تسجيل الدخول

مشاهدة النسخة كاملة : الشيخ ابو اسحق الحوينى يعلق على المنهج الفاسد لعمرو خالد



ابن المنطقة
11-26-2006, 12:18 PM
[align=center:c235752f60][b:c235752f60]الشيخ ابو اسحق الحوينى يعلق على المنهج الفاسد لعمرو خالد

أنا قلت كثيرا أن منهج الأخ عمرو خالد هذا منهج سىء و منهج خطير....... ليه..... لأنه بيطول المسافة جدا على المصلحين. بعض الناس يقول إن ياما ناس اهتدوا على ايده و كذلك نقول ان ياما ناس اهتدوا على ايد التكفير و الهجرة كانوا حشاشين و....... بيصلوا لحد ما بقت علامة الصلاة كركبة العنز. خلاص.....
ما من طائفة تدعو إلى الإسلام إلا و اهتدى على يديها أناس فالمسئلة دى مش مختصة بفلان أو علان بل قال صلى الله عليه و سلم ( إن الله لينصر هذا الدين بالرجل الفاجر ) خلاص........ مفيش أكتر من كده الرجل الفاجر الله عز و جل ينصر الدين على يديه.
تمام.......
فاحنا بنقول الإسلام يا إخواننا ليس كلاما الإسلام عمل
فلما ييجى واحد يقعد يحاضر فى بنات لابسين استريتشات و بنات قاعدين جنب ولاد و يتكلم مثلا عن الحب بين الصبيان و البنات و كأن المسألة عادية على أساس إنه بيجرجرهم !لا.... الإسلام ما كانش كده خالص الإسلام مش كده
و لا يعرض الإسلام هكذا.
دا أنا أقولكم على حاجة امرأة مات زوجها على عهد رسول الله صلى الله عليه و سلم و طبعا المرأة إذا مات زوجها لا يجوز لها أن تكتحل و لا أن تتعطر و لا أن تتزين و لا الكلام ده أربعة أشهر و عشرة أيام وفاء لهذا الميت الذاهب.
فجاءت امرأة فقالت يا رسول الله إن ابنتى تكاد تذهب عينها - عينها خلاص هتنتهى- أفنكحلها- و كان زوجها ميت- قال لا و إن ذهبت عينها الحديث ده فى صحيح البخارى و الرواية دى ( لا و إن ذهبت عينها ) رواها قاسم بن أصبغ فى مصنفه بسند صحيح كما يقول الحافظ بن حجر
ده تشديد ولا تيسير
لو أنا قلت الكلام ده هيقولولى ايه؟
متشدد.
و هيطلعولى بالقاعدة الضرورات تبيح المحظورات و ان طبعا عينها هتروح و ان العين دى حاجة كبيرة طيب كيف قال رسول الله صلى الله عليه و سلم (لا و إن ذهبت عينها)
أى متقعر يقولك الرواية دى باطلة و شاذة و موضوعة و النبى ما قالش كده عليه الصلاة و السلام.
طب لماذا قال النبى صلى الله علي و سلم ذلك
لأن الكحل مش الوسيلة الوحيدة لعلاج العين فيه وسائل أخرى
فمتجيش تكتحل بقى و هى محرم عليها الكحل فى زمن العدة وإلا فلو سلمنا أن الكحل هو العلاج الوحيد و لا يوجد علاج فى الدنيا للعين فالنبى صلى الله عليه و سلم بما يعلم من أحاديثه الكثيرة فى التيسير و مسألة الضرورة و دفع الحرج و الكلام ده هيقولها إكتحلى.
ماشى....
فالنهارده احنا لما نيجى نقول لا و إن ذهبت عينها هذا هو التيسير بعينه و ان كان شديدا فى نظر الناس
حديث آخر فى صحيح البخارى واحدة شعرها يتمعط يتمعط =بيقع
فجاءت و ف ليلة زفافها و شعرها يتمعط و جت للنبى صلى الله عليه و سلم و قالت أنا عايزة أصل شعر البنت بباروكة يعنى عشان تتدخل لزوجها متزينة يعنى و الكلام ده فقال لها ( زور زور )
أى لا يحل له.
ا طب دى تدخل على جوزها قرعة؟!
هيزحلقها و حتبقى مشكلة و حتبقى فى وشه مش كويسة فين بقى أن يؤدم بينهما والكلام ده احنا لما نيجى نقول لأه تبعا للنبى صلى الله عليه و سلم لأ
أخونا بقى عمرو خالد ميقولش الكلام ده يقول خلاص الضرورات تبيح المحظورات و مش عارف ايه لأنه رجل ليس دارسا هوا قال أنا واعظ أنا بتكلم عن الجنة و النار و الكلام ده و ده الكلام ده غير حقيقى و غير صحيح احنا نعرف الكلام ده مستحيل رجل يتكلم عن الجنة و النار و لا يدخل فى الأحكام الشرعية أبدا مستحيل الدين كله ماسك بعضه.
يتكلم عن الجنة و النار لازم يتكلم عن الأحكام الشرعية غصب عنه
مفيش واحد مثلا ييجى يقولك أنا هتكلم فى الحديث و مش هتكلم فى الفقه إذا كان الحديث كله فقه
فهوا الحقيقة طول علينا المسافة جدا حتى وصفنا نحن بأننا غلاظ
أنا كنت فى الإمارات مرة و بعدين كانوا سجلوا له محاضرة للبنات خصوصا فى كلية من كليات البنات خصوصا لما سمعته بيتكلم بقى عن الحب و الكلام ده
كلام مش ممكن واحد أبدا دارس للسنة دارس للدين و الكلام ده ممكن يتكلم بهذا الكلام و هو بعدين يقوللك أنا بجرجرهم
فأنا ازاى أشوفهم العيال قاعدين حنب بعض و لابسين لبعض و أنا قاعد أقوللهم حبوا النبى حبوا ربنا و أنا عايز أدعوكم لحب ربنا
ربنا سبحانه و تعالى ماهو أنزل آية المحنة أنزل آية المحنة فى القرآن
( قل إن كنتم تحبون الله فاتبعونى يحببكم الله ) آدى الحب
سيبك من أى دغدغة للعواطف بعد كده إنما أفضل أسخن فيه أسخن فيه لحد ما يعيط طب بعد ما عيط ايه اللى حصل يعنى؟
)فاتبعونى يحببكم الله)
آدى الإتباع فهو ينبغى أن يكون متبعا للنبى صلى الله عليه و سلم حتى فى شكله حتى فى شكله
رجل يكون مثلا محب للنبى صلى كيف خالفه و كيف مثلا حلق لحيته فمسألة انه ياما ناس رجعت طب ما ياما ناس رجعت على ايدينا برده مثلا....... ألوف أو مئات أو ملايين
مش هو المتفرد بانه رجع ناس... خلاص..........
و بعدين الإشكال إن هذا المذهب يعتبر جامعة كاملة مش إن هوا بيورد لنا .... هوا حضانة و احنا ابتدائى و لا احنا ثانوى....
هه ........ يقولك خلاص دول ناس مش عارفين أى حاجة عن البطيخ أنا هاخلليهم بقى يقشروه و بتاع و بعدين بقى أبقى أبعتهوملك
لأ ما بيبعتش دا هيا جامعة متكاملة جامعة متكاملة بيدخل ابتدائى يوصل لحد الجامعة يتخرج من نفس الجامعة دى .... و فى ناس كتير عايزة كده فىه ناس نفسها انك تديلها شهادة إن هوا إنسان ملتزم بس ميسيبش حاجة من حياته........
يسبح ضد تيار المجتمع؟ لأ أنا مش مستعد للمسألة دى.......
ادينى بس إن أنا إنسان ملتزم و كويس على وضعى الحالى..
هوا ده بيعمل كده بقى...... خلاص......
و فيه طبعا أنا عندى حكايات ما أستحل يعنى أن أذكرها بالنسبة للشباب اللى هما كانوا و جم عندنا فى العزيز بالله و بدأوا يلتزموا و يسمعوا طبعا كانوا بييجوا يستفتوا مش يقصدوا يفشوا أسراره ولا مثلا مواقف و للا الكلام ده ييجوا يستفتوا فكان الإنسان يقلب كفيه عجبا أنا شايف الحقيق إن هذا المنهج كالخمر كالخمر
) يسئلونك عن الخمر و الميسر قل فيهما إثم كبير و منافع للناس و إثمهما أكبر من نفعهما ) ده و جهة نظرى و أنا طبعا لا بنفاس الأخ عمرو خالد على حاجة و لا بينى و بينه دنيا و لا أنا حريص على إنى ألم جمهوره و لا الكلام ده إحنا بنقول الكلمة بتعاتنا و أجرنا على الله أنا مطلوب منى كثير جدا من سنوات طويلة إن أنا أطلع فى الفضائيات و أتكلم و الكلام ده و أنا عندى قناعة كاملة إن هنا أفضل حاجة إن أنا أواجه هذه الجماهير أفضل حاجة...
جماهيرى قلة .. ماشى الحال لا عايزين نلم ناس و لا عايزين نكتر و لا أقول أنا بقى عندى 15 ألف و لا 20 ألف ولا 30 ألف ولا الكلام ده خالص مش و ارد على الذهن بتاتا فإحنا مش يعنى ما بيننا و بين الأخ عمرو خالد أى منافسات على أى حاجة لكن أنا شايف طبعا إن هذا المنهج منهج بيطول علينا إحنا كدعاة للسنة بيطول علينا السكة جدا و نسأل الله عز و جل أن يهدى إخواننا إلى الخير [/b:c235752f60].[/align:c235752f60]

من هناك
11-26-2006, 01:21 PM
لقد نوقش هذا الموضوع بشكل مستفيض في موضوع آخر

اهلاً بك في المنتدى

Dr_B2
03-07-2007, 06:55 AM
ممكن رابط ذلك الموضوع الآخر ؟؟

نور1
03-07-2007, 07:39 AM
أنا أرى أن الشخص الذي يدعو الى الله تعالى اذا أخطأ برأي البعض في شيء من الأفضل أن لا يهاجم خاصة عبر وسائل الاعلام , بل الأجدر بالشيخ ابو اسحق لو طلب مقابلة من الداعية عمرو خالد و عرض له وجهة نظره , لا أن يكرّه به الناس .
في المجتمع الاسلامي الحالي للأسف تفشّت فيه عدة ظواهر من الناحية الدينية هي فاسدة و لكن هي موجودة كظاهرة مثلا" السفور لدى النساء و الاختلاط ...و الخ
و لكن ما السبيل لهداية هؤلاء ؟ هل نستغني عنهم و نقول عنهم فاجرين و لا نستطيع ان نعطيهم دروس الا اذا عدلوا ؟؟؟
أنا أرى أنه الأجدر بأن نتابع مع هؤلاء الناس حتى و لو كانوا - ما عاذ الله- ممن يدمنون على المخدرات , و من هنا أنا لا أجد في دعوة عمرو خالد لجميع الناس سواء كانوا ملتزمين او غير ذلك من اساءة للاسلام, لا بل أنا أراها فرصة لكل انسان بالتقرب الى الله و التوبة , و الا ما هو السبيل لتعليم هؤلاء اصول الدين .
المجتمع أصبح فاسد بلا شك و لكن علينا أن نغيره كما قال رسول الله صلى الله عليه و سلم و كما أمرنا الله تعالى في كتابه الكريم :
ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ (125) صدق الله العظيم.