تسجيل الدخول

مشاهدة النسخة كاملة : فن إسلامي او فن مؤسلم ||| فرح.. إسـ.. لا. مي.. فا.. صول.. لا.. سي



من هناك
09-21-2006, 11:00 AM
السلام عليكم،
لا زال هذا الموضوع يعتمل في نفسي منذ يوم العرس واحببت ان اشاطركم هذه الأفكار علي اخفف من حيرتي.

الحمد لله ادى الإخوة في فرقة "فرسان القمة" مجهوداً رائعاً في امتاع الجمهور وفي إضفاء لمسة فنية مؤثرة على الإحتفال. لكني كنت الاحظ ان الناس تتفاعل بشكل رائع مع بعض الأناشيد وتتجاهل البعض الآخر رغم قيمته الكبرى والمعاني المؤثرة جداً واللحن المميز.

حاولت ان استطلع سبب هذا التفريق بين لحن ولحن وانشودة واخرى ولاحظت ان الأناشيد التي يطرب لها الناس ما هي إلا الحان رائجة تم اسلمة كلماتها واعيد توزيعها بشكل يحذف بعض الإيقاعات ويغير بعض العبارات ولكن الناس تستشعر روحية الأغنية التي راجت بينهم وعشعشت في احاسيسهم.

إذا عرف السبب بطل العجب :)

لما سألت علمت ان معظم الأناشيد الرائجة تعتمد على هذا النقل وقد نجح شباب الفرق الإنشادية في سرقة الحان عالمية ايضاً في بعض البلاد كما في الأردن والإمارات. طبعاً هذه مهارات مميزة وتدل على خبرة وحس موسيقي مرهف لأن المنشدين قلما يتعلمون اصول الموسيقى وطبقات الصوت ومع ذلك يستطيعون ان يفككوا الألحان ويقولبوها حسب آلاتهم وكلماتهم الجديدة.

ولكن اريد ان اعر ف رأيكم في اسلمة الفن بهذه الطريقة وهل يمكن ان نعتبره فناً إسلامياً بالمعنى الصحيح او انه فن مؤسلم كما يحلو لأحد الإخوة (حفظهم الله) تسميته.

* إذا لم يكن فناً إسلامية فكيف يمكن التصحيح وما هو الفن الذي نتطلع إليه؟
* هل تكفينا اسلمة الفنون بهذا الشكل او نريد ما هو اكثر من هذا؟
* هل هناك من افتى في هذا الموضوع؟
* هل المسألة وقتية وستتغير لما يتغير المجتمع المسلم ويصبح اكثر التزاماً؟

جزاكم الله خيراً على الرد

فـاروق
09-21-2006, 05:49 PM
لكي نجيب على هذا الموضوع بسهولة من الافضل ان نذكر انفسنا بالهدف من وراء هذه الامور

هل الهدف هو المتعة بشكل ليس فيه محرم؟

ام ان الهدف هو ايجاد بديل ثقافي ممتع يحل مع الوقت مكان الفاسد الممتع؟

هل الهدف ايصال الكلمة بطريقة محببة؟ ام محاولة تحليل اللحن بقولبته بكلمات اسلامية؟

هل نريد ان نظهر بصورة من يتمنى الحرام ولكنه يغير في بعض مظاهره؟ هل هذه الصورة السطحية هي التي يريدها المسلمون؟

هذه الاسئلة والاجوبة عليها تمثل منطلقا لارساء قواعد فن اسلامي اصيل والله اعلم

من هناك
09-22-2006, 12:27 AM
هذا ما وصلني بعد ان وضعت الموضوع :)



من كام يوم كنت عند واحدة صاحبتي ... روسية مسلمة متزوجة وعايشة في مصر... كان بقالي مدة من أول الصيف تقريبا مشفتهاش.. فالمهم بعد السلامات والكلام والهزار .. بدأت تحكي لي على فرح لسة كانت بتحضره الأسبوع اللي فات.. وكانت أول مرة تحضر فرح في مصر... فكانت بتكلمني عن ملاحظاتها عليه... فبدأت تسألني:

- أول حاجة استغربت لها جدا.. ان في سيدات كبار.. محجبات ... وبيرقصوا.. هو ده عادي؟ أنا قريت في كتاب ان ده حرام..

- لأ مش عادي... هو حرام فعلا...

- طب هما مش عارفين كدة؟

- عارفين طبعا... بس مش حاسين..

- كمان العروسة والعريس مسلمين.. بس العروسة كان شعرها باين.. وكانت لابسة فستان مكشوف جدا .. وبنات كتير من المعزومين كانوا برضه مش محجبات.. هما مش عارفين ان كدة حرام؟

- قلت لها للأسف عارفين.. بس بيأجلوا الحجاب..

- طب ليه أهاليهم مش بيقولوا لهم يتحجبوا؟ هما مش عارفين ان كدة بناتهم ممكن يروحوا النار؟

- قلت لها عارفين برضه بس مش حاسين.. يعني لما تكون الأم واقفة بترقص بحجابها... أكيد مش حيبقى في دماغها تذكر بنتها بالحجاب ولا حتبقى في دماغها أساسا موضوع النار ده...

- طب وانتي ايه رايك عموما في الفرح؟.. انبسطتي؟

- لأ الدنيا كانت دوشة قوي قوي.. حسيت بصداع.. وكمان كنت قاعدة زهقانة.. طول الوقت ناس بترقص.. وانا قاعدة باتفرج وخلاص..ليه الفرح كله رقص؟.... طيب ما اللي عاوز يرقص ممكن يشغل موسيقى وهو في البيت ويرقص... الأفراح مختلفة خالص عندنا في روسيا..

- إزاي؟

- الفرح عندنا بيبدأ بإن الأتنين بيوقعوا على عقد الجواز وبعدين تبدأ الحفلة اللي بتبقى غالبا معمولة في رستوران.. بتبتدي الأول بإن العروسين يفتحوا الحفلة برقصة سلو.. وبعدين تبدأ المسابقات..

- مسابقات إزاي يعني؟

- مسابقات .. زي مثلا إن حد يحط معلقة في بقه وفيها بيضة ويمشى على رجل واحدة من غير ما يوقع البيضة ... كدة يعني..(زي اللي احنا بنعملها في الرحلات كدة ) .. وكلنا بنشارك فيها .. والعريس والعروسة كمان بيشاركوا.. وبتبقى كلها ضحك واستمتاع..

- وبعدين؟

- وبعدين ... بنبتدي نقدم الهدايا... احنا في روسيا غيركم.. احنا بنقدم الهدايا في الفرح نفسه.. انتوا بتقدموها بعد كدة لما العريس والعروسة يرجعوا من شهر العسل..

- أيوة مظبوط .. وبعدين؟

- ولا حاجة بنبتدي ناخد صور معاهم .. و بيبقى في أوبن بوفيه.. وبعدين بنبارك لهم .. وبنسلم عليهم وبنمشي..



قعدت أفكر في كلامها بعد كدة... لقيت ان على الكلام اللي هي حكتهولي... أفراحهم إسلامية أكتر من أفراحنا..

يعني مثلا.. فرح بالطريقة اللي هي حكت عليها دي.. أنا مش شايفة فيه أي حاجة تغضب ربنا سبحانه وتعالى... يمكن بس السيدات مش حيقدروا يشاركوا في المسابقات بشكل كبير.. بس ما هما برضه مش المفروض يشاركوا في الرقص في وجود الرجال..

لكن الحفلة حتبقى حقيقي ممتعة أكتر.. بدل ما بتتحول افراحنا إلى مباريات يتنافس فيها الكل في استعراض إمكانياتهم الفذة في الرقص الشرقي ... حيبقى حقيقي دمه خفيف.. فيه متعة .. ومفيهوش حاجة حرام..

من مدة حضرت خطوبة بتاعة واحدة زميلتي مسيحية... كانت عاملة ريسبشن بسيط .. ابتدت الحفلة بأنهم لبسوا الدبل والشبكة... وأغنية يا دبلة الخطوبة وكدة... وهما كانوا حاطين على كل ترابيزة كارت أبيض فاضي من الناحيتين.. فطلبوا من كل واحد من اللي قاعدين على كل ترابيزة انه يكتب لهم نصيحة يبدأوا بيها حياتهم.. فالناس كلها كتبت.. وبعدين جه واحد قريب العروسة لم الكروت ووداهم لهم.. وقاموا هما الاتنين مسكوا المايك وبدأوا يقروا المكتوب في الكروت .. ويعلقوا على الكلام اللي فيها.. طبعا الكلام اللي كان مكتوب وتعليقاتهم هما كانت مسخرة... والناس بقت فطسانة من الضحك..

وبعدين اتعمل عرض اتعرض فيها صورهم هما الاتنين وهما صغيرين... بس مش زي ما بيتعمل في كل الأفراح... لأ .. كانوا عاملينه في شكل اسكتش كدة... صورهم بتتعرض بالترتيب مع بعض و في طفل وطفلة بيعلقوا على الصور في شكل حوار بين العريس والعروسة وهما أطفال.. صورة ليه ومعاها صورة ليها في نفس السن.. صورته في المدرسة وصورتها في المدرسة.. صورته في المصيف . وصورتها في المصيف... صورته مع أخوه وصورتها مع أخواتها... بشكل يوحي عين ان جوازتهم كانت مترتبة من وهما أطفال..

بعدها ابتدى كل واحد يمسك المايك ويقول كلمة... أو تعليق.. على الجواز أو الحياة الزوجية عموما... وبعدين اتفتح البوفيه.. وبعد العشا باركنالهم وسلمنا عليهم واتصورنا معاهم ومشينا.. ورغم ان العروسين كانوا مسيحيين إلا إني روحت يومها البيت وانا حاسة ان الفرح كان لطيف وفي نفس الوقت مكنش فيه حاجة تغضب ربنا..

أنا عارفة ان الأفكار دي ممكن تعجب البعض ومتعجبش البعض الآخر.. بس القصد ان في أفكار تانية أهي ممكن تتعمل في الافراح غير مباريات الرقص الشرقي اللي بتستمر طول الليل...

حد عنده اقتراحات تانية لأفراح مافيهاش ما يغضب الله؟

=================================== =======

كمان حاجة عجبتني... حكاية انهم بيقدموا الهدايا في الحفلة دي لفتت نظري جدا.. مبقيتش عارفة أقول لها احنا ليه بنروح نقدم الهدية في البيت... علشان نتفرج على الشقة.. ونعاين العفش والنجف والسجاجيد والستاير... ونخرج نعيّب عليهم بعد كدة؟

يا ترى احنا لو بنقدم الهدايا في الحفلة ومش بنروح نقدمها في البيت ولا بنتفرج على الشقة ولا العفش... كانت كل المشاكل اللي بتحصل في الخطوبات على العفش دي حصلت؟.. كانت الناس حتصمم ان بناتها تفرش شقتها كاملة من مجاميعه؟ ... يا ترى احنا بنفرش شققنا الفرش ده كله وبالغالي علشان احنا بنحتاج الفرش ده وبنستعمله... ولا علشان الناس... الناس حتيجي تشوف الشقة.. ازاي الناس تدخل شقتي متلاقيش عندي كذا.... ازاي صاحبتي الفلانية جابت كذا وانا مجيبش زيها واحسن منها... لكن هل حقيقي كل اللي بنجيبه في بيوتنا بيلزمنا؟

يعني مثلا النيش.. بيتصرف عليه كمية مصاريف... إشي صيني.. واشي بيركس.. وإشي أركوبال.. ودست كاسات أشكال وألوان.. ودست كوبايات.. وأطقم شربات وخشاف وجيلي وشاي وقهوة وكاكاو.. ده غير بقى الفضيات..

يعني متهيألي في ناس النيش بتاعها لو اتباع باللي فيه ممكن يتجاب بتمنه عربية.. وفي الآخر نسبة اللي بنستعمله بالفعل من الحاجات دي قد ايه؟ سمعت عن عروسة جايبة 3 اطقم صيني .. و84 كاس.. ومسألتش عن الباقي بصراحة علشان اعصابي... أساسا أنهي عرسان جداد ظروفهم تسمح أنهم يعملوا عزايم بالحجم اللي يستدعي كل الحاجات دي؟ بلاش الظروف المادية.. ضغوط الحياة نفسها اللي زادت... ومواعيد الشغل اللي بقت مفتوحة.. واللي عنده أولاد وبينشغل معاهم في الدراسة والمذاكرة تلات أرباع السنة .. مين بقى عنده وقت يعمل زيارات متبادلة أساسا إلا فيما ندر؟

اللي لفت نظري لكدة كمان.. اللي بيسافروا يشتغلوا في الخليج.. عمرهم ما بيفرشوا شققهم هناك بفلوس كتير كدة.. يعني عرفت من ناس مسافرين ان اللي مسافر السعودية بيفرش شقته هناك مثلا بـحوالي 4000 ريال بس.. طبعا مش بيجيبوا حاجات غالية لأنهم عارفين ان ممكن ينزلوهم مصر في أي وقت .. ويمكن بيجيبوا مستعمل كمان... ومش بيتكسفوا من كدة... في حين ان شققهم هنا في مصر لازم تتفرش من مجاميعه...

الواقع بقي بيقول انهم بيعيشوا على الفرش المستعمل 11 شهر في السنة . وبيقعدوا في الشقة المفروشة بالغالي شهر واحد بس.. الوضع ده بيستمر لسنين.. يعني ممكن في عشر سنين ميقعدوش في الشقة الفخمة غير عشر شهور بس... ناهيك طبعا انهم هناك مش بيستعملوا كل الحاجات اللي بيكتظ بيها النيش هنا في الشقة اللي في مصر (معلش متعقدة أنا من النيش ده شوية)...طيب يا ترى لو من الأول كان الاتنين عندهم استعداد يتجوزوا على عفش مستعمل هنا في مصر كان حيبقى في داعي أساسا للغربة؟

النهاردة كانت عندي واحدة صاحبتي .. بنتكلم في الموضوع ده.. فهي قالت لي فكرة عجبتني جدا.. اسمها:



سفرة للإيجار


هي حكت لي ان في واحدة صاحبة اختها كانت بتعمل بحث في الكلية عن اوضة السفرة بالتحديد كجزء من أثاث الشقة فكانت جايبة questionnaire (اسمه بالعربي استبيان بس مش عارفة اذا كانت الترجمة كدة دقيقة ولا ايه علشان كدة سبتها) وبتوزعه على 15 واحد.. وبتشوف الأراء… الكل تقريبا اجمع انه محدش بيستعمل اوضة السفرة غير مرة او مرتين تقريبا في السنة.. غير كدة بتفضل غير مستغلة .. فصاحبتي اقترحت فكرة انه يبقى في محلات تأجر سفرات لما يكون حد عامل عزومة … مثلا ممكن اللي حيعملوا المشروع ده يشتروا السفرات من حد مسافر او من المزادات او حتى جديد بالتقسيط … وتتأجر… وكل واحد يأجر في الوقت اللي محتاجه السفرة اللي تناسب مع ديكور بيته ومع حجم العزومة نفسه.. ومع إمكانياته.. ويبقى كمان كل مرة بيجيب حاجة شكل واخر الموضات.. ومش بيتكلف تمن السفرة ولا بيشغل مكان ليها في بيته … انا عن نفسي عجبتني الفكرة جدا.. وتذكرت ان من كام سنة محدش كان بيفكر في تأجير فستان الفرح . وياما حصلت مشاكل وخناقات عليه.. لحد ما ابتدى التأجير ينتشر.. وبقى البديل مطروح فعلا.. فابتدى فكر الناس يتغير.. فأعتقد لو ابتدى يبقى في محلات بتقدم الخدمة دي.. من ناحية فكر الناس حيتغير .. ومن ناحية تانية حيبقى مشروع تجاري ناجح جدا…

أنا مش بادعو ان الناس تتجوز على عفش مستعمل ولا ان الناس تجيب عفش اي كلام.. أنا بس باقول ان احنا بنعمل حساب الناس في كل نفس بنتنفسه.. ولما بنبعد عن كلام الناس تفكيرنا بيتغير خالص.. طب ليه احنا بنعمل حساب الناس قوي كدة؟.. طب ما نجيب الضروريات وبلاش نرمي فلوسنا على حاجات مش بتتجاب غير بس علشان الناس تشوفها.. وفي الآخر الناس بتتجوز .. وتلاقي العريس بيسدد في ديون من ناحية... وأبوالعروسة بيسدد في ديون من ناحية تانية... القصد ان الامور ممكن تبقى سهلة لو شلنا كلام الناس من دماغنا... ولو أحنا كمان سبنا غيرنا في حالهم... وبطلنا نتدخل في شئونهم ونسأل على تفاصيل حياتهم...ده مِن حسن إسلام المرء تركه ما لا يعنيه ... والله الدنيا ممكن تبقي أسهل من كدة بس ساعات احنا اللي بنصعبها على نفسنا وعلى غيرنا..
إيه رايكم؟

lady hla
09-22-2006, 05:10 PM
............. السلام عليكم .............







........ لا لا فا مي فا مي ري .... ري مي صول ... فا مي فا مي ري دو ..............!!...........

........ لا لا صول لا سي دو لا سي صول لا ... فا مي فا مي ري .............!!!...........

........ ري مي صول ... فا مي فا مي ري دو .........!!!.........

............. سأعاود القراءة للموضوع إن شاء الله ..........!!!...........


سلامي اليك
lady hla
القدس

شيركوه
09-22-2006, 07:08 PM
السلام عليكم

انا لا احبذ هذه المسالة

ربما لانها تصل مع البعض ... لان يستخدم الحان وبعض كلمات اغاني نانسي عجرم مثلا ويحولها الى "اناشيد" اسلامية

شيء مقرف صراحة
او يستخدم لحن وكلمات لمطربين ومطربات ... لا اعرف ولكني لا احب هذا ابدا

هو يسهل المياعة برايي

شي لا احبذه بالمرة
ويوجد ابداع لدينا بفضل الله يغنينا عن استخدام الالحان المبتذلة


على كل انا ماني مركز حاليا لذلك ات ردي مقتضبا ومفرطع :)
مبارك عليكم رمضان

السلام عليكم :)