مشاهدة النسخة كاملة : عاجل وحصريا لمنتدى صوت:لا تحالف بين الحريري والجماعة والجماعة ستخوض الإنتخابات منفردة في كافة المناطق
من طرابلس
04-21-2009, 07:32 AM
كما عودتكم علىالحصريات لمنتدى صوت فالخبر اليقين أنه لا تحالف بين الجماعة الإسلامية والحريري في أي منطقة من المناطق والجماعة ستكمل الإنتخابات منفردة وقد يصدر بيان بهذا الخصوص اليوم
بقيتو تزنو تزنو تزنو على راسنا حتى ما عاد في تحالف:D:D:D:D
على كل حال قد يكون في الأمر خير والمعركةالآن هي لتسجيل موقف ومعرفة الأحجام في بعض المناطق3
شيركوه
04-21-2009, 08:04 AM
يعني د.عماد الحوت اكلها ببيروت؟
من طرابلس
04-21-2009, 08:08 AM
الجماعة رفضت عرض الحريري بمرشح واحد هو الدكتور عماد الحوت وآثرت عد التحالف
عمر الخطيب
04-21-2009, 08:24 AM
طب تشارطني يا من طرابلس انو رح تتحالفو حتى لو عرض عليكن كيلو بقلاوة بس:D
الايام جاي ومنتواجه عالمنتدى وبتشوف:wink:
هلق الدكتور علي الشيخ عمار باتصال مع برنامج نهارمن سعيد قال انو نحنا بدنا نتحالف معهن ورح نستمر بالمفاوضات للاخر
وهيدا رئيس مكتبكن السياسي فمن وين هالخبرية الي طلعتلي فيها؟؟؟
fakher
04-21-2009, 08:39 AM
هيدا رئيس مكتبكن السياسي فمن وين هالخبرية الي طلعتلي فيها؟؟؟
تمويه ...
أسأل الله أن يهديهم لصالح الإسلام والمسلمين ... وأن يصرف عنهم "سوسة الانتخابات" ويبدلهم بالدعوة والتربية والتوعية في مجتمع "جاهل مجهول جهللي"
من طرابلس
04-21-2009, 08:48 AM
"الجماعة الاسلامية": توجه لاعلان وقف الحوار مع "المستقبل" خلال يوم او اثنين
21 نيسان 2009
أعلن رئيس المكتب السياسي لـ"الجماعة الاسلامية" علي الشيخ عمار أن الحوار مستمر مع تيار "المستقبل" الا انه لم يؤدِ الى اية نتيجة حتى الآن، لافتا الى ان هناك تعرقل في عملية الحوار والأمور تتجه ربما الى الاعلان عن تعثر هذا الحوار وربما وقف هذا الحوار والاستمرار في الترشح ولا شيء ثابت بالنسبة للتفاهم مع "المستقبل".
وأكد عمار خلال مداخلة هاتفية مع تلفزيون "lbc" ان الحوار ما زال مستمرا وهناك صعوبات يواجهها تيار "المستقبل" والى الآن لم يبد قدرة او مرونة من أجل التوصل الى تفاهم مع "الجماعة"، لذلك نعتقد انه أمام حال الارباك التي يظهر عليها "المستقبل" لن نصل الى نتيجة وهناك توجه الى اعلان وقف الحوار خلال يوم أو اثنين وربما التوجه الى التحالف مع قوى أخرى.
من طرابلس
04-21-2009, 08:49 AM
أنا مسؤول عن كلامي إلا إذا حصلت معجزة لكن أعتقد أنها لن تحصل
شيركوه
04-21-2009, 08:52 AM
لك من طرابلس
باللي خلق لساتك لابس تيابك ولا نتفتن؟؟؟
انا شكلي رح اتصل بالبيت يبعتولي تياب
لك شوهاااااااااااااااااااااااااااااا
ولووووووووووووووووووووووووووووووووو ووووووووو
مقاوم
04-21-2009, 09:33 AM
عيب عليكم جميعا .... ولو!!!!!!!!!!
ما حدا فيكم قال "نعيما" ... أنا رح قولها:
نعيما للجماعة ... حلاقة عالصفر.
fakher
04-21-2009, 09:41 AM
شماتة ... أم دعوة للاستحمام؟!!!
من طرابلس
04-21-2009, 09:42 AM
بقولو الحلاقة عالصفر منيحة وبتقوي الشعر
مقاوم
04-21-2009, 09:47 AM
بقولو الحلاقة عالصفر منيحة وبتقوي الشعر
إنتو أدرى :)
مقاوم
04-21-2009, 09:49 AM
شماتة ... أم دعوة للاستحمام؟!!!
دعوة إلى الغسل تقصد؟
أووووف ...... قوية.
من طرابلس
04-21-2009, 09:50 AM
ليش مننك مجربهابالحج والعمرة؟؟
عمر الخطيب
04-21-2009, 09:57 AM
شو اقتنعت يا من طرابلس بلي قلتلك ايا امبارح انو عارضين عليكن بس مقعد الحوت مع تسديد بعض ديون مؤسسات الجماعة ؟؟؟ قلتلي امبارح من وين جايب هالاشاعات ؟؟، شو الظاهر اشاعاتي عممها مكتبكن السياسي:D:D
يا خي مش نفسو الدكتور علي الشيخ عمار اعلن يوم الخميس انو ترشح السنيورة بصيدا خطوة غير موفقة بعدو بيوم واحد بس يوم الجمعة اسعد هرموش اعلن ببرنامج نهاركن سعيد ان الجماعة تتفهم ترشح الرئيس بصيدا ويحق له ذلك
يا خي قيادتكن السياسية آرائهن متناقضة ومتضاربة .
انا متأكد لو يعملو اتصال اليوم مع اسعد هرموش رح يقول التحالف مع المستقبل محسوم ، ولو ينسأل ابو عمر المصري رح يقول قطعنا شوط كبير بالمفاوضات وتفقنا عالتحالف.
يا خي من طرابلس قيادتكن دوختكن ودوخت العالم كلو معكن:D:D
شيركوه
04-21-2009, 10:49 AM
زكرتني ببدري بيك ابو كلبشا اللي دوخ الانكليز!
fakher
04-21-2009, 10:53 AM
دوخ موسوليني ...
شيركوه
04-21-2009, 11:18 AM
اه صحيح دوخ موسوليني صح
مقاوم
04-21-2009, 11:21 AM
آه يا بدري أه :)