ismail
04-23-2004, 08:09 PM
أم طــه امرأة عجوز ( عمرها 75 سنه ) اردنية الجنسية وتشتغل خياطه وكانت ( أمية ) ما تعرف تقرأ ولا تكتب ، في مرة من المرات طلبت أم طــه من وحده من زباينها انها تعلمها كيف تقرأ و تكتب كلمة الله ، وبعد ما تعلمت مسكت القرآن وقامت تدور عن كلمة الله في المصحف كله وتقراها لين خلصت ، لكن ام طــه ما اكتفت بهالشي ولكن طلبت من وحده من الزباين انها تعلمها القراءة علشان تتمكن من قراءة المصحف ( لاحظوا ان عمرها 75 وتبي تتعلم تقرأ المصحف ) وبعد ما تعلمت القراءة قدرت والحمد لله انها تختم قراءة المصحف ..... لكن عزيمة ام طـــــــــه واصرارها وصلها حق شي اعظم وأكبر وهو (حفظ كتاب الله ) ..... نعم قدرت أم طــــه انها تحفظ كتاب الله كاملاً والحمد لله .... وهذا كله بتوفيق من الله وباصرارها وعزيمتها ....