فلسطيني ممنوع تعيش
قالولك اسكت ما تحكيش
للحواجز للمعابر للتفتيش
كتبوا على جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
أوعك بيوم تشوف النور
***
ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش

***
فلسطيني بكل المطارات
اسمك بالاحمر مكتوب
و على شباك مصلحه الجوازات
كتبوا على جبينك مطلوب
لازم تتوقف ساعات
مذنب أو مندون ذنوب
و يتوجه الك اتهامات
انك سبب كل الحروب
كأنو بسببك الحق مات
و العدل بأرضك مسلوب
و كأنك سبب النكسات
و كل أزمات الشعوب
و كأنو بسببك مجرم فات
على جنين بلحظه الغروب
و دبح صبيان و بنات
و عجز على امرها مغلوب

***
مع انو الحقيقه
أنا الي بالدنيا ضحيه
عملتوني ماده للغنى
و قضية للي ما عندو قضيه
أنا الي راسي ما إنحنى
بوجه الريح القويه
أنا الي شعبي صمد
في الضفه و بالرشيديه
انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده هي

***
فلسطين عربيه
و راح تبقي عربيه
و راح ترجع عربيه

فلسطين عربيه
و راح تبقي عربيه
و راح ترجع عربيه


هون المشكلة ...

فلسطين إسلامية عربية ..... :) :)

لا مشكلة الآن ، أليس كذلك ؟؟؟؟؟؟؟

.... السلام عليكم ....



... مـن دون تعليق ،!


سلامي إليك
lady hla
القدس