السلام عليكم

لك والله العظيم شغلة

صدقا ما بقا الي خلاق فوت على الصوت الحر من كتر اكل الهوا
لسا قاصمينلي ياه
ناس مع هالبضاعة التعبانة ونا مع هيدوليك
وكانو ما بقا في بالعالم غير يا جماعة حزب اللات يا جماعة المستقبل
وكانو ما بقا في غير السنفورة ونصر اللات

حلّو عن ضهرنا بقا لك يا عمي
والله قرفتونا

يا احكو بشفي مفيد يا اما حلو عنا بقا

لا الحسني وجماعتو رح يقتنعو مع نور ومستقبل ولا هنة رح يقتنعو معهم
حلو عنا بقا يا
والله عوفتونا خلاقنا
وكانو ما في بالدنيا غيركم

يا اخي احكو بشي تاني مفيد وكانو ما في بهالعالم غير هالموضوع

انا من الناس يلي قرفو يفوتو على الصوت الحر وبعتقد انو الكل ملاحظين
وبعتقد انو فخر وبلال وفاروق والكل معي بهالقصة
يمكن انا اللي تجرا وحكي

يا اخي جمعو كل هالمواضيع بموضوع واحد الله يرضى عليكم
وفتو نطح ببعضكم لتتفجمو اصطفلو بس شو دخلنا نحنا لحتى تنفخونا بمواضيعكم هيدي!!!!!!!!!!!!!!!!

السلام عليكم

هناك قضية وطنية حاسمة لا يمكن التهاون فيها
وكل يوم نرى اصابع الحقد والدمار والموت القادمة من اراضي بما يسمى الشقيقة تتغلغل في الجسم اللبناني ولا بد من وضع حد لها وكسر يدها
الحقد الاسود القادم من الشقيقة ماذا تعمل به؟ هل تتهرب منه وتقول لا اشاهد لا اسمع لا المس؟
اذا اردت التخلص من النقاش واعطاء الرأي فهذا شأنك لكنك تبعد بنفسك عن المسؤولية الجسيمة التي اوكلك الله بحفظها وهي رؤية الحق والخير وواجبك الدفاع عنه ورؤية الشر والحقد الاهوج ومسؤوليتك التحذير منه ومهاجمته
انها ليست كما تختصر بسرعة وببساطة لمسألة كبيرة وواضحة وتمس مباشرة كل قلوب وعقول الناس لمجرد انك زهقان او مللت
قف بقوة وحماس وقل القول الشجاع اما تكون مع الحق وتفضح الباطل واما فلا داعي لان يكون الانسان حامل الامانات التي رفضتها الجبال بل مجرد كائن يشرب ويأكل ويتسمع على الاغاني والتسالي ....... ولا حول ولا قوة الا بالله

اخي البني آدم

احترم رايك

لكنك يا ريت قريت شوي بتمعن كنت شفتني قلت انو يا ريت تحطو كل قرفكم في موضوع واحد وان شاء الله تنطحو بعضكم صبح مسا لتتفجمو واعرضوا قضيتكم الكبيرة هيدي فيه
بس ما في داعي تقلبولنا المنتدى ساحة حرب ماشي!!!


اسف على قسوة لهجتي بس معليش طفح الكيل

يا ريت حدا من الاخوة بيشرحلو شو قصدي بلغة بسيطة وهادئة لاني منرفز شوي
مع انو ما بيسوا سم البدن

السلام عليكم

السلام عليكم،
اخي شيركوه: شكراً لك على رأيك وانا ايضاً مع ان توضع كل هذه المشاركات في بعض المواضيع حسب او حذف المكرر.

لكنني لا اوافقك ابداًَ على هذه اللهجة لأن للحوار اصول وللنصح اصول.

لكل إنسان الحق في عرض وجهة رأيه والرد على وجهات رأي اخرى ولا يمكن ان تطلب الحجر على الآراء بهذه الطريقة.

إن شاء الله يقتنع مشرف القسم ويجمع هذه المواضيع في ركن واحد من اجل تخفيف الحمل عن القراء

أخي الكريم فرقاني بارك الله فيك على فتح هالموضوع ولو أني مش معك بالأسلوب .يعني ضاع هدف المنتدى وطفشة نصف العالم من حوار الطرشان الخارج أساساً عن أصول الحوار وبات المنتدى ساحة مهاترات اضرب من وسائل الإعلام .أخي أبن خلدونصحيح أن هناك قضية ولكنها ليست فقط اليد السورية وبقية اليادي الأجنبية التي تعبث بنا وتتحضر العواصف لبلبنا وتعبث بأممنا وحاضرنا ومستقبلناولن نصل لحل القضية بالمهاترات الدائرة على صفحات المنتدى .وعلينا أن نقيم مشروع الإنسان المسلم الذي يخاف الله في عباده ويحمل من أخلاق الإسلام يا يجعله صخرة في مجتمع تعصف به الرياح من كل حدب وصوب ، وليس كحالنا اليوم قشة تمشي مع التيار وركوب الأمواج الآتية من الخارج أي كان هذا الخارج . اين قضية الحوار للوصول إلى الأفضل والأحسن ، الحوار الهادف البناء مايدور على صفحات المنتدى كالذي يدور في الشارع لايغني ولايثمن من جوع ولا يحل أي مشكلة ولا يؤدي إلى أي حل لأي مشكلة .والمنتدى بات ساحة تجمع المنار والمستقبل وكل يسعى لهواه ولم يعد هناك مانراه لله ولخدمة الإنسان إلا ممن رحم ربي كي لا نظلم الجميع وهم باتوا في يومنا هذا هنا وعلى الأرض عملة نادرةمع الأسف

بارك الله بك يا حكيم على هذا الكلام المذهب وشكراً لفرقاني الذي تجرأ وفتح الموضوع اصلاً لأن الشغلة زادت عن حدها ولم يعد هناك اي هدف إلا تسجيل النقاط.

بس الله يعطي العافية الحسني، عم يتعبوه الشباب بالرد وكمان نور خففت الحمله وسلمت لمعالي الوزراء الجدد :)

ممكن نغيرلكم مسير الموضوع !؟
لنخربكم ما لا تعرضه القنوات الأخبارية !؟

تَم إحراق ما يُقارب 10 أو 11 همرات أمريكية بالإضافة إلى
مُدرَعة .. و الخسَائر فادحة .. في منطقة لا تذكرها الأخبار لا من قريب أو بعيد ..!!

كما أني كنتُ أظن و العتب على قلّة المشاهدة أنّ اسمه سنيورة و ليس سنفورة .. !!


بالحُسنى .. و الله يعينكم ..

وياليت تخبرهم عن وجود حوالي مئتي الف مرتزق بالعراق

يعملون لحساب شركات خاصة........منها نسبة لا بأس بها لإسرائيل

والمصيبة ان بعض علماء العراق ساكتين وراضين عن هذا التواجد...بل يسمونه التحرير

....ايها الفقيه السستاني : الساكت عن الحق شيطان أخرس...ليتك تقتدي بالشيخ الضاري

السلام عليكم



لا الحسني وجماعتو رح يقتنعو مع نور ومستقبل ولا هنة رح يقتنعو معهم
حلو عنا بقا يا



أخي شيركوه , ليش غضبان مني؟ ضليتني فترة ما عم اكتب شي بالمنتدى لأني مشغولي, و هلق شوي فضيت و بلشت ارجع اكتب عن جديد ! يعني باختصار لما غبنا ضلوا المنتدى فاضي و بزهق و ما حدا عم يكتب موضوع جديد و انا كنت عم طلطل على المنتدى بس ما كنت عم ارد بسبب انشغالي, بقي المنتدى حوالي اسبوع تقريبا" على نفس المواضيع و دون ردود جديدة. بقى ليش ما كنت عم تبعت مواضيع جديدة خلال غيبتنا؟ :?:
بس رجعنا تحرك المنتدى من جديد و بلشت الردود تنشط. :icon_razz:
بتعرف ليش نحنا منحكي بهل المواضيع اللي انت و البعض بشوفها مملة, لأنها بصراحة بيت القصيد !
فلا استقرار و لا عمل و لا حياة منيحة دون ان يستقر الوضع السياسي بالبلد و من هنا اهتمامنا الأول هو في المواضيع السياسية, اما عن الهجوم بين خطين سياسيين انت سميتهم لنا فأعتقد بسبب أن الأخبار كلها في يومنا هذا ترتكز على الهجوم السياسي و لا شيء جديد.
على كل الأحوال يا اخي شيركوه اكتب مواضيع جديدة و مهمة في المنتدى و لعيونك نحن رح نعلق عليها :icon_razz:
و اذا لقيت موضوع سياسي عنوانه ما عجبك كوّع عنه و ما تقريه !:icon_razz: و نحنا منقرأ عنك :icon_razz:

اخي شيركوه استلقى اذا فيك....فتحت عليك باب طويل عريض :)

الاخ فرقاني يريد ان يقول ان الأرض لا تدور حول قوى 8 و 14 اذار

بصراحة اصبحت افتح المنتدى لاطالع اخبار الفريقين

خيي فرقاني

شوي بس وبتشوف الاعداء وهم يقبلون بعضهم

ويتكلمون عن الوحدة الوطنية وما الى ذلك من الهراء

:smile: تحياتي للجميع
الزعلانين والرضيانين
المبسوطين والزعلانين
طبعاً إلا أتباع 8 :twisted: آذار

اخونا طارق حاسم خياراتو....وبندوراتو وخساتو :)

كيفك ابو الطوط؟ ايمتى رح نفرح فيك؟

رح تفرح بطارق بس يرخص الخس والخيار والبندورة. العرس بدو تبولة :)

اخي ابو شجاع: الأرض لم تعد تدور وتنتظر الحقيقة

السلام عليكم

انا كتبت رد بس تيس وما وصل ..................... الحمد لله

المهم

خيو ادمين ... على روصي حقك عليي الك معي فنجان شاي ميشي :)

بس حلولنا هالقصة الله يرضى عليك

لانو بصراحة العالم طفشت وما بقا الها خلاء تدخل عالمنتدى من كتر اكل الهوا
تقول فاتحينو على حساب واحد من هالفريقين
شي بيجنن
يا عمي كرمال اللي خلقكم ... كرمال رب العباد

شو بدكم ياني قلكم كرمال الاوليا والصالحين يعني لتردو!!! ايه ما رح قولا

المهم
خلصونا وضبضبوا هالمواضيع هيدي بموضوع واحد او تنين ويلي بدو يضيف بيضيف فيهم
ويلي .......................... بيهمو ............... غيركم طبعا .......... انو يعل قلبو ويشوف وين صرتو وشو اخر الاخبار ... بيتفضل مشكورا وبيفوت على هالموضوع او تنين
منيح هيك؟؟؟

خلونا نتنفس بهالمنتدى بقا شوي
حسبي الله ونعم الوكيل

صدقا ضوجتوني

بعتذر عن شدة لهجتي بس انا هيك دج بعيد عنكم

=============

بلو ... معلمي ... حاسس فيك انا ... شفت شفت ... يعني لو ما في عندك شيركوه شو كان صار فيك كنت طقيت مهيك :)

=========
كلسينا ... مشكور عل الدعمة ........... تقبشني الدب لوماسية :)

=======
اخت نور ... صحيح صاير في حركة ... بس ما نها دليل صحة ... هيدي متل لعبطة اللي عم يموت

نص العالم طفشت وما بقا حدا بدو يكتب شي جديد لانو ما ببين بزحمة مواضيعكم بسم الله عليكم
انا صرت اقرف ادخل على الصوت الحر من كتر هالمواضيع
صدقا كان المنتدى غير
ما عنا مانع تكتبو يلي بدكم ياه وتعبرو عن يلي بدكم ياه والله .... بس معليش ما ملاحظة انو صارت القصة زايدة؟؟؟ يعني موضوع او تنين وانا بمون على فرفر يثبتلكم ياهم معليش مشان تلاقوهم على طول بوشكم بس خلو غيركم يتنفس -اقصد الفريقين طبعا-
لسا واحد ما الو مواضيع غير يبهدل بهالسنيورة والتاني ما الو هم غير يسجل نقاط على التانيين كمان ...

معليش في بالحياة غيركم !!!

بعتذر كمان مرة تانية اذا طقلت عليك

=================
ابو شجاع ... الله يرضى عليك :)
=================

اخت من قلب بغداد ............ جزاك الله خيرا

اسال الله ان يبارك بايدي المجاهدين وفي ضرباتهم وان يجمعهم جميعا تحت راية واحدة يكون منتهاها في القدس باذن الله

صحيح ما هي اخباركم؟

قلتولي فضفضة لكان :) تفضلو فضفضنا قام ما عجبهم خخخخخخخخخخخخخخ

============

فرفر ........... انت خليك نايم ايه ......... ولي عليك .....
مبارح عم ندور عليك واوي واوي واوي وما في حدا وين كنت غاطس؟

===============
اذا نسيت ما رد على حدا فحقكم عليي
وبعتذر مجددا اذا جرحت حدا او سببت مضايقة

السلام عليكم

يعني ما عندك افضل من هالدبلوماسية يا مستر شيركوه

اللهم آمين نسألُ أن يجيب دعاءك ..
أخبَارنا .. ربنا يعين .. سوّروا لنا المنطقة و أصبحنا
كالفئران في داخل علبة من صنعهم ..

بعدين فضفض أخي !!
خلوا يفضفض !!

نسأل الله لكم السلامة ولن يبقى الحال على حال

لقد تساوى الأمريكي مع الصهيوني وساووا بين اهل الأعظمية واهل الضفة وهذا دليل خير إن شاء الله لأن الليل كلما ادلهم كلما اقترب الفجر والله اعلم



اللهم آمين نسألُ أن يجيب دعاءك ..
أخبَارنا .. ربنا يعين .. سوّروا لنا المنطقة و أصبحنا
كالفئران في داخل علبة من صنعهم ..

بعدين فضفض أخي !!
خلوا يفضفض !!

المُشكلة أنّ السور المعني ليس على الأعظمية فقط ..
هُوَ شمل تقريباً منطقة الغزالية .. حي العدل كما أظن
و العامرية هذهِ مُتأكدة منها .. و هذهِ المناطق الثلاث تقع في جانب الكرخ على
عكس الأعظمية فهي في الرصافة ..
الهدف بإكمله هو التضييق على أهالي السنة .. و قد فعلوا ..
فالصبّات الكونكريتية تنتشر بصورة مقيتة !!

نسألُ الله السلامة من كلِ سوء ..

لكن فشلهم صار بادياً للعيان وسيرحلون قريباً جداً



المُشكلة أنّ السور المعني ليس على الأعظمية فقط ..
هُوَ شمل تقريباً منطقة الغزالية .. حي العدل كما أظن
و العامرية هذهِ مُتأكدة منها .. و هذهِ المناطق الثلاث تقع في جانب الكرخ على
عكس الأعظمية فهي في الرصافة ..
الهدف بإكمله هو التضييق على أهالي السنة .. و قد فعلوا ..
فالصبّات الكونكريتية تنتشر بصورة مقيتة !!

نسألُ الله السلامة من كلِ سوء ..

أي فشل هذا :)
هُوَ يَا ريت الأمر مقتصر على القوات الأمريكية ..
القوات العراقية ذاتها تمارس القتل و الإعتقال
و التنكيل خصوصاً بعد هذا التسوير

يا ريت يرحلون القوات العراقية اليوم قبل الغد !!

نسال الله لكم السلامة

اخبرينا اكثر اخت من قلب بغداد

سؤال سخيف شوي ... الا تستطيعون نقبها او تسلقها او لا ادري

هذه جريمة يقصدون منها احاطة اهل السنة وحبسهم وتجوييعهم وقتلهم في النهاية
اسال الله ان يثبتكم وان يحفظكم وينصركم وان يكون معكم

حسبنا الله ونعم الوكيل

الله المستعان
صبرا صبرا فان مع العسر يسرا ان مع العسر يسرا

السلام عليكم

كان الله بعونكم
والله ان قلوبنا تذوب كيدا وغيطا وكمدا على ما يحصل في هذه البلاد
ومن يدري
لعلها ستذوب على بلدنا قريبا

المعاصي تنتشر كالهشيم والناس ما تربت من الذي حصل في الصيف
وعلينا ان نتنظر الاعظم

السلام عليكم

نقبها؟؟؟ ذكرتني بأيام السوريين يللي ما تركوا بيت إلا ما نقبوه :)

الا تستطيعون نقبها او تسلقها او لا ادري

:)
من الممكن لكنها لا تتأثر بإي إنفجار قد يحدث .. و الله أعلم
و في هَذهِ الفترة تم زرع العديد من العبوات الناسفة للقوات الأمريكية لدينا
أتحدث على حدود مَا أسكن .. نجحت الكثير من العبوات في ترك خسائر
أمَا البقية فقد أكتشفوا وجودها و قاموا بتفجيرها ليلاً ..
و المشكلة حالياً بالقوات العراقية .. من طبيعة المنطقة أنّ لا ترضى بدخولهم
و قد قاموا بالإستيلاء على عمارات فارغة لدينا و وضعوا فيها
قناصين و يعتدون على الناس من خلال ذلك .. و يطلقون النار عليهم ..
مضت فترة قصيرة و تم إسقاط العمارات على روؤسهم :) و الحمد لله ..
لم يكتفوا و قاموا بإحراق محلات معينة في السوق .. و طبعاً في الليل
فهم يخافون الدخول نهاراً ..
مع تسوير المنطقة و في بداية الأمر .. قاموا بإعتقال ثلاث من شيوخ المساجد القريبة
و ختموا مسجداً بالشمع الأحمر !
تخيّل مسجد يُخَتم بالشمع الأحمر .. في أيِّ دولة تدعي الإسلام يحدث ذلك !

للأسف تلك الصبّات تسهل عليهم القتل و الإعتقال العشوائي ..

نسألُ الله الحفظ و السلامة

أكتر من هيك فضفضة شو بدك أختي من قلب بغداد قلناله فضفض شوي قام فضفض على الآخر وماخلا شي لبعدين !!!! تقولي آخر موضوع حيكتبه بالمنتدى الله يحميه.بس المشكلة بهالمقصلة يللي معه ماعاد راسوا يحملوا بدوا يستعملها الله يستر .يعني 8آذار و14 آذار والصوفيين والشيعة بموضوع واحد !!!!!قوي ماشاء الله عنه . ولسه بدك ياه يفضفض أكثر من هيك ماترك حدا ليفضفض عليه لسه ؟؟؟؟

المهم ان لا يتكلم عن 8 آذار وكلو هين :)
نحنا ما حدا بيلعب معنا ها

أكتر من هيك فضفضة شو بدك أختي من قلب بغداد قلناله فضفض شوي قام فضفض على الآخر وماخلا شي لبعدين !!!! تقولي آخر موضوع حيكتبه بالمنتدى الله يحميه.بس المشكلة بهالمقصلة يللي معه ماعاد راسوا يحملوا بدوا يستعملها الله يستر .يعني 8آذار و14 آذار والصوفيين والشيعة بموضوع واحد !!!!!قوي ماشاء الله عنه . ولسه بدك ياه يفضفض أكثر من هيك ماترك حدا ليفضفض عليه لسه ؟؟؟؟

هَذا بسبب ضغووط الحيَاة و إنفجار الصوت الحر
لازم واحد ينفجر و يفضفض بالأخير !
بعدين اربع و عشرين ساعة تقولون 8 آذار و 14 .. يعني بدون تصغير منو هالمحاريس !؟؟
أنَا ما أعرفه أنّ هذهِ أيَام في الشهر !!!
غيروهم يعني لو شنو :)

اللهم سلم العراق واهله من الفتنة ومن هذا العدوان الفاشي .نسال الله الرأفة بعباده في كل بقاع الأرض وأن يضرب الظالمين بالظالمين ويخرج المؤمنين من بينهم سالمين يا رب .

اللهم سلم العراق واهله من الفتنة ومن هذا العدوان الفاشي .نسال الله الرأفة بعباده في كل بقاع الأرض وأن يضرب الظالمين بالظالمين ويخرج المؤمنين من بينهم سالمين يا رب .

اللهم آمين ..
نسألُ الله الإجابة ..

كيف بدهم يقسمونا وصغرونا أكتر مما نحنا صغار ؟؟ كنا كلنا أخوة وما أحلانا هي طارق هلق صار مع 14 آذار وبلال مع 8 والخير لقدام يعني بوكرا الصلحة بتكون ب11 آذر كحل وسط يرضي جميع الأطراف وبين ال8 وال14 وبتخلص القصة بس ما تخافي منضل نلاقي شي نختلف وننقسم عليهبس المشكلة ما نعرف نلاقي يللي منتفق ومنلتقي عليه أنوا معقول كل هالكركبة ومضيعين 11آذار ما عم يعرفوا يلاقوه لهلق

و من كل هؤلاء .. !!

أنتم مو كلكم من ذات الفصيلة البشرية !؟

لا ما كلهم من نفس الفصيلة

عنا في لبنان صاير في فصيلتين بعيد عنك
خلينا بعيد عنهم ما انا فقعت هالفقعة مشان ما نحكي عنهم ويخلصونا من الحكي عنهم

خلينا عندكم

شو عاد صار بالكلاب؟

طبعاً بس لبنان أضرب من العراق بتنوعه الطائفي والمذهبي وغمتداد كل طائفة وكل مجموعة .أما اليوم فهناك خطين سياسيين في لبنان هما المذكورين آنفاً .ويضم كل منهم مجموعات من كل الطوائف يعني هو تحقيق لحلم الرئيس الشهيد رفيق الحريري .الذي كان يطمح لجعل لبنان دائرة أنتخابية واحدة ويكون التنافس بين اطراف وطنية تضم جميع الطوائف ولا تأخذ لون طائفي واحد .ولكن هذه التجربة بخطواتها العملية التي سارة عن دون قصد من أحد بعد وفاته لم تلقا نجاحاً على الأرض لأن البنية اللبنانية غير مؤهلة لذلكوأتخذ كل خط منهم ستائر براقة من الشعارات التي يغطي فيها الحقيقة طبعاً .ويقنع فيها الناس ليحصد شعبية أكبر وهنا تقع الكارثة لأن السياسية في لبنان هي كذب على الشعب المسكين ومتاجرة به وليسة وسيلة لإدارة شؤنه ومحاولة الرقي به وتحسين أحواله .وأرتبط كل فريق من الفريقين بداعم أقليمي ليحظى بقوة إضافية في الداخل على حساب الطرف الآخر .فصارت قوى 8 آذار وحلفائها الجدد يعني حزب الله وحلفاءه الجدد بخط ما يسمى دول الممناعة للمشروع الأمريكي في المنطقة . وأتخذت قوى 14 آذار الخط الآخر أمريكا ودول الغرب حلفاء لها لتستطيع مواجهة الوحش المالي والعسكري الإيراني . مستفيدةً من الصراع الدائر بينهما ( أمريكا وإيران ) .وحلفاء الطرف الإيراني باتوا يرفعون شعارات الكرامة والممناعة والدفاع ومواجهة إسرائيل والجهاد وتقديم التضحيات .أما 14 آذار فبدوا برفع شعرات العيش بسلام ضمن الأمر الواقع وجود إسرائيل ومسالمة الدول العربية لها وأن لبنان دفع الكثير في حربه معها وعن العرب جميعاً وأنه آن الأوان لهذا البلد الصغير أن ينعم بالأمن والإستقرار والنمو في ظل معاهدة سلام ترعى فيها الأمم المتحدة حقوقه بدل الحرب وإستعمال القوة الضئيلة الدفاعية في مواجهة الترسانة الإسرائيلية المدمرة وما حرب تموز ببعيديعني الطرفين بدل ما يحاولوا يلاقوا مصلحلة البلد والناس الحقيقية وين ويتفقوا عليها ولو كان الصراع سياسي بينهم .ويبقى ضمن الأصول التي تحفظ البلد وأهله وأمنهم ، صار الصراع على من يستطيع شد البلد لمصلحة حليفه وداعمه وحيتشقف البلد والناس حتقتل بعضها والفتنة عم تغلي كالنار تحت الرماد . وكل طرف فيهم لا يستطيع التنازل أو الإقتراب لأن تعليماته باتت من الخارج من حيث رهن قراره هو بنفسه . ويطل على الناس ويكذب عليهم ويحاول إقناعهم بأنه منطقي وأنه حريص على البلد وأهله وأنه الأشرف وأنه هو الذي ضحا وسيضحي . وبالنهاية السياسة في لبنان مقبرة للسياسيين مافيهم واحد ماعندوا شهيديلي مقدم أبنه ويللي مقدم أخوه ويللي مقدم أبوه ويللي نحبس 15سنة عم يكافؤه ويللي نفي خارج البلاد 15سنة كما عم يكافؤهوأنتي وماشية... وضحت الصورة ولا ما كملتي قراءة ؟؟؟آسف للإطالة

أخي شيركوه كان السؤال لإعلم ما سبب أهمية
هذين اليومين لديكم هكذا و الحمد لله أنْهَا لم تكن أعياد وطنية :mrgreen:
و الكلاب إذا كنت تقصد البشرية .. فهدوء نسبي يتخلله إنفجارات مُفزِعَة
و أرتال تجوبُ الشوارع :roll:
الكلاب الحيوانية لا زالت تجوب الشوارع كذلك لكثرة المزابل لإنّ أبو سيارة النفايات
لم يعد يحضر إلى هُنَا خوفاً على حياته .. !!
مقارنة بمناطق أخرى شيعية فهي أصببحت تبرق نظافة كما يُقال و السُنية تَقطر مزابل !
.
.

أخي كلسينا طيب
أنتَ معاهم و إلا مَعَ الناس التانيين ؟؟؟



وضحت الصورة ولا ما كملتي قراءة


وضحت و أكملت القراءة بعد جُهد جهيد :icon_razz:
و لا حاجة للأسف

يعني فهمتي يللي أنا كتبته ما شاء الله عنك !!!!!
نحنا هون ما حدا عم يفهم حتى أني بلشت شك بحالي إني أنا عم أحكي صيني أو طلاسم :frown:
اما بالنسبة لأنا مع مين ؟
فأنا مع هالشعب المعتر المسكين يللي صار سجادة شعبية كل ما واحد بدو يحكي كلمتين بيفرها .

يا حج بتعرف وين المشكلة ... ؟؟
المشكلة نحنا نطناطين ما عنا مبدأ يعني مع الواقف
بس الأكثرية الصامتة امثالك هي الشريحة الكبرى في هذا المجتمع بس بدهن مين يجمعهم حتى يغط عليهم الأجهزة الأمنية وتقشهم أشة وحدة :)

قوية منك وملعوبة ... :)

بس الأكثرية الصامتة امثالك هي الشريحة الكبرى في هذا المجتمع بس بدهن مين يجمعهم حتى يغط عليهم الأجهزة الأمنية وتقشهم أشة وحدة :-)
ولذلك نحنا مجموعين بإذن الله بقلوبنا وناطرين الطبخة لتستوي على نار خفيفة ومنا مستعجلين
يمكن ما بيكفي أو بالأصح مابيرضي حماسة الشباب ، بس نزولاً عند آراء الطيبين الخطوة البطيئة الثابته أسلم وأفعل من الخطوة المتهورة والسريعة ، وعلمنا رسولنا عليه وعلى آله الصلاة والسلام الصبر ووصانا الله عز وجل به ، وهو عدم أختصار الزمن .

يعني فهمتي يللي أنا كتبته ما شاء الله عنك !!!!!
نحنا هون ما حدا عم يفهم حتى أني بلشت شك بحالي إني أنا عم أحكي صيني أو طلاسم :frown:
اما بالنسبة لأنا مع مين ؟
فأنا مع هالشعب المعتر المسكين يللي صار سجادة شعبية كل ما واحد بدو يحكي كلمتين بيفرها .

لا فهمت .. ليس الأمر صعب تماماً :icon_razz:



المشكلة نحنا نطناطين ما عنا مبدأ يعني مع الواقف
بس الأكثرية الصامتة امثالك هي الشريحة الكبرى في هذا المجتمع بس بدهن مين يجمعهم حتى يغط عليهم الأجهزة الأمنية وتقشهم أشة وحدة


إذاً أنتبه أخي كلسينا لا تنقشوا يومٍ مَا

طيب و الأخ طرابلسي معهم و إلا مع الناس التانيين ؟؟
و ماذا عن الأخ شيركوه و بلال و جهاد ..؟؟
و معظم الشعب اللبناني :mrgreen: ؟؟
صار عندي فضول حتى أعرف ..

و معظم الشعب اللبناني :mrgreen: ؟؟



كلو مع كلو يعني الشعب موزع تماماً بين السياسيين وأمراء الطوائف الموجيدين حالياً على الساحة بس القسمة والتوزيع مو عادلة لأنو بعض الأمراء لديهم أتباع أكثر من الآخرين وهكذا ..

:icon_razz::icon_razz::icon_razz:

أخي المسلم الحر الله يرضى عليك ما تتدخل بهالموضوع . هلق بيقوموا علينا وبيقولوا سوري وعم يتدخل بسياسة لبنان الداخلية وما بعرف شو . أنتوا جماعة صوفتكم بلبنان حمرا هالأيام .أختي من قلب بغداد بما أنك فهمتي والحمد لله يعني صرتي بتستحقي الجنسية للبنانية إن طلبتيها !!

اختي من قلب بغداد

نحنا التانيين

السلام عليكم
نحن من لا نحن له
:)

احنا المساكين المعترين الله يفك اسرنا من هالسياسة المنحوسة
ماسورين لهذه الفئات المتحاربة
يعني اذا تكلمت مع واحد 8 بيفتكرك 14 واذا تكلمت مع واحد 14 بيفتكرك 8
وانت لا من هول ولا من هوليك


بالنسبة الي تنيناتهم اضرب من بعض

السلام عليكم

بس اضرب من بعض

يمكن **** من بعض :)

كلو مع كلو يعني الشعب موزع تماماً بين السياسيين وأمراء الطوائف الموجيدين حالياً على الساحة بس القسمة والتوزيع مو عادلة لأنو بعض الأمراء لديهم أتباع أكثر من الآخرين وهكذا ..

:icon_razz::icon_razz:

انت تنوي القيام بحرب أهلية شعبية بين السوريين و اللبنانين :roleyes:
يبدو أنّ هناك حساسية منكم .. ! :icon_razz:



أختي من قلب بغداد بما أنك فهمتي والحمد لله يعني صرتي بتستحقي الجنسية للبنانية إن طلبتيها !!


يعني ممكن قدم طلب و الأسباب اني فهمت و لن يقصروا ..
ماشي أخي اقدم طلب عني :icon_razz:

يعني بلال و شيركوه مع التانيين .. يعني من جماعة الأخ كلسينا ؟
هي الجماعتين تتقاتل في الشوارع فيما بينها أحياناً ..
و يصرخوا 14 ، و تأتي الجماعة الأخرى 8 آذار !؟
و الجماعة الأخرى الساكتة .. ألا تحاول أن تُظهر صوتها ؟؟

أخي المسلم الحر الله يرضى عليك ما تتدخل بهالموضوع . هلق بيقوموا علينا وبيقولوا سوري وعم يتدخل بسياسة لبنان الداخلية وما بعرف شو . أنتوا جماعة صوفتكم بلبنان حمرا هالأيام .


خلص بلعنا لسانا .. لا تواخذونا غلطنا ومنكم السماح .. :icon_razz:



انت تنوي القيام بحرب أهلية شعبية بين السوريين و اللبنانين :roleyes:
يبدو أنّ هناك حساسية منكم .. ! :icon_razz:


ما هي الحرب الشعبية جارية على قدم وساق حتى من قبل أن اتكلم :icon_razz: .. والحساسية موجودة خاصة من اللبنانيين حتى ولو لم ننبس ببنت شفة ..

أحس شي ما دخلني وتصطفلوا :icon_razz:

هيك بدي ياك الله يرضى عليك . :)
أختي من قلب بغداد نحن نحاول أن نوقظ الناس ونذكرهم بالحرب الطاحنة التي كانت ونتائجها
لتخفيف حماسة بل حماقة الناس .
ولكن صوت الدولار بهالأيام أقوى من صوت الحق .
والمصالح الشخصية عند الناس أهم بكتير من المصالح العامة ومصالح الآخرين .
ماقالولك الشباب مثل ماتكونوا يولى عليكم .
فهذه مع الأسف شيمة أهل البيت وسياسييهم الملعونين .
فشو بدك بهالجنسية المفشكلة روحي عند بلال على كندا أحلالك صحيح بتبكي على الأطلال بس على الأقل أنتي ومرتاحة نوعاً ما .
أحسن ماتبكي حرقة من المشاهدات اليومية والمباشرة . :frown:
ماتقولي عم كحشك بس هيدا الواقع .
وبقلك على سبيل الترحيب الصيف بلش عنا ( بدون صورة ) ولبنان قطعة سما على الأرض تاني ما ألا . أرزتين براس التلال شاغلين الكون . أهلاً بك بين أهلك وإن لم تسعك الأرض فقلوب اللبنانيين واسعة . أسه بدك ولا خلص بيكفي جاي بوكرا :)

أخي فري مسلم أنا لا علاقة لي بالموضوع هم قالوا :mrgreen:

أخي كلسينا لا خلص بعد شنو أنَا تقريباً اقتنعت أنّ هذهِ طريقتكم في الترحيب :icon_razz:
لإني ذات مرة كنت أحدث صوت و قلت لها لو أتيت زيارة تستقبليني
قالت لي إي بس هي لبنان ايضاً على كف عفريت يعني انا أرحب فيكي بس
من يومها قررتُ أن ابقى :mrgreen: .. و لا جنسية و لا هم يحزنون ..
و من ثم


ولكن صوت الدولار بهالأيام أقوى من صوت الحق .
والمصالح الشخصية عند الناس أهم بكتير من المصالح العامة ومصالح الآخرين

هذهِ الأيام لم يعد يسمع أحد شيء سِوى صوت الأموال لذلك من المحتمل أن تواجهوا
صعوبة عديدة .. أو العالم ككل سيواجه صعوبة بسبب الطمع الذي بات هادراً في نفوس الناس

نسألُ الله أن يَحقنَ دِمَاء المسلمين أجمع ..

السلام عليكم

على سيرة الدولار ...

هل سمعتم بمشروع نقد اسلامي مبني على درهم ودينار فضة وذهب؟؟؟

فهمت ان المشروع توقف

ان من سياسات الافقار التي يعتمدها اعداءنا ابعادنا عن النقد الحقيقي فنبقى عبيدا لاوراق لا قيمة لها عند الكوارث الحقيقية
تماما كما حصل في اخر ايام الخلافة العثمانية
حيث حمل الناس اوراقهم النقدية في شوالات ولكنها كانت من دون اية قيمة تذكر ... ولست ادري ان نفعت لاشعال نار لتدفئهم في ليالي الجوع الباردة
فهل هذا ما ينتظرنا ان قرر حكام فورت نوكس مثلا حرمان البلدان من احتياطي ذهبها؟؟

المهم هل لديكم اية معلومات جديدة عنه؟؟
السلام عليكم

أخي فرقاني العالم أنتقل من مرحلة النقد الورقي غلى المرحلة البلاستسكية (الكرديت كارت )
وانت عم تحكيني بمخطط ومابعرف شو . :frown:
هيدي مرحلة قطعت دورلي على يللي بعدها شو اهدافها وين حتوصلنا؟؟
أما أنتي أختي من قلب بغداد فعلى الرحب والسعة وإن ماساعتك البيوت قلوبنا مفتوحة لك ولجميع الأخوة وخصوصاً يللي وصلوا على باب المحل وهربوا من أكلة سندويش السمك متحججين بغياب فاروق وأنهم لن يأكلوه إلا بوجوده .يعني قال لما كان فاروق هون كنا نحنا عارفين نشوفوا !!!! :)

يررررررررررررفع حتى يعلم الافراد السمجون الذين اغرقوا منتدانا بقرفهم اننا قرفنا
ما عندكم مننتدى تحطو فيه قرفكم؟؟؟ انو موضوع واحد باليوم بيكفي
ضروري زليون موضوع بالساعة!!!!
شي كتير والله

السلام عليكم

اخي وين رايح وتاركني هون ؟ خدني معك منرجع سوا بإذن الله .سلام للجميع

شلون شلون؟؟؟
ما فهمت عليك بنوب

:) هلاء بما انو رح يقولو اني عميل سوري فخليني البس الدور واسبقهم خخخخخخخخخخ
مناخوليا

السلام عليكم

أقترح أن تفتحوا مجلس جديد خاص بالسياسة بلبنان

(فخار يكسر بعضوا)


تحياتي.....

يا اخي ما صرلي زماااااااااااان عم احكي بهالشي

شو رايك نعمل عريضة؟

السلام عليكم

منعمل ليش لأ...

:)

عندما انتفض شيركوه هربت الأرانب

لك الله يرضى عليك يا زكرتي :)

السلام عليكم

حتلتهولنا بالتبجيلات ؟
شوصار بالعريضة ؟
سلام

والله انا برئ يا بيه دنا معملتش حاجة..!!

رح نعملها

السلام عليكم

بارك الله بك يا حكيم على هذا الكلام المذهب وشكراً لفرقاني الذي تجرأ وفتح الموضوع اصلاً لأن الشغلة زادت عن حدها ولم يعد هناك اي هدف إلا تسجيل النقاط.

بس الله يعطي العافية الحسني، عم يتعبوه الشباب بالرد وكمان نور خففت الحمله وسلمت لمعالي الوزراء الجدد :)




الله يعطي العافية الحسني؟؟؟

احترنا معك.. تقول أنك مع التانيين.. لكن في ردك هنا نراك نصريا :: نسبة لأتباع حسن نصر الله::

وتقول أن الشغلة زادت عن حدها...

ولكن نرى كثيرا من المواضيع لك تناسب طرح مجموعة حسن وأتباعه..

لماذا هذا التناقض يا بلال؟؟

لك الله يرضى عليك يا زكرتي :-)

السلام عليكم


على راسي القبضاي

حتلتهولنا بالتبجيلات ؟
شوصار بالعريضة ؟
سلام


على رأسي الحكيم

:)

وأين العريضة لنوقع

اعذرني يا منير،
صحيح إنك مطبب ولكن عيونك بحاجة إلى دكتور. او انك تحتاج إلى نظارات


لماذا هذا التناقض يا بلال؟؟

رحم الله منير ايام زمان

السلام عليكم