ابليس قرر يجهز شنطته ويرحل نهائي عن مصر... الناس عرفوا الخبر فعملوا مظاهرة وذهبوا اليه ليقنعوه بالرجوع عن قراره، فقالوا له: خليك معانا بلاش تسيبنا.... احنا بقينا كذابين، غشاشين، منافقين.. ورؤسائنا كمان بقوا مجموعة مرتشين ولصوص...... حتلاقي فين أتباع أحسن مننا؟
قال لهم: انتم ناس ناكرين للجميل.... الواحد منكم يجي لي لابس جلابية مقطعة ويبوس ايدي علشان أعلمه، مأكدبش خبر وأديله المفيد... بعد شوية يبقي غني وصاحب نفوذ وينتخبوه عضو مجلس شعب.... اروح له علشان أهنيه...ألاقيه قاعد في مكتبه ومعلق وراه برواز كبير مكتوب فيه: "هذا من فضل ربي"!!!