ماذا سيجري يوم الأربعاء القادم؟؟

اليوم سمعت الناس يقولون انهم سيقعدون في البيوت و ما رح يتزحزحوا من مطرحهم...

قال بدهم يعملوا أربعاء أسود؟؟؟ و يحرقوا إطارات سيارات؟

-----


استطراداً هل أحد يعرف ما هي أربعاء أيوب؟ بعض البيارتة يحتفلون به و يأكلوا المفتقة خصيصاً في ذلك اليوم..

قصدك اربعاء خانق
أو اربعاء ضد البيئة

اضراب عمال على ما اظن

السلام عليكم

خير ان شاء الله ما يصير شي خطير

الست انت الخبيرة في امور بيروت
كنت اذكر إربعاء ايوب واظن انها مناسبة للسيران او ما شابه

ما هي المفتقة ؟!

نفس السؤال اللي كان في بالي ما هي المفتقة؟؟؟
السلام عليكم

أنا مؤخراً لا أتابع الأخبار الا مما أسمعه من الناس و أحياناً بسمع الأشياء متأخرة

بعدين... أربعة أيوب، هذه أول مرة بسمع بها من أقاربنا بالتحديد و كانوا جايبين صحن مفتقة قسموه بينهم

و أظن ان هذه الأربعة مرقت يا اما الأسبوع اللي فات او اللي قبله.. ما عدت مركّزة


أما المفتقة.. فهي أكلة حلو يستخدموا فيها العقدة الصفراء... فهي شيء لزج متماسك

ممكن تقولوا رز مخبوص على نكهة العقدة الصفراء..

ربما هي ذاتها التي يصنعونها لدينا
لكنها تكون حلاوة عادية .. ربما !
الفائدة من أيام كهذهِ الحلاوات على الأغلب :)

نعم هي صنف من الحلو

الله يحلي أيام الجميع

المفتقة إضافة للرز بدها طحينة.. وبدها إيدين حتى تحرّك.

طيب منير بك، نورنا الله ينور عليك

هل سنفرح بك في إربعة ايوب الجايي او على بيدر العرسان إن شاء الله

السلام عيكم

يعني حلاوة الرز؟؟
يلي منعملها هون؟؟؟ ولا شو؟؟
مفَتَّقَة ؟؟؟ هيك اسما؟؟؟

يا حرام

:)
الله يشفيكم

السلام عليكم

معقول لا تعرفون المفتّقة؟

ما في عندكم كتاب ألف باء الطبخ بالبيت؟

هذا الكتاب الذي ما بعرف كم مليون نسخة اشتروه بالعالم العربي؟

أو لم تحضروا شي مرة الشيف أنطوان يشرح عن المفتّقة؟

اذا بدك تلفظها بالعربي الفصيح مفترض تكون: مُفَتَّـقَة

اذا بدك بالبيروتي: مْـفَـتّْـقَـة ( بتسكين الميم و التاء)

كيف يمكن تشديد الحرف الساكن ؟؟؟؟؟

بالعربي الفصيح ما بتصير

و لكن بالبيروتي بتصير

:)

اضحك الله سنك معلمي بلال
تشديد الحرف الساكن
وعنا بالالف بضموها خولتي :) عودي يعني :)

--------

لا والله ما كنا من بين الملايين اللي اشتروه خخخ
وما الي خلاق تابع برامج الطبخ خاصة الشيف انطوان ما بستنضفو ما بعرف ليش
السلام عليكم

ما مشكلة...

المهم نبقى نعرف آخر النهار اذا في بكرا اضراب او لا

حتى نعرف اذا منروح

على حظّي لأن بكرا عندي presentation و عليها 30% من العلامة

الجامعات ما بعتقد رح تسكر بقرار بكرا
لانو اخواتي عندهم جامعة بكرا وما رح تسكر جامعتهم
هنة بالجامعة اللبنانية هون بطرابلس

----------

- رئيس نقابة السائقين العموميين عبد الأمير نجدي يدعو كافة السائقين في كافة المناطق اللبنانية للمشاركة في الإضراب العام والتجمع الساعة العاشرة صباحاً أمام ساحة البربير للمشاركة في التظاهرة الشعبية

- التظاهرة الشعبية تنطلق الساعة العاشرة صباحاً من أمام ساحة البربير مروراً بكورنيش المزرعة ـ شارع مار الياس باتجاه الحمرا وأمام المصرف المركزي

- الإتحاد العمالي يتجه الى تنظيم تظاهرة مركزية غداً وتجمعات مناطقية وإقفال المطار لمدة ست ساعات

- ريفي بعد لقائه المطران عودة: ستتخذ تدابير أمنية إستثنائية غداً لمواكبة الإضراب

- المدارس الأكاديمية في بعلبك تغلق أبوابها غداً حرصاً على سلامة الطلاب

- جمعية الصناعيين: لسنا معنيين بالإضراب غداً وزيادة الأحد الأدنى للأجور الى خمسمائة ألف ليرة قد تؤدي الى إقفال العديد من المصانع وتسريح العمال
-=---------------

هذاما توفر حتى الان
السلام عليكم

شكراً على الأخبار

اذن لازم اختي بكرا تترك شغلها حتى توصّلني بما أن سيارات الاجرة مأضربين

ما بظن كلهم رح ياضربو
لانو بتعرفي انو حتى هدول مقسومين بين اربطعشري وتمنعشري
فمشان هيك في منهم ما رح ياضربو نكاية
بس بتصور بيتحشاو يمرقو بمناطق التوتر -المظاهرة-
بتصور هيك ...
الله اعلم شو بيصير غير هيك بقا
بس بيبقى الافضل نعم ان تنتقلي برفقة احد من اهلك بيبقى اكثر امنا
جامعتك بعيدة عن بيتكم شي؟
الافضل انو تتصلي الصبح وتعرفي اذا فاتحين واذا في حدا من رفيقاتك بيتها قريب اطمني على الجو


الله يستر
انا ما عاجبني الوضع
بس ان شاء الله ما في شي

السلام عليكم

نحن اتصلنا من اليوم و قال فاتحين عادي


جامعة فيلتمان ما معقول تكون مع الثمانية

انا انصحك ان تبقي في المنزل يا اختي لأن المشكلة هي في الرجعة للبيت وليست في الخروج في الصباح
اتصلي بالدكتورة واعتذري له لأن الطريق قد لا تكون آمنة

لانو بتعرفي انو حتى هدول مقسومين بين اربطعشري وتمنعشري

والايدعشري شو بيعمل؟
منسأل باب الحارة؟ خخخخخخخخخ

تأكيداً باعثين لنا رسائل الآن على البريد الالكتروني ان الصفوف عادية غداً و الدوام عادي

انا سانزل بعد قليل الى بيروت حتى اذا تاخرت وما قدرت ارجع بالليل برجع بكرا الصبح بكير ان شاء الله
مع اني ما حابب النزلة

السلام عليكم

الحمد لله طلعت الدكتورة بتفهم و اتصلت فينا و ألغت درس الغد

يالله الحمد لله

دعولي
السلام عليكم

الله ييسر أمرك

اخي شيركوه،
يعني إذا ما رجعت بعد يومين بنسأل عنك بالمخفر؟

اختي ام ورقة،
الحمد لله وإن شاء الله يمر اليوم بسلام بإذن الله.

شيركوه
تعا نام عندي.

السلام عليكم ورحمة الله وبركاته
الحمد لله نزلت ليلا وعدت الان صباحا الى منزلي الساعة 9 ونصف الحمد لله
الطريق اجمالا كان فاضي "فش" ناس "فش" غير الجيش والدرك وال... فهود ..
ولكن شفت دخان الدواليب والقصص على بشارة الخوري او بالاحرى حكمت ثم علمت انها من بشارة الخوري لاننا ذهبنا من مكان اخر الحمد لله

عمي مقاوم ............. مشكور جدا على دعوتك الكريمة وانا اعتز بها وان لم تتحقق .. :)
احبك في الله

السلام عليكم

معلمي بلال .. هلاء بدك تعزب حالك من كنكا وتتصل بالمخفر؟؟
لا والله بينشد الضهر فيك :)
على كل منيح احسن من يلي ما بيتصل ولا بيسال بالمرة خخخخخخخخ

السلام عليكم

الحمد لله إنك نفدت
لأن الطرق المؤدية من وإلى بيروت أغلقت من الساعة الثامنة تقريبا

يا ترى هل ستمتد الأزمة للغد

السلام عليكم ورحمة الله وبركاته
هناك مثل شعبي دارج يقول" أريد قيمة كبشي ، وأشتهي لحم من كبشي ، وأريد كبشي يمشي "
هذا ما ينطبق على حزب الله في لبنان فكيف ترضوه ؟

الله اعلم انتهت المشكلة ومرت على خير

الحمدلله
بس شو كانت المشكلة ؟

كانت الأوضاع مرشحة للإنفجار الجدي وكان هناك مسلحون من كلي الطرفيان

انشاء الله تكون انتهت ...
ولم تؤجل ...

إن شاء الله

هي شكلا كانت رح تدبك
الله ستر
و شكلهم اتضبضبو وخفت ولا شو؟ انا كنت نايم وهلاء لما فقت ما فهمت شي من الاخبار خخخ

السلام عليكم