تسجيل الدخول

مشاهدة النسخة كاملة : الانتخابات في الجامعات لمجلس الطلبة.. قريبا قريبا



بشرى
01-31-2004, 11:48 AM
إن شاء الله بدي قول لكم عن الانتخابات عنا كيف بتصير... وما بعد الانتخابات

مسلمة
01-31-2004, 11:58 AM
لو كنت معك بالجامعه كنت رشحتك :D

no saowt
01-31-2004, 01:53 PM
السلام عليكم،
لكنني احب ان اعرف إن كان هناك امر جديد

بشرى
01-31-2004, 03:38 PM
أختي مسلمة.. أنا ما بترشح... لشو سم البدن؟؟ ناقصني؟؟

السلام عليكم ورحمة الله
مع بدء موسم الانتخابات في الجامعة اللبنانية، ما أكثر ما نجد أمثالا أحببت أن أنقلها إليكم.. فلتستمعوا..

المرشح: محمد..
يقف إلى جانب المدخل (قبل المصعد) إلى الجامعة.. أهلا إخوتي.. السلام عليكم.. كيف حالكم؟ كيف الدرس.. أهلا وسهلا..
ومن ثم في الجامعة..
السلام عليكم أختي.. كيف حالك؟؟ كيف هم إخوتك؟؟ الحمدلله.. كما تعلمون أنا ترشحت هذه السنة لمجلس الطلبة.. لنقل صوتكم بل ولإسماعه لمن يجب أن يسمعه.. يعني لتّ وعجن على ولا شي..

هو نفسو.. يشوف مثلا غروب بنات مطأطئين.. بيصير بيرحب فيهم بطريقة تانية.. مثلا: هااااااااااااااااااي.. كيفكون؟؟ شو أخباركون؟؟ ومن ثم تتعالى أصوات الضحكات وما إلى ذلك من وجع قلب عليهم.. محمد عندهم بتصير محمّض..

باختصار.. ما بيخلي حدى ينفد من بين إيديه.. (طبعا من نفس السنة اللي هو فيها.. يعني ما إلة مصلحة بأنو يسلم على حدى غيرهم).. وبيوقف وبيشرح لهم شو عمل مجلس الطلبة طبعا اللي كان فيه في السنوات الماضية.. مثلا:

-أمنّا مياه شرب للجامعة
-أمنّا طاولة بينغ بونغ للجامعة
-أمنّا بيغ بايت للجامعة
-وضعنا صندوق للشكاوي

-طيب هاتف للعموم؟؟ الجواب: قيد الدرس.. ومصلى: بتعرفوا الجامعة.. طيب طيب.. (طبعا هيدول بيكونوا ضمن البرنامج متل كل سنة.. البرنامج الانتخابي)

ساعة الانتخابات:
الطلاب يتجولون بين الصفوف.. المرشح يسألهم: شو إسا ما انتخبتوا؟؟ لا.. عن جد.. روحوا انتخبوا.. أنا بمرّئكم.. ما بتطولوا كتير.. الأقلام مؤمّنين.

أهلا.. أهلا.. لو سمحت (يا رئيس القلم) مرّأهم.. خليهم ينتخبوا.. ما تخليهم ينتظروا..

بعدين.. بعد الانتخابات.. يقوم بعض المرشحين الذين فازوا بالانتخابات بإحضار سلة بونبون وشوكولا.. منهم من يحضر العصير.. ويتقبل التهاني..

بعد كم يوم.. يعني شي يومين أو 3 أيام.. بتقولوا.. نائب عن جد.. ما بيتحكّى.. يعني بيحكي طبعا بشوية أنزعة.. أنو كيف بدكن المرشح الكريم يكلمكن؟؟ يا دوب فيكم تشوفوه وتشتكوا له.. طبعا من كثرة انشغالو.. لمصلحتكم أنتو.. عم يلاحق وعم يتعب مشانكم.. بدو يحقق لكم مطالبكم..

جد يمكن انتخابات مجلس الطلبة هو عبارة عن صورة مصغّرة عن الانتخابات النيابية..

ياما منشوف بالكلية ورقة معلقة على الألواح.. فاز فريق كلية الصحة على فريق كلية العلوم 0-2 بمباراة كرة السلة.. و؟؟ -؟؟ لمباراة البينغ بونغ ومدري شو كمان هيك شي..

نسيت.. التيارين البارزين.. الرابطة والشباب الوطني.. بس شو رابطة؟؟ ما كأنها رابطة.. عن جد جامعتنا غير.. ما بعرف ليه

no saowt
01-31-2004, 04:17 PM
السلام عليكم،
على علمي الشباب الوطني فاشلين جداً. كيف طلعلن هذه الأيام.

إن لي مع الشباب الوطني تجربة طويلة ومريرة ولكنني والحمد لله اعتبر انني انتصرت عليهم. لقد كان رئيسهم جارنا وكان كلما اراد امراً يهلكنا بالسهرات والزيارات. كان كل همه ان يجتذب مجموعة من الشباب التي اعرفها لان شباب اكروم كثيرون ولا انتماء لديهم فكان همه ان يتقرب من هذه المجموعة كي يفوز بأن نؤيدهم. لكن سبحان الله معظم هؤلاء الشباب تصف مطأطين :) يعني لا يهمهم الإلتزام ولكن ساعة الإنتخابات مع الرابطة (مع كل علاتهم).

المهم قدموا لنا مستوصف سنة 1989 للقرية وكان في بيتنا وطردتهم انا في سنة 1992.

كنت اناظرهم في الإنتخابات وبعض المناسبات والاهم يوم كنا نتظاهر ضد تطبيق علامات البكالوريا القسم الأول. لقد حاولوا هم والقوميين اجتذاب المتظاهرين ولكن (رغم فشل العمل كله) لم يستطيعوا ان ينفذوا ما ارادوا وطردناهم ايضاً.

على فكرة هناك دعوة تزوير شخصية بيننا وبين رئيسهم وقد ربحناها والحمد لله ولكن لم نحصل على مرادنا بسبب زواريب القانون اللبناني. لقد اشترينا شقة وهو ساكن فيها ثم اشتراها بالتزوير والإحتيال. ربحنا الدعوى وقالوا فقط تعويض لانه كان مستأجراً وقانون الاجار القديم يعفي المستأجر من بعض الحقوق ويعطيه بعض الإمتيازات.

على كل لا تنتخبوهم ابداً.
شو شعارهم قال: ايمان بلا تعصب وتنظيم بلا تحزب.

من طرابلس
01-31-2004, 05:15 PM
السلام عليكم

أيشركم باكتساح الرابطة لانتخابات مجلس الطلبة في كلية العلوم

بشرى
01-31-2004, 08:09 PM
أخي بلال..

بدي أعزمك على كلية الصحة... بركي بتحل لنا إياها؟؟

هيدا زعيم الشباب الوطني عنا ماا بطيقو!!! ففففف الله يريحني