وجاء يوم الاحد...يرافقه السؤال عينه...ما هو طبق اليوم يا شف فاروق...

ممم....المعكرونة بلبنة ..احدى اكلاتي المفضلة (شفتو شو انا هني ومني متطلب.. :) )

ولكن لكي اضمن النتائج واتلذذ بوجبة الغداء...اتصلت بالحجة الوالدة وتلقيت منها التعليمات مباشرة وبقيت اتصل بها قبل كل خطوة (يعني صحيح معكرونة..بس التكلفة تبيعتها حرزانة :) )

المهم الوصفة للمغتربين

نضع الماء في الطنجرة ...بشكل تغطي بارتياح كمية المعكرونة المطلوب تحضيرها (الافضل ان تكون معكرونة صدف)

ثم نضع القليل من الملح وزيت الزيتون (كي لا تلزق المعكرونة ببعضها) وننتظر حتى يغلي الماء...

خلال هذه الاثناء يتم "دق" الثوم وخلطه مع كمية اللبنة (يعني شي ربع كيلو او اكتر شوي لربع كيلو معكرونة)

يتم وضع المعكرونة في الماء المغلي وتترك تغلي فيه لمدة نصف ساعة...(منذوقها حتى نشوف اذا استويت وامكيد منحرق اصبعنا !!)

ثم تتم تصفية المعكرونة من الماء وتترك قليلا لتبرد(او اعملوا مثلي وضعوها تحت المكيف :) )

ثم تخلط باللبنة جيدا..ثم يحمى الزيت في مقلاة (لان الزبدة او السمنة مضرة الزيت افضل) ويتم وضع حبات الصنوبر بعد ان يحمى الزيت ثم يرش على وجه المعكرونة (بس لا تعملوا مثلي وتحطوا كتير زيت :) )

------------

ختاما الاكلة كانت شهية يعني انجاز....مع انها تحتوي على كمية زائدة من الزيت بس ماشي الحال...طيييييييييييييييييييييييييي يييييييييييبة

وتجنبت وضع اللحمة المفرومة معها لانها تحتاج ان نفك ثلجها وقصص وخبريات...اضافة ان عليي التمييز بين اللحمة المفرومة وبين قريناتها لا تضحكوا كلو متلج متل بعضو...بس انا عرفتها ولكن قلت لحالي بلا هاللبكة


ومأكول الهنا

يعني انت تركتني انطرك كل هالوقت وما طلع إلا معكرونة بلبن :(

لا حول ولا قوة إلا بالله. انا عملت كفتا ببطاطا مع رز. احسن شوي

السلام عليكم ورحمة الله وبركاته
يعني انتو زعلانين؟ لك اشكروا ربكم انه اعطاكم الصحة والعقل والقوة على الأكل
والله في ناس بيتحضر لهم اشهى المأكولات ويأكلونها ولكن لا يشعرون ماذا يأكلون
بعدين ما تنقوا كتير الحمد لله الف مرة الله ميسرها عليكم من ألف جهة تانية فا اقنعوا واحمدوا ربكم

الحمد لله رب العالمين
هنا لا يوجد إلا الأكل وفي كل رمضان لدي حملة على الشباب من اجل عدم رمي الأكل. الحمد لله، وفرنا حوالي 30% هذه السنة وكانت ترمى في النفايات السنة الماضية. جمعنا بعض التبرعات من اجل النيجر خلال هذه الفترة للتذكير بأننا نأكل وهناك من يموت جوعاً.

إن شاء الله هذه السنة، سيكون الإفطار بكمية اقل ايضاً من اجل عدم الرمي وسنجمع التبرعات لدولة افريقية.

كلامك صحيح 100%
الحمد لله عدد خلقه ورضا نفسه وزنة عرشه ومداد كلمات...حمدا كثيرا طيبا مباركا فيه..ملئ السماوات وملئ الارض وملئ ما بينهما وملئ ما شاء ربنا من شيء بعد

بس اختي ليش عطول معصبة ومنرفزة؟ عنجد ما بيسوا

اخ فاروق انا مش معصصصصصصصصصصصصصصصصبة ولا منرررررررررررررفزة ابدا
انا كتييييييييييييييييييييييييييييييييي ييييييييييييييييييييييييير راييييييييييييييييييييييييييييييييي يييييقة
ليش عم تسأل عصبتك شي؟؟؟؟

لا لسه بدي كتير لعصب...خاصة بعد الخبرة

بس هكذا ظهر لي من ردودك...

لا شوف يا اخ فاروق يمكن انا متوترة شو ي
عشان في اوقات الانسان بيكون مجبر انو يعيش حياة وفقاً لشروط معينة وبيحاول يتأقلم معها وبيبذل جهد مؤلم حتى يتأقلم معها. وبعد هذا كله بيطلع براس حدا انو يقلب كل توازن هالانسان ويتحكمله بمصيره. وهالانسان ساكت ومجبر انو يتحمل عشان للضرورة احكام.
فأمامي اما التعصيب واما النق فانا اختار التعصيب الان لأنه اهون من النق :)

فرج الله كرب المكروبين ورزقهم عيشة هنية رغيدة واحسن ختامهم و رضي عنهم يوم العرض عليه

اذا هيك عصبي اختي على راحتك...فواجبنا ان يحل علينا هذا النوع من التعصيب بردا وسلاما

وليس كل فضفضة نق...والاخوات هنا فيهن الخير والبركة باذن الله

الله يعينك على التعصيب ويعيننا على النق (إن وجد)

ماشاء الله......خطوه موفقه...
والقادم افضل ..بإذن الله......



(او اعملوا مثلي وضعوها تحت المكيف :-) )


تذكرت نفسي .. لما بتكون الطبخه محتاجه تبريد .. او احياناً اضعها في الثلاجة حتى تبرد بشكل اسرع.......
لا اعرف لماذا نحن ابناء هذا الجيل..مستعجلون...... امي دايم بتقول كذا...

الله يجبر بخاطرك اختي

على فكرة موضوع الثلاجة استعمله انا ايضا.. :)

الحمد لله على كل حال... ولازم فكر بالاحد المقبل من الان :)

بارك الله فيكم ولكن يا اخ فاروق ما تهتم كتير انا بحاول ما اعصب كتير بالأماكن العامة متل المنتدى وبحال استفحلت الأمور بنسحب بسرعة.
ولكن المشكلة عندي الآن انو تغيير الأمور بدأ الآن وقد يستمر لفترة طويلة وفعلا نزل عليي متل القضا المستعجل هيك بين ليلة وضحاها انو شو ذكرهم فيني ما بعرف
على كل ما رح ابدأ بالنق بيكفي هالقدر

أنا عملت بامية مع رز :)

ما شاء الله...كلكم ستات بيوت الا انا :) (اكيد بالمعنى المجازي للكلمة ما حدا يعمل حالو حساس :) )

:( جرحتني

:) ولو أخي فاروق نحن رجال بيوت
ورجال من هيك نوع قلائل هالأيام!!!
يعني full options
ما ناقص إلا عروس

... فكرناك عملت شي خروف مكتّف...
بما أنك "طبخت" معكرونة بإمكانك "طبخ" شوربا في المرة القادمة أو معكرونة ببندورة..
أود أن أذكر أن المعكرونة توضع في الماء الساخنة.. يعني مش عالبارد.. والزيت اللي بدك تقلّي فيه الصنوبر ما يكون زيت زيتون..


يعني full options ما ناقص إلا عروس
عندما أراد أخي ان يخطب طلب منا أن نقول لأهل العروس.. أنه ما شاء الله دكتور، وبيعرف يمسح ويجلي ويكنس ويطبخ ويغسل.. يعني ست بيت ممتاز ما شاء الله عنه (وهو حقا كذلك)... وفوق كل هيدا مهره منّو كتير غالي... حتى انه عندما يعود إلى لبنان، كل الطبخ يقوم به هو... وكل ما هو أثناء وبعد الطبخ من غسيل وجلي للأواني بيطلع من حظنا... لذلك قررنا منعه من الدخول إلى المطبخ مهما كلف الثمن..

صوت انا سبق ان قلت ان المعكرونة توضع في الماء المغلي يا ريت مراجعة الوصفة

ثانيا انا لم اقل ان الزيت الذي يقلى فيه الصنوبر زيت زيتون
--------

حبيبي طارق...بدك عروس تستاهلك...و يمكن ما تلاقي بسهولة

ومين قال لك انو انا هيك قلت؟؟
كنت عم نوّه بس... لأنو هالشي عن جديد انا عرفته.... يعني يمكن من سنة أو أكتر بشوي.. فقلت بركي في شي حدى متلي لازم ينتبه لهالشي

فاروق ..... الله يرضى عليك... سأجرب هذه الوصفة في أقرب وقت ... تذكرت انها من وجباتي المفضلة....

اختي من لبنان... كما قال لك فاروق... نحن بالخدمة .... ولو من على بعد

اختي صوت.... هل وجدتم للدكتور بنت الحلال... أم ليس بعد؟؟؟

وجدوا ... وجدوا

وليش محمس كتير عمو فخر :)

...والزيت اللي بدك تقلّي فيه الصنوبر ما يكون زيت زيتون..

..


على طاري زيت الزيتون...... هادي السنه الكل بيشتكي الغش في زيت الزيتون....مش زي زمان
لاطعم ولارائحه....... اصبح كزيت القلي...خفيف ومن غير طعم........... :cool: .....

السلام عليكم ورحمة الله وبركاته

على سيرة الزيتون ... في مشكلة كمان الزيتون هالسنة مش ظابط ابداً كلو مزيت وطري كتير متل الجيلو يا اما ما بعرف كيف عم يطلع معهم
اييييييييييييه الله يرحمك يا ستي


صحتين فاروق افندي
:)

اعانكم الله على غربتكم اخوتي الاحبة

واعانك الله اخت من لبنان وفرج عنك كربتك

وفرج الله كربتك اخي الحبيب ابو حذيفة الالباني

السلام عليكم

يللي بدو زيتون وزيت اصلي، يخبرني في ايلول القادم إن شاء الله

شكرا اخي بلال... أنا اريد برميلا واحدا فقط

بالمناسبة لقد قمت بتجربة المعكرونة بلبن الاسبوع الماضي.... وظننت انني بعد قراءة الموضوع سأصنعها على اتم وجه

ولكن كان لا بد من ان ترافقني امي على الهاتف طيلة فترة التحضير

إذا للمعكرونة بلبن بقيتوا عالهاتف..
لو بدكم تعملوا شي يوم معمول... أو كوسى محشي... أو ما بعرف كمان رح تبقوا عالهاتف؟؟

هو فشل ذريع ... وانا اعتبر الطبخ من الثقافات التي لا بد من الالمام بها... وهو ايضا تقصير

ولكن هكذا شاء الله... سبحانه يعلم ما في نفسي ولا اعلم ما في نفسه.... فله الحمد وإليه المصير

بالنسبة للطبخات من النوع الذي ذكرته يا صوت ... فهي تحتاج الى ما هو اكثر من الهاتف.... ولا يطرق ذهني الآن سوى أمرين:

أحدهما

والآخر

ههههههههه اضحك الله سنك اخي ابو حميد

شوف يا ابني انت قور الكوسا واتصل فيني وانا بقلك بعدين شو بيلزمك خخخخخخخخ
بكون سالت امي هههههه

لك يا اخي

شفلك شي حدا عربي ومرتو عربية قلو هاي يا اخي هيدول كم كيلو كوسا خلي زوجتك تتكرم وتطبخهم الكم النص والي النص
او شو بيعرفني

يعني

هم عليهم الشغل وانت عليك التمويل ههههه

السلام عليكم