مكعيل هذا رجل بسيط يماني من صعده .. بلغني انه من يهود اليمن ....
الناس هناك مسوين بسطات حول التجمعات والجوامع ويبيعون فيها خردوات وحاجات وسلع متنوعة وبسيطة
السيد مكعيل صف معاهم وحط بسطه مافيها شي .. ما غير علبتين مليانه تراب

الناس تروح وتجي وتبيع وتشتيري وذا المهبول كل يوم قاعد قدام ذا العلب ..
لا هو راضي يغير النشاط ولا احد حاول يشتري منه شي ..
هاك اليوم جا احد المحسنين .. وعطف عليه ،
قال له : مكعيل .. وش تبيع ؟
قال : علب قديمة ..
قال المحسن : وش فيها ؟
قال مكعيل : تراب ..!!

الصدق منجاة .. عطاه اياه على بلاطه .. يقول : فيها تراب
يعني بالعقل .. العلب من الشارع والتراب بالشارع ..

اندهش المحسن ..!
قال : طيب اللي يشتريها وش يستفيد ؟
قال مكعيل : لو ما حد شراها منك انا اشتريها ..!
استغرب اكثر المحسن وقال : والله هالمسيكين "شكله محشش" وما عنده غير هالعلبتين ..
ابي اتقرب الى الله وافك عقدته واشتريها منه وخلصنا ...
والصدقة تجوز على الكلب..
قال له : بكم هالعلبتين اللي لها سنه عندك ما حد شراها ؟
قال مكعيل : الوحده بريال ..
قال المحسن وهذي ريالين .. يالله هاتهم ..
اخذها وراح البيت ونطلها يمين الباب قبل لا يدخل بيته ...

وتوه ما قعد والا الباب يطق : طق طق طق .. طق طق طق .. كع كع كع .. دج دج دج ..
بغى ينكسر الباب .. قام الرجال مفزوع وفتح الباب بسرعة .. الا مكعيل واقف ومعه حصاة بغى يهبد بها الباب لو ما فتح ...

قال المحسن : شفيك ... شفيك .. خير .. عسى ما شر .. مالك يا
مكعييييييل ؟؟؟! "بلهجتهم"
قال مكعيل : العلب اللي شريتها مني .... ،
قال المحسن : شفيهم ؟
قال مكعيل : عندك ؟
ناظر المحسن يسار الباب .. شافها منطوله .. قال : ايه .. موجوده
قال مكعيل : تبيعها ؟

اندهش المحسن وفغر فاه .. قال : انا الحين مسوي فيك خير ومخلصك منها .. تجي تشتري ثانية .! والله ما تلقى احد ياخذها منك بعدي ..

قال مكعيل : اخلص علي .. ابعطيك فيها ربح بس تكفى بعني اياها ....
قال المحسن : وبكم تشتريها ؟
قال مكعيل : بخمسة ريال ..!!!
جن جنون المحسن : وقال يعني دبل السعر وزيادة ..
قال : نعم واذا تبي زود عطيتك بس تكفى جبهم لي ...
قال : المحسن : لا لا كذا كفايه تفضل هاذي العلب لقطهم من عند رجليك وهات الخمسة ..
حط الخمسة بجيبة ومكعيل اخذ العلبتين وروح ..

يوم جا العصر والا هالرجال الطيب معلم جيرانه كلهم عن مكعيل وسوق مكعيل ..

قال لهم : مكعيل هذا يبيع علب ولو ما حد شراها منك يجي هو بنفسه ويشتريها منك بدبل السعر ..

اندهش الجميع وبدأ سوق مكعيل يثير فضول الجميع حتى التجار الشطار ..
جوا عنده اليوم الثاني والا هو صاف له 20 علبة ومعبيهم تراب ....
الناس تطاقوا عنده .. كل واحد يبي يلحق له اكبر كمية قبل غيره ..
بكم يامكعيل ؟
قال : العلبة بخمسة ..!
ما كمل كلمته والا العالم ساحبين كل المعروض ..
اللي لحق علبتين واللي لحق علبه واللي ما لحق شي لانتهاء المعروض على البسطه ....
وما امداهم يدخلون بيوتهم والا مكعيل يطق عليهم الباب : طق طق طق .. دب دب دب .. دج دج دج
ويطلب منهم شراء العلب بضعف قيمتها .. يعني العلبة بعشرة .. !!!!!
انتشر خبر مكعيل وسوقه ،
ويقوم مكعيل هاك الليلة ويدور بالديرة كلها ما خلى جرف ولا دحديره في قرية صعدة الا فتش فيها عن قواطي قديمة ...
ادخلها بسطته بدون علاوة اصدار حتى ..

وعباها تراب وبسط فيها اليوم الثاني

صار اليوم هذا يوم جمعه .. يوم كثرة الناس واجتماعهم وتسوقهم ،
وهاليوم تحديدا جو الناس وهم متزهلين بالكاش طمعا في سوق مكعيل .
اللي باع ماشيته والا باع بسطة القات اللي تدخل عليه ذهب واللي باع سراويله ..

المهم كلهم وعقب صلاة الظهر اجتمعوا على بسطة مكعيل دون غيره وخلو السوق خاوي على عروشه ، ويا تلحق يا ما تلحق

وتكفى يا مكعيل ، وبكم يامكعيل ؟ : قال العلبة بـ 95ريال ...!!!!!!!!
ما كمل كلمتة والا البسطة باللي عليها ممسوحه مسح ..

حتى اللي مالحق باقي مسوي زحمة ومطلع دراهم يبي يذبها على الرجال .. وهو يقول : خلاص .. خلاااااص مافيش .. مافيش .. تعالوا بكره .. وتجمعت الطلبات ولكن بدون عروض ..
وبعضهم زاود بعض في العلب اللي عنده بعشرة وعشرين طمعا في تدبيلة مكعيل ..

عقب هالطقاق وراتفاع اسعار العلب الفارغة او المليانة تراب الى ارقام فلكية وغير منطقية
جا اليوم الثاني والثالث والرابع ما جا مكعيل ..
طبعا كل يوم يتأخر عليهم .. تفقد من قيمتها شي واجد .. مدري كم تعادل بالنسبة ومن اللي يحط النسبة بس كانت ماشية بالبركه .

راحوا اصحاب العلب عنده .. قالوا شفيك .. عسى ما شر ما عاد جيت البسطة ولا عاد شريت ولا شريت .. ولا .. ولا شريت يعني ....!!!!!!!! عسى ما شر .

قال : صحيح .. صحيح ... والله انا غيرت النشاط ....!!!!!!!!!
ولا عاد لي بها البضاعة مصلحة لكن اكيد بتلقون من يشتري منكم ..!!!!!!!!

صعق الجميع .. وعادوا الى علبهم لعلهم يجدون بداخلها ما يمنحهم شيء من الصبر او يتعوضون به عن ما لحقهم من خسائر ...
فتحوها واذا هي مملوءه بالترااااااااااااب ... !!!!!!!!!!!!
فصار بعضهم يعرضها على بعض بنصف المشترى ..
اللي جوا في الاخير قالوا : يالله هات ، ويوم نشبت في حلوقهم عرضوها بنصف مشتراهم وصارت ذا العلب مثل الجمرة في يد احدهم ويحاول يرميها على الثاني بأي شكل ،

وكل من بلش فيها عطاها غيره بنصف التكلفة الين تلاشت قيمتها وصارت ببلاش .. وصارت خساره محظه ...

المشكلة ان كلهم يوم فكروا لقوا انهم بلا عقول .. فأخذوا يتلاومون : وين عقولنا ؟!
عاد هؤلاء من جد لازم لهم من يأمر لهم بعقول ..

معقولة نشتري علبة مصدية وما فيها غير تراب بما يعادل قيمة بقره حلوب ...؟!!!!!!!!

..... شر البلية ما يضحك ....


وصلى الله على نبينا محمد وعلى آله وصحبه أجمعين

على حبيبنا الصلاة والسلام

هم يستأهلون وهذا مثال الكثير من العربان ممن يشترون الأمل من الاجانب ولا يعرفون كيف يبيعونه لاحقاً

ههه
قد قيل: الحمدلله أن الغباء لا يؤلم.. وإلا لكانت المستشفيات امتلأت بمرضى الغباء

لا يخفى على لبيب ان الموضوع منقول (اذا جان هذا قصدك فلا حاجة لاللمز)
ثانيا اذا قرات تعريفي تلاحظين اني في جدة يعني اللهجة الخليجية مو بغريبة عني
واخرا وليس اخيرا فقط لتنبيهج ببداية القصة نفهم ان صعدة في اليمن والله اعلم ولمزيد من المعلومات بامكانج الاستعانة بالاطلس اعتقد انه مفيد في هيج حالات

لا تعلقوا كثيراُ على كل كلمة :)

يا اختاه،
إن الكلام على الانترنت لا يرافقه اي إشارات ولذلك قد يؤخذ بغير مقصده ولكن الأخ شادي لا يقصد إلا خيراً إن شاء الله

ان شاء الله اخ بلال .....
و مشان نكون من اللي بيسمعوا الكلام خلص
ما بدي لا جواب و لا اخد و عطاء و رح نظن
خير....بكلمة الاخ شادي((لا يخفى على لبيب))

اعتقد انك بالبداية تلمحين على ان الموضوع منقول لذلك امدح قوة ملاحظتك باتهامك انك لبيبة ان كانت الصفة ازعجتك فانا سحبها واعتبري اني ما قلت اي شي

لا انا لم انزعج و لكن مثلما قال العم بلال
قد يؤخذ الكلام بغير مقصده لذلك انا اسأل
حتى لا يكون هنالك سوء تفاهم....و شكراً
على المدح