هذا مشهد تخيلي عن النكد بين جارتين.. انا واثق انكم شاهدتم في حياتكم نماذج شبيهة لا تعرفون ارضاءها.. عذرا اني قدمته باللهجة المحكية...

ليش تاخرت حتى تفتحيلي .. يظهر انو جيت بوقت غير مناسب
لا ابدا.. تفضلي كنت عم رتب الصالون بس
خايفة كون عم تقل عليك..
لا ولو!!!!! ليش بتحكي هيك
امانة مش عم تقل عليك؟
شوفي هالحكي!!! بالعكس مبسوطة بشوفتك
انا قلت بطل عليك.. الك زمان ما زرتيني قلت يا مخلوقة لتكون جارتك عتبانة عليك ولا شي
لا ابدا ولو..
امانة مش عتبانة؟؟؟
لا .. ما بعتب عليك انا..
شو قصدك.. ما بينعتب علي انا؟؟ هبلة بعيد عنك.. مهاك؟؟
لا والله ابدا.. ما قصدت هيك..
طيب.. فكرت.. معلش سامحيني.. صرت عم بتحسس من كلام الناس
طيب ليش هيك عم يصير معكي؟
ما بعرف.. بتعرفي انا جاية احكيلك مشكلتي.. بيزعجك هالشي؟
ابدا. ابدا تفضلي..
اذا مشغولة منتركها لوقت ثاني..
لا خلصت شغلي..
امانة خلصتيه؟؟ يعني مش عم ازعجك؟
والله خلصته.. ليكني معكي.. يلا احكي فضفضي
انا حاسة بهالفترة انو ما ما حدا طايقني..
ليش عم تقولي هيك؟؟ كلنا منحبك..
وين ما رحت بحسهم بيتهربوا مني.. غليظة انا مهاك؟
له له شو غليظة.. والله دمك عسل..
عم تتسمخري علي مهاك؟؟ يلا الله يسامحك..
من ايمتى انا بتمسخر.. ولو؟؟
انا بعرف انو ضاقك حلقي مني.. اتطمني رح روح مش مطولة.. مش حضعيلك وقتي بقصص التافهة..
يه يه ليش بتحكي هيك..مين قلك اني متضايقة منك بالعكس مبسوطة..
مبسوطة لانو مش طايقة حالي وبدي انتحر.. شو يلي بيبسط بالموضوع..
ما قصدت هيك.. قصدي مبسوطة بشوفتك وانو عم ساعدك..
لا ما بدي حدا يساعدني انا.. بقبع شوكي بايدي.. اصلا انا متاكدة انو ضجرت مني هلق ومن جوة بدك الصرفة روح...
ييي علينا.. ليش شو قلت؟
لانو عم تحكي معي رفع عتب.. بدون اهتمام فاكد بتوقع انو ضجرت..
لا يا ستي ابدا.. بس انا هيك طبعي.. بسمع اكثر مما بحكي..
شو قصدك يعني؟؟ انا بحكي اكثر مما بسمع مهاك؟؟ حكوجية .. انا ثرثارة.. صح؟
لا والله ما هيك قصدت..
ما بتنفهم الا هيك.. معلش الله يسامحك.. يا رب موت وتخلصوا مني بقى..
الله يطول عمرك.. شو هالحكي هاد؟؟
حكي مجانين بعيد عنك... يللا بالاذن.. رح روح قبل ما تكحشيني..
وتركت الجارة المنزل بعد ان خبطت الباب بقوة...

الله يبعد النكد عن كل أحد.....

لم استمع لمثل هذا الحديث من قبل لأنني اكره مجالس النساء اصلاً ولأن هذه زائرات امي والحمد لله لم يكن من هذه الطبيعة.

لعل النساء متقلبات المزاج اكثر من الرجال ولذلك قد يكون عندهن امور لا نعرفها في مجالس الرجال او في زياراتهم.

الحل الأمثل في هذه الحالات ان توقت النساء والرجال الزيارات الخاصة بحيث تستقبل المرأة ضيفاتها ويكون الرجل في الخارج.

لم استمع لمثل هذا الحديث من قبل لأنني اكره مجالس النساء اصلاً ولأن هذه زائرات امي والحمد لله لم يكن من هذه الطبيعة.
لعل النساء متقلبات المزاج اكثر من الرجال ولذلك قد يكون عندهن امور لا نعرفها في مجالس الرجال او في زياراتهم.
الحل الأمثل في هذه الحالات ان توقت النساء والرجال الزيارات الخاصة بحيث تستقبل المرأة ضيفاتها ويكون الرجل في الخارج.
اخي بلال
المشهد تخيلي
من تأليفي
كون الرجل قادر على الكتابة بشخصية امراة
ليس معناه انه يستمع لاحاديث النساء كثيرا
يمكن اصلا هالحوار مستوحى من كلام زوجته معه.. من اخته.. من رجل نكدي..
واكيد فيه مبالغة كمان
يعني يمكن كون انا سامع جملة واحدة وحبيت ضخم الموضوع بطريقة كاريكاتورية

لابأس بهذه القصة القصيرة , أخي بما أنها من خيالك تحاكي واقع حي كان الأجدر بك أن تصوغها باللغة العربية وتضفي عليها شيئا من المجاز فتصبح رائعة.
أحسنت أخ عزام , إذا كان لديك حكايات من خيالك باللغة العامية أفدنا بها ومن ثم أرجعها لك في شكل أدبي إن استطعت ذلك ولك الفضل في ذلك.

لا اعتثقد ان الرجل قادر على الكتابة بشخصية المرأة
من دون الاستعانة بها واستشارتها

هذا تصوري
لان طبيعة الرجل ختلف عن طبيعة المرأة

:)
ولكن القصة مهضومة
ونكده واسمحلي ان انقلها لجمعية نكديون بلا حدود

لا اعتثقد ان الرجل قادر على الكتابة بشخصية المرأة
من دون الاستعانة بها واستشارتها

هذا تصوري
لان طبيعة الرجل ختلف عن طبيعة المرأة

:)
ولكن القصة مهضومة
ونكده واسمحلي ان انقلها لجمعية نكديون بلا حدود

كون الرجل قادر على الكتابة بشخصية امراة
ليس معناه انه يستمع لاحاديث النساء كثيرا
يمكن اصلا هالحوار مستوحى من كلام زوجته معه.. من اخته.. من رجل نكدي..
واكيد فيه مبالغة كمان
يعني يمكن كون انا سامع جملة واحدة وحبيت ضخم الموضوع بطريقة كاريكاتورية
كما قال شيركوه، انا استصعب الكتابة بشخصية إمرأة ولعل المساعدة من الزوجة او الأخت تساعد طبعاً.

بالنسبة للمبالغة، فهي طبعاً موجودة.

احب ان اشير إلى امر مهم جداً وقد تعلمته من اخطائي:
من الأفضل للزوج وللزوجة ان لا يتناقشا كثيراً فيما يحدث معه مع اصحابه من الرجال وما يحدث معها مع النساء لأن الرجل قد يعرف زوج صديقة زوجته والعكس واحياناً تتناقل النساء كلاماً لا ينبغي ان يخرج من المنزل او ان يتناقله الرجال.

لقد رأينا هنا مشكلة كبيرة جداً بين مجموعة من الإخوة من دولة عربية كان الأزواج فيها شلة واحدة والنساء ايضاً وفجأة تسببت بعض الاحاديث بتفجير كل الشلة بسبب كلام من هنا وهناك.

كنت قد قرأت مقاطع من كتاب الرجال من المريخ والناء من الزهرة
فيه اشياء مفيدة

بلال لا يحب الكتاب... مع انه جميل :) ومفيد بشكل عام... وان كان لا يمكن تبنيه كاملا.

بلال لا يحب الكتاب... مع انه جميل :) ومفيد بشكل عام... وان كان لا يمكن تبنيه كاملا.انا لا احب الكتاب لأنه يزرع الكثير من الأفكار الغربية في بيئات غير قابلة لإستيعابها. كما ان لدينا في الحديث الشريف ما يغني عنه ولكن المسلم بحاجة كي يقرأ وينقب.

هذا مشهد تخيلي عن النكد بين جارتين.. انا واثق انكم شاهدتم في حياتكم نماذج شبيهة لا تعرفون ارضاءها.. عذرا اني قدمته باللهجة المحكية...


ليش تاخرت حتى تفتحيلي .. يظهر انو جيت بوقت غير مناسب
لا ابدا.. تفضلي كنت عم رتب الصالون بس
خايفة كون عم تقل عليك..
لا ولو!!!!! ليش بتحكي هيك
امانة مش عم تقل عليك؟
شوفي هالحكي!!! بالعكس مبسوطة بشوفتك
انا قلت بطل عليك.. الك زمان ما زرتيني قلت يا مخلوقة لتكون جارتك عتبانة عليك ولا شي
لا ابدا ولو..
امانة مش عتبانة؟؟؟
لا .. ما بعتب عليك انا..
شو قصدك.. ما بينعتب علي انا؟؟ هبلة بعيد عنك.. مهاك؟؟
لا والله ابدا.. ما قصدت هيك..
طيب.. فكرت.. معلش سامحيني.. صرت عم بتحسس من كلام الناس
طيب ليش هيك عم يصير معكي؟
ما بعرف.. بتعرفي انا جاية احكيلك مشكلتي.. بيزعجك هالشي؟
ابدا. ابدا تفضلي..
اذا مشغولة منتركها لوقت ثاني..
لا خلصت شغلي..
امانة خلصتيه؟؟ يعني مش عم ازعجك؟
والله خلصته.. ليكني معكي.. يلا احكي فضفضي
انا حاسة بهالفترة انو ما ما حدا طايقني..
ليش عم تقولي هيك؟؟ كلنا منحبك..
وين ما رحت بحسهم بيتهربوا مني.. غليظة انا مهاك؟
له له شو غليظة.. والله دمك عسل..
عم تتسمخري علي مهاك؟؟ يلا الله يسامحك..
من ايمتى انا بتمسخر.. ولو؟؟
انا بعرف انو ضاقك حلقي مني.. اتطمني رح روح مش مطولة.. مش حضعيلك وقتي بقصص التافهة..
يه يه ليش بتحكي هيك..مين قلك اني متضايقة منك بالعكس مبسوطة..
مبسوطة لانو مش طايقة حالي وبدي انتحر.. شو يلي بيبسط بالموضوع..
ما قصدت هيك.. قصدي مبسوطة بشوفتك وانو عم ساعدك..
لا ما بدي حدا يساعدني انا.. بقبع شوكي بايدي.. اصلا انا متاكدة انو ضجرت مني هلق ومن جوة بدك الصرفة روح...
ييي علينا.. ليش شو قلت؟
لانو عم تحكي معي رفع عتب.. بدون اهتمام فاكد بتوقع انو ضجرت..
لا يا ستي ابدا.. بس انا هيك طبعي.. بسمع اكثر مما بحكي..
شو قصدك يعني؟؟ انا بحكي اكثر مما بسمع مهاك؟؟ حكوجية .. انا ثرثارة.. صح؟
لا والله ما هيك قصدت..
ما بتنفهم الا هيك.. معلش الله يسامحك.. يا رب موت وتخلصوا مني بقى..
الله يطول عمرك.. شو هالحكي هاد؟؟
حكي مجانين بعيد عنك... يللا بالاذن.. رح روح قبل ما تكحشيني..
وتركت الجارة المنزل بعد ان خبطت الباب بقوة...



يالطيف
يا لطيف
مصيبة مُركبة
من وين ها المخلوقة..........؟
أكيد من كوكب ثاني
الله يكون فى عون زوجها