تسجيل الدخول

مشاهدة النسخة كاملة : من "هضمنات" التلاميذ



أم ورقة
04-24-2008, 11:49 PM
حصل هذا الموقف في مدرسة مهنية، و روت لي الأمر معلمة من هناك :

هناك تلميذ كان مطرود لعدة أيام، ولكن جاء بعد يوم واحد، و قال:
ضيعانها .... كنت مطرود ليوم الإثنين بس رجعوني اليوم!

شايفين الطرد شو بيفيد؟

-----

عادة نصف الصف لا يدخل الصف، و لكن في هذه الأيام صار الصف ممتلئ 100% ...
لماذا؟؟؟

لأن الصف يوجد فيه مكيّف... و التلاميذ "مشوّبين" في الخارج !!

حتى ان هناك تلاميذ من صف آخر ، كان عندهم فراغ، أرادوا ان يدخلوا الى صف غيرهم و يحضروا معهم الدرس "المكيّف"... ما شاء الله دب فيهم النشاط الآن...

من هناك
04-25-2008, 01:48 AM
بيستفيدوا :)

هنا الحقيقه
04-25-2008, 02:21 AM
ماذا يحدث لو كيفت كل الصفوف :)

أم ورقة
04-25-2008, 08:54 AM
لذلك لازم يعملوا الدراسة في الصيف و ليس في الشتاء.
---------


موقف آخر حصل مع تلك المعلمة:

مرة اتفق التلاميذ جميعهم أن يرتدوا اللون الأسود حداداً على أمر ما..
و هي انتبهت لحرطقتهم هذه قبل يوم، و سمعت بعض من الخطة...
و لكن عملت حالها ما عارفة..

اليوم التالي ، دخلت الى الصف، ووجدتهم كلهم صافّين الكراسي كأنه مجلس عزاء..
يعني صف واحد طويل..... على عرض الصف....
و قاعدين حاطين الحزن بالجرن... و يد على اليد الأخرى

هي دخلت بشكل عادي و كأن شيئاً لم يكن...

و هم بدأوا يغتاظون ان المعلمة لم تتأثر...

فقالوا لها: ما ملاحظة شي غريب؟

قالت : ماذا؟

قالوا لها: كلنا لابسين أسود ، ما سألتينا لماذا؟

قال: و لماذا أسأل..

قالوا: نحن حادّين... ما سألتينا حادّين على شو؟ نحن حادّين على ضميرنا اللي مات..


المعلمة تابعت الدرس بشكل عادي ... و هم فشل مخططتهم


بشكل عام هذه المعلمة " مفقّعتهم" لهؤلاء التلاميذ، مع كل محاولاتهم في احداث بلبلة في الصف و عرض مواهبهم في التهريج... فهي تتجاهل الأمر و تستمر بشكل عادي..

أو في أسوأ الأحوال ممكن ترد على كلامهم بكلام أقسى... فيسكتون

مثل مرة واحد كان عم يضل يحكي نكت:
قال مرة واحد... عمل كذا و كذا..
مرة واحد... كذا و كذا..

فقامت هي و قالت: مرة واحد كان عم يتهضمن بالصف قامت المعلمة حطت له صفر !!!

أبو مُحمد
04-25-2008, 10:23 AM
السلام عليكم ..
كثيرا ما أسمع مثل هذه القصص وأقف مشدوها .

أما عن الطرد فحقا اذكر اني كنت من المؤدبين المشاغبين ولا اعرف كيف يستقيم الامر !
المهم ... كان بعض الطلبة يفتلعون المشاكل الكبيرة نوعا ما ككسر زجاج او رمي أستاذ بشيء وخاصة اذا كان "أجنبي !!" أو ما شابه ولان دولنا انظمتها عسكرية فاما ان تعترفوا واما ان يطرد الصف بالكامل "وكانهم يريدون راحة هم ايضا" وطبعا هذا هو هدف هؤلاء الطلبة "فكنا" نفرح "ودائما ما كان في نفسي شيء من هذه الفرحة" ولكنها فرحة :)

وكلما تقدم بنا العمر كلما نقصت الفرحة بالطرد !

من هناك
04-25-2008, 02:36 PM
اختي ام ورقة،
هل هي المعلمة التي نعرفها او غيرها؟

أم ورقة
04-25-2008, 03:10 PM
من هي التي تعرفونها

من هناك
04-25-2008, 03:33 PM
ذات الدين ....

أم ورقة
04-25-2008, 03:54 PM
هذه المدرّسة التي أتكلم عنها هي قريبتي.. و هي تدرّس بمدرسة مهنية
وصرت كذا مرة ذاكرة قصص تحدث معها..

و انا أتعلم من خبرتها ... و أحياناً أنصحها ببعض الأشياء و ارى كيف سيكون مفعولهم اذا طبّقتهم
احياناً تنجح بعض الملاحظات و أحياناً لا..

الظافر
04-25-2008, 06:11 PM
منيح هالمعلمة ما عندها تلاميذ متل ايامي :D كنا خليناها تحكي بالمقلوب و تنزل طالعة و تطلع نازلة :D

هنا الحقيقه
04-25-2008, 06:17 PM
فقامت هي و قالت: مرة واحد كان عم يتهضمن بالصف قامت المعلمة حطت له صفر !!!
اضحك الله سنك ولا استطيع ان اعلق على التلاميذ لاني كنت مثلهم في الصف لكن هم كم اعمارهم يعني انا بدأت اتهضمن في المتوسطة


قاعدين حاطين الحزن بالجرن
صارن اثنين

أم ورقة
04-25-2008, 06:48 PM
هم تلاميذ المهنية ... يعني أعمارهم تترواح بين 15 و 20 على ما أظن

هنا الحقيقه
04-25-2008, 06:49 PM
طيب ايش هذا الجرن
بارك الله بك

أم ورقة
04-25-2008, 06:50 PM
الجرن؟

هذا مثل وعاء يعني، و عاء كبير

مثل ما بقولوا: جرن الكبّة... هو الوعاء الذي يدقّوا فيه الكبة مثلاً

هنا الحقيقه
04-25-2008, 06:54 PM
اها
الان عرفتو يعني صار الحزن في الجرن يدقوا فيه
يعني يعجنوا ويلتوا (يمكن بالمصري هذا ايضا)

أم ورقة
04-25-2008, 07:11 PM
نعم هذا المقصود

شيركوه
04-25-2008, 09:19 PM
السلام عليكم :)
مرة بتذكر ايام ما كنا بالبريفيه كان عنا استاذ لغة انكليزية .. الله يوجهلو الخير .. فلسطيني بعتقد من مخيم البارد ما عدت ذاكر مظبوط ... المهم هادا كان عندو عادة وقت بيكون واحد عم يوتوت مع رفيقو بيمرق من جنبهم بدون ما يتطلع فيهم وفجأة بيبرم عليهم وبيرقع الواحد هداك الكف او السحسوح بنص رقبتو ... هو وعم يقلو .. "وَلَه بفلغ نيعك وَلَه" .........

المهم يا جماعة الخير بيوم من ذات الايام ... قرر احدهم انو يعمل فصل بالاستاذ ...
فقام هادا بما انو ابن ضيعة جاب معو ضفيدع صغير وحطو بعلبة "pampa" البلاستيك اللي على طعم الليمون اذا كنتو ذاكرينها الله يرحم ايامها ما عاد في منها هلاء ..
المهم هادا جابو وقبل ما يجي الاستاذ على حصتو ... حط العلبة بسطل الزبالة اللي جنب اللوح ...
بس الشي الغريب انو هالضفدع كان شكلو اخرس ... لانو ما سمعنالو حس من اول ما اجا عالصف ...
فات الاستاذ وكلو طبيعي ...
راح واحد يبري قلمو عند الزبالة ودفش السطل دفشة خفيفة مشان توقع ويطلع الضفدع ...
المهم واحد ... تنين ... تلاتة .. وسطل الزبالة ما كان يوقع .. يميل يميل وما يوقع .. او يهدي بالحيط ...
قوم يا ابو الريش صار دورك ... قام ابو الريش استعار براية من واحد لانو كان مضيع برايتو .. او سارقينلو ياها ما عاد ذاكر ... برا قلمو برا قلمو برا قلمو هيييييييييك واخر شي نفض البراية منيح قام قلب السطل ...

ورجع مطرحو متل الشاطرين العاقلين ...

شوي بيطلع الضفدع .. شوي بيطلع الضفدع وا كان يطلع صاحبنا ... ولا بعد شوي بيتفضل حضرتو ...
وبدال ما يروح باتجاه الاستاذ .. بيقوم بيطلع برات الصف ونحن عم نراقبه خلسة لان خطتنا تغيرت ...
وقتها كانت الدنية شوبت شوية وكنا فاتحين الباب ...
وما حدا شاف وين هالضفدع راح ... وقعد صاحبنا يكزدر بهالمدرسة ...لــــــــــــــ ...
بعد وقت طويل .. كنا نسيناه نحنا والتهينا بزليار شغلة تانية ...
ولا منسمع صريخ احدى المعلمات من احد الصفوف .........
ودبت الولي ... وهرع الاساتذة والنظار الاشاوس ...ليشوفو شو صار معها ...
والقوا القبض على الضفيدع المجرم ...وتم ارسالو الى مختبر المدرسة ... ليصار الى تشريحه كما علمنا بعد عدة ايام .. :( ...
وبدأ التحقيق ... واجا الناظر على صفنا قال انتو اللي جايبين الضفدع؟؟
نعم؟ ضفدع؟ شو ضفدع ما ضفدع؟؟ حدا شاف ضفدع يا شباب؟؟ .. شو بدو يجيب ضفدع على المدرسة؟؟؟
قال مبلى الصف التاني شافوه جاي من ناحيتكم .. وانتو اول صف هون ...
اف!!؟؟ معقول؟؟؟ يا شباب اذا حدا منكم جايب ضفدع يقول لحضرة الناظر ...
المهم بالاخير اقنعناه ان الضفدع المسكين هربان من المختبر ... مع ان المختبر كانو منفقين من الضفادع واجاهم هالضفدع هدية من السماء ... اضافة الى انو المختبر يعلونا بطابق او طابقين ...
ولكن بقي في صدر الناظر شيء من الشك ... ولكنه كان صف من جان ... :)

اسف للاطالة
السلام عليكم :)

أم ورقة
04-25-2008, 09:23 PM
منيح.. مصائب قوم عند قوم فوائد...

بالنهاية استفاد المختبر،

و يبدو ان هذا الأستاذ أمه داعية له، أن يحفظه الله منكم مثلاً...

في ناس بالفعل بكونوا محفوظين من شرور العالم...

شيركوه
04-25-2008, 09:25 PM
هو الضفدع كان شكلو محشش قبل ما يجي :)

السلام عليكم