تسجيل الدخول

مشاهدة النسخة كاملة : رسالة خاااااصة لعضو خاص



بشرى
04-05-2003, 09:42 AM
بسم الله الرحمن الرحيم
حضرة المشرفين والأعضاء بصوت... واحد واحد يعني فردا فردا ما رح عدّكم بأسمائكم بس يعني رح وجّه كلماتي هيدي للكل بس رح أذكر كم شخص بس.. لك شو هيدا؟ شو صاير بالمنتدى؟؟ ما عيب؟ لك يا جماعة يا صار منتدى كسوووووووووول لك بيضجّر..
*المشرف العام: بدنا تفسير للي صاير بالمنتدى.. يعني ما معقول.. لازم له شوية أعضاء نشيطين لأنو لازم لو... منتدانا ما ناقصو شي بالمرة إلا النشيطين.. وبعدين تزكرت أنو لازم بالمنتدى باب ثابت عن الحياة الأسرية ويا ريت المرة الجاية اللي بجي فيها بيكون هيدا الباب انوجد يا رب.... آمين.
*مجاهده: انتي الوحيدة اللي ما فيني حكيكي عن جد الله يعطيكي العافية ويقويكي.. أنت ضيعانك عنا بالمنتدى.. ها وكل الأعضاء هلأ بدهم يجيبوا لك هدية تعبير عن امتنانهم لنشاطاتك المتميزة.. يا متميزة أنت يا أميرة.. خليني شوفك بقى.. اشتقت لك كتير والله. ويا ريت تبلشي نظام بالمنتدى فيه فرض على كل عضو.. ولو مرة بالشهر.. يالله يا ستي المعلمة.
*زيني... أستاذ محمد!!! وين الموضوع اللي حكيناه عن الصحابي؟؟؟ نسيتو؟ يالله لشوف.. وبعدين بدنا منك كمان تهتم شوي زيادة بالمنتدى.. ما بس بحوار الإنترنت!! كمان بالشباب والحوار العام والإسلامي..
*زهراء: نحن ما ناسيينك... يالله خلينا نبرهن أنو نحن أنشط من الكل.. شو مفكرين حالهم؟ يالله بدنا مشاركات روعة متل ما تعودنا منك... ما تزعليني منك!! ما تخلّي الأعداء يشمتوا فينا....
*الدكتورة: شايفة شايفة؟ يا حرام!! ما يكون صاب منتدانا شي فيروس أو بكتيريا؟ أنا شايفة أنو عندو شحوب واصفرار باختصار: alteration de l'etat general مدري بدو شوية فيتامينات ولا شو برأيك؟؟؟ بس إن شاء الله يكون دواه موجود.. بلشي يا ستي بمداواته بمواضيعك ومشاركاتك اللي ما إلنا غنى عنها.. وشهرتك بيأمنها لك السيد زيني وقلب الأسد.
*جنى: ما تركتك آخر شي أنو أنا ناسيتك!!! لا.. بعرف أنك زعلانة أني ما عم شارك بمواضيع كتير.. يعني بصراحة: بعرف أنو المنتدى فاقد لي (ولا وجودي متل غيابي) المهم بدنا مواضيع.. لك والله بتفوتي عالمنتدى بتفتكري أنو شو؟ يا عمي.. بدنا نخلّي مواضيعنا شوكة بعين الإستعمار يالله.. لك آخخخخخ... يا حسرتي عها المنتدى... الله يشفيه يا رب..

يعني أنا بعتذر أنو ما عدت متل الأول مواضيع بالكيلو بس أنا معذورة لأنو دروسي فوق راسي ومع هيك بعدني عم شارك بمواضيع بس العلة ما في حدى عم يقراها.. هون المصيبة.. مدري مواضيع بايتة؟ أو ما إلها لزوم.. يعني خبروني شو بكتب لكم؟؟ جنان أنا بعذرك بس من هلأ لحزيران بس بعدين أبدا... كل الأيام في مواضيع جديدة... ملّا مشرفين.. ملّا أعضاء.. (لا تخافوا.. أكلتها معكم) والسلام عليكم.. منيح اللي مني أدامكم.. كنتوا مدري شو عملتوا فيني.. خخخ... تحياتي للجميع.. بس بربكم.. بس شوية نشاطات.. مجاهده: يعطيكي العافية للوقت اللي عم تكرّسيه للمنتدى... سلامات..

fakher
04-10-2003, 01:27 PM
:D الحمد لله أني قرأت المقال ...

يا ستي في عنا إصابات شديدة بداء الإحباط ... أظن أنه منتشر بين جميع الأعضاء والحمد لله أنك لم تصابي بهذا الداء ... :(

بشرى
04-12-2003, 09:40 AM
آسفة لكن لم أكن أعلم ذلك...

على كل أصبت الآن بهذا الداء.......

عفوا عن جد عفوا