مقاوم
05-20-2006, 06:01 AM
القرادة (أو القرّادي كما تلفظ) هي لون من ألوان الشعر العامي
القريب من الزجل والميجانا والعتابا.
مناسبة هذه المنظومة أن الأقدار جمعتني بالأخ أبي ليلى في موضع
ابتلاء شديد وأبو ليلى من عوام الناس الطيبين أصله فلسطيني كان قد ترك الصلاة
فترة من الزمن بسبب صحبة السوء وكانت حالته النفسية مزرية فبفضل الله وكرمه وبكلمات
قليلة رق قلبه وعاد إلى الصلاة وكانت هذه الأبيات للشد من أزره
لا تهتم
يا بو ليلى لا تهتم
الدنيي ما بتستاهل هم
وسع صدرك وادعي ربك
ريح قلبك من هالغم
الشغلة والله بسيطة
ما بدها زنبليطة
شوية صلا بنص الليل
بتصير القصة تجليطة
إقطع أملك من هالناس
ولا تستسلم للوسواس
غير الخلقك ما بيفيدك
رب الجن ورب الناس
رحمة الله قريبة
ونسايمها عجيبة
إفتح قلبك للإيمان
بتكسب قوة رهيبة
أعبد ربك ليل نهار
لا تيأس لو مهما صار
إركع واسجد واستغفر
ما بيغفر إلا الغفار
سلم أمرك للجبار
وحصن نفسك بالأذكار
علق قلبك بالجنة
لا تسمع لأهل النار
شو بدك بالقيل وقال
وطق الحنك وجمع المال
غير الرزقة ما "بتوكل"
خلي مصدرها حلال
هيدي كلمة صحيحة
ولو كانت مش فصيحة
علمنا سِيدِ الأبرار
إنو الدين النصيحة
القريب من الزجل والميجانا والعتابا.
مناسبة هذه المنظومة أن الأقدار جمعتني بالأخ أبي ليلى في موضع
ابتلاء شديد وأبو ليلى من عوام الناس الطيبين أصله فلسطيني كان قد ترك الصلاة
فترة من الزمن بسبب صحبة السوء وكانت حالته النفسية مزرية فبفضل الله وكرمه وبكلمات
قليلة رق قلبه وعاد إلى الصلاة وكانت هذه الأبيات للشد من أزره
لا تهتم
يا بو ليلى لا تهتم
الدنيي ما بتستاهل هم
وسع صدرك وادعي ربك
ريح قلبك من هالغم
الشغلة والله بسيطة
ما بدها زنبليطة
شوية صلا بنص الليل
بتصير القصة تجليطة
إقطع أملك من هالناس
ولا تستسلم للوسواس
غير الخلقك ما بيفيدك
رب الجن ورب الناس
رحمة الله قريبة
ونسايمها عجيبة
إفتح قلبك للإيمان
بتكسب قوة رهيبة
أعبد ربك ليل نهار
لا تيأس لو مهما صار
إركع واسجد واستغفر
ما بيغفر إلا الغفار
سلم أمرك للجبار
وحصن نفسك بالأذكار
علق قلبك بالجنة
لا تسمع لأهل النار
شو بدك بالقيل وقال
وطق الحنك وجمع المال
غير الرزقة ما "بتوكل"
خلي مصدرها حلال
هيدي كلمة صحيحة
ولو كانت مش فصيحة
علمنا سِيدِ الأبرار
إنو الدين النصيحة