا يكسيك ويسترك يوم العرض عليه.

الملابس اللى عنك فى الدولاب سواء القديمة او اللى بقت صغيرة عليك او اللى موضيتها قديمة old fashion ... وهى عنك قيمتها ايه.... 0 %
طيب نفس الملابس دى لو وصلت لواحد محتاجها هتكون قبمتها ومقدار الاستفادة منها 100% ومش يس كدة ..ربنا هيكسيك ويسترك يوم القيامة ... ومش بس كدة .. انت عارف انت مزعل ربنا اد ايه ..تعرف ان الصدقة تطفى غضب الله؟؟
وأخطر حاجة فى الموضوع ده كله انك هتبقى فى موقف صعب اوى لما تقف امام الله عز وجل ويسألك ..لماذا لم تستر اخوك المسلم فى الدنيا ؟ ألم اعطك ما يكفيك وزيادة لا رضاء منا عليك ولا سخط منا عليه..وانما لنرى ما تفعل بفضلى عليك .. وما تقدم ليوم لقائي..

كقاية كدة؟ ... عاوز تعمل حاجة بس مش عارف ؟
فى مشروع ضخم لجمع الملابس واعادة توزيعها على الفقراء فى الامة الاسلامية .. المشروع يتبناه برنامج صناع الحياة للاستاذ عمرو خالد ..
وفى مجموعة من الشباب جزاهم الله خيراً فى كل مدينة و دولة تكفلوا بتوفير المكان لاستقبال الملابس منكم فى كل مكان ثم فرزه وتعبئته فى اكياس ثم تجميعها فى مكان مركزى للمشروع كله.

المطلوب منك....
1- افتح دولاب ملابسك.
2- اختار الملابس اللى مش بتستعملها (خلى بالك ان الصدقة بتقع فى يد الله قبل ما بتروح للمحتاج...)
3- ادخل على الموقع وشوف اقرب مكان لتجميع الملابس فى مدينتك واتعب شوية ووصلهم الملابس .
4- عرف كل اصحابك فى المدرسة او الكلية وكل جيرانك ومعارفك بالمشروع وممكن تجمع منهم وتاخد ثوابهم معاك.
5- انشر الرسالة دى على قد ماتقدر .
http://www.amrkhaled.net/
تعرّف على أماكن جمع الملابس في مدينتك
من يريد أن يشترى بملابسه القديمة أبهى الحلل يوم القيامة ؟؟؟

أم ورقة
05-17-2004, 04:20 PM
هذه حملة جميلة جداً و طيبة...

و ان شاء الله تستمر و تنجح...

و خطر على بالي لو يكون معها فكرة متوازية

و هي : "لو عندك اي شي قديم .."

يعني ليس فقط ملابس...

فإن شاء الله تتوسع هالحملة


و السلام لعيكم و رحمة الله

صلاح الدين يوسف
05-18-2004, 07:07 PM
الحمد لله اوصلت الملابس اليوم و لكني سأكتب في موقع عمرو خالد

اطلب ان يرسلوا بعض الملابس إلى احياء فقيره يتهددها خطر التنصير

و جزاكم الله خيرا