======

لو أتيت لك بشخص ولد أعمى (مايشوف).يعني من يوم ماولدته أمه وهو أعمى.. لو قلت لك.. أوصف له السماء...؟؟؟؟؟؟؟

خرج راسك من الطاقه (الدريشه)..شوف السماء..تأمل للحظه فيها.. يالله.. دخل راسك..وأوصف للرجل السماء..

الان...حاول ألحين...تخيل جنبك واحد أعمى.. أوصف له السماء... وش تقول له؟

تقول السماء زرقاء؟؟ الرجل أعمى..مايعرف الألوان...

تقول عاليه فوق في السماء وفيها حاجات بيضاء إسمها سحب؟؟ أنا أقول لك أوصف السماء...الرجال أعمى مايعرف سحاب ولا غيره..

كيف عاليه؟؟ أوصف للرجل...

بتقول ملفوفه حول الكره الأرضيه...؟؟ الرجل ولد أعمى..مايشوف شيء

حاول...يالله.. جرب..

أنت دكتور في الفيزياء النوويه.. أنت ملك.. يالله أنا أصفك كل الأوصاف.. أمدحك كل المدح.. تخيل إنك ملكت فلوس العالم كلها.. تخيل إنك حصلت على جميع شهادات الدنيا.. تخيل إن كل ماتبغاه يحصل لك... تقدر تصف السماء لشخص أعمى؟؟

هاه تقدر؟؟؟ طيب وين راح الذكاء اللي فيك؟؟

وين راحت الدراسه والدكتوراه؟؟

حاجه قدامك ما أنت قادر توصفها.. عجيبه والله...

وش هي هذي الحاجه؟؟ السماء؟؟ كل يوم تشوفها.. ماتقدر توصفها...شفت كم أنت ضعيف يالإنسان...

عرفت محدودية تفكيرك..شفت أن عقلك صغير...

مهما صرت...مهما درست...مهما حكمت..مهما مدحوك الناس..

إنت ذلك المخلوق الضعيف... اللي مايقدر يصف شيء يراه..

عرفت قدرة الله الان؟؟ عرفت عظمة الله؟؟

عرفت أن الله هو الجبار..هو الحكيم..هو العليم..

إذا عرفت وأيقنت بعظمة الله.. وش أنت عشان تعصيه؟؟

أنت يالتاجر تعرف عظمة الله..وتعلم بأن الله حرم الربا.. ليش تعصيه وتتعاطى الربا..؟

أنتي ياأختي تعرفين عظمة الله..وتعرفين أنه يجب عليك لبس الحجاب.. ليش تخلعيه..؟

أتني ياأختي تعرفين عظمة الله..وتعرفين الحديث الذي يقول بأن الحرمه التي تخرج متعطره هي زانيه.. ليش تطنشينه وتخرجين متعطره ومتبرجه يشمونك كل الناس..؟

أنت يالملك تعرف بأن الله أعظم منك وأقوى منك.. وتعرف بأنك إذا ماحكمت بالإسلام فأنت كافر..ليش ماتطبق شرع الله..؟

أنت يالأمير تعرف بأن الله مايرضى بالظلم... ليش تغتصب أرضي وتاكل حقي..؟

أنت يالمغني تعرف قدرة الله.. وتعرف إن الغناء حرام..لكن تروح تدور لك على فتوى تحلله لك وتغني..؟ أنت ياللي مسمي نفسك شاعر..تعرف الله...وتعرف بأن شعر الفحش حرام.. وفوق هذا تكتب شعر أستحي أن أقرأه وتسميه حداثه..؟

شفتوا؟؟ إحنا ماقدرنا نوصف السماء لشخص أعمى..

تخيل الأعمى قال لك..أنت كذاب... مافي شيء إسمه سماء..لو فيه كان عرفت توصفه..

وأنت تعلم علم اليقين بأن السماء موجوده لأنك تراها وهي أمامك ولكن الكلام واقف في حلقك ماتقدر توصف عظمتها....

طيب تعال ياأخي..

طبق نفس الشيء مع الجنه والنار....

الله سبحانه وتعالى أعلمانا وأخبرنا عن الجنه والنار في القران..والرسول صلى الله عليه وسلم وصفها لنا في الأحاديث... هل شفناها؟؟ لا..

لكن تبغى الأعمى يصدقك أنه فيه سماء..وأنت ماتبغى تصدق أن هناك جنه ونار...

ممكن تقول....أعوذ بالله..ياثائر أنت تماديت وخرفت..أنا أؤومن بأن هناك جنه ونار وأيقن إيقان شديد بوجودها...

أقول لكم...طيب هاه.. إشتغلنا لها؟؟ وإلا إشتغلنا لدنيانا؟؟ كل همنا هو في الدنيا هذه..مع أن الله يعلمنا بأن الجنه لاتقارن مع هذه الدنيا الحقيره...

الله يأتي بأفقر شخص مر على تاريخ البشريه..ويغمسه غمسه في الجنه ويقول له..هل رأيت فقراً قط؟؟؟ فيقول هذا العبد لا والله...

ويأتي الله بأغنى شخص مر على تاريخ البشريه ويغمسه غمسه واحده في النار ويقول له..هل رأيت نعيماً قط؟؟..فيقول العبد..بعزتك وجلالك لا والله مارأيت نعيماً قط...

طيب إذا امنا بهذا الحديث وأيقنا بالجنه والنار...لشي شايلين هم الدنيا هذي؟؟ ليش مانشتغل للاخره..؟

ليش ماتكون أعمالنا كلها لله ونأمل أن يصيبنا بسببها أجر؟؟

ليش ماتكون كتاباتنا في هذه الساحات هي لله ونأمل أن تشفع لنا يوم القيامه...؟؟

إنتم معاي وإلا أنا مصختها شوي؟؟

======

مثال اخر..يمكن الأول مانفع...

لو جبت لك إنسان شديد القبح وحطيته قدامك.. أبغاك تغير في ملامح وجهه عشان يطلع أجمل من كذا..أنا ماأبغاك تكبر عينه وتعدل خشمه.. لا لا..

أبغاك تغير في أجزاء الوجه.. مثلاً..

شيل العيون وحطها في مكان ثاني في الوجه.. شيل الخشم وحطه في مكان ثاني في الوجه.. شيل الأذاني.. بلاش أذاني..

زيد حاجه في الوجه من عندك..إرفع العيون شويه حطها مكان الجبين.. نزل الجبين شويه.. حط الأذاني فوق الخدود.. حاول..

والله مهما تحاول ماتقدر تطلع شكل أحسن من اللي خلقه ربنا...

أنتم قد شفتوا في بعض الأفلام الخياليه..يجيبون لك مخلوقات من الفضاء.. يعني مخلوقات ماقد شافوها.. يعصرون عقولهم وتفكيرهم ويصنعون لك شيء على أساس أنه مخلوق من الفضاء..شفتوا كم هي قبيحه؟؟

أجمل شيء يسوونه مايساوي في قبحه أقبح وجه لبشر...

مهما ملكت من الأموال..مهما صرت ووصلت في حياتك..ماتقدر

طيب ليش نتكبر ونشوف أنفسنا أحسن من الباقين...

ليش الأمير يشوف أنه أحسن من البنقلاديشي..وليش السعودي يشوف أنه أحسن من المصري..وليش الكويتي يشوف أنه أحسن من العراقي..وليش القطري يشوف أنه فوق الناس..وليش السوداني أحسن من الصومالي...؟

والله كلنا زي بعض..

كلنا مانقدر نصف السماء لشخص أعمى...

وكلنا مانقدر نتخيل (بس نتخيل) أننا نقدر ننتج وجه بشري جديد أحسن من اللي خلقه ربنا....

أجل ليش تستعبد الناس وهم أحرار؟؟ وليش تعصي الله وتستكبر عليه؟؟؟

أنت ياأخي وياأختي اللي تقرأ كلماتي..ليش ماتصلي؟؟على أيش شايف نفسك؟

====

ياأخوان..ياأخوات...

ماهو مطلوب منا أن نكون ملائكه..ماهو مطلوب إنا مانعصي..

والله ياأخوان أني أكتب هذه الكلمات وأنا أعلم أني عصيت الله في هذا اليوم ولاأعلم إذا بأعصيه بعد ماأخلص هذه الكلمات وإلا لا؟؟

نحن بشر..إيماننا يزيد وينقص..يوم نكون متحمسين ويوم يروح الحماس كله..

يوم نرى النصر قريب..ويوم نقول..خلاص مابقى خير في الأمه...

====

ياأخي..ياأختي..

أنت حط رجلك على الطريق وقول "يالله المعونه"..وشوف ربك كيف يساعدك..

=======

اخر كلمه...الرجاء لاأحد ياخذ هذا الموضوع على شكل شخصي...

يعني لايجيني الأمير ويقول..أنا سيدك وتاج راسك..ولا يجيني المغني ويقول أنت حاقد عشان ماعندك صوت..ولا تجيني الأخت المتحرره وتقول..أنت ملقوف.. ولا يجيني واحد مشفق علي ويقول أنت حرام في هذا الزمان....أنت في وادي والناس في واد.. أنت تحلم بالمدينه الفاضله..أنت..أنت.. أنا أسوي اللي علي..والباقي على الله

=====
((( منقووووووول )))

المشاركة رائعة...
وبدي أبقى أفتح الدفاتر القديمة...
لأنو الحمدلله ما عاد فيه مشاركات حاليا