تسجيل الدخول

مشاهدة النسخة كاملة : فكرة دعوية جميلة من مصر



شيركوه
04-26-2004, 08:09 PM
الصفحة الرئيسيه
فلاش عجبني
درس عجبني
اخبار علي الماشي
فكرة دعويه جديده
دفتر الزوار
للإتصال بنا














islamyouth

الي شباب الصحوة


فكرة دعوية جديدة
إرسل اقتراحاتك
فكرة الشرائط
السلام عليكم ورحمة الله وبركاته
اخواني وحبايبي في الله
فيه فكرة جامده اوي جاتلي كده في ساعة صفا مع نفسي واتمني اشوف الحماس منكم وتنفيذها في أسرع وقت

أولا : أسباب تفكيري في المشكله دي
اني منين ما اكون راجع من الكليه او من أي حته وأركب مواصلات ألاقي السواق مشغل اغاني
والصراحه الموضوع ده انتشر اوي من ساعة ما اذاعه النجوم دي فتحت
والصراحه الواحد نفسه يشوف التغيير في الامه للاحسن



فجيت بقي فكرت وقولت
وبعدين؟
يا تري ايه الحل في الموضوع ده
انا كنت الاول منين ما اركب مواصله والاقي واحد مشغل اغاني اقوم مطلعله شريط قران واقول له شغل ده يا اسطي الله يكرمك
الراجل يقوم مشغله لغايه ما آجي نازل من الميكروباس اقوم واخد منه الشريط وانزل
وده لما يصدق اني نزلت يقوم مشغل الاغاني من تاني
فانا لقيت اني كده اناني
عايز اعصم نفسي من الذنب ده وسايب الركاب والسواق الغلابه بيسمعوا مزامير الشيطان ومافيش حد بيتحرك ولا بيغير علي الامة اللي ضاعت بسبب حاجه زي كده


طب ايه هو الحل في الموضوع ده؟
فلقيت حل بس هو مكلف شويه
نشوف الحل الاول وبعدين نحل مشكله التكلفه دي

الحل كالاتي
ان الواحد منين ما يركب ميكروباس او اي مواصله يكون معاه شريط قران وخصوصا لمشاري راشد (وهقوللكم علي بعض اسباب اختياري لمشاري)
المهم
لو ركبت ولقيت واحد مشغل اغاني تقوم مديله الشريط بكل ذوق وابتسامة جميلة وتقول له شغل الشريط ده لو سمحت
ولما تيجي نازل سيبله الشريط واديله العلبه بتاعت الشريط كمان عشان يبقي شكلها كده كأنها هديه أو علي الاقل السواق يعتز بالشريط ده

حلو كده؟


طب ايه هي بقي اسباب اختياري لمشاري؟
1- طبعا ما يخفاش علي حد صوت مشاري راشد عامل ازاي ووالله العظيم الصوت ده بيعمل فيا تأثير مش عارف اقول ايه
2- فيه بعض المواقف حصلت معايا بالنسبه لمشاري
ا) عندكم مثلا ابويا من ساعة ما التزمت وهو شايفني ضال والعياذ بالله وبيكره كل الناس اللي بسمعلها حتي انه كره مشاري راشد عشان انا بحبه
فجيت جبت شريط سورة مريم لمشاري
لقيت شويه شويه ابويا يفتح الدرج ويطلع الشريط بتاع سورة مريم ويشغل الشريط ودلوقتي قاعد يحفظ في السورة من الشريط
ب) كنت مرة راكب ميكروباس والراجل كان مشغل شريط اغاني قومت مديله شريط لمشاري وجاي نازل فبقوله ( الشريط يا اسطي لو سمحت ) قام مارضيش يديني الشريط ويقوللي ابدا مش هتاخده وكنت شويه شويه هبوس ايده عشان يديني الشريط وفين بقي عقبال ما رضي يديني الشريط
والموقف ده بالذات حصل معايا اكتر من مرة

بالنسبه للحسنات في الموضوع ده
طبعا مش هقوللكم علي مقدار الحسنات اللي الواحد هياخده لما يسيب الشريط عند السواق
لأنه هيكون مشغله في عربيه وكذا واحد راكب العربيه دي
يعني انت هتاخد حسنات عن كل الناس اللي قاعده في العربيه دي
حاجه كمان
ممكن واحد من اللي راكبين في العربيه دي يعجبه صوت مشاري يقوم يسأل عنه ويجيبله شرايط كمان
وانت يا بطل اللي هتاخد الحسنات دي كلها


ها ؟
ايه رأيكم في الموضوع ده
معلش طولت عليكم لكن انا حبيت اني احلل الموضوع كله

اخر حاجه بقي

شبهات حول الفكرة دي
ممكن واحد ييجي يقوللي
السواق بعد ما انت تنزل هيقوم مطلع الشريط ويشغل اغاني تاني
هقوللك مش مشكله
اديك اخدت حسنات علي السواق وعلي الناس اللي راكبين
حاجه كمان
هقوللكم علي موقف حصل معايا في نفس الحركه دي
اديت للراجل الشريط وبعد ما نزلت اخدت منه الشريط
ولما طلع الشريط كانت اذاعة النجوم شغاله قام طافيها
اكيد يا جماعه القران ليه تأثير وخصوصا لو كان بصوت جميل وخاشع زي مشاري
وكمان شويه شويه ممكن السواق يعجب بالصوت يقوم مشغل الشريط الصبح مثلا
وبعد كده يعجبه اكتر يقوم يبدأ يجيبله شرايط وكل دي حسنات


يعني من الاخر
اكل ونوم وحسنات بالكوم

بالنسبه بقي لموضوع التكلفه ده
نقدر يا جماعه كل واحد يتفق مع صحابه ويجمع فلوس كل فترة ويجيب حبة شرايط ويديها لواحد بيركب مواصلات كتير ويبدأ في التوزيع بنفس الطريقه
او الواحد يحوش ويخصص جزء من فلوسه ويقول ده خاص بالاسلام وبس


بالنسبه بقي لشرايط مشاري اللي أرشحها
في موقع مشاري كانوا عملوا استفتاء علي احسن اصدارات فكان الاختيار ان احسن اداء كان في سورة (مريم) ثم( يوسف)
وبعد كده عندنا( الفرقان والشعراء) ثم ( الانبياء والحج ) ثم ( الانعام )ثم ( طه)




انا كده قولت كل اللي عندي واسف مرة تانيه علي التطويل عليكم
وياريت اشوف اقتراحاتكم لو فيه اقتراحات جديده بالنسبه للموضوع
والسلام عليكم ورحمة الله وبركاته
=================


هذه الفكرة كتبها اخونا البشمهندس طفطف :lol:
قصدي مصطفى من مصر

بموقعو :

http://islamyouth.jeeran.com/index.html

اخوكم في الله
سماحة ال كو - مشرف على ركن الشباب و المجتمع ( قده )
السلام عليكم و رحمة الله و بركاته

أم ورقة
04-27-2004, 11:16 AM
نعم فكرة جيدة جداً
و لكن اخشى ان اقول انها مكلفة حتى لا يبدو اني انتقدها

على اي حال اقل شيء ممكن يعمله الواحد هو ان يحمي نفسه اذا لا يستطيع ان يحمي غيره من سماع الاغاني في سيارة الاجرة او النقل العام

ممكن يضع سماعات و يستمع هو الى تلاوة القرآن

فأنا اعرف اخت تفعل هذا

دائماً تخرج و السماعات في اذنيها
تضعهم تحت الحجاب...
و تستمع الى القرآن

و حتى في مكان العمل اذا لزم الامر


من جهة هي بهذا لا تسمع ما يدور حولها من منكرات

و من جهة اخرى هي تتذكر القرآن