نص مداخلة المأفونة الجوهرة آل سعود في قناة الإصلاح:

تنبيه: ما بين قوسين وصف لطريقة المذكورة في الحديث، ولشرح بعض الكلمات لمن كان خارج بلاد الحرمين.
فضيلة الدكتور سعد: وناخذ الجوهره.. تفضلي ياجوهره.
المذكورة: آآلو (بمياعة).. (بغرور زائد) لازم نوقف طابور عشان تعطونا فرصة.. ساعة عشان نتكلم.. ما صارت هذي.. آه.. معاكم الجوهرة آل سعود.. بس عشان قناة الإصلاح.. اللي ما يعرفك ما يقدرك.. كان فكونا من البداية.. مساء الخير لكل السامعين.. أتمنى يا سعد! ما تقطع الاتصال لَين (حتى) أَخَلَّص كلامي.. وهذا اختبار لمصداقية شعارك: الرأي والرأي الآخر.
بصراحه أنا مِكَلْمه عشان أسأل: وش هالصَّجه (أي: الضجة) اللي عاملينها لنا.. وش هالإزعاج.. ألحين (الأن) إحنا خبثاء؟.. إحنا زمره فاسدة؟ احكموا أنفسكم.. إحنا ما ورانا إلا أنتم.. خَلْصَتْ أشغالنا يعني.. وش تُبُون؟ (ماذا تريدون؟).. أنا بس أفهم وش تبون أكثر من كذا؟ وش ذا؟ (ما هذا؟).. عطيناكم وجه..
دوله وسوينا لكم.. لمََّّيناكم (جمعناكم) من البر.. ركضنا وراكم عشان تتعلمون.. نقنع فيكم في التعليم.. مَدَّناكم (أي: نقلناكم إلى المدنية).. بيوت وعطيناكم.. أراضي ووزعنا عليكم.. حتى المدن بنيناها لكم.. أول ناطحة سحاب في الشرق الأوسط بنيناها لكم.. حتى التابعيات وزَّعناها عليكم (التابعية: دفتر قديم كان يُعطى للفرد للدلالة على انتمائه لآل سعود واستُبدل بالبطاقة الشخصية).. في واحد منكم ما معه تابعية؟
مدارس، وجامعات، ومستشفيات.. خليناكم زي البشر وهذي آخرتها؟! ربي.. دريوس (كلب) ياكلك.
عفوًا صراحه too much.. فضحتونا.. فضحتونا بجد فضحتونا.. حتى المكتوم في الإمارات فشَّلتونا معهم (أحرجتمونا).. لمَّا أروح دبي يحطون لي (يضعون) على قناة الإصلاح، ويقولون لي: إسمعي.
وش تبون؟ الحضارة حِنَّا (نحن) أهلها.. الدين حِنَّا أَهَله.. وبعدين - انت يا سعد! - يعني شيل (اترك) انت بتصلح الأمة.. ما في مطاوعة (متدينون) غيرك؟ يا اخي ناظر (انظر الى).. ناظر سلمان العودة.. ناظر سفر (تعني: الحوالي) مع إنَّه أحيانًا يزودها.. ناظر محسن (تعني: العواجي) شِحْلَيْلَه (ما أحسنه).. كلهم مطاوعه.. وكلهم يقولون للشباب: اتقوا الله.. يعني بس انت اللي تقول لهم: اتقوا الله، وتثير الفتنه.. هذا هم يحذرون من الفتنه.
وبعدين أنا أحذركم: أي واحد اللي بيرد ويزيد أدبه معي.. والله.. والله ما تلومون إلا أنفسكم.. ترى - والله - أَكَلِّم عمي نايف يقطع عنكم الكهرب (الكهرباء).. تبون نقطع عنكم الكهرب يعني؟!
وبعدين هذا اللي أمس شكيب يقول: أنا ما اقدر أعيش بمهانه.. يا أخي اطْلَع (اخرج).. اطلع.. مي (ليس) عاجبتك الدوله؟ اطلع.. ما احد ماسكك.. وبعدين شف الأسامي.. أساميهم: مصاص الدماء، وأبو عجرة.. وين انتم؟ فلم مرعب.. أقلوبكم سودا.. الله يعزنا بس ويخلينا.. أصلاً.. أصلاً أنتم لولانا (لولا نحن) ما صرتم بشر.
وبعدين أبي (أريد) أختم بقصيده.. إنت معي يا سعد؟! (بمياعة) آآلو.
فضيلة الدكتور سعد: أكملي.. أكملي.
المذكورة: (ذكرت القصيدة لمن أراد معارضتها)
يا دارنا في الزين للمجد منزال ***** ويبقى لنا خيرك على الناس دايم
ويبقى الرخا دربك على كل الاحوال ***** ويدوم عزك بالعطا والنعايم
من عهد أبو تركي إلى اليوم مازال ***** مِيَّة سنه مجدك يشد الغمايم
وحَّد ديارك ما شكى طول الاميال ***** لَمَّ الشمل ما زعزعتها العظايم
اليوم في حكم الفهد فيك أنا طال ***** وفهد أبو فيصل كسبنا الغنايم
كل الدول تشهد لنا طيب الافعال ***** الشرق والا الغرب عز ونشايم
اسم السعوديه ... (عبارة غير مفهومة) ***** رفرفْ علمها مع هبوط النسايم
المسلمين انتِ لهم ستر وظِلال ***** يا سترهم عن كل شر وظلايم
يشهد لها التاريخ والحق ينقال ***** إنك منار العدل وأم الحزايم
يا ديرة النخوه ويا نابع الابطال ***** صادق على الهمه تشد العزايم
وما دام آل سعود ذخرك فلا زال ***** اسمك وسامٍ فوق كل الوسايم
أشكرك يا سعد! عشان ما قطعت الاتصال.. ميرسي.. وهاي شانتيه.
النص الصوتي على هذا الرابط:


https://www.myislah.org/vboard/show...&threadid=75499



:wink: :wink: :roll: