تسجيل الدخول

مشاهدة النسخة كاملة : معالي شادي ومولانا الرئيس



chidichidi
07-31-2006, 10:55 AM
استبدّ الغضب بالوزير ( شادي ) ..فحجم الدمار الذي حلّ بلبنان أكثر من طاقته العقليّة ..فأخذ يصرُخ وهو يضرب بقبضة يده على الحيط : ( والله ما أسكت ..والله أسكت )..!! واتصل فوراً بمولانا الرئيس : دولة أبو سليمان ..أنا رايح عَ الجبهة ..!! فقال مولانا الرئيس : قصدك رايح عَ الجبيهة ( منطقة في الأردن ) ..؟؟ فقال معالي شادي : لأ ..الجبهة الجبهة ..تاعت حزب الله ..بدي أحارب ..بدي أفظح عرظ اسرائيل ..بدّي أفجِّر كل طاقتي فيهم ..بدي أخلهم ينسوا اليوم إللي أكلوا فيه العلكة واليوم إللي شربوا فيه السفن أب..!! فقال له مولانا :مْبيّن عليك معصِّب كثير يا شادي .. الدنيا ليل ..والصباح رباح ..!! فقال الوزير : لا صباح ولا تمساح ..هسّة رايح ..وما يردّ راسي إلاّ أذبح خمسمية اسرائيلي وألفين أسير ..!! وسكّر الخط .
دعا مولانا الرئيس لاجتماع طارئ لمجلس الوزراء ..وعرض عليهم أمر الوزير شادي ..وقال فيما قال : وهاي حال الدنيا يا اخوان ..أخوكو شادي راسو وألف سيف إلاّ يرد الحيف ..وانتو عارفين شادي ؛ شخص مش عادي ..!! فقال احد الوزراء: بس يا مولانا تصرف شادي تصرف فردي ..واحراج إلنا ..يا بنروح كلنا عَ الجبهة ؛ يا ما فيه داعي واحد يطلع بطل وإحنا خراخيش ..!! وقال آخر : دولتك ليش ما منعته بالقوّة ..؟؟ فقال الرئيس : يا اخوان ..القصّة مش قصة أمنعه وإلاّ ما أمنعه ..القصة إنو تصرّف شادي تصرّف سليم ..يعني بكرة لما يذبح خمسمية اسرائيلي ويجيبلنا ألفين أسير ..رح نقلب الطاولة على إسرائيل ..وإذا استشهد شادي نكون رفعنا راسنا وشاركنا بالحرب بأعلى المستويات ..ونكون إحنا الدولة الوحيدة إللي شاركت بمقاتلين بمستوى وزير ..وما حدا يقدر يبرطم علينا بأدناة كلمة ..!! هزّ الوزراء رؤوسهم إعجاباً بتبرير مولانا الرئيس للموقف ..واقترح أحدهم الصلاة جماعة والدعاء فيها لشادي ومشوار شادي ..فأثنى مولانا الرئيس على الاقتراح وقام الجميع للوضوء ..!!
مرّ اليوم الأوّل ومجلس الوزراء بحالة انعقاد دائم ..والعيون كلّها ( مْبَحْلِقة ) بالمحطّات الفضائيّة عسى يأتي خبر عاجل عن شادي ..ولكن كثيرة هي الأخبار العاجلة وشادي ولا هو هون ..!! اليوم الثاني كذلك ..والثالث والرابع ..حتى أكمل الأسبوع ..والمجلس منعقد والكل متمترِس قُدّام التلفزيون ويحرقوا بدُخان و فناجين قهوة نازلة وفناجين طالعة ..وكل نُص ساعة الصلاة جماعة عشان الدعاء شادي ..!! وبدأ بعض الوزراء بالتململ : يا مولانا ؛ قصة شادي زادت عن حدها ..يا أبو سليمان ؛ اعتقنا خلّينا نشوف حالنا بدل هالربطة هون ...وهكذا دوليك ..!! ولكن مولانا قال لهم بلهجة حاسمة : ما فيه طلعة من هون إللي يجي خبر عن شادي ؛ وقوموا خلّينا نصلّي ..!!
وما أن انهى مولانا الرئيس صلاة الجماعة بالتسليم حتى استدار نحو الوزراء المصلين وبدأ بالدعاء بصوت عالي : اللهم كن مع شادي ..اللهم طمئنا عن شادي ..اللهم إن شادي ( ولم يُكمل ) حتى لمح مولانا شادي في آخر صفّ المصلين الوزراء ..فاستدرك : وَلَكْ شادي إنتَ هون ..؟؟!! و فطّ الرئيس مثل ( الفُرّيرة ) عند شادي : أيوة يا حبيبي يا شادي..وين إلخمسميّة إللي ذبحتهم ..بلاش هسة إللي ذبحتهم لأنك أكيد تركتهم بأرض المعركة..وخلينا بالأسرى ..جبت معك الألفين أسير ..؟؟ ضحك الوزير شادي : ها ها ها قه قه قه قه ..دولة أبو سليمان ..شو خمسمية قتيل وألفين أسير ..أي والله بهالاسبوع إللي غبت فيه ذبحت أكثر من عشرين ألف ..وجرحى يجوز إذا مش أقل من خمسين ألف قول كذّاب ..( قاطعه الرئيس ) : لا لا ..هيك تخنتها ..أي ما سمعنا عن اشي ..ولو ذبحت وجرحت العدد إللي بتحكي عنّه كان ما فيش اسرائيل ..؟؟ غضب شادي بشكل جنوني : أنا ما بكذب ..والله حتى قللتْ من العدد حتّى تصدقوني وما تقولو عنّي كذّاب..!! فقال الرئيس : طيب هات الدليل ..!! فقال شادي : تعالوا معي ع البيت وأنا أورجيكوا الدليل القاطع ..!! فقال مولانا الرئيس : وَلَكْ حاط كل هالألاف المؤلفة في بيتك ..دارك ما بتوخذ ..؟؟ قال شادي : والله كلهم جوّا الكومبيوتر ..!! فقال مولانا الرئيس والشرر يتقادح من عينيه : شو دخل الكمبيوتر بالموضوع ..؟؟ فقال شادي بهدوء: كيف شو دخل الكمبيوتر ..ما إلي إسبوع وأنا شغّال عليه ..؟؟ فقال الرئيس : كيف يعني مش فاهم ؟؟ فقال شادي : فيه لعبة أتاري عاملها حزب الله عن تحرير الجنوب ..وإلي اسبوع شنّعتلك بإسرائيل تشنيع ..وصراخهم كان للسما ..شو ما وصلكوا ..؟؟!!
شلح مولانا الرئيس حزام بنطلونه ..وهجم على شادي : إلكْ اسبوع قارفنا بعيشتنا وعطّلتْ حالنا وأحوالنا.. وإنت بتلعب أتاري بالبيت..؟؟

...

[email protected] ([email protected])

كتبها كامل النصيرات في 03:15 صباحاً :::

من هناك
07-31-2006, 02:36 PM
احسن ما يلعب ورق في القهاوي في انتظار الأخبار من جنوب لبنان. لقد ازداد معدل شغل المقاهي في مصر وبعض الدول العربية بنسبة 200% بسبب الأحداث

Saowt
07-31-2006, 02:42 PM
إي طيب شو بدهم يعملوا؟؟
ما في شغل.... مضطرين يروحوا للقهاوي!!!! بس ما عليك أخي بلال... رح يدعوا بالنصر لاخوانهم
نسيت ارحب بعودتك الاخ شادي... أهلا بك من جديد

دهن العود
07-31-2006, 10:21 PM
جميلة .. الله يرضى عليك .. لكن عندي تحفظ .. حول ذكر العبادات في التندر و الطرف .

(( وكل نص ساعة الصلاة جماعة عشان الدعاء لشادي ..))