السلام عليكم شو وينكم اخوتي محب و هلال فقدنا لمشاركاتكم ان شاء الله يا رب كلو تمام و غيابكم لخير...

اي الله يعزك يا مجاهدة:) ...بارك الله فيك وتسال عنك العافية...

انا كنت مع فخر بسوريا ورحنا عحماة والله انبسطنا كتير بس بتعرفوا الخط بسوريا جدا سيئ اقصد خط النت



مشكورة اختي مجاهدة ...نعم عدنا بعون الله :)

الحمد لله على السلامه والله فقدنا لمشاركاتكم.....بس يله الحمد لله انبسطوا و غيرتوا جو بس مو بشاره انو الخطوط تعيسه......مجاهده بطلت تصيف هنيك لكن.......down

وعليكم السلام ورحمة الله وبركاته ،،،

محب أهل البيت موجود ، لكن روحه تسيح في الأرض ، إلى حيث ينبغي لها أن تمضي.

خرج من بستانه الصغير ليقطف لكم من بستان المعرفة ما يستطيع أن يقطف ، يستنشق النسيم العليل لمداواة قلبه العليل ، وأي نسيم فواح خير من نسيم القرآن المجيد.

ماشاء الله عليك اخي محب.......و ثبتك الله و وفقك الى كل ما يحب و يرضى

آمين :)

هه.. مجاهدة .. هو هلال بدو يقول:

بحمد الله عدنا ............. والعود عود أحمد
ما هيك خالو؟ أهلا وسهلا.. هو المنتدى يتشرف بمشاركاتكم والله..

أخي فخر وينك؟ صحيح أنك تركت المنتدى؟ أو طردت من المنتدى؟ له له له زعلتني... ليش شو عملت؟ خبرني.. بساعدك أنا وأختك المحامية هون بالمنتدى... منعمل أحلى دعمة عند أكبر مسؤول بالمنتدى.. وأكيد مجاهدة رح تكسب القضية... :D up :D up

على كل خير... إن شاء الله منها مشكلة عويصة... وأتعاب مجاهدة هن لوجه الله تعالى....

والله أنا كتير مبسوطة بالمنتدى... صار عندي أسرة خاصة هنا... الله يحميكم ويحفظكم وييسر أموركم ويقربكم من الخير ويقربه لكم يا رب..

آآآآآآآآآآآآآآآآآآآآآآآمين....

له له له يا حرام يا عمو فخر...يعني اخر واحد كنت متوقعه انو ينطرد..صراحه انا كنت حاطه ايدي على راسي..ازا فخر انطرد معناتها جاينا الدور :( الله يستر...خلص ولا يهمك اخي فخر انا رح استلم قضيتك بس بدنا شهود بصفك انك ما عملت شي حتى نقدر نرجعك على المنتدى...و طبعا الأرباح بدنا نشتري فيها كنافه مو مغربيه شو رأيكم يا اعضاء.......:) و بعدين بشرى صار عندك اسره من وراي!! هيك اخره الملح و ما بعرف شو بيقولوا..حدا يساعد مجاهده...:confused:

بيقولوا الخبز والملح.......... سامعة؟

بس يا فخر... هالمحامية بتخاف كتير خاصة من القطط "البسينات" يا عيب الشوم على هيك محاميات.........down down down down

بدنا وحدة أشطر منك.............. خلص أو ما تخافي منهم... هيدا الحل..

هيك لكن يعني ما صار الا ما حكيتي.....:p ..بعدين شو يعني المحاميه الناجحه ما ضروري ما تكون تخاف من شي شو رأيكم يا جماعه..بعدين البسينات عنجد مو حلوين و بيخوفوا فشو يعني ازا انا بخاف منون :p غليصه...بس انا بفرجيكي على مين رح اشكيكي يا ست بشور down:p مفكره مافي حدا يدافع عني يا حرام انا :( شو اخي فخر ما رح تخليني استلم القضيه؟؟؟








































غليصه عنجد :p

الأخوات مجاهدة وبشرى :)

اقترح فتح موضوع (مجاهدة وبشرى وينكن) :)

هذا الموضوع لي أنا وهلال وبس :D

أنا ما أحب الكنافة بالجبنة حتى لو من الزنجبار ، وما أحب حتى ريحتها ، اختاري غير هالأمثلة يا أختي مجاهدة الله يغفر لك :)

يااااااه عنجد اخي محب ما بتحب لكنافه؟؟ هيك بدنا نزعل..بعدين ان شاء الله بس تزور طرابلس بتدوق لكنافه على اصولها و بتغير رأيك..انا لسه ما اكلتها من طرابلس بس اكلتها عند ناس طرابلسين و مممم يا لطيف شو طيبه..

السلام عليكم
هلا اختي بشرى واهلين اختي مجاهدة......



وانا والكنافة صحبة كتيييير اي لكان غير شكل الكنافة

خلص اخي هلال بس اجي بدك تعزمني على كنافه :D ..و عليك تقنع اخي محب بالكنافه ما بيصير هيك راح نص عمرو ازا ما بيحبها..

:)

لا تحاولين ، أنا تذوقت الكنافة النابلسية من أجود من يعملها في الأردن وفي غيرها ، لكن أنا ما أحب الكنافة بالجبنة أبداً ، أحب تقريبا الكنافة بالقشطة.

على العموم ، المنتدى ليس مخصص للكلام عن الكنافة :) وإنما الكلام عن الاسلام يا جماعة :)

أنا أتصور أنه إذا أكلت كنافة راح يروح نص عمري مش العكس يا اختي مجاهدة :)

كنا مجرد انو عم نمزح اخي محب..وخلص بلا سيرة الكنافه اسفين بس حبينا نغير جو شويه لا اكثر........

ولااا يهمك خاااال خلاص ان شاء الله رح نعمل اجتماع ونشوف اذا منضيف منتدى الاكل والطبخ شووو رايك؟

حلوه هاي...هلأ بيفكروني الأعضاء فجعانه و بس همي بطني.....بس ترى والله انا بس بحب الكنافه لأنو هون عنا كنافه بس بتقرف :( و على كل انا اسفه اني عم دخل مواضيع مو اسلاميه بالمنتدى.....

أختي مجاهدة :)

عم أمزح معك

خذ راحتك يا أختي ، المزاح من الاسلام ، فالاسلام نظام حياة فيه المزاح ما دام حقاً لا كذب فيه ، وفيه اللعب وفيه الشعر وفيه الأدب وفيه وفيه.

عموماً ، أنا ما باحب الكنافة لا تحاولي :)

اول شي خذي مو خذ :p .....شو اخي محب نعديت مني؟؟؟ على كل اخي رح يجي يوم و نخليك انا و اخي هلال تحب لكنافه بس طول بالك

:)

السكوت علامه الرضى معناتها عنجد رح يجي يوم و تحب لكنافه خالو هلال صار عليك عزيمتة شخصين يله جهز حالك :D

قاعدة السكوت علامة الرضى ليست للرجل :)

أنا شخصياً إذا أكلت كنافة فستكون نهايتي (نهاية رجل شجاع) :)

الله كثّر الحلويات ، يعني ما في بالبلد غير هالولد؟

إذا زرت هلال في لبنان أكيد بيتوصى فيني ، أما أنتي يا مجاهدة فراح نشوف لك القسم النسائي في تنظيمنا السري أنا وهلال ، هما يأكلونك الكنافة.

لا خلص اخي محب بلا كنافه..ما بدنا نخسر الرجل الشجاع دخيلك...خلص مغربيه مع الأخ فخر ولاو......و قويه هاي رح تشوفولي القسم النسائي بتنظيمكم السري....الله يستر....والله اخي انا عم امزح معكم لأني بحسكم متل اخوتي والله يشهد على ذلك.....و اسفه اذا شي مره مزحت و كان مزحي غليص يعني....و الله يحميكم و يثبتكم و يكتر من امثالكم :D

نعم أكيد ونحن ننظر إليك على أنك أختنا :)

وأعرف أنك تمزحي :)

لا تكبري المسألة ، ومزحك مش غليص.

هلال ، الأخت مجاهدة خربت لغتي بصراحة :) صرت احكي لبناني :)

ياااااااه الأخ محب عم يشكيني لهلال....هلأ هلال بدو يعملي درس عربي فصحه مرتب يي يي يي......اخي محب ش رايك نصير نتكلم كويتي يعني!!! :cool:

طيب أنا محتاج أتعلم كويتي ، مش هيك يا هلال؟ ;)

أنا صرت مشكّل ، أتعلم شوي كويتي وشوي لهجات تانية (لبناني ومصري وغيرو).

حرام يعني قصدك نسيت "لغتك الأم"؟؟ مو هيك بيقولوا؟؟

باتكلم لك جملة بالكويتي: :)

لأ عاد مو لهالدرجة ، أعرف اتكلم كويتي بس ادخلت عليّ كلمات من لهجات ثانية.

الترجمة:

لا مش هيك ، بأعرف اتكلم كويتي بس عم تدخل معي كلمات من لهجات تانية :)

أضحك الله سنك يا أختي مجاهدة

أنا أكثر كلامي جدّ وعلمي في المنتديات والبالتوك ، لكن خليتينا شوي نحرك المياه الفكاهية الراكدة :)

ترا والله اخي انا ما اتغشمر غير وياكم.......:D عنجد بحسكوم متل عيلتي و اخوتي لكبار..الله يحميكم يا رب و ان شاء الله رح تقترح علينا موضوع جديد حتى يصير فينا نتناقش عن اشياء مهمه بالدين متل ما انت تفضلت........

اي الله يرضى عليك يا مجىاهدة ويرضى على الجميع

حقيقة نحن سعيدين جدا بك اختي مجاهدة لمشاركاتك الدائمة في المنتدى ...وشكر للاخت بشرى ايضا ....

وتحية للاخ محب ال البيت العملاق في الحوار السني الشيعي استاذنا انت يا محب:)

الله يخليك اخي هلال وانت الله يعطيك العافيه على مشاركاتك الرائعه و المفيده والحمد لله ان سخرنا لخدمه الإسلام و المسلمين