السلام عليكم

بعد ما يقارب السنتين والنصف في الغربة....و عن سابق اصرار وتصميم...وبناء على غياب الطباخة بسبب عيد وطني...ونظرا لانني ضجرت من اكل المطاعم

قررت ان اطبخ!!!!

نعم...الشييف فاروق طبخ سفرة متكاملة...وعزم عليها صديقه الذي "اكل صوابعه" ليس ندامة بل لان الاكل اعجبه :)

والطعام كان عبارة عما يلي:

صحن لحمة راس عصفور مقلاة مع بصل ( تم تقطيع اللحمة يديويا :) حيث كان عندي لحمة للشوي )

صحن نقانق....( مع ما يتطلبه ذلك من فك الثلج وعملية وضع الزيت والقلي ومن ثم اخراج النقانق :) )

جاط معكرونة بلبنة مع لحمة مفرومة ( دق ثوم...وخلط البنة...وسلق المعكرونة على الطريقة الايطالية...و و و)

و الحمد لله رب العالمين....

(اخي كلسينا صار في عندي سبب اضافي لكي ابقى عازب :icon_razz: ..هيدي بس غلاظة عليك... :) )

بس يا ترى صاحبك بعدو صاحبك من بعد العزيمة؟؟ :)

ما هذه السفرة هذه؟؟
ما شاء الله 3 أطباق رئيسية فرد مرة؟؟؟
لكن، أخبرنا، النقانق ألم يفقع ويدهن السقف بالزيت؟؟
حقيقة هناك étape لقلي النقانق إما أنك لم تقم بها أو إنك لم تذكرها!!!
بكل الأحوال مبارك.. معك معك قد تنال لقب "ست بيت" بجدارة

شو هيدا اخت صوت...لشو الغلط... ست بيت قال....

بسيطة رح مرقها هالمرة لانو ما بدي افتح مشكلة....وما حابب رد على طريقتي

والنقانق لم يفقع هذه المرة ولم يدهن السقف بالزيت....لا اعرف عن اي طريقة تقصدين بس هيدا يللي صار معي

ومن قال لك أن لقب ست بيت إهانة؟؟
بسيطة ولن أرد انا ايضا ولن افتح جبهة تنضم معي فيها جميع ستات البيوت
عودة على ذي بدء.. عادة تشك النقانق بالدبوس عدة مرات كيف لا تنفجر وتفقع غلاف النقنوقة..

نقنوقة؟!!! هيدا يللي ناقص...عم تغنجوا النقانق :)

انا ما شكيتها بالدبوس ولا بالشوكة....بس يمكن الكرامات لعبت دورها

مهيك اخي مقاوم :)
------------
بخصوص اللقب...انا زاهد فيه...يعني لحقت وبدي اتلقب اكيد ما رح فكر بهاللقب...خلينا ساكتين احسن ما تقلبوها عنصرية وحقوق المرأة

هذا ليس غناج
إنما مفرد نقانق...

آه كرامات!! ممكن جدا

مبروك .. :icon_razz:
طيب دائماً تقولون معكرونة بلبن .. كيف تعملوها باللبن ألا تغرق باللبن !؟
.
.
شكراً صوت على المعلومة بخصوصة النقانق بس مفرد الكلمة
نقنقة 8)

اخي فاروق،
عن جد رح تزعل ستات البيوت هلأ

ولو ما عرفت تغير عن المعكرونة:)

اختي من قلب بغداد هي بلبنة وليست بلبن...

ثانيا شفتي اختي صوت...قال نقنوقة قال...
--------

اخي بلال في نقانق ولحمة وبصل...المعكرونة منشان التراث :)

آه عفواً نسينا طبخة الأطفال :) مقانق :)

معلش ايها الاخوة...

بلال غيران مني..فاستحملوه قليلا :)

و متى تُضيفون اللبنة .. !؟

و بعدين يا حسرتك يا اخي فاروق من ماذا سيغار الأخ بلال :)
هناك من يطبخ له أشيَاء و اشيَاءات

بالفعل لما قرأت العنوان , قلت أوه .... سيتحفنا فاروق بطبخة .... تاري المسكين كل ما قام به قلي و معكرونة ..... فكرنا طبخت كوسى , لوبية ( متل طارق :) ) , ملوخية ... شي أكلة اسمها طبخة ...
لا و شي حلو ما تعرف تقلي كمان .... ساعتها الله يعينك ....
نحن كنا ننام في بيروت 5 أيام في الأسبوع , و كنا نحضر : أرز , فتة , و القلي كان شيئاً بديهياً .... :) ( تحطيم معنويات , مو ؟؟؟ ) خخخخخخخخ

قوية من ابو الجوج


انا والله كمان فتكرتو شي فتح من الفتوح طلع نقانق ومعكرونة
هئائاو
:)
بعدين بعرف انو المعكرونة بلبن هي لبن والا كانوا سموها بلبنة ما؟؟؟

بتنسلق بعدين بتنخلط مع اللبن مانها صعبة
اتسلوا فيها خخخخخخخخخخخخخ

السلام عليكم

لا لا بتنعمل بلبن أو بلبنة...
ولو سمحتوا بلا تعليق من دون طعمة...
هاتو مفرد الكلمة مع ذكر المعجم

بارك الله اختي من قلب بغداد والحمد لله إن زوجتي عوضتني عن طبخات امي بعض الشيء ولكنني اطبخ بنفسي من اكثر من عقد ونصف من الزمان لأنني عشت وحدي منذ الثامنة عشرة وتعودت.

لكن طبخ النساء فيه نفس اطيب بكثير

السلام عليكم

اول شي يلي بعرفو انو كل عمرنا منقلها مقانق
تاني شي النقانق متل النساء لا مفرد لها
الا اذا بدكن تصير مقانقاية

او اذا بدكن خخخخخخخخخخخخخخخخخ بتصير امراة لانها بتنق كتير خخخخخخخخخ

لا تواخزوني بس هيك طلعت على بالي
السلام عليكم :)

ما نواخزك؟؟
أكيد ما لازم نواخزك؟؟

شو قصدك صوت هيدي كبيرة وبالصميم .أكلتا يا فقير .:)
أخي مقاوم شفت شو يعني بتهبج ههههههههههههه .:redface:
حبيبي فاروق هيدا مش سبب إضافي للبقاء عازب . هيدا سبب رئيسي تمتحكي بالطبخ بحياتك .
لأن الطليان وحياتك ما بيعرفوا المعكرونة بلبنة أبداً وهي أكلة لبنانية .
وقد تحدينا فيها مرة شيف طلياني ، أنوا عندنا فوق الأصناف الإيطالية للمعكرونة صنف الطليان مابيعرفوه . فاندهش واستشاط غيظ أنوكيف يعني هم ياللي اخترعوا المعكرونة . فقلناله نحنا يللي عدلنا عليها ، ودوقناه وعجبته . وبصم بالعشرة أنوا المطبخ الشرقي خطير .:icon_razz:

أختي من قلب بغداد وصفة المعكرونة بلبنة وهي أكلة جداً لذيذة وسهلة التحضير .
تسلق المعكرونة مع قليل من الزيت ورشة ملح تما تلزق على بعضها إذا ستوية شوي زيادة
وأثناء السلق تحرك اللبنة مع سنين ثوم مدقوقين مع قليل من الماء لترخى قليلاً .
وتوضع في جاط أو صينية السكب .
وبعد أن تصفى المعكرونة جيداً تخلط بمزيج اللبنة والثوم والملح المعدل حسب الطلب .
ثم تذاب الزبدة او السمنة في مقلاة ويوضع فيها اللحمة والصنوبر أو اللحمة وحدها أو صنوبر وحده حسب الرغبة أو السمنة وحدها وتقلب على وجه الوعاء المسكوب فيه خليط المعكرونة واللبنة . وكلي ودعيلي .

مع قليل من الماء لترخى قليلاً .


قلنالكن معكرونة باللبن ما قبلتو وطلعت بالنهاية معكرونة باللبن لأنو اللبنة
ما هي إلا لبن مسحوب الماء منه ولما تضع قليلا من الماء "لترخي" بترجع
لبن. :)

يا لطيف عالطرابلسية شو بحبو يتميزوا!! :)

بعدين أخي بلال لو أن نفس النساء فعلا أطيب بالطبخ فيك تقللي
ليش أشهر الطباخين حول العالم وحتى بلبنان ..... رجال!! :)

لأنو الرجال نيئة :)
سألني انا


قلنالكن معكرونة باللبن ما قبلتو وطلعت بالنهاية معكرونة باللبن لأنو اللبنة
ما هي إلا لبن مسحوب الماء منه ولما تضع قليلا من الماء "لترخي" بترجع
لبن. :)

يا لطيف عالطرابلسية شو بحبو يتميزوا!! :)

بعدين أخي بلال لو أن نفس النساء فعلا أطيب بالطبخ فيك تقللي
ليش أشهر الطباخين حول العالم وحتى بلبنان ..... رجال!! :)

ن الرجال بياخدها مهنة . ولكن النساء أول شي بيحاولوا يهربوا منوا هو معرفتهم الطبيعية والبديهية بالطبخ .
بعدين أخي مقاوم طلع معك اللبنة مرخية بشوية مي متل اللبن ؟
من طيبون بيقولوا الطبخ البيروتي صايت الله يعين يللي بياخد بيروتية :tongue:
تروك من قلب بغداد تعرف تاكل وتنبسط ما تشوشلها راسها:cool:

حج كلسينا..بلا معلمية...سلق المعكرونة هو الذي كان على الطريقة الايطالية...وليس اللبنة

يعني وفق الطريقة الايطالية....بعد عملية السلق....تصفى المعكرونة ثم يصب عليها كوب ماء بارد...ثم يتم وضع الخلطات...

بدي دلني علمكم الطبخ...ما معقول :)

اخي مقاوم....بالاذن منك...مثل الاكل الطرابلسي مافي....

الله يهديكم

روحوا شوفوا شغلة تنفع على قولة المعلم الكبير فخر. كان يريد من الفتيات ان يعملوا شيئاً ما ينفع وطلب منهم الطبخ ولكن للأسف :(

آمين......

شو؟
الشباب عاملين مسابقة بالطبخ؟
طيب يا من بغداد، بعد إذن كلسينا طبعا، اعملي المعكرونة متل ما قال لك بس بلا السمن ولا الزبدة ولا اللحم ولا الصنوبر
حطي بس نعنع يابس على المعكرونات وكليهم

ليش بلا الصنوبر واللحم؟

رجيم؟!!!

هيدي الطريقة الشعبية .نحنا عم نعلمها المعكرونة الارستقراطية

هيك شي...
أليس من الممكن أن تكون طريقة تقديم أخرى غير التي تتكلمون عنها؟؟
لم تتعصبون دائما لطرقكم؟؟

أرستقراطية!!!!!!! إيوا....

:؟
كل هذا فعلته المعكرونة .. :)
أصلاً نحن لا نطبخها لا بلبنة و لا بدون لبنة
و النقانق لا نُسميها نقانق في العِراق ..



تروك من قلب بغداد تعرف تاكل وتنبسط ما تشوشلها راسها:cool:


أخشى أن يأخذوني حالة مستعجلة للطوارئ :)

صوت يعني بس نعناع و بدون سلق .. !!

أعانكم الله جميعاً .. لتطبخوا !http://www.saowt.com/forum/images/misc/progress.gif

........ السلام عليكم .......



....... مُبـاااارك لـكَ ......!.....


سلامي اليك
lady hla
القدس

بدون سلق؟؟
هو هيك قال كلسينا؟؟

........ السلام عليكم ........



....... أنا ما بحب الأكل المسلوق .... بعد السلق يبقى كأنو نيّ ....!!!.....


سلامي اليك
lady hla
القدس

أختي حلا شو منعمل بقليلك المعكرونة تيمشي الحال معك ؟؟؟ :frown:
شو يا من قلب بغداد ؟؟؟ أول ماقلنا سلق المعكرونة معقول معكرونة بلا سلق ؟
كيف ممكن تتاكل ؟ :roll:

كيف ممكن تتاكل ؟ :roll:

مقرمشة مثل الشبس .. :icon_razz:

ياه ؟؟؟
معكرونة متل الشبس؟؟؟
ما شاء الله اسنانكم قوية .. و بلعومكم صلب , و معدتكم تطحن الحجر ...
:)

........ السلام عليكم ........



....... في طريقة تانية لطبخ المعكرونة .... بتنسلق بطنجرة ... وبتتقلى اللحمة مع البصل بطنجرة تانية ...!!....

.... منيح ...؟!... منصفي المعكرونة ومنخلطها مع اللحمة والبصل ... ومنحطها بالصينية ... ومنحط عليها رب البندورة والملح ....!!!.....

.... وبندحشها بالفرن ...... وبهيك بتتحمر المعكرونة .... وبيصير أكلها معقول .....!....

....... وصحتين وألف عافية ... على قلوبكو ......!.......


سلامي اليك
lady hla
القدس

هيدي ببندورة بس نحنا عم نحكي عن المعكرونة بلبنة .
الرجاء عدم الخروج عن الموضوع . :icon_razz:
شبس وقرقش ياعيني عليكم:frown:

للأسف نجد ان مواضيع المشرف العام الطبخية اهم من موضوع سامراء او لبنان وارى انه لم يمر اهل المنتدى بعد على ما يحدث في غزة

........ السلام عليكم ........



..... مررنا ... ولكن على شاشة التلفاز ... وبقينا إلى ساعة الفجر ... وهُنـا نعتـذر ليس كل ما يُرى يُكتب ...!!!...


سلامي اليك
lady hla
القدس

شو قصدك صوت هيدي كبيرة وبالصميم .أكلتا يا فقير .:)
أخي مقاوم شفت شو يعني بتهبج ههههههههههههه .:redface:
حبيبي فاروق هيدا مش سبب إضافي للبقاء عازب . هيدا سبب رئيسي تمتحكي بالطبخ بحياتك .
لأن الطليان وحياتك ما بيعرفوا المعكرونة بلبنة أبداً وهي أكلة لبنانية .
وقد تحدينا فيها مرة شيف طلياني ، أنوا عندنا فوق الأصناف الإيطالية للمعكرونة صنف الطليان مابيعرفوه . فاندهش واستشاط غيظ أنوكيف يعني هم ياللي اخترعوا المعكرونة . فقلناله نحنا يللي عدلنا عليها ، ودوقناه وعجبته . وبصم بالعشرة أنوا المطبخ الشرقي خطير .:icon_razz:


لهله يا كبير هيدي ما حبيتا منك

بس هادا يا سيدي رد فعل رح نمرقو معليش ... انا الحق عليي لازم عاملهم متل فخر شكلي رح ارجع زيت المقصلة

---------

اخي بلال ... ليست المسالة ان طبخ فرفر اهم
ولكن هون فينا نحس حالنا عم نعمل شي ... يعني حتى ولو استلمناه لفرفر شوي
ولكن ماذا سنفعل في الامور الاخرى؟؟

هناك لا نستطيع سوى القراءة
وهنا نخفف قليلا عن الضغوط التي تتسبب بها الاخبار كي لا يزيد احباطنا
وسببه ليس اللامبالاة او عدم الاهتمام باخواننا واخبارهم
ولكن
ماذا نفعل :(

السلام عليكم

ادعو لهم

!!!

........ السلام عليكم ........



..... لم ولن ننسى ذلك بّإذن الله تعالى .... ولذلك اليوم موعده وسيأتي بإذن الله تعالى .....!.....


سلامي اليك
lady hla
القدس

آمين

سنعود

السلام عليكم

نحن ندعو اخي بلال ...
ربما لاننا اقنعنا انفسنا باننا اعجز من ان نقوم باي شيء
او لان الله غضب علينا ...
السلام عليكم