الانتقام

يا ترى ايه تعريف كل واحد فينا للانتقام؟
وليه الواحد بينتقم؟
هل عشان بيقى جواه غل تجاه الاشخاص اللى هو بينتقم منهم؟
هل عشان اللى بينتقم منهم دول بيكونوا اذوه للدرجه اللى ينتقم فيها؟
احب اقولكم ان الانتقام موجود جوا كل بنى ادم فينا حتى لو ما بيعملوش بيبقى جواه ودايما بيفكر فيه
و الانتقام هو انك تاخد حقك من وجهة نظرك
ولاحظ بيبقى من وجهة نظرك
لأن كتيير اوى الانتقام بيبقى عباره عن غيظ وغضب من الشخص اللى بننتقم منه
وده بيتمثل داخل عقلنا لافعال وحشه الشخص ده عملها لينا وهو بيكون عمل الافعال دى فعلا بس مل بيكونش قصده يعمل فينا حاجه او يأذينا بس الغضب اللى جوانا بيصورها كده
ومنها يتطلع منا افعال مش كويسه غضبنا بيوضحلنا انها من حقنا واننا مش غلطانيين وكل ده الغضب بيعملوا
يعنى احنا كده وصلنا لسبب الانتقام اللى من غير سبب وهو الغيظ والغضب
فى حاجه تانيه عاز اتكلم عنها ومعلش جبتها فى الانتقام
وهى الدفاع عن الحق اللى بجد
يعني الانسان لما يكون ليه حق فعلا عند بتى ادم معين
انا معاكم انه عادى ممكن يسامح ويشيل من دماغه عادى
بس هل لما يطالب بحقه فعلا يبقى بينتقم؟
هل لما يسعى انه يوصل لحقه وان الحقيقه تبان يبقى بينتقم
طب ازاى اذا كان الساكت عن الحق شيطان اخرس
انا عن نفسى شايف ان لما الواحد يفكر ياخد حقه ليها معتبرات ياما
لأن فى ناس بتشوف انهم ياخد حقهم عن طريق اذية اللى اذاهم وبكده هم بيفتحوا باب مش حيتقفل من الصده رده و الوان تو والحكايه مش حتنتهى ابدا حيبقى انتقام وراه انتقام وراه انتقام وراه انتقام
انا بقى من رأيي ووجهة نظرى ان الهدف الوحيد لينا ان الحق يبان مش مشكله ناخده ما هو لما يبان حيجيلنا لحد عندنا عشان زى ما بقول دايما الحق بيرجع لصاحبه مهما كان
يعنى احنا انتقامنا واسف انى بسميه انتقام بيكون عن طريق اظهار الحقيقه للكل والقاضى هو اللى حيحكم زى المحامى بالضبط كل اللى بيعمله بيوضح الحقايق والقضى يحكم
وشكرا على صبركم عليا

Mahmoud Koraitam