m.m.
02-29-2004, 04:59 PM
السلام على امة محمد اجمعين
انا انهارده بعد المده اللي مابعتش فيها حاجه خالص راجعه بموضوع هايعجبكوا جدا جدا انا باتخيل انه هايدخل قلبكوا جدا وبسرعه كمان انما طويل جدا بس استحلفكم بالله كملوه للاخر وعيشوه مع القصه دي بقلبكوا . عارفين هاتكلم معاكم عن ايه؟عن الحب وهاحكيلكم قصة جميله اوي قصة اوبنا وامنا ( آدم وحوا ) . طبعا باتكلم بردوا في الدين مش هاخرج بعيد عنه لان الحب مش محرم طبعا في الاسلام عندنا دي غريزه مخلوقين بيها.الحديث بيقول ان سيدنا آدم لما دخل الجنه استوحش يعني ايه استوحش؟يعني حاسس ان ناقصه حاجه حـــواء طبعا تخيلوا لما الواحد منكوا يا شباب يكون في الجنه وبردوا يحس ان في حاجه ناقصاه ناقصه المرأه ياااااه في حد منكم ياشباب هايكون احساسه بخطيبته او زوجته نفس الاحساس ده انه مهما كان في احسن مكان مالوش مقارنه في الجــــــنه ويبقى حاسس انه عايز زوجته او خطيبته تجيله في الجنه علشان يبقى مستريح (بصراحه اشك).الحديث الصحيح بيحكي انه استوحش في الجنه (فدخل آدم الجنه فاستوحش فبينما هو نائم خلق الله من ضلعه حواء فاستيقظ وقال لها من انتي قالت إمرأه قال مااسمك قالت حواء قال ولما خلقتي قالت لتسكن الي) لتسكن الي يعني انا رمز الاطمئنان في الارض يعني مش علشان تكنس وتمسح وتربيله العيال وانك تتأمر عليها زي ما معظم الشباب لحد الوقت ده بيفكروا التفكير ده لا دي المرأه خلقت يا أخويا علشان تسكن اليها ومافيش يا ادم سكون واطمئنان في الارض ليوم القيامه الا في حواء.انتو مش معايا ان في ناس بينظروا للبنت انها من مرتبه اقل منهم كشباب او المرأه والرجل عموما لكن لا طبعا مش صحيح الدين الاسلامي رافع شأن المرأه للسماء دي ياشباب الجنه تحت اقدام الامهات.وفي حديث صحيح يقول الرسول عليه افضل الصلاة والسلام(امك ثم امك ثم امك ثم ابوك)في ناس او معظم الناس معتقتدين ان حواء هي اللي انزلت ادم من الجنه انا بصراحه عايزه اصحح المعلومه دي للي لسه بيفكر التفكير ده القرآن ما قالش ان الشيطان وسوس لحواء بس لا القران حط الاتنين في منزله واحده(فوسوس لهما الشيطان)(ليبدي لهما)(ماوري عنهما من سوءاتهما)يعني الشيطان ضحك عليهم مع بعض يعني حتى ده يوضح ارتباطهم ببعض ونزلوا بردوا هما الاتنين مع بعض الارض وفي اقاويل ياجماعه هي مش احادثت ولا قرآن بيقول ان ادم لما نزل نزل في الهند وحواء نزلت في جده في السعوديه وبتقول الاقاويل الله اعلم ان من هنا سميت جده نسبة للجده حواء.بعد كده ادم قعد يدور علىحواء واتقابلوا يا جماعه عند جبل عرفات لو تاخدوا بالكوا ان عرفات اقرب لجده ولا الهند ؟؟؟ يعني مين دور على مين؟يعني ده مجرد تفسير بسيط بس معناها كبير اوي.يقول القرطبي ان الملائكه سألت سيدنا ادم(اتحب حواء يا ادم قال نعم فقالوا لحواء اتحبين ادم قالت لا وفي قلبها اضعاف اضعاف مافي قلبه اليها من حب)بيعلق القرطبي على الكلام ده بيقول(لو صدقت امرأها في حبها للرجل لصدقت حواء في حبها لادم)وانا من جوايا حاسه بحاجه معينه يا شباب ان من هنا بيبان الحب الصادق لما البنت بتخبي على الولد حبها ده نوع من انواع الخجل وده اسمى معاني الحب.واخدين بالكوا الحيث كان بيقول ايه فبينما هو نائم خلق الله من ضلعه حواء طب ليه ماخلقتش وهو صاحي لانه كان هاتألم جدا ده ربنا بيخرج من ضلعه جسد يعني حاجه مؤلمه جدا مع ان يا شباب لو تلاحظوا اننا كحواء بالكامل يعني بنلد واحنا صاحيين فاي الم ده؟لكن لان عاطفة ادم اقل فخرجت من ضلعه وهو نايم ويمكن اذا كانت خرجت وهو صاحي كان كره حواء من شدة الالم مش كده ياشباب؟لكن المرأه عمرها مابتكره ابنها شوفتوا الفرق ياللي بتقللوا من شأن المرأه لو تلاحظوا ادم هنا خلق من ايه من تراب لكن حواء خلقت من ضلع يعني حاجه حيه يعني كل واحد خلق من اللي هايتعامل معاه ادم اكتر معاملاته مع مثلا مصانع مزراع او تاجر اي شغل ايا كان جامد انما حواء اكتر معاملتها مع الحاجات الحيه اولادها او اخواتها اوهاتبقى زوجه يعني كل حاجه حيه وفيها حنيه يعني شوفتوا الاسلام بيكرم المرأه ازاي.انا عايزه اقول لاخواتي واخواني يعني عايز ربنا يكرمك بحب زي ده عايزه ربنا يكرمك يا اختي بزوج اذا دخل الجنه يستوحشها من غيرك؟ ويحس ان في حاجه ناقصاه ؟لازم تعاملي اولا واخيرا ربنا وانتي بتعاملي الشاب اللي هايبقى زوجك وانت يا اخويا ايه رايك تصاحب بنت وتخرج معاها وتضحك عليها وتقولها انك بتحبها وانت في الحقيقه مش ناوي على زواج ولا حاجه اهي تسليه واثبات شخصيه زي معظم الشباب ما بيعملوا ولا تحب ان زوجتك تكون خارجه من ضلع ليك خارجه منك يعني جزء منك وده معناه طبعا انك تحب بس حب صادق نهايته الزواج ومعاملة ترضي ربنا من بداية حبك ليها لحد الزواج وليوم الدين.يا جماعه ادم وحوا دول امنا واوبنا هما مش بيقولوا العرق يمد لاخر جد يعني اكيد اكيد كل شاب منكم استحالة حياته من غير حب صادق مافيهوش لعب ولا غش وانتي كمان يا اختي اياكي تسمحي لشاب انه يضحك عليكي باسم الحب حتى ولو تهريج التهريج صدقيني بيقلب بحب وبيكون طبعا هو من جواه بيهرج انما انتي لانك دايما صادقه في مشاعرك وعاطفتك اقوى من عاطفة الشاب فبتصدقيه مش في دماغك انه ممكن يكون بيضحك عليكي باسم الحب وفى الاخر انتي اللي بتتعبي اذا يا اختي الحب ما بدأش بكلام صادق مع اهلك فاعتبيره انه بيضحك عليكي يبقى مش هاتعيشي قصة حب ادم وحواء يعني امك وابوكي.ياريت يااختي ويا اخويا نخللي حبنا صادق وشفاف ونعرف دايما ان الانسانه اللي بتحبها يا اخويا خارجه من ضلع منك يعني مش معقول انك ماتحافظش على حته منك بالتأكيد هاتحافظ عليها وتحبها واول اثبات لحبك ليها هو كلامك مع والدها.انا خلصت كلام رغم ان جوايا كلام كتير جدا في الموضوع ده انما ممكن نكمله مره تانيه لاني خايفه تستكتروا الكلام ده كله وماتقرأوش في الاخر يارب تكونوا قريته كله . ايه رأيكوا يا جماعه مش حسيتوا بالقصه دي لانها فيها حب واحنا كبشر اكتر حاجه بتأثر فيها الحب بس المهم يكون صادق اوي زي كده او انك تحس بي انا عارفه ان منكم هايقول هي فين قصة الحب هو ممكن اقولكوا هي ما كانتش قصه بينهم يعني كلام متبادل اكتر منه احاسيس متبادله يعن كل واحد كان بيتسأل على حدا بيعرف منه مقدار حبه للطرف الاخر غير بردوا الاحاسيس المتبادله اللي بينهم .يارب اوعد كل بنت وكل شاب الزواج اللي عن حب طاهر شفاف ويكون كل طرف حاسس بالتاني زي سيدنا ادم وستنا حواء امين امين امين يارب العالمين.
السلام عليكم ورحمة الله وبركاته
انا انهارده بعد المده اللي مابعتش فيها حاجه خالص راجعه بموضوع هايعجبكوا جدا جدا انا باتخيل انه هايدخل قلبكوا جدا وبسرعه كمان انما طويل جدا بس استحلفكم بالله كملوه للاخر وعيشوه مع القصه دي بقلبكوا . عارفين هاتكلم معاكم عن ايه؟عن الحب وهاحكيلكم قصة جميله اوي قصة اوبنا وامنا ( آدم وحوا ) . طبعا باتكلم بردوا في الدين مش هاخرج بعيد عنه لان الحب مش محرم طبعا في الاسلام عندنا دي غريزه مخلوقين بيها.الحديث بيقول ان سيدنا آدم لما دخل الجنه استوحش يعني ايه استوحش؟يعني حاسس ان ناقصه حاجه حـــواء طبعا تخيلوا لما الواحد منكوا يا شباب يكون في الجنه وبردوا يحس ان في حاجه ناقصاه ناقصه المرأه ياااااه في حد منكم ياشباب هايكون احساسه بخطيبته او زوجته نفس الاحساس ده انه مهما كان في احسن مكان مالوش مقارنه في الجــــــنه ويبقى حاسس انه عايز زوجته او خطيبته تجيله في الجنه علشان يبقى مستريح (بصراحه اشك).الحديث الصحيح بيحكي انه استوحش في الجنه (فدخل آدم الجنه فاستوحش فبينما هو نائم خلق الله من ضلعه حواء فاستيقظ وقال لها من انتي قالت إمرأه قال مااسمك قالت حواء قال ولما خلقتي قالت لتسكن الي) لتسكن الي يعني انا رمز الاطمئنان في الارض يعني مش علشان تكنس وتمسح وتربيله العيال وانك تتأمر عليها زي ما معظم الشباب لحد الوقت ده بيفكروا التفكير ده لا دي المرأه خلقت يا أخويا علشان تسكن اليها ومافيش يا ادم سكون واطمئنان في الارض ليوم القيامه الا في حواء.انتو مش معايا ان في ناس بينظروا للبنت انها من مرتبه اقل منهم كشباب او المرأه والرجل عموما لكن لا طبعا مش صحيح الدين الاسلامي رافع شأن المرأه للسماء دي ياشباب الجنه تحت اقدام الامهات.وفي حديث صحيح يقول الرسول عليه افضل الصلاة والسلام(امك ثم امك ثم امك ثم ابوك)في ناس او معظم الناس معتقتدين ان حواء هي اللي انزلت ادم من الجنه انا بصراحه عايزه اصحح المعلومه دي للي لسه بيفكر التفكير ده القرآن ما قالش ان الشيطان وسوس لحواء بس لا القران حط الاتنين في منزله واحده(فوسوس لهما الشيطان)(ليبدي لهما)(ماوري عنهما من سوءاتهما)يعني الشيطان ضحك عليهم مع بعض يعني حتى ده يوضح ارتباطهم ببعض ونزلوا بردوا هما الاتنين مع بعض الارض وفي اقاويل ياجماعه هي مش احادثت ولا قرآن بيقول ان ادم لما نزل نزل في الهند وحواء نزلت في جده في السعوديه وبتقول الاقاويل الله اعلم ان من هنا سميت جده نسبة للجده حواء.بعد كده ادم قعد يدور علىحواء واتقابلوا يا جماعه عند جبل عرفات لو تاخدوا بالكوا ان عرفات اقرب لجده ولا الهند ؟؟؟ يعني مين دور على مين؟يعني ده مجرد تفسير بسيط بس معناها كبير اوي.يقول القرطبي ان الملائكه سألت سيدنا ادم(اتحب حواء يا ادم قال نعم فقالوا لحواء اتحبين ادم قالت لا وفي قلبها اضعاف اضعاف مافي قلبه اليها من حب)بيعلق القرطبي على الكلام ده بيقول(لو صدقت امرأها في حبها للرجل لصدقت حواء في حبها لادم)وانا من جوايا حاسه بحاجه معينه يا شباب ان من هنا بيبان الحب الصادق لما البنت بتخبي على الولد حبها ده نوع من انواع الخجل وده اسمى معاني الحب.واخدين بالكوا الحيث كان بيقول ايه فبينما هو نائم خلق الله من ضلعه حواء طب ليه ماخلقتش وهو صاحي لانه كان هاتألم جدا ده ربنا بيخرج من ضلعه جسد يعني حاجه مؤلمه جدا مع ان يا شباب لو تلاحظوا اننا كحواء بالكامل يعني بنلد واحنا صاحيين فاي الم ده؟لكن لان عاطفة ادم اقل فخرجت من ضلعه وهو نايم ويمكن اذا كانت خرجت وهو صاحي كان كره حواء من شدة الالم مش كده ياشباب؟لكن المرأه عمرها مابتكره ابنها شوفتوا الفرق ياللي بتقللوا من شأن المرأه لو تلاحظوا ادم هنا خلق من ايه من تراب لكن حواء خلقت من ضلع يعني حاجه حيه يعني كل واحد خلق من اللي هايتعامل معاه ادم اكتر معاملاته مع مثلا مصانع مزراع او تاجر اي شغل ايا كان جامد انما حواء اكتر معاملتها مع الحاجات الحيه اولادها او اخواتها اوهاتبقى زوجه يعني كل حاجه حيه وفيها حنيه يعني شوفتوا الاسلام بيكرم المرأه ازاي.انا عايزه اقول لاخواتي واخواني يعني عايز ربنا يكرمك بحب زي ده عايزه ربنا يكرمك يا اختي بزوج اذا دخل الجنه يستوحشها من غيرك؟ ويحس ان في حاجه ناقصاه ؟لازم تعاملي اولا واخيرا ربنا وانتي بتعاملي الشاب اللي هايبقى زوجك وانت يا اخويا ايه رايك تصاحب بنت وتخرج معاها وتضحك عليها وتقولها انك بتحبها وانت في الحقيقه مش ناوي على زواج ولا حاجه اهي تسليه واثبات شخصيه زي معظم الشباب ما بيعملوا ولا تحب ان زوجتك تكون خارجه من ضلع ليك خارجه منك يعني جزء منك وده معناه طبعا انك تحب بس حب صادق نهايته الزواج ومعاملة ترضي ربنا من بداية حبك ليها لحد الزواج وليوم الدين.يا جماعه ادم وحوا دول امنا واوبنا هما مش بيقولوا العرق يمد لاخر جد يعني اكيد اكيد كل شاب منكم استحالة حياته من غير حب صادق مافيهوش لعب ولا غش وانتي كمان يا اختي اياكي تسمحي لشاب انه يضحك عليكي باسم الحب حتى ولو تهريج التهريج صدقيني بيقلب بحب وبيكون طبعا هو من جواه بيهرج انما انتي لانك دايما صادقه في مشاعرك وعاطفتك اقوى من عاطفة الشاب فبتصدقيه مش في دماغك انه ممكن يكون بيضحك عليكي باسم الحب وفى الاخر انتي اللي بتتعبي اذا يا اختي الحب ما بدأش بكلام صادق مع اهلك فاعتبيره انه بيضحك عليكي يبقى مش هاتعيشي قصة حب ادم وحواء يعني امك وابوكي.ياريت يااختي ويا اخويا نخللي حبنا صادق وشفاف ونعرف دايما ان الانسانه اللي بتحبها يا اخويا خارجه من ضلع منك يعني مش معقول انك ماتحافظش على حته منك بالتأكيد هاتحافظ عليها وتحبها واول اثبات لحبك ليها هو كلامك مع والدها.انا خلصت كلام رغم ان جوايا كلام كتير جدا في الموضوع ده انما ممكن نكمله مره تانيه لاني خايفه تستكتروا الكلام ده كله وماتقرأوش في الاخر يارب تكونوا قريته كله . ايه رأيكوا يا جماعه مش حسيتوا بالقصه دي لانها فيها حب واحنا كبشر اكتر حاجه بتأثر فيها الحب بس المهم يكون صادق اوي زي كده او انك تحس بي انا عارفه ان منكم هايقول هي فين قصة الحب هو ممكن اقولكوا هي ما كانتش قصه بينهم يعني كلام متبادل اكتر منه احاسيس متبادله يعن كل واحد كان بيتسأل على حدا بيعرف منه مقدار حبه للطرف الاخر غير بردوا الاحاسيس المتبادله اللي بينهم .يارب اوعد كل بنت وكل شاب الزواج اللي عن حب طاهر شفاف ويكون كل طرف حاسس بالتاني زي سيدنا ادم وستنا حواء امين امين امين يارب العالمين.
السلام عليكم ورحمة الله وبركاته