يرجى عدم دخول المغتربين [الأرشيف]

Saowt

03-31-2006, 05:59 AM

كل واحد فينا.. وسط ماهو بيشق طريقه في الحياة.. بيحاول يتعرف على الناس حواليه.. ويفهمهم و يفهموه.. و لكن.. غالبا.. وسط الرحلة دي.. فيه ناس بيتنسوا..
شئ مؤلم.. انك ماتبقاش عارف أقرب الناس ليك.. احنا عارفينهم كشخصيات متواجدة في حياتنا.. لكن ماحاولناش نقرب.. و نعرفهم كبشر.. كمشاعر.. كأحلام.. عشان كده.. معايا النهاردة حكاية..

حكاية العمر كله..
حكاية .. تبدأ باتنين.. و هي دايما بتبدأ باتنين..
شاب.. بأحلام الشباب.. و طموح الشباب..
و بنت.. أحلام البنات.. و طموح البنات..
الشاب.. كان زي أي شاب عايش سنه.. شيك جدا.. مثقف جدا.. و حلمه.. زي أي شاب.. و طبعا كل الناس عارفين الشباب عايزين ايه.. عايزين يتجوزوا..

و البنت.. كانت زي أي بنت.. عايشة سنها.. شيك جدا.. مثقفة جدا.. طموحة جدا.. نفسها تحقق ذاتها.. و نفسها تنطلق و تشتغل و تثبت وجودها و توصل لأعلى المراكز.. و طبعا.. كل الناس برضه.. عارفين.. ان ماحدش عارف الى الآن البنات عايزين ايه بالظبط .. ويمكن دي أكتر حاجة بتخوف فيهم http://haridy.com/ib/images/smilies/dntknw.gif

الشاب أُعجب بالبنت.. و اتقدملها.. و ارتبطوا.. و كبرت أحلامهم.. زاد حلم جديد.. حلم عش الزوجية.. مملكتهم الجديدة.. بقوا بيحلموا هايعملوا ايه في بيتهم.. و هايجيبوا فيه ايه.. و هايكون شكله ايه..
و بقوا يحلموا بيوم الفرح.. هايعزموا مين.. و هايعملوا ايه.. و جريت الأيام.. و جه يوم الفرح..
ليلة جميل.. لكل العيلة.. ليلة.. بدأ بيها مشوار حياة.. و دبت فيها الحياة.. في المملكة الجديدة.. عش الزوجية

حياة هاتبدأ أول خطوة.. تخطيها العروسة من باب شفتها.. و عينيها بتلمع بالفرحة.. بتحضن كل ركن في الشقة بعينيها.. كل حاجة جديدة. بتلمع.. لسة ريحة الدهان و ريحة العفش الجديد بتزكم الأنوف.. و تمر الأيام..و الليالي.. لحظات سعادة.. مابتنتهيش... لغاية ما جه يوم.. تعبت فيه الزوجة.. فراحت للدكتور.. فبشرها بأنها حامل..

و بدأت مرحلة جديدة في حياتهم.. و مرحلة جديدة من السعادة.. سعادة مشوبة بالقلق.. و الخوف.. و التعب.. الاتنين فرحانين بالمولود اللي جاي.. بس الفرحة دي ليها تمن غالي قوي: أيام و ليالي طويلة من الانتظار و المعاناة

الأم تعبانة.. آلام في كل حركة و كل سكنة.. لا في راحة في الوقوف.. ولا الجلوس.. ناهيك عن المشي.. ولا في راحة.. لا في اليقظة.. ولا حتى في النوم.. مش قادرة تتقلب براحتها.. الأكل ما بقالوش طعم.. و الأكلات اللي كانت بتحبها.. ما بقتش بتطيقها.. و بالرغم من كل ده.. مازالت مطالبة بشغل البيت.. و بالرغم من كل ده.. لا تراها إلا مبتسمة..
و كأنما كل ده لا يكفي.. البيه الجنين كمان مش عاجبه.. بيرفس جوة بطنها http://haridy.com/ib/images/smilies/vava.gifوهي تبتسم.. وتضحك.. وتقول للأب.. ابنك شقي من يومه http://haridy.com/ib/images/smilies/nunu0000.gifوالأب.. قلبه بيتألم لآلامها.. قلقان عليها.. خايف عليها.. رايح جاي بيها على الدكتور.. وتمر الشهور على الحال ده.. وتيجي لحظة الولادة.. والأم زي الدبيحة اللي آخدينها عالمدبح.. الألم شديد.. ورهيب.. أول مرة في حياتها تخوض التجربة دي.. وأول مرة في حياتها تتألم بالشكل دهhttp://haridy.com/ib/images/smilies/mpr.gif.. و يستمر الألم و العذاب. لغاية ما يخرج الوليد الى الدنيا..

خرج الجنين للدنيا... و صرخ.. و بكى.. و الأم بعد التجربة الرهيبة دي.. جسمها كله منهار.. بتترعش..
عرق بارد على جبينها.. و دموع الألم في عينيها.. و ايدين بيترعشوا.. ممدودين.. بلهفة.. عاوزة ابنها... تحضنه... و تبوسه.. و دموع الألم.. بقت دموع فرح.. بتحضنه بعينيها.. و بقلبها.. و بتدعيله.. وتبكي..

أول حضن في حياتك.. و أول قُبلة في حياتك.. كانت من أمك.. و سبحان الله.. برضه أول عضة في حياتك.. بتبقى ليها.. و أول ألم بحياتك بيبقى على وشها.. وأول شتيمة في حياتك.. بتبقى ليها..

المرأة كائن عجيب جدا.. آية من آيات الله.. اللي تستحمل كل ده.. وتقابله بمنتهى الحب والرحمة... بالرغم من كل ده.. تفضل تحن لابنها.. و تعطف عليه.. و تشتاق له.. و تخاف عليه.. و تدعيله... وتستحمل أذاه.. بل وتحكي و تتحاكى عنه.. بل و يمكن كمان تمدحه بحاجات مش فيه..
هي شايفاه كده.. لأنها أم..

فـاروق

03-31-2006, 06:12 AM

الله يرضى عليك.....

شكرا على المجهود

Saowt

03-31-2006, 07:35 AM

وعليك..
أهلا بك سيادة المشرف العام
هل أتابع الكتابة؟؟ يعني هل من يقرأ؟؟؟

فـاروق

03-31-2006, 07:57 AM

نعم تابعي...انا اقرأ...واسمع مع القراءة

حفيدة الصحابة

03-31-2006, 03:01 PM

يا الله.........

سبحان من جعل الجنة... تحت اقدام هذه الكريمة الغالية الحبيبه.....

فما عرف قدرها ................إلا الإسلام ..........

اللهم وفقنا لبر أمهاتنا يارب.....

واصلي رعاك الله......اختي الغالية....

Saowt

03-31-2006, 06:53 PM

لغاية هنا.. والحكاية دايما بتتكرر بنفس أحداثها.. لكن بعد كدة.. بتتشعب.. وبتتنوع.. وبتكتر الكادرات..

http://www.haridy.com/ib/images/smilies/artist.gifشايف في كادر..
أم سهرانة طول الليل.. لأن طفلها الرضيع مش جاييله نوم.. ولأنها تعبانة من الأعراض اللي بتصحب الرضاعة من مغص وغيره..

http://www.haridy.com/ib/images/smilies/artist.gifوشايف في كادر..
أم قاعدة على الأرض بين أطفالها.. زي الطير اللي واقف على حرف العش.. والأفراخ في العش كلهم فاتحين مناقيرهم وبيصرخوا.. عمالة تتحايل على ده عشان ياكل.. وتضحك مع ده عشان يشرب.. وتلاعب ده.. عشان يقعد و يكمل أكل.. و الطيارة رايحة فين.. والقطر مش عارف هايعمل ايه ... ما تقدرش تسيبهم لما يجوعوا و يبقوا ياكلوا أي حاجة.. لأنها أم..

http://www.haridy.com/ib/images/smilies/artist.gifوشايف في كادر..
أم قررت تتخلى عن أحلامها.. قررت تسيب شغلها.. وتتفرغ لتربية الضيف الجديد في حياتها..
شايف أم.. سابت الدنيا.. وعاشت تبني دنيا جديدة .. للضيف الجديد.. تحلم معاه أحلامه.. تبني معاه قصور الخيال.. في حلم جميل من أحلام الأطفال.. تتخلى عن سنين عمرها... وتبقى قده وأصغر منه..

شيركوه

03-31-2006, 07:45 PM

الى الامام جزاك الله خيرا

السلام عليكم

فـاروق

03-31-2006, 07:50 PM

الى الامام؟ شو شرطي سير حضرتك؟!!

الله يعيني عليكم...

شيركوه

03-31-2006, 07:53 PM

حول حول في موضوع جديد ورح ثبتو
بيهمك

السلام عليكم

فـاروق

03-31-2006, 08:09 PM

اخت صوت عذرا على الخروج عن الموضوع...

اذا اردت اطلب من فرفر..اقصد فرقاني ان يحذف الردود لان الموضوع مهم..ويجب ان يكون متكامل ومتلاحق

mohammad

04-01-2006, 02:36 AM

ممنوع حذف التعليقات تحت طائلة الاقلاع عن زيارة طرابلس........ وقد اعذر من أنذر

وإذا بدكم تخففوا من حدة التعليقات الساخرة والخروج عن المواضيع فالمسألة بحاجة لحل جذري .... أول خطوة من هذا الحل هي عودة الاخت أم ورقة الى المنتدى.... وبعدين منكمل

Saowt

04-01-2006, 07:27 AM

له له..
كنت بدي قول انو المنيحة بدها سؤال؟؟ على كل ما تعذبوا حالكم... يمكن الردود اللي خارج الموضوع تختفي لوحدها...
عودة الأخت أم ورقة؟؟ كعيت وأنا خبرها انو الكل عم يسأل عنها... وبعدين أضف إلى ذلك أنو إيميلها مليان... ما بيقدر يستقبل ولا كلمة...
طيب سأحاول مرات أخر عسى أن تعطف عليي... لأنو رح ينبرى لساني

فـاروق

04-01-2006, 09:11 AM

طيب اذا الاخت ام ورقة منها فاضية ترسل عنها ايتيلين ما في مشكلة

Saowt

04-01-2006, 11:06 AM

http://www.haridy.com/ib/images/smilies/artist.gifوشايف في كادر..
أم سهرانة.. جنب طفلها المريض.. عينيها بتغفّل.. لكن ترجع تفوق بسرعة.. أحسن يحتاج منها حاجة.. بترقيه.. وتدعيله.. وتقرأ له قرآن.. والإبن يصحى الصبح.. بقى أحسن بكتير الحمد لله.. ولكن كأن شيئا لم يكن.. وما خطرش في باله حتى يقول لها: شكرا..

http://www.haridy.com/ib/images/smilies/artist.gifوفي كادر تاني..
شايف السنين بتمر.. والأب والأم نسيوا أحلامهم.. وبقى حلمهم.. هو تحقيق أحلام أولادهم.. والأب لقى أنه عشان يحقق أحلام أولاده.. لازم يبعد.. لازم يسافر.. يشتغل برة.. عشان بيحب زوجته وأولاده.. لازم يبعد عنهم.. معادلة صعبة.. شايف الأب بيودع الزوجة والأولاد بابتساماته.. وشايف نفس العين اللي كانت بتبتسم.. مليانة بالدموع.. في الطريق للمطار.. وعدّت ساعات الرحلة.. طويلة..
ووصل لبلد الغربة... ووصل لبيت الغربة.. طلّع المفتاح.. فتح الباب.. لقى الصمت مستنيه.. ساعتها تسائل القلب..

أينَ الضجيجُ العذبُ والشغبُ؟ *** أينَ التدارسُ شــابهُ اللعبُ؟
أينَ الطفولـــةُ في توقّـدهـــا؟ **** أينَ الدمى في الأرضِ والكتبُ؟
أيــــنَ التشاكي، دونما غرضٍ ***** أيــــنَ التشــاكي ما لــه ســببُ؟
أينَ التباكي والتضاحك في ***** وقتٍ معاً، والحزنُ والطربُ؟؟
أيــنَ التســابقُ في مجاورتي ****** مَـلقـاً، إذا أكلـــوا وإن شربــــوا

يتزاحمــــون على مجــالستي ****** والقرب مني حيثما انقلبوا
يتوجهون بســــوق فطرتهم ****** نحوي إذا رهبوا، وإن رغبوا
فنشيدهم (بابا) إذا فرحوا ****** ووعيدهم (بابا) إذا غضبوا !
وهتافهم (بابا) إذا ابتعدوا ******* ونجيهـــم (بابا) إذا اقتربـــوا
بالأمس كانـــوا ملء منزلنـــا **** واليوم ويح اليوم قد ذهبوا
وتمر السنين طويلة..

http://www.haridy.com/ib/images/smilies/artist.gifوشايف في كادر..
شايف بيت... نفس البيت اللي كان كل شئ في جديد.. يوم الفرح... الحيطان اترسم عليها.. والبيبان اتجرحت.. شايف جنب التفزيون نضارتين... واحدة للنظر.. والتانية للقراية.. وشايف جنب سرير النوم دوا الضغط.. ودوا السكر.. ويمكن عصاية.. عكاز صغير.. وشايف صالة واسعة.. فاضية.. فيها واحدة ست.. قاعدة وحيدة.. نفس الست اللي كانت في يوم عروسة.. وكانت عينيها بتلمع بالفرحة بالمملكة الجديدة.. قاعدة وحيدة.. مع أن البيت مش فاضي.. ولكن الإبن في أوضته على النت.. وقافل على نفسه الباب.. والبنت في أوضتها على التليفون.. وقافلة على نفسها الباب.. وهي في الصالون وحيدو.. بقالها كتير.. ما سمعتش كلمة "ازيك؟".. "عاملة ايه؟".. "مبسوطة؟".. "زعلانة؟".. واهي كلمة بتضاف لرصيد الكلمات اللي قربت تنساها.. واللي بدأت بكلمة "شكراً"..

http://www.haridy.com/ib/images/smilies/artist.gifوفي كادر تاني..
شايف أب راجع من السفر.. من الغربة.. كله شوق لأولاده.. في حين أنو أولاده.. كلهم شوق للهدايا اللي معاه.. وصالة البيت.. بدل ما كان فيها أم وحيدة.. بقى فيها أم وأب.. وحيدين.. بالرغم من أن البيت مش فاضي..

من لبنان

04-01-2006, 05:33 PM

السلام عليكم ورحمة الله وبركاته
خلص يا اخوان ولا يهمكم انا رح حاول اعملكم واسطة مع العزيزة ام ورقة وبتصور بمون عليها على اساس اتنينا من بيروت
بس انا بخاف على المنتدى على اساس يمكن ما يتحمل كل هالعدد من اهل بيروت فا ساعتها باضطر وحفاظا على المنتدى انو افسح المجال لام ورقة وانسحب قليلاً:)

فـاروق

04-01-2006, 05:50 PM

المنتدى يحتمل كل مسلمي العالم

ولهذا السبب نحن نحبه...

وبعدين اذا المنتدى اتحمل مسلمي ليبيريا...هل سيضيق ذرعا باهل بيروت؟ :)

من لبنان

04-01-2006, 05:57 PM

الحمد لله على نعمة الاسلام والحمد لله الذي جمعنا في هذا المنتدى
بس انا قصدي انو اهل بيروت غير شكل واكيد ما رح تقدروا تضيقوا ذرعا فيهم بس المنتدى ما بيعود عنده قوة يستوعب اهل بيروت:)

شيركوه

04-01-2006, 07:47 PM

الو فاروق

ما قلنا التعليقات خفيفة الدم تبعيتك يلي مخلاية افريقيا تغرق متل اطلنطص نقلي ياها على موضوع الطق حنك؟؟

قهوة ركن الشباب

)(

-----------

اخت صوت خلص كملي كملي الله يعينك على هيك زبونات

السلام عليكم

من لبنان

04-01-2006, 08:16 PM

اخ فرقاني انتبه على حالك بالزمانات قلت عنا زبونات ومرقتلك اياها:)
بس هالمرة ما رح مرقها فا عم حذرك انتبه:)

شيركوه

04-01-2006, 08:28 PM

تهديد مباشر؟؟؟

يا لطيف؟؟؟ فاروق اديش دافعلها للاخت من لبنان لتهددني؟؟
يا عيب الشوم عليك ما كان فيك تهددني بشكل مباشر؟

يا لطيف حسبي الله عليك

)(

:)

السلام عليكم

Saowt

04-02-2006, 08:28 AM

شو؟؟ رجعنا للردود الصمندعية؟؟؟أهلا من لبنان... نوّر الموضوع...
http://haridy.com/ib/images/smilies/artist.gifوفي كادر تاني..
شايف اتنين..
شاب.. بأحلام الشباب.. وطموح الشباب..
وبنت.. بأحلام البنات.. وطموح البنات..
الشاب.. كان زي أي شاب عايش سنّه.. شيك جدا.. مثقف جدا
والبنت.. كانت زي أي بنت.. عايشة سنها.. شيك جدا.. مثقفة جدا.. طموحة جدا.. نفسها تحقق ذاتها..
.
.
.
استنى استنى استنى.. أنت بتعيد الحكاية ليه؟
.
.
.
.
انا ما عدتش الحكاية..http://haridy.com/ib/images/smilies/08.gifالحكاية هي اللي بتعيد نفسها..http://haridy.com/ib/images/smilies/mpr.gif
بس المرة دي.. فيه كادر فاضل.. كادر.. فيه بيت كان في يوم جديد.. وفي الصالة.. أب وأم.. وحيدين.. بس المرة دي.. البيت كان فعلا فاضي..

وللحديث بقية بإذن الله..

من لبنان

04-02-2006, 11:55 AM

اخ فرقاني رح كبر عقلي عشان الكبير بيستوعب الصغير:)
شو دخل الاخ فاروق بالنص؟
بس من جد انتبه على طريقتك بالكلام كتير مغيرة عما كانت قبل
وما بتعرف ايمتى الواحد بيفقد السيطرة على الوضع
فا انتبه للمرة الأخيرة عم حذرك:)

من لبنان

04-02-2006, 11:56 AM

بعتذر حبيبتي صوت اني عم بشوش على الموضوع بس كان لازم رد:)

lady hla

04-02-2006, 01:22 PM

.......... السلام عليكم ..........

........ يعطيك العافية يا صوتة ........ موضع جميل .... وكلمات جميلة جداً ............!.......

......... باركَ الله بك .......!...........

سلامي اليك
lady hla
القدس

من هناك

04-02-2006, 04:21 PM

وكأني سمعت هذه المحاضرة قبل الآن :)

من لبنان

04-02-2006, 04:32 PM

السلام عليكم
اختي صوت بعتذر اعتذار شديد اللهجة على مقاطعة الموضوع
بس بدي خبركم نتيجة اتصالي بالاخت ام ورقة
انا وصلتلها رجاء اهل المنتدى وردت: ان شاء الله خير
انتهى

من هناك

04-02-2006, 04:35 PM

هل هي زعلانة من اهل المنتدى او من الانترنت عامة؟

السلام عليكم
اختي صوت بعتذر اعتذار شديد اللهجة على مقاطعة الموضوع
بس بدي خبركم نتيجة اتصالي بالاخت ام ورقة
انا وصلتلها رجاء اهل المنتدى وردت: ان شاء الله خير
انتهى

من لبنان

04-02-2006, 06:49 PM

لا مش من الانترنت هيدا اكيد
ولكن يبدو انها عدة اشياء مجتمعة وما بعرف اكتر من هيك

Saowt

04-02-2006, 08:36 PM

وكأني سمعت هذه المحاضرة قبل الآن :-)
ألم يكن عنوان الموضوع يرجى عدم دخول المغتربين؟؟؟ طيب بما أنك سمعت "المحاضرة" أين تعليقك الإيجابي؟؟

هيدا اعتذار شديد اللهجة؟؟
على كل خدي راحتك... الموضوع مقطوع ومقطوع
السلام عليكم

من هناك

04-02-2006, 08:49 PM

لا ادري إن كان فيها موسيقى في اولها ولكن توقفت عن السماع بعد قليل

ألم يكن عنوان الموضوع يرجى عدم دخول المغتربين؟؟؟ طيب بما أنك سمعت "المحاضرة" أين تعليقك الإيجابي؟؟

هيدا اعتذار شديد اللهجة؟؟
على كل خدي راحتك... الموضوع مقطوع ومقطوع
السلام عليكم

Saowt

04-02-2006, 08:58 PM

آه صحيح... شكرا للإيجابية في الرد..
بكل حال بإمكانك متابعة المقاطع من دون موسيقى... وسأنقل، ببطء، المقاطع.. لكي يتسنى لكم التعايش معها.. خاصة وانها اعجبت المشرف العام وغسل بدموعه قلبه...
لا عن جد.... ال"محاضرة" حلوة كتير... ومؤثرة بشكل

من هناك

04-02-2006, 09:46 PM

لم يكن عندي وقت للسماع ولكني سوف اسمعها إن شاء الله كلها

فـاروق

04-02-2006, 10:43 PM

انسة صوت مبسوطة كتير حضرتك؟ ولا الحق علينا يللي عم نتفاعل مع الموضوع؟

Saowt

04-03-2006, 08:35 AM

خير إن شاء الله...
إي والله كتير مبسوطة بتفاعلكم مع الموضوع..

Saowt

04-03-2006, 09:04 PM

و قضى ربك
حكاية النهاردة طويلة.. بس الأصل.. إنها ما بتنتهيش.. لأنها حكاية العمر كله.. انا بدأتها بحلم اتنين.. شاب.. وبنت.. لكن يا ترى.. هل البداية من هنا؟ والا البداية من النهاية.. حكاية عجيبة.. بدايتها نهاية.. ونهايتها بداية.. لأن في الحقيقة.. لا البداية هي البداية.. ولا النهاية.. هي النهاية.. البداية الحقيقية.. كانت من عند .."وقضى ربك.."
يقول الله سبحانه وتعالى: "وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَبِّ ارْحَمْهُمَا كَمَا رَبَّيَانِي صَغِيرًا (24)" (سورة الإسراء)
آيات عجيبة جدا.. قليل جدا من يستشعرون مدى عظمة المعاني التي تحتويها..

تعالوا نبدأ الحكاية من البداية.. من أول .."وقضى ربك.." "وَقَضَى رَبُّكَ أَلَّا تَعْبُدُوا إِلَّا إِيَّاهُ.." قضى يعني حكم.. وأمر.. وانتهى الأمر.. أمر نهائي نافذ الوجوب والطاعة.. أمر ربك.. ألا تعبدوا إلا إياه.. توحيد الله سبحانه وتعالى.. توحيد العبودية... "وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا.." شيء عجيب جدا..

بحرف واحد.. يرفع الله سبحانه وتعالى منزلة الإحسان إلى الوالدين.. إلى منزلة توحيده والعبودية له.. بحرف العطف "و".. ألا تعبدوا إلا إياه... وبالوالدين إحسانا..
إن اللي خلقك وأوجدك.. يستحق العبادة... وإن الإثنين اللي رعوك وربّوك يوم ماكنت طفل لا حول لك ولا قوة.. يستحقون الإحسان..

تعالوا نتكلم عن الواو الأول.. إزاي دي ترفع المنزلة؟
كلام الله سبحانه وتعالى في منتهى الدقة والروعة.. في اللغة العربية.. لما أستخدم أداة عطف.. زي "الواو".. فأعطف شيء على شيء آخر.. لابد وأن يكون هناك تناسب وتجانس بين الشيئين..
يعني أقول.. اشتريت قطعة أرض وبيت.. اشتريت عربية ويخت.. اشتريت كتاب ومجلة..
لكن ماحدش بيقول اشتريت قطعة أرض وسكينة.. أو اشتريت عربية وعلبة كبريت.. لأنك عادة في الحالة دي بتتغاضى عن ذكر الشيء الصغير.. وبتذكر الكبير فقط.. عشان كدة.. كان عطف الإحسان للوالدين على العبودية لله يدل على عظمة هذا الأمر..

"وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا.." الله سبحانه وتعالى.. خالق الكون.. بديع السماوات والأرض.. يوصيك يا إنسان.. بالإحسان إلى الوالدين.. والعجيب.. أن هذه الوصية .. اقترنت دائما في القرآن.. بتوحيد الله وعبادته.. "وَإِذْ أَخَذْنَا مِيثَاقَ بَنِي إِسْرَائِيلَ لَا تَعْبُدُونَ إِلَّا الله وَبِالْوَالِدَيْنِ إِحْسَانًا.." (سورة البقرة)

"وَاعْبُدُوا الله وَلَا تُشْرِكُوا بِهِ شَيْئًا وَبِالْوَالِدَيْنِ إِحْسَانًا.." (سورة النساء)
"قُلْ تَعَالَوْا أَتْلُ مَا حَرَّمَ رَبُّكُمْ عَلَيْكُمْ أَلَّا تُشْرِكُوا بِهِ شَيْئًا وَبِالْوَالِدَيْنِ إِحْسَانًا.." (سورة الأنعام)
"وَإِذْ قَالَ لُقْمَانُ لِابْنِهِ وَهُوَ يَعِظُهُ يَا بُنَيَّ لَا تُشْرِكْ بِالله إِنَّ الشِّرْكَ لَظُلْمٌ عَظِيمٌ (13) وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ (14)" (سورة لقمان)

إيه سبب التكرار ده كله؟
عشان ربنا سبحانه وتعالى.. يلفت أنظارنا إلى عظمة هذا الأمر وأهميته.. بس الوضوع ده مش غريب شوية؟ الأب والأم.. بشر مثل باقي البشر.. ايه سبب عظمة الأمر دة.. وتأكيد الله سبحانه وتعالى على برهم مرارا وتكرارا.. وربط المسألة دي بتوحيده وعبادته؟ حد فكّر في الموضوع دة قبل كدة.. وتساءل؟ يا ترى ليه؟؟

الحقيقة.. الواحد كلما تأمل في المسألة دي.. استشعر مدى عظمة ورحمة وكرم الله سبحانه وتعالى.. الله سبحانه وتعالى أنعم على الإنسان بثلاث نعم.. من أجلّ النعم..

Saowt

04-04-2006, 10:00 PM

النعمة الأولى.. نعمة الإيجاد.. انه أوجدك من العدم.. "هَلْ أَتَى عَلَى الْإِنْسَانِ حِينٌ مِنَ الدَّهْرِ لَمْ يَكُنْ شَيْئًا مَذْكُورًا (1)" (سورة الإنسان)... هذه النعمة، ربنا سبحانه وتعالى أنعم بها عليك.. عن طريق مين؟ الأب والأم.. جعلهم سبب لوجودك..

النعمة الثانية.. هي نعمة الإمداد.. يعني ايه؟..
يعني الله سبحانه وتعالى ما خلقناش وسابنا كده لا حول لنا ولا قوة.. الإنسان لما بيتولد.. بيبقى كائن لا حول له ولا قوة إطلاقا.. فجعل برضه سبب هذه النعمة.. الأب والأم.. فكانت محبة الله ورحمة الله سبحانه وتعالى متمثّلة في محبة الأب والأم لك أنهم رعوك وربوك لغاية ما بقيت إنسان راجل لك حول وقوة..

والنعمة الثالثة.. نعمة الهدى و الرشاد.. ودي برضه جعلها الله سبحانه وتعالى عن طريق الأب والأم..
مين اللي بيربي؟.. ومين اللي بيعلم؟.. الأب والأم.. يعني أعظم نعم أنعم الله سبحانه وتعالى بها على الإنسان.. جعلها الله سبحانه وتعالى تكون عن طريق الوالدين.. طب هل الوالدين اختاروا ده؟
يعني هل الأم اختارت أن يكون مركب في فطرتها هذا الكم العجيب الذي تحتار فيه العقول.. من الحب والرحمة والشفقة؟ وهل الأب اختار أن يكون مركب في فطرته احساسه بالمسئولية تجاه أولاده لدرجة أنه يضحي بعمره وشبابه عشانهم؟

ما حدش اختار ده.. الله سبحانه وتعالى هو اللي حملهم المسئولية دي.. وهو اللي اختارلهم الدور ده.. هو اللي زرع الرحمة دي في قلوبهم.. ولو لم يفعل.. لما عاش طفل أبدا..
الأم اللي تنام الساعة 12 بالليل.. وجسمها مهدود.. تعبانة جدا.. ويبكي طفلها الرضيع بعد ساعة.. فتقوم تجري عليه وكل عظمة في جسمها بتئن..
طبيعة جسمها وتركيبته.. يقتضي انها تنام وتستريح.. ايه اللي صحاها؟ رحمة وضعها الله في القلب..

ايه اللي يخلي الأم تجوع.. ويشبع ابنها؟
ايه اللي يخليها تمرض هي.. عشان يشفى هو..
ايه اللي يخليها تسهر.. عشان هو ينام..

ولعل الله سبحانه وتعالى اراد انه يرينا ايه اللي ممكن يحصل لو نزع هذه الرحمة من القلوب في الدنيا.. فجعل من الحيوانات.. من يأكل أولاده..
ومن عظمة وعدل الله سبحانه وتعالى.. ومن كرمه الواسع.. انه يعوض الوالدين عن تحملهم المسئولية العظيمة دي.. بانه يكرمهم.. ومن رحمته الواسعة .. انه لا يمكن كان يترك انسان ينكسر قلبه.. بسبب واجب ما اختاروش.. ولكن كلفه به الله سبحانه وتعالى..

ويمكن نشوف مثال بسيط على هذه الرحمة بقلوب الوالدين.. قول الله سبحانه وتعالى في سياق الحديث عن سيدنا نوح وابنه.. "وَحَالَ بَيْنَهُمَا الْمَوْجُ فَكَانَ مِنَ الْمُغْرَقِينَ (43)" حال بينهما الموج.. رحمة بقلب سيدنا نوح.. عشان ما يشوفش ابنه بعينه.. وهو بيغرق... رحمة الله الواسعة..

عشان كدة كان عقوق الوالدين من أكبر الكبائر.. وعشان كده كان برهم وشكرهم.. من أعظم القربات إلى الله سبحانه وتعالى..
لأنه كما قال http://haridy.com/ib/images/smilies/salla-y.jpg: "من لم يشكر الناس لم يشكر الله" لذا.. لعل الله سبحانه وتعالى أراد أن يعرفنا على رحمته اللي ما لهاش حدود.. وعلى عفوه اللي مالوش حدود.. وعلى رأفته اللي مالهاش حدود.. من خلال مثلين أمامنا.. وهما الأب والأم..

من قلب بغداد

04-05-2006, 04:17 AM

السلام عليكم

ليش باللهجه المصريه ؟؟

من هناك

04-05-2006, 11:37 AM

لأنها لغة الفضائيات طبعاً :)

Saowt

04-05-2006, 06:54 PM

أيضا من عظمة رحمة الله سبحانه وتعالى أنه أوصى توصية عامة بالأبوين، وتوصية خاصة بالأم.. ليه؟؟ لأن الأم أكتر تعبها وعطائها يكون في مرحلة، الطفل لسا مش واعي، فيعتبر ما شافهاش.. ما شافهاش وهي بتتعب.. ما شاف تعبها في الحمل ولا في الولادة، ولا سهرها في الرضاعة.. فتجي الآيات يخاطب فيها الله سبحانه وتعالى الإنسان بعدما كبر وفهم وعقل، يوصّيه بأمه اللي ما شافهاش وهي بتتعب.. أما أبوه فهو شايفة أدّامه، شايفه بيتعب ويجري ويشتغل علشان يصرف عليه ويرعاه

"..وقضى ربك ألا تعبدوا إلا إياه وَبِالْوَالِدَيْنِ إِحْسَانًا.."
الإحسان في اللغة.. فعل "أحسن".. فعل متعدي.. لا بد له من مفعول.. يتعدى به.. وبيكون التعدي بـ "إلى".. لو فتحت أي معجم وبحثت عن فعل "أحسن".. هتلاقي مكتوب: "يُقال أحْسنَ إليه"..
إنما في القرآن، الإحسان إلى الوالدين تكرر كتير جدا.. والغريب أنو تكرر ومعاه حرف تاني غير حرف الجر "على".. معاه حرف الباء.. "بـ" الوالدين إحسانا.. أي إحساناً بالوالدين..

برضه نقطة عجيبة جدا، تبين روعة القرآن.. الباء تفيد الإلصاق.. يعني الإحسان إلى الوالدين لا يُقبل إلا إذا كان شخصياً وبالذات من ابنهم.. مش عن طريق التليفون، ولا عن طريق واسطة، ولا عن طريق رسالة.. لا بد انك تروح لهم بنفسك.. وتخدمهم بنفسك.. إذا كنت مستطيع طبعا يعني مقيم معاهم في نفس البلد..

بالوالدين إحساناً... تعالوا كده نقف شوية مع المعنى ده.. مع الإحسان الى الوالدين..
هذا المعنى.. الذي لا يقف عن حد الذوق العام و الأخلاق و الآداب.. بل يصل الى حد الجهاد.. عارف إصرار و عزيمة المجاهد في سبيل الله.. ومدى تمسكه برسالته وإيمانه بها؟..
لازم نفسية البار بوالديه تجاه قضية البر والإحسان بالوالدين.. تبقى بالشكل ده.. بنفس الإصرار والعزيمة.. هل انا بابالغ؟..
اذن اسمع.. جَاءَ رَجُلٌ إِلَى النَّبِيِّ صَلَّى اللَّهم عَلَيْهِ وَسَلَّمَ يَسْتَأْذِنُهُ فِي الْجِهَادِ. فَقَالَhttp://haridy.com/ib/images/smilies/salla-y.jpg: "أَحَيٌّ وَالِدَاكَ؟" قَالَ: نَعَمْ. قَالَ: "فَفِيهِمَا فَجَاهِدْ" فيهما فجاهد.. أحسن اليهما.. ده جهادك.. ده استشهادك..

وعَنْ عَبْدِ اللَّهِ بْنِ عَمْرٍو قال: "إَنَّ رَجُلا أَتَى النَّبِيَّ صَلَّى اللَّهم عَلَيْهِ وَسَلَّمَ فَقَالَ: إِنِّي جِئْتُ أُبَايِعُكَ عَلَى الْهِجْرَةِ وَلَقَدْ تَرَكْتُ أَبَوَيَّ يَبْكِيَانِ. فقَالَhttp://haridy.com/ib/images/smilies/salla-y.jpg: ارْجِعْ إِلَيْهِمَا فَأَضْحِكْهُمَا كَمَا أَبْكَيْتَهُمَا"
يا الله.. لهذه الدرجة الحرص على مشاعر وقلوب الوالدين؟
لأن النبي http://haridy.com/ib/images/smilies/salla-y.jpg يعلم مدى رقة هذه القلوب ومدى تعلقها بالأبناء.. التعلق الذي قد ينفطر القلب بسببه وينشق الكبد..

بكاء الوالدين .. من عقوقهما..
من أبكى والديه.. فقد عقهما.. فقد ارتكب كبيرة من أكبر الكبائر.. ودموع القلب أحيانا أشد من دموع العين..

كسر الخاطر... ولو لأبسط سبب..
أم.. نفسها تطبخ حاجة جديدة للأولاد.. صنف جديد من الحلويات مثلا.. فجابت كتاب.. ودورت فيه على حاجة جديدة تجربها.. وعملت الصنف.. عارف مدى الحماس والإثارة اللي بيحس بيها الإنسان وهو مقدم على تجربة جديدة؟.. ده إحساسها.. لأن دي مملكتها.. وده عالمها والمجال اللي بتبدع فيه.. تخيل بعد اللي عملته ده كله ونيتها الطيبة من الأصل.. انها ما أقدمت على هذا العمل إلا لتدخل السرور على البيت.. بشئ بسيط.. أكلة جديدة.. وبعد ده كله.. يقابل الجهد ده.. بالتجاهل.. أو بالتريقة.. "ايه اللي انتي عاملاه ده.. انتي بتجربي فينا؟".. http://haridy.com/ib/images/smilies/close_tema.gif
أو يقابل بانه شئ عادي.. ماتستحقش حتى تُشكر عليه..
ده مايكسرش الخاطر؟.. ده مايحزنش القلب؟..

أو أب حب يدخل السرور على ابنه.. فجاب له هدية.. هدوم جديدة مثلا.. وذوقها ما عجبش الإبن.. يقوم يتريق عليه.. أو برضه يقابلها بالتجاهل.. دي ما تكسرش الخاطر؟
مشكلة كبيرة قوي.. إننا مننسى ان أهالينا بشر.. وليهم مشاعر.. بل قلوبهم تجرحها النسمة.. حتى ولو كانوا قدام عينينا متماسكين وأقوياء..

من قلب بغداد

04-06-2006, 09:41 AM

لأنها لغة الفضائيات طبعاً :)

لغة الفضائيات ..

الله يجيرنا .. من الفضائيات و ما تفعل .. !

اصبح كل شيء مصري :)

فـاروق

04-06-2006, 10:05 AM

ما هذه العنصرية؟ :)

من هناك

04-06-2006, 03:13 PM

ما هذه المرونة :)

فـاروق

04-06-2006, 05:39 PM

ههه..الله يشفيك... :)

Saowt

04-07-2006, 09:22 PM

من الحاجات الأساسية للإنسان: الشعور بالتقدير.. إنك تحس إن الناس سعداء ومقدرين للي انت بتعمله.. وانك ليك لازمة في الدنيا.. وانك بتحدث اثر طيب في الآخرين.. هما ياما ادوك التقدير ده.. من أول ما كنت لسة بتتعلم الكلام.. كان يعني لما تنطق كلمة.. يبقى يا سلام.. كأنك انت اللي فتحت القسطنطينية..http://haridy.com/ib/images/smilies/bud.gif والا يوم ما اتعلمت تمشي.. كان يوم عيد..
وهما.. هما ما لهمش غيرك.. انت ليك دنيا تانية كبيرة.. اصحاب.. وأحباب.. ودراسة.. وشغل..
لكن هما ما لهمش ابن غيرك.. مين اللي يحسسهم بالتقدير تجاه دورهم كأب وام.. إن ما كانش انت؟

شيء بسيط جدا.. ممكن يتحقق بكلمات بسيطة.. بس تكون صادقة ومن القلب.. ولكن بالرغم من ده بننساها.. لأننا بننسى انهم بشر.. وليهم مشاعر.. وليهم احتياجات..

جاء رجلٌ إلى النبي عليه الصلاة والسلام فقال: "يا رسول الله شَهِدُّتُ أن لا إله إلا الله، وأنك رسول الله، وصلَّيت الخمس، وأدَّيت زكاة مالي، وصُمت رمضان، ما ليَ من الأجر؟ فقال عليه الصلاة والسلام: مَن مات على هذا كان مع النبيين والصديقين والشهداء يوم القيامة هكذا، وشابك بين أصابعه، ما لم يعقَّ والديه".

ما لم يعق والديه.. شيء خطير جدا.. قبول عملك كله.. بما فيه صلاتك.. متوقف على بر الوالدين..
فمن عق والديه.. لا هتنفعه صلاته.. ولا صيامه.. ولا حجه.. ولا زكاته.. ولا حتى شهادته..
وقال http://haridy.com/ib/images/smilies/salla-y.jpg: "كل الذنوب يؤخِّر الله منها ما شاء إلى يوم القيامة .إلا عقوق الوالدين فإن الله سبحانه وتعالى يعجِّله لصاحبه في الحياة قبل الممات".
وقال http://haridy.com/ib/images/smilies/salla-y.jpg: "مَا مِنْ ذَنْبٍ أَحْرَى أَنْ يُعَجِّلَ بِصَاحِبِهِ الْعُقُوبَةَ مَعَ مَا يُؤَخَّرُ لَهُ فِي الْآخِرَةِ مِنْ بَغْيٍ أَوْ قَطِيعَةِ رَحِمٍ قَالَ وَكِيعٌ أَنْ يُعَجِّلَ اللَّهُ وَقَالَ يَزِيدُ يُعَجِّلُ اللَّهُ وَقَالَ مَعَ مَا يُدَّخَرُ لَهُ".

يعني الذنبين اللي يعاقب عليهم الإنسان في الدنيا قبل الآخرة الظلم وعقوق الوالدين..

وقال http://haridy.com/ib/images/smilies/salla-y.jpg: "رَغِمَ أَنْفُ ثُمَّ رَغِمَ أَنْفُ ثُمَّ رَغِمَ أَنْفُ.. قِيلَ مَنْ يَا رَسُولَ اللَّهِ؟.. قَالَ مَنْ أَدْرَكَ أَبَوَيْهِ عِنْدَ الْكِبَرِ أَحَدَهُمَا أَوْ كِلَيْهِمَا فَلَمْ يَدْخُلْ الْجَنَّةَ".

رغِم أنف.. يعني حُكم عليه بالذل والمهانة والصغار والخيبة..
حديث خطير جدا.. بيقولك ببساطة. عاوز تدخل الجنة؟.. بر الأبوين كافي انه يدخلك الجنة..

فكما كانت الأبوة المثالية و الأمومة المثالية سببا لدخول الجنة.. كذلك كانت البنوة المثالية.. سببا لدخول الجنة..

وقال صلى الله عليه وسلم: "مِنْ الْكَبَائِرِ شَتْمُ الرَّجُلِ وَالِدَيْهِ قَالُوا يَا رَسُولَ اللَّهِ وَهَلْ يَشْتِمُ الرَّجُلُ وَالِدَيْهِ قَالَ نَعَمْ يَسُبُّ أَبَا الرَّجُلِ فَيَسُبُّ أَبَاهُ وَيَسُبُّ أُمَّهُ فَيَسُبُّ أُمَّهُ".

يعني أي إساءة أو عمل من الإبن.. يتسبب في شتم للأب.. أو استهزاء به.. أو تقليل من شأنه.. هو من العقوق.. أبسطها.. ان الإبن يتصرف تصرف.. يشوفه واحد و يقول :"أصل أهله ما عرفوش يربوه".. دي شتيمة للأهل.. الإبن هو اللي تسبب فيها..
لذا.. كان من بر الوالدين.. حفظ سمعتهما.. بأن تستقيم فلا تكون سببا في الإساءة إليهما.

Saowt

04-08-2006, 09:36 PM

"وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا.." (سورة الإسراء)

الأب الشاب الواعي.. اللي عارف اللي ليه واللي عليه.. المحسن لأولاده.. برّه سهل جدا.. لكن لما يكبر في السن.. لما يصبح مريض وله احتياجات كثيرة.. وضعفت ذاكرته وبقت أسئلته كتيرة.. وقد يتدخل فيما لا دخل له فيه في رأي الإبن.. بر الوالدين في الحالة دي.. حاجة تانية تماما..

لذا.. أجره عند الله سبحانه وتعالى أعلى بكثير..
"إِمَّا يَبْلُغَنَّ عِنْدَكَ الْكِبَرَ.."
وما زلنا مع روعة الأسلوب القرآني العجيب.. كلمة واحدة.. ومعاني واسعة جدا.. كلمة "عندك"..
زمان.. الأب وهو شاب.. كان بيقول أنا عندي إبن.. أو عندي أولاد.. النهاردة.. بقى هو اللي عندك.. مش انت اللي عنده.. هي دي الدنيا..

"فلا تقل لهما أف"
".. إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ..."
لو فيه في اللغة العربية.. كلمة أقل من "أف".. لذكرها الله سبحانه وتعالى في هذه الآية.. أُفّ اسم فعل مضارع، بِمَعنى أتضجَّر ..

"أف".. وهل "أف" دي كلمة؟
دي ما وصلتش حتى إلى انها تبقى كلمة.. مجرد نفس.. ولكن النفس ده يعبر عن قمة الضيق والضجر..
فإذا كانت الكلمة البسيطة دي.. حرام.. فما بالك بما هو أكبر منها؟ ما بالك برزعة باب؟؟ ما باللك بتريقة؟؟ ما بالك بنظرة حادة؟؟
النبي http://haridy.com/ib/images/smilies/salla-y.jpg يقول: "ما برَّ أباه من شدَّ طرفه إليه". من شد طرفه اليه.. يعني اللي ينظر لأبوه بحدة.. يبرقله يعني.. ينظر اليه شذراً..

القضية مش بسيطة ابدا...
قضية بر الوالدين يتوقف عليها مستقبل الإنسان في الدنيا والآخر.. لعظم حق الأب والأم.. فظلمهما .. ليس ببسيط.. يقول http://haridy.com/ib/images/smilies/salla-y.jpg: "إذا ترك العبد الدعاء للوالدين فإنه ينقطع عنه الرزق".
وقال http://haridy.com/ib/images/smilies/salla-y.jpg: "من هجر أحد والديه ساعةً من نهار كان من أهل النار حتى يتوب".
اللي يهجرهم.. يخاصمهم.. مش يوم.. مش اسبوع.. مش شهر.. لأ.. ساعة واحدة... ساعة ممكن يموت فيها.. يقبضه الله سبحانه وتعالى وهو على هذه الحالة.. فيكون من أهل النار..
والنبي http://haridy.com/ib/images/smilies/salla-y.jpg يقول: "أَلا أُنَبِّئُكُمْ بِأَكْبَرِ الْكَبَائِرِ" قالوا: "... قَالُوا بَلَى يَا رَسُولَ اللَّه قَالَ: "الإِشْرَاكُ بِاللَّهِ وَعُقُوقُ الْوَالِدَيْنِ وَجَلَسَ وَكَانَ مُتَّكِئًا فَقَالَ أَلا وَقَوْلُ الزُّور".

فيه صغائر.. وفيه كبائر.. وفيه أكبر الكبائر..
ايه موضوع الكبائر ده؟ ايه هي الكبائر؟ الكبائر مهلكة... تستحق دخول النار لأجلها.. ويقسمها العلماء إلى:
- أربعةٌ في القلب: الشرك بالله تعالى، والإصرار على معصية الله تعالى.. (الشرك والإصرار) والقنوط من رحمة الله تعالى، والأمن من مكر الله تعالى (هذه كبائر القلب)

- وأربعةٌ في اللسان: شهادة الزور، وقذف المحصنات الغافلات المؤمنات، واليمين الغموس، والسحر. (هذه كبائر اللسان)

- وثلاثةٌ في البطن: شرب الخمر، وأكل مال اليتيم، وأكل الربا..

- واثنتان في اليدين: وهما القتل والسرقة ..

- واثنتان في الفرج: وهما الزنا واللواط

- وواحدةٌ في الرجل: وهي الفرار من الزحف

- وواحدةٌ في جميع البدن: وهي عقوق الوالدين

أربعةٌ في القلب، وأربعةٌ في اللسان، وثلاثةٌ في البطن، واثنتان في اليدين، واثنتان في الفرج، وواحدةٌ في الرجل، وواحدةٌ في جميع البدن.

لذا كان عقوق الوالدين أكبر الكبائر.. فهو عقوق بسائر البدن.. بالعقل والقلب والجسد والروح..
ولأنها أكبر الكبائر.. كانت عقوبتها يوم القيامة من أكبر العقوبات.. أن يحجب المرء عن الله سبحانه وتعالى..

Saowt

04-09-2006, 09:32 PM

قال http://haridy.com/ib/images/smilies/salla-y.jpg: "ثلاثةٌ لا ينظر الله إليهم يوم القيامة: العاق لوالديه، ومدمن الخمر، والمنَّان في عطائه" يحرم من النظر الى وجهه الكريم.. ولا ينظر الله سبحانه وتعالى إليه.. ولا يشمله برحمته.. لأنه لم يرحم من رحموه صغيرا.
ويقول http://haridy.com/ib/images/smilies/salla-y.jpg: "أربع حق على الله تعالى ألا يدخلهم الجنة ولا يذيقهم نعيمها.. مدمن خمرٍ وآكل ربا وآكل مال اليتيم بغير الحق والعاق لوالديه".. لذا يقال لمن أصرّ على العقوق ولم يتب.. يقول له النبي صلى الله عليه وسلم: "ليعمل العاقُّ ما شاء أن يعمل فلن يغفر له".
قال http://haridy.com/ib/images/smilies/salla-y.jpg: "ثلاثةٌ لا ينفع معهن عمل، الشرك بالله وعقوق الوالدين والفرار من الزحف.. وثلاثةٌ لا يقبل الله منهم صرفاً ولا عدلاً عاقٌ ومنانٌ ومكذبٌ بالقتل".

الخلاف مع الآباء

وهنا نيجي لنقطة مهمة جدا.. وهي اننا نطبق الكلام ده على أرض الواقع.. ها يسألني واحد بعد الكلام ده كله.. ويقول لي.. سمعنا المثاليات دي كتير.. انت بتكلمنا عن الأب والأم وكأنهم ملايكة.. معذور.. ما تعرفش أهلي.. دول عاملين فيا كذا وكذا وكذا.. انا ما قلتش انهم ملايكة http://haridy.com/ib/images/smilies/smile.gif بالعكس.. انا قلت انهم بشر.. ليهم مشاعر واحتياجات..

وزي ما ليهم مشاعر واحتياجات.. ليهم عيوب.. وليهم أخطاء.. بس انا في رأيي.. ان في أغلب الأحوال.. ان ما كانش في كل الأحوال.. المشاكل بين الآباء والأبناء وخصوصا المراهقين.. المشاكل اللي بينهم والفجوة اللي بينهم.. سببها الأبناء مش الآباء..

الآباء أعطوا وأعطوا وأعطوا ولم يتوقفوا عن العطاء.. والأبناء عايزين ياخدوا وبس.. مش عايزين يعطوا أي شيء.. ولا حتى بيخطر في بالهم أنهم المفروض يعطوا.. بيتعاملوا مع الأب والأم على انهم الفرخة اللي بتبيضلهم ذهب..

وهما معذورين الحقيقة.. لأن دي مش مشكلتهم لوحدهم.. بل هي مشكلة أمة بحالهم.. أمة .. أصبح كل فرد فيها عايش في دوامة لوحده، ومش فاضي أساسا يعطي للغير أو حتى يقدر مشاعر الغير.

Saowt

04-11-2006, 10:13 AM

انا حابب أركز على النقطة دي جدا.. لأني عشت التجربة دي وتعلمت منها جدا.. ومعلش.. ها دوّشكم بأني إحكي عن تجربتي... وهي تجربة تكسف الحقيقة يعني.. بس لعلها تنفع حد.. لما برجع بذاكرتي للماضي.. مش قادر أفتكر أبعد من أيام المدرسة.. من بدايتها..
اللي فاكره إننا كنا مقيمين في بلد عربي.. ووالدي ووالدتي بيشتغلوا.. وفاكر كويس إني تعودت اعتمد على نفسي تماما في كل شيء.. وكأني عايش في الدنيا لوحدي.. يعني.. من أول يوم مدرسة.. أهلي كانوا يصحوا الصبح يدوروا عليا.. مايلاقونيش.. فين أحمد؟
صحي وجهّز فطاره وكوى هدومه وجهّز شنطته وراح يفتح المدرسة.. وأرجع من المدرسة.. لسا طبعا ما رجعوش من الشغل.. أخلص واجباتي.. ولو جعت.. أجيب كتاب الطبخ بتاع والدتي.. وأشوف أي تركيبة مكوناتها موجودة في البيت وتتعمل بسرعة وما يكونش فيها أي عناصر مشعة نادرة الوجود زي البيكينج باودر والخميرة.. ولا محتاجة مفاعل نووي.. زي فرن البوتاجاز... ولا محتاجة تتعمل في أكتر من حلة واحدة.. وأطبخها بسرعة.. واتغدى وأنام..

وفضلت على المبدأ ده علطول.. وتخيلت أنو هي دي الدنيا وأن الدنيا ماشية كده.. كل واحد مع نفسه.. انجليزي.. يعني متخيل إني مسؤول عن نفسي تماما.. وبالتالي.. ما كانش بيخطر حتى في بالي.. أن فيه حد في الدنيا ممكن يشيل همي.. أو يقلق عشاني أو بسببي..http://haridy.com/ib/images/smilies/dntknw.gif لدرجة إني فكرت في يوم أبات برّا البيت لأني تأخرت برّا.. وما خطرش في بالي إني أتصل بأهلي أعرّفهم.. كان تصوري للموضوع أنه عادي.. تأخرت.. ما جيتش.. هيدخلوا يناموا.. ما فيش داعي أخبط عليهم أقلّقهم..http://haridy.com/ib/images/smilies/08.gif
لكن فوجئت باللي حصل تاني يوم... إنهم ما ناموش طول الليل!http://haridy.com/ib/images/smilies/huh.gif من لهفتهم.. وسعادتهم إني بخير.. وما حصلّيش حاجة.. تعلمت درس كبير قوي.. أنو فيه حد في الدنيا دي.. بيقلق على حد.. وأنهم في الغالب بيكونوا الأهل.. ده كان أول درس..

درس تاني.. يوم نتيجة الثانوية العامة.. الثانوية العامة كانت شيء عادي بالنسبة لي.. امتحان زي أي امتحان.. ورايح أشوف نتيجته.. وجبت نفس المجموع اللي كنت عاوزه حسب خطة عبيطة كنت حاططها .. المهم.. شفت النتيجة.. وكملت بقية يومي عادي برّا البيت.. ولا اتصلت بحد في البيت اقوله ولا حاجة.. برضه لما روحت فوجئت.. السعادة العجيبة اللي هما حاسّين بيها لأني نجحت.. وكأني فتحت عكا! يومها ما انساش حضن أمي ليّا.. لأني كنت مستغرب.. هما فرحانين قوي كده ليه؟.. انا لما افرح.. طبيعي.. انما حد غيري يفرحلي.. ليه؟..

أول درس.. كان إني غالي على حد.. والحد ده شايل همي لدرجة انه ممكن ما ينامش الليل.. لغاية مايتطمن عليا.. وتاني درس.. ان فيه حد ممكن يفرحلي أكتر مني..

تالت درس.. وأعمق درس.. وأكتر درس علم فيّا.. في يوم لسبب من الأسباب.. قررت أنزل من الكوكب اللي انا عايش عليه الى كوكب الأرض.. واخرج اتفسح مع والدتي واخواتي.. يومها على غير العادة.. لعبت معاهم كتير وضحكنا سوا كتير. كنت مندمج معاهم جدا.. ما كنتش في ركن لوحدي كالعادة قاعد اقرا مثلا.. يومها.. لقيت أمي سهمت شوية... سرحت.. فسألتها خير؟.. قالتلي كلمة عجيبة قوي.. لما سمعتها.. كنت عاوز الأرض تنشق وتبلعني.. قالتلي: أصلي، أول مرة احس أن ليّا ابن، اسمه احمد..http://haridy.com/ib/images/smilies/cry.gif انا بصراحة سمعت الكلمة... هنّجت.. لأني خدت بالي من حاجة عمري ما استوعبتها قبل كده.. ألا وهي.. ان سكان كوكب الأرض.. عندهم مشاعر وأحاسيس..

الكلمة دي الحقيقة.. كانت بداية تغيير عميق جدا في حياتي.. فضل يزيد بالتدريج مع الوقت..
كان تغيير مرعب الحقيقة.. شيء مرعب لما تعزل نفسك عن العالم سنين طويلة.. وتتعود على ده.. وفجأة تكتشف ان كل الناس حواليك بشر زيّك.. ليهم مشاعر زيك.. حساسين جدا تجاهك.. خصوصا كل ما كانوا أقرب ليك..

المرعب هو احساسك بمدى التقصير تجاه احترام المشاعر دي.. وتقديرها..
والمرعب أكتر وأكتر.. هو انك تكتشف أدّ ايه جرحت ناس بتصرفات عادية بالنسبة لك.. لأنك ما كنتش تعرف ان ليها تأثير عليهم.. لأنك ما حاولتش في يوم من الأيام تحط نفسك مكان حد وتحس بمشاعره.. ويشاء الله سبحانه وتعالى.. انه يعمق التجربة دي اكتر.. لأني مهما حاولت احس بمشاعر الغير.. لا يمكن اقدر اقرب بس .. مجرد اني اقرب.. من مشاعر أب أو أم.. الإنسان ما يقدرش يفهم أي شعور أو إحساس .. إلا إذا حس بيه بنفسه..

ربنا سبحانه وتعالى رزقني بأخت صغيرة.. على كبر.. الفرق بيني وبينها يمكن 21 سنة.. الحقيقة.. انا قبل كده.. كان لا يمكن اتخيل ان انا اتعلق بطفل بالشكل ده.. كم المشاعر اللي الواحد بيحس بيها تجاهها.. ومدى الحرص والخوف والقلق عليها.. لدرجة اني فعلا ما اقدرش اشوفها زعلانة.. وأن ده حصل لا يمكن اسيبها ابدا إلا لما احللها مشكلتها.. لو شفتها بتبكي بابقى باتقطع من جوايا فعلا بدون أي مبالغة.. ودي مشاعر أخ.. أمّال مشاعر الأب والأم تبقى عاملة ازاي؟ يا ترى هل قدرت أوصل الشعور اللي انا حاسس بيه؟

من قلب بغداد

04-11-2006, 10:14 AM

السلام عليكم

صراحه انا .. البارحه .. ليلاً حتى سمعت "" العمر كلو ""

لفت نظري .. ذكر عيد الام .. فما الخبر ؟؟؟

Saowt

04-11-2006, 10:19 AM

وعليكم السلام ورحمة الله
الخبر أنه لازم تطنّشي هالشي... وتستفيدي من غيرو..
طيب يا من قلب بغداد ما لفتلك نظرك غير هالشي؟؟
الحقيقة اول مرة سمعتو بكيت كتير... خاصة اوّله... وهلأ كل ما بحطّ رد جديد بكفّي يسماع المقطع المراد كتابته..
في كل مرة أحس روعته وأتمنى من إيجاد نسخة جديدة للمقطع الصوتي بدون موسيقى مع القليل من التعديلات.. شو رأيك أنتي؟؟

من قلب بغداد

04-11-2006, 10:47 AM

السلام عليكم

صراحه يا صوته .. يعني انا لفتت انتباهي هذه الـتي لازم اطنشها لانها كانت
تقريباً في الاخر .. يعني مثل ما تعملي طبخه و تكون جاهزة .. الا انها جزء منها
في النهايه يحترق .. !

لم تؤثر فيَ كثيراً .. يعني مو لدرجه بكاء .. " عادي " .. كان تأثيرها .. " عادياً " ..
ليس استقلالاً بها .. بالعكس
كانت جيده من ناحية عرض المضمون ..
عرضت امور تحدث بالفعل من قبل الابناء اتجاه اباءهم .. و كانت لفته جيده
حين تحدث عن حاله .. لانه بهذه الطريقه سيجذب المستمع اكثر ..

Saowt

04-13-2006, 10:46 PM

ويا ترى هل حسينا بمدى المشكلة اللي احنا عايشينها؟ أتمنى.. لأن.. كوننا حطينا ايدينا على المشكلة.. فالحل بإيدينا زي ما قلت.. الحل ببساطة.. هو قلب الأدوار.. يعني ايه؟
يعني .. وكلامي ده موجه لكل الأبناء.. يعني ان تخرج من إطار الشكوى.. ودور الضحية.. وأن تضع نفسك موضع المسئولية.. فتصبح أنت الأب والأم.. وهم الأبناء..

ده حوار دار بيني وبين أخ عزيز.. لعله يوضح قصدي..

- السلام عليكم.. ازيك يا احمد
- وعليكم السلام.. الحمد لله
- موضوعك عن ايش بالضبط ؟
- اي موضوع؟ http://haridy.com/ib/images/smilies/huh.gif
- حكاية العمر كله..
-هو مش واضح؟
- يعني فهمته.. بس هو عن مين؟؟ الأم؟ ولا الحياة عموما؟
- لأ طبعا... عن انفلونزا الطيور

- http://haridy.com/ib/images/smilies/w00t.gif.. لا بجد؟ عن الأم يعني؟
- ايوة.. طب مالكش اي تعليقات
- لي.. بكتبه دلوقتي وهتقراه
- اوكيك
- تعليق واقعي وشديد
- شديد على مين؟
- هههههههههههههههههه
- عليا؟
- ههههههههههههههه.. لا متقلقش ههههههههههه.. الله يسعدك.. لا على نفسي
- طيب خير
.
.
.
.
- انا رديت على فكرة
- ايوة مانا جالي إحباط
- الله يعينك بقى.. بس وحش الرد؟ لو عايزني امسحه واكتب واكدب عادي.. يعني .. الأم والأم وألأم ... http://haridy.com/ib/images/smilies/scenic.gif
- لأ بالعكس.. انا مش عامل الموضوع عشان كده خالص.. انا عامل الموضوع عشان اتعرض للنقاط دي و نحاول نعالجها بالفعل..
- انا يمكن نموذج خاص .. بس موجود مني
- انت يعني حاسس ان فيه مشكلة يعني؟
- آه.. هو اكيد في مشكلة.. الوضع مش عاجبني ! العلاقة بيني وبين ابويا وامي بقت مادية..
- جميل
- زي المدير والموظف
- انا شايف ان الحل بإيدك انت.. المشكلة انك منتظر ان هم اللي يبدأوا.. لكن هم كفاية عليهم قوي لحد كده.. آن الأوان انت اللي تتحرك.. انت اللي تبقى الأب والأم.. وهم الأبناء..
- امممم

- ممكن اسألك سؤال؟
- اه اتفضل
- هم قدمولك أي شيء في حياتك؟
- بيدوني فلوس اه
- والدتك عمرها ماعملتلك اي حاجة؟ تخيل لو خلفوك و سابوك في الشارع.. عشان تعرف اذا كانوا قدموا حاجة والا لأ
- بصراحه بعترف بجحودي.. بس ده يمكن ناتج عن حاجه
- لأ هو مش جحود.. هو عدم خبرة في الحياة وعدم معرفة لمعادن الناس الحقيقية لو اتحطيت في محاك الحياة ولقيت نفسك في يوم لوحدك والكل اتخلى عنك ونسيك وما فيش حد فاكرك غير أمك.. بتدعيلك في كل صلاة.. ساعتها هاتعرف قيمتهم.. انا شخصيا.. ما عرفتش قيمة أهلي غير لما سافرت وبعدت عنهم وكل اللي اعرفهم قالولي كده.. ما حسوش بقيمتهم الا لما بعدوا عنهم أو بعد ما اتجوزوا

- الغريب واللي هيجنني! اني مشتاق لأخواني اكتر من امي وابويا!!!!
- ايوة لأنهم اقرب ليك.. المشكلة ان انت منتظر والدك ووالدتك يقربوا منك
- صح
- وانا باقولك.. ابدأ انت و قرب منهم.. خد زمام المبادرة وكن سيد الموقف.. اتصل بيهم.. اسأل عليهم.. بدون مناسبة.. قول لهم وحشتوني.. خد لهم هدايا معاك ولو بسيطة.. اعزمهم يوم على العشا مثلا.. انت وهم بس.. اسألهم عن صحتهم.. عن أخبارهم.. هو والدك ووالدتك من المريخ والا حاجة؟؟

- لا اسف والله...
- اللي باقوله لا يتناسب مع ثقافتكم؟
- يعني ...
- ساعدني وافهمني.. ايوة يا سيدي.. اعزمهم على فول و تميس برة البيت
- لا .. يعني هو شيء جميل طبعا

- ما هو هاييجي بالتدريج يابني.. مش فجأة يلاقوك داخل عليهم و تقولهم يلا نخرج.. لازم تبني أساس من الألفة الأول.. وده ييجي بالسؤال والهدايا والاهتمام.. هدايا بسيطة جدا.. يكفي تسألهم.. مش عاوزين حاجة من الرياض؟؟ اجيبلكم برج المملكة معايا وانا جي.. كده يعني
- ههههههههههههههههه.. والله عندك حق
- هزر معاهم.. ضحكهم.. افهم شخصياتهم.. والدتك بتطبخ؟
- اه .. حريفة
- عمرك قلتلها ده؟ يعني عمرك كلت وبينتلها قد ايه الأكل عاجبك؟
- امممم .. يعني ...

- ابدأ مهد.. لما تتصل بيها.. قول لها وحشني اكلك جدا
- ساعات بيكون جوايا مشاعر فياضة يعني http://haridy.com/ib/images/smilies/cry2.gif بسسس اخجل انطقها وده بيسببلي احبااط
- هاتها بضحك.. الضحك و المزاح بيكسر الخجل.. ابدأ ومش هتخسر حاجة.. هيتبروا منك يعني؟؟
- صح والله كلامك رجعلي الأمل
- ما هو يابني والدك ووالدتك دول بشر.. عاملهم على انهم بشر عاديين عاوز تكسب ودهم.. وما تفترضش ان المودة هاتيجي من الهوا لمجرد قرابة الدم اللي بينكم.. الحب والمودة محتاجة فعل يبينهم
- صح.. فعلا والله..
- ربنا يكرمك.. انت عارف ممكن مثلا مع والدتك تفتح الموضوع ازاي؟
- الله يخليك ويجعلك من خير الناس لأهلهم
- أول ماترجع البيت.. مش بتسلم عليها؟
- طبعا وببوس ايدها وراسها
- طب مانت كويس اهو.. كنت فاكرك بتتكسف فكنت هاقولك تعملها ازاي
- لا بص انا مش عاق.. بس مش حاسس بعاطفة.. فاهمني طبعا.. وان شاء الله هتبتدي تتصلح

- يا بني انت مش لسة قايل لي عندك مشاعر فياضة بس مكسوف؟ يبقى ازاي مش حاسس بعاطفة
- يعني ... ساعات بتخنق .. لأن العلاقة بيني وبينهم مش ولا بد للأسف يعني
- ايوة.. لو جيت تتأمل هاتلاقي دايما ورا مواقفهم نية حسنة.. فخليك انت الكبير واستحملهم وخد ثواب برهم.. سر الموضوع انك تعكس الأدوار.. كون انت الأب والأم.. وهم الأبناء

- هي فكرة هايلة.. فعلا فتحت قلبي على شيء مهم في حياتي.. الله يثيبك ويجعلك من خير الناس لأهلهم
- الله يكرمك

Saowt

04-17-2006, 08:10 AM

حط نفسك في الموضع ده.. وكن سيد الموقف وتعامل معاهم من الموقف ده..
كن إيجابي.. وما تبقاش تصرفاتك عبارة عن ردود أفعال.. كتير بيشتكي من أهله وبيقول أصلهم عصبيين فبينرفزوني..

ما حدش يقدر ينرفزك إلا لو انت اخترت ان رد فعلك لتصرفه هو انك تتنرفز..
زي إزازة الحاجة السقعة.. أقل هزة.. تفور..
انما لو ازازة فيها مية.. مهما رجيتها.. تلاقي المية هادية وصافية زي ما هي ما حصل لهاش حاجة..

هتقول لي ما اقدرش.. واصلي انا طبعي كده.. وخلقي ضيق..
ما فيش حد طبعه كده.. والإنسان يقدر يغير نفسه وقت ماهو عاوز وزي ماهو عايز.. لو أراد ده..
واستعان بالله سبحانه وتعالى... وتعال نتكلم كلام عملي..

الأب ممكن يكون عصبي شوية.. أو جاي متضايق بسبب مشاكل في الشغل... فيتلككلك.. وماله يا سيدي؟؟.. حقه
راعِ انه تعبان.. في الحالة دي.. قدامك حل من اتنين..
- يا اما تتنرفز انت كمان.. وتقلبوا البيت حريقة.. وتبقى ليلة غم على كل اللي في البيت..
- يا اما انك تكون ايجابي.. ازاي؟

بانك تقدر الظروف والضغوط اللي عليه.. وتقدر فرق السن.. وتقدر انه اكيد لو وصل للمرحلة دي.. فعمره ما شاف منك حاجة حلوة قبل كده في الغالب فيكون تصرفك.. انك تمتص غضبه.. وتهدّيه..
وتحسسه انك مقدر مشاعره وظروفه..

وممكن تجيبها بضحك.. الهزار والضحكة البريئة أسهل حاجة تمتص الغضب.. ياما ضحّكوك.. ولا كان يهون عليهم انهم يسيبوك زعلان ولو لحظة..

اسأله ايه اللي تقدر تعمله عشان تساعده؟؟؟.. زعقلك عشان انت مقصر في حاجة أو متأخر عن حاجة؟؟
لو مقصر فعلا.. اعتذر بمنتهى الأدب.. انا فعلا مقصر انا آسف..
ولو مش مقصر وحاسس انك اتظلمت.. قول له أنا آسف.. ما كنتش متخيل اني هكون مقصر كده.. بس اوعدكم اعمل اللي اقدر عليه..

محتاجين نتعامل مع أهلنا بنفس الطريقة اللي بتتعامل مع الناس بيها لو انت ضيف في مكان راقي جدا.. معزوم ع العشا في بيت سفير مثلا.. بتتعامل مع الناس كلهم بمنتهى الأدب والذوق والاحترام والإتيكيت.. ده اقل مستوى من التعامل لازم يكون بيننا وبين أهلنا.. قمة السمو والرقي.. مهما عملوا معاك..

ولا تتخيل.. مدى أثر السمو والرقي في الخلق ده في حياتك.. انت لو قدرت تلتزم بيه مع الأهل بصدق.. فأكيد أسلوب تعاملك مع كل الناس هيختلف.. حتى أسلوب معاملتك لنفسك.. شخصيتك هترتقي جدا..

وبالتأكيد ده هيكون له اثر على علاقتك بالله سبحانه وتعالى.. وتذكر قول النبي http://haridy.com/ib/images/smilies/salla-y.jpg: "ما من مسلمٍ له والدان مسلمان يصبح إليهما محتسباً، إلا فتح الله له بابين من الجنة، وإن كان واحدا فواحد، وإن أغضب أحدهما لم يرض الله عنه حتى يرضى عنه، قيل: وإن ظلماه؟ قال: وإن ظلماه".

بابين للجنة يا مسلم.. عارف الجنة؟
الجنة.. اللي الناس بيضحوا بأعمارهم عشانها... اللي عشانها ناس بتجاهد وبتموت.. اللي عشانها علماء ودعاة بيجاهدوا بيسجنوا وبينفوا من بلادهم..

الجنة دي... تحت أقدامهم.. مفتوحلك ليها بابين.. مش باب واحد.. فمهما تكلمت عن حبك للإسلام وللنبي http://haridy.com/ib/images/smilies/salla-y.jpg.. ومهما طالت لحيتك.. وقصر ثوبك.. لو لم يكن لهذا أثر في علاقتك بوالديك.. فوالله ما ازددت من الله إلا بعداً.. وللحديث بقية بإذن الله

Saowt

04-23-2006, 10:05 AM

".. إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا"

لا تنهرهما.. النهر هو الزجر والغلظة... أوعى تزعقلهم أو ترفع صوتك عليهم.. خصوصا لو كبار في السن.. وقل لهما قولا كريما.. قول لين.. لطيف..

يا أبي.. يا أمي..
حسسهم بالقرب منك..
ما تناديهمش بالكنية.. يعني ماتقولش "يا ابو محمد".. يا "ام عبد الرحمن".. لأ.. قول كريم.. بأحب الأسماء إليهما.. وأحب الأسماء إلى قلوبهم.. هو انك تحسسهم ان لسه ليهم لازمة في الدنيا دي.. ان خلاص زمنهم ما فاتش.. لسة بتقول للأب.. أبي.. ولسة بتقول للأم.. أمي.. الحقيقة.. الآيات قمة في الرقة.. قمة في الرحمة و العطف.. لأن قلوب الآباء بتزداد رقة كلما كبروا في السن.. لإحساسهم بالضعف..
قولا كريما..
العلماء قالوا قولا كريما.. يعني كما يقول العبد المذنب للسيد الفظ الغليظ.. أو بمثال من واقعنا..
زي ما الموظف المقصر في عمله.. بيكلم مديره وهو بيحاسبه.. بيبقى واقف قدامه.. ايديه جنبه.. مابيرفعش ايده قدام المدير وهو بيكلمه..

كذلك.. من بر الوالدين.. ألا يرفع الإبن يديه عليهما إذا كلمهما.. مايشوحش بإيديه يعني.. الحركة دي وسط الكلام بتعطي انطباع بالاستخفاف.. سبحان الله.. الإسلام بيرتقي بشخصية الإنسان الى قدر عالي جدا من السمو ورقة المشاعر ومراعاة مشاعر الآخرين..

أتى رجلٌ النبي صلى الله عليه وسلم ومعه شيخ، فقال النبي عليه الصلاة والسلام: "من معك؟"
قال: أبي... فقال عليه الصلاة والسلام: "لا تمشِ أمامه ولا تقعد قبله ولا تدعوه باسمه ولا تسبب له".

لا تسبب له يعني لا تكن سبباً في سبه في شتمه ..
ويقول http://www.haridy.com/ib/images/smilies/salla-y.jpg: "من أمسى راضياً لوالديه وأصبح، أمسى وأصبح وله بابان مفتوحان إلى الجنة، ومن أمسى وأصبح مسخطاً لوالديه أصبح وأمسى وله بابان مفتوحان إلى النار". إذا عق والديه فأبواب النار مفتحةٌ عليه، وإذا بر والديه فأبواب الجنة مفتحةٌ عليه.

وفي يوم من الأيام.. أتى رجل الى النبي http://www.haridy.com/ib/images/smilies/salla-y.jpg.. فقال: "يا رسول الله إن أبي قد أخذ مالي.." فقال http://www.haridy.com/ib/images/smilies/salla-y.jpg: "اذهب فأتني بأبيك .. "النبي http://www.haridy.com/ib/images/smilies/salla-y.jpg.. لا يسمع شكوى طرف دون سماع الطرف الآخر.. من حق الطرف الآخر انه يدافع عن نفسه ويُستمع اليه.. فنزل جبريل على النبي صلى الله عليه وسلم.. فقال له: "يا رسول الله.. إن الله عزّ وجل يقرئك السلام ويقول لك: إذا جاءك الشيخ فاسأله عن الشيء الذي قاله في نفسه ، وما سمعته أذناه"
الشيخ.. في الطريق و هو رايح مع ابنه للنبي صلى الله عليه وسلم.. حدث نفسه.. جه في باله خاطر.. شئ عادي.. لكن الشيخ.. من شدة ألمه.. كان يحدث نفسه شِعراً..
ودخل الشيخ على النبي صلى الله عليه وسلم.. فإذا هو شيخ كبير يتوكأ على عصا.. قال له صلى الله عليه وسلم: "ما بال ابنك يشكوك أتريد أن تأخذ ماله ؟"
فقال الشيخ :" : يا رسول الله إن ابني وهو صغير كان ضعيفاً وأنا قوي، وكان فقيراً وأنا غني، فكنت لا أمنعه شيئاً من مالي، واليوم أنا ضعيفٌ وهو قوي، وأنا فقيرٌ وهو غني يبخل علي بماله.. سله يا رسول الله، هل أُنفقه إلا على إحدى عماته؟ أو على إحدى خالاته، أو على نفسي؟"
فدمعت عينا النبي صلى الله عليه وسلم.. وقال صلى الله عليه وسلم: "بل أخبرني عن شيءٍ قلته في نفسك وأنت في الطريق إلي.."
فاندهش الشيخ... وقال هذه الأبيات..:

غذوتك مولوداً وعِلتك يافعاً.... ...تُعل بما أجني إليك وتنهلُ
إذا ليلةٌ نابتك بالسُقم لم أبت.. ....لسقمك إلا ساهراً أتململُ
كأني أنا المطروق دونك بالذي طُرِقت به دوني فعيني تهمل
تخاف الردى نفسي عليك وإنها لتعلم أن الموت وقتٌ مؤجلً
فلما بلغت السن والغاية التي.. إليها مدى ما كنت فيك أُأمل
جعلت جزائي غلظةً وفظاظةً .. ..كأنك أنت المنعم المتفضل
فليتك إذ لم ترع حق أبوتي ... فعلت كما الجار المُجاور يفعل
فأوليتني حق الجوار ولم تكن.. ....علي بمالٍ دون مالك تبخل.

النبي صلى الله عليه وسلم أرق الناس قلبا.. وأكثرهم حساسية لآلام الآخرين.. سمع النبي صلى الله عليه وسلم هذه الأبيات.. فبكى.. بكى. وأمسك بتلابيب الإبن.. وقال له: "أنت ومالك.. لأبيك"..
انت كده.. كلك على بعضك.. ومالك اللي جاي تشتكي عشانه.. كلكم كده.. ملك أبيك.. انت حسنة من حسناته..

جاء رجل الى النبي صلى الله عليه وسلم يشكو سوء خلق أمه.. فقال له صلى الله عليه وسلم: "لم تكن أُمك سيئة حين أرضعتك حولين كاملين.. ولم تكن سيئة الخلق حين أسهرتها الليل.. ولم تكن سيئة الخلق حين رعتك.. لقد جازيتها بهذا؟"

بقى دلوقت بقت سيئة الخلق؟ بعد ده كله.. بقت سيئة الخلق؟.. ده جزائها؟..

والله.. من يذم والديه.. ليس بمؤمن.. هو مسلم.. ولكنه ليس بمؤمن.. فليست هذه بأخلاق المؤمنين..
قل لهما قولا كريما.. اجتهد في انك تسمعهم أحلى كلام.. أرق كلام.. أجمل كلام.. أمر من الله سبحانه وتعالى.. فهل نسمع؟..

Saowt

04-25-2006, 08:27 AM

"وَاخْفِضْ لَهُمَا جَنَاحَ الذُّلِّ مِنَ الرَّحْمَةِ..."

الإنسان .. أحيانا يتذلل.. ولكن عن ضعف.. يتذلل عن فقر.. لأنه محتاج.. ولكن الله سبحانه وتعالى أمرنا أن نقف أمام أهلنا أذلاء.. لا عن ضعف.. ولكن عن رحمة..

"اخفض لهما جناح الذل".. ذل ليهم.. بس من باب الرحمة..
"اخفض لهما جناح الذل من الرحمة".. اللي يتعالى على أهله.. أبعد ما يكون عن الإيمان..

يبقى الأب أو الأم ما بيعرفوش يقرأوا مثلا.. أو متعلمين لكن الإبن شايف إنهم دقّة قديمة ومش مثقّفين زيّه..
مسكين، نسي أن والده لما كان قدّه، كان برضه "مثقف" زيه و"ماشي مع الموجة:.. نسي انهم فرغوا نفسهم عشانه.. ووقف الزمن بالنسبة لهم.. عشان حياته هو تمشي.. ودي الوقت.. بيتعالى عليهم بثقافته.. لعله يذوق في يوم نفس الكاس..

مهما تعلمت.. هل وصلت الى علم أبي حنيفة رحمه الله؟
أبو حنيفة.. كان يلقب بـ"الإمام الأعظم".. كان يحمل أمه على دابة إلى مجلس واعظ قصاص يسمى "عمر بن ذر".. كانت أمه تحب حضور دروس هذا الواعظ... وتعتقد بعلمه.. وتستخف بعلم ابنها أبي حنيفة.. فكانت تسأله أن يذهب الى عمر بن ذر.. و يستفتيه في مسألة لها http://www.haridy.com/images/smilies/w00t.gif

فيذهب أبو حنيفة اليه.. ويذكر له ما تريده أمه.. ويقول: "إن أمي أمرتني أن آتيك لأسألك عن مسألة لها".. فيتعجب عمر ويقول: "أنت تسألني عن هذا وأنت شيخنا وإمامنا؟؟؟!!!!" فيقول أبو حنيفة: "هي أمرتني"..http://www.haridy.com/images/smilies/dntknw.gif

فيقول له عمر بن ذر بصوت خافت، يهمس له: "إذن قل لي كيف الجواب حتى أفهم الفتوى منك ثم أخبرك بها".. فيخبره أبو حنيفة بالجواب سرا.. فيرفع عمر بن ذر صوته ويقول: "يا أبا حنيفة.. جواب مسألتك كذا وكذا..!"http://www.haridy.com/images/smilies/scenic.gif فترضى بجواب عمر ولا ترضى بجواب أبي حنيفة

"وَاخْفِضْ لَهُمَا جَنَاحَ الذُّلِّ مِنَ الرَّحْمَةِ..."
تودد ليهم.. تحبب ليهم.. اخدمهم بنفسك.. اقعد معاهم.. كلمهم.. اسألهم عن أحوالهم.. اسمعهم وأصغ ليهم.. خليهم يفضفضولك.. حسسهم انك حاسس بيهم.. اخرج اتفسح معاهم.. ما تاكلش أكلة حلوة إلا معاهم.. ما تنساش لما كنت مسافر للدراسة أو للعمل وما كانش بيهون عليهم ياكلوا أكلة حلوة من غيرك.. كان بيحرموا نفسهم ومستنيينك عشان تستمتع انت..

كثير من الأمهات اللي بيربوا دواجن فوق السطوح مثلا.. لو ابنها مسافر في كليته أو برة بيشتغل.. تلاقيها ما يهونش عليها تدبح حاجة وياكلوها ويستمتعوا بيها من غيره.. تلاقيها تختار الفراخ الهفتانة ليهم.. وتسيب الفراخ المحترمة.. تقول لما ييجي ابني.. انا عارفة انه هيحبها.. وكأنك بتدرس في الصومال مثلا..http://www.haridy.com/images/smilies/vava.gif

مش عارفة انك عايش حياتك في أيٍّ كان المكان اللي انت فيه، من المطعم ده للمطعم ده وهايص .. وهما ولا في دماغك أصلا.. نسيت لما كنت طفل رضيع.. لا تقدر تاكل لوحدك.. ولا تقدر تغير هدومك حتى بنفسك.. ولا تقدر تعمل أي حاجة أصلا لنفسك.. وكنت جوّة قلوبهم..

فـاروق

04-25-2006, 10:10 AM

"وكأنك بتدرس في الصومال مثل"

هو مش في الصومال تماما...بالقرب منها :)

Saowt

04-25-2006, 10:14 AM

يعني وين بالضبط؟؟
بليبيريا مثلا؟؟؟

فـاروق

04-25-2006, 10:28 AM

تستطيعين قول ذلك :)

Saowt

04-25-2006, 09:45 PM

"... وَقُلْ رَبِّ ارْحَمْهُمَا كَمَا رَبَّيَانِي صَغِيرًا"
يا ترى بتدعيلهم؟..
من برهم انك تدعيلهم.. يا ما دعوا لك..
فاكر لما كنت في الغربة؟.. لوحدك..
فاكر لما عييت هناك وماحدش سأل فيك؟؟ ولا حد حتى سأل عنك؟؟

يمكن اللي ما تعرفوش ساعتها ان كان فيه اتنين بس في الدنيا دي كلها.. كانوا بيدعوا لك.. ويمكن منهم اللي ساب نومه وقام يقوم الليل مخصوص عشان يدعيلك دعوة في الثلث الأخير من الليل..
اتنين.. لو الدنيا كلها نسيتك.. هما مش ممكن ينسوك.. ولو الدنيا كلها دعيتلك.. ما حدش هيدعيلك بإخلاص وصدق قدهم..

لو لقيت ربنا كارمك.. بالرغم من انك عارف انك ماتستحقش الكرم ده.. اعرف ان فيه حدّ منهم بيدعيلك في جوف الليل.. وخاف قوي.. للدعاء ده ينقطع..

ورد في الأثر أنه عند وفاة الأم، يقول الله للإبن: "عبْدي ماتَتْ التي كُنَّا نُكْرمُكَ من أجلها، فاعْمَل صالحًا نُكْرمْكَ لأجلك"
كان ربنا بيحفظك استجابة لدعائهم.. وعشان ما يكسرش قلوبهم لأنه عقابه ليك هو عقاب للأب والأم أيضا.. لأنهم بيتألموا أكتر منك.. والله سبحانه وتعالى أرحم من أن يرضى لهم ذلك..

عشان كده.. ادعيلهم زي ما دعوا لك.. ادعيلهم سواء أحياء أو أموات.. يقول http://www.haridy.com/images/smilies/salla-y.jpg: "ترفع للميّت بعد موته درجته، فيقول أي ربي أيُّ شيءٍ هذا؟ فيقول له: ولدك الذي استغفر لك".

الميت يلاقي أجر وثواب ما يستحقوش.. هو عارف كويس أن عمله في الدنيا لا يؤهله للثواب العظيم ده، فيستغرب، فيسأل، فيقال له: دي دعوة ابنك..
سأل أحد الصحابة النبيّ http://www.haridy.com/images/smilies/salla-y.jpg فقال: يا رسول الله.. هل بقي عليّ من برِّ والديّ شيءٌ من بعد موتهما؟
قال: "نعم.. الصلاة عليهما، والاستغفار لهما، وإنفاذ عهدهما، وإكرام صديقهما، وصلة الرحم التي لا توصل إلا بهما، فهذا الذي بقي عليك من برّهما بعد موتهما".

الصلاة عليهما: صلاة الجنازة..
والاستغفار لهما: في كلِّ يوم خمس مرّات في الصلاة.. قبل أن تُسلِّم من الصلاة قُلْ: ربّ اغفر لي ولوالِديّ، ربّ ارْحمهما كما ربَّياني صغيرًا
وإنفاذ عهدهما.. وإكرام صديقهما.. وصلة الرحم التي لا توصل إلا بهما.. هذه أيضاً من واجبات الأبناء تجاه آبائهم.

يروى أنّ عبد الله بن عمر لقيه رجلاً بطريق مكّة، فسلّم عليه عبد الله -وهو الصحابي الجليل- وحمله على حمارٍ كان يركبه، وأعطاه عمامةً كانت على رأسه. فقال له أصحابه: أصلحك الله إنّهم الأعراب وإنّهم يرضون باليسير.. فقال عبد الله بن عمر: إنّ أبا هذا كان ودّاً لعمر بن الخطّاب، وإنّي سمعت رسول الله صلّى الله عليه وسلّم يقول: إنّ أبرّ البرّ صلة الرجل أهل ودِّ أبيه.

وقد ورد عن رسول الله صلى الله عليه وسلّم "إنّ الرجل لَتُرْفعُ درجتهُ في الجنّة، فيقول يا ربّ أنى لي هذا؟ فيُقال: باستغفار ولدك لك".

فـاروق

04-25-2006, 10:17 PM

ورد في الأثر أنه عند وفاة الأم، يقول الله للإبن: "عبْدي ماتَتْ التي كُنَّا نُكْرمُكَ من أجلها، فاعْمَل صالحًا نُكْرمْكَ لأجلك"
كان ربنا بيحفظك استجابة لدعائهم.. وشان ميكسرش قلوبهم لأنه عقابه ليك هو عقاب للأب والأم أيضا.. لأنهم بيتألموا أكتر منك.. والله سبحانه وتعالى أرحم من أن يرضى لهم ذلك..

انا لن اتكلم حول صحة الاثر او لا....ولكن عندي من اليقين والبراهين ما يجعلني اصدق هذا الكلام 100 % فانا عشته ولمسته....واشعر تماما وبوضوح بأثر دعوات الوالدة حفظها الله

Saowt

04-26-2006, 10:30 PM

كل سنة بييجي يوم الأم.. وتكتب القصائد وتنشد الشعار والأغاني ويتحدث الخطباء.. ويخلص المولد.. ويطلع منه الأهل بلا حمص..
بر الوالدين.. مش بالكلام.. ولا بدموع التأثر..
بر الوالدين بالعمل.. بالصدق في الحب..
يا من تبحث عن الجنة.. أبوابها تحت أقدامهما..فهلا طرقت الأبواب حتى تفتح؟

تعالوا نفكر في خطوات عملية ..
من النهاردة.. كل يوم.. أضف هدف أساسي ضمن أهدافك اليومية.. ولو ماعندكش أهداف أصلا.. ممكن ده يبقى أول هدف تبدأ بيه http://www.haridy.com/images/smilies/smile.gif
هدفك هو انك تعمل حاجة النهاردة تدخل بيها السرور على قلب والديك.. كل يوم.. إسأل نفسك..
ايه اللي اقدر اعمله النهاردة أفرح بيه أهلي؟؟ أسعدهم؟؟

إيه رأيك لو من النهاردة تعوّد نفسك انك ما تخرجش من البيت الصبح إلا لما تبوس إيديهم؟
مكسوف؟.. صعب؟ أصلهم مش متعودين فهيستغربوا.. هاتها بهزار..

روح على والدك أو والدتك.. وقولها مثلا.. على فكرة فيه حاجة نفسي اعملها من زمان ومش عارف تتعمل ازاي..http://www.haridy.com/images/smilies/thnk0001.gif وريني ايدك كده؟
هتدّيك ايدها.. قبلها.. http://www.haridy.com/images/smilies/08.gif
وبصّ لها وقول لها.. طب ما هو بينفع اهو!..
ويا سلام كمان لو تبوس راسها.. بنفس الطريقة.. وانت خارج من البيت.. قول لهم ادعولي.. بصدق..
واوعى تسيبهم إلا بابتسامة تطمنهم وتشرح صدورهم..

وقبل ما تخرج.. ايه رايك لو تسألهم... مش عاوزين حاجة اجيبها لكم وانا جاي؟
وايه رأيك خلال اليوم.. لو تتصل بيهم تطمن عليهم وتحكيلهم عن يومك.. زي ما بتتصل باصحابك تحكيلهم..
وايه رايك لو في يوم وانت راجع البيت.. جبت هدية صغيرة.. حاجة بسيطة جدا.. لوالدك ولوالدتك.. وقلتلهم انا شفت دي النهاردة فقلت أكيد هتعجبكم..

وما تنساش لما ترجع البيت.. ارمي همومك كلها ورا ضهرك قبل ما تدخل البيت.. ما تقابلهمش إلا بابتسامة.. لأنهم لو ما شافوش الابتسامة دي.. هيشيلوا همك أكتر منك.. وممكن برضه لما ترجع البيت.. تقبل اياديهم تاني.. زيادة الخير خيرين..

طبعا بعد ما تسأل عنهم بلهفة المشتاق.. وتطمن على أخبارهم.. قول لهم وحشتوني.. اصبر عليهم... واستحمل مهما يعملوا.. ياما صبروا استحملوا ضربك وعضك وخربشتك.. وانت طفل صغير http://www.haridy.com/images/smilies/2.gif

كلنا بنتأثر لما نسمع قصة الشخص اللي راح يحج وأول ما دخل الحرم قال: يا رب، لقد تصدقت بجسدي على المسلمين... اللي يخبط يخبط واللي يضرب يضرب.. انا مسامح.. صدقة..
وبنقول يا سلاااام.. لو ربنا يكتبلنا الحج عشان نعمل زيه... طب ما نعمل كده مع أهلنا أولى لو احنا صادقين فعلا

أوعى تنسى نصيبهم من أي خير ربنا يرزقك بيه.. مرتبك مثلا.. ايه رأيك جزء بسيط.. وانت وشطارتك بقى.. جزء بسيط شهريا من المرتب.. ده بتاعهم.. هتجيبلهم بيه هدية بمناسبة وبدون مناسبة.. هتحوشهولهم.. أي حاجة.. المهم ان ليهم نصيب..

دايما وسط الناس.. عاملهم كأنهم ملوك متوّجين.. ارفع راسهم قدام الناس وحسسهم ان ليهم مكانة عالية جدا في قلبك.. كلامك معاهم يكون بمنتهى الأدب والذوق والعطف.. ويوم ما تشوف حاجة تضايقك أو حاجة غلط.. لمح لهم بهدوء وبود وبأدب.. وخلي بالك من كلامك جدا.. أوعى تجرح مشاعرهم بأي شكل من الأشكال..

وما تنساش بعد كل أكلة من ايدين الغالية.. تقول لها تسلم ايدك...
وما تنساش الوالد برضه.. ادعيله وقول له يسلم اللي اشترى
يوم ما حد منهم يمرض لا قدر الله... خليك جنبه.. اسهر على راحته.. ادعيله..
ياما سهروا عليك ودعوا لك وانت مريض..
يمكن احنا لما بنعيى.. ما بنبقاش واعيين للي بيحصل حوالينا. عشان كده ما بناخدش بالنا قوي من تعب أهالينا معانا..

لكن انا ما انساش أبدا منظر أمي في موقف قدرت اشوفه.. لأن مش انا اللي كنت مريض فيه.. أخويا الصغير كان عامل عملية بسيطة.. عملية اللوز.. مش حاجة يعني... لكن بالرغم من ده.. من ساعة ما خرج من غرفة العمليات.. وطول ما هو لسة تحت تأثير البنج.. وأمي كانت في عالم تاني.. مش معانا بالمرة.. قاعدة جنبه على السرير.. وايدها على جبينه.. والمصحف في ايدها بتقرأ قرآن..
على الحال ده لغاية ما ربنا كرمه وفاق من البنج..

Saowt

04-27-2006, 08:19 PM

وفي النهاية..

ايه رأيكم ندعي لهم سوى؟..
نرفع إيدينا سوى... وندعو الله سبحانه وتعالى..

اللهم لك الحمد كله.. ولك الشكر كله.. ولك الفضل كله..
اللهم صل وسلم على خير خلقك محمد صلى الله عليه وسلم..
اللهم ارحم والدينا.. ارحم واغفر وتجاوز عن آبائنا وأمهاتنا يا أرحم الراحمين..
اللهم اغفر لهم كما ربونا صغارا..
اللهم ارض عنهم أحياء وأمواتا..
اللهم أدر عليهم لطائف برك وإحسانك.. فقد كانوا علينا مشفقين..
* *
اللهم أكرمهم بمغفرة تمحو بها سالف ما كان منهم..
اللهم ارحمهم رحمة تنير لهم بها قلوبَهم في حياتهم، وقبورَهم بعد موتهم..
اللهم ارحمهم رحمة تؤمّنهم بها عند الفزع الأكبر، يوم النشور..
اللهم ارحم انقطاعهم ووحدتهم ووحشتهم، فقد كانوا بنا رحماء..
اللهم تعطّف عليهم، فقد كانوا علينا متعطّفين..
اللهم ارحم ذلك الودّ الذي أشربته قلوبهم، فرأفوا بنا، يوم كنا لا نملك حولا ولا طولا..
* *
اللهم اشكر لهم ذلك الجهاد الذي كانوا فينا مجاهدين..
ولا تضيع لهم ذلك الاجتهاد الذي كانوا فينا مجتهدين..
وجازهم خيرا عظيما على ذلك السعي الذي كانوا فينا ساعين..
اللهم برّهم أضعاف ما كانوا يبرّوننا..
وانظر إليهم بعين الرحمة.. كما كانوا ينظرون إلينا بها..
اللهم هب لهم ما ضيّعوا من حقّ ربوبيتك فيما اشتغلوا به في حق تربيتنا..
* *
اللهم تجاوز عنهم ما قصّروا فيه من حق خدمتك بما آثرونا فيه من حق خدمتنا..
اللهم لا تحمل عليهم الظلمات التي ارتكبوها بما سعوا علينا وتعبوه من أجلنا..
اللهم أكرمهم كرامة ترفعهم عندك . وتؤهلهم للنظر إلى وجهك الكريم..
اللهم الطف بهم لطفا يتضاعف أضعافاً كثيرة متزايدة على لطفهم بنا ورحمتهم إيانا..
اللهم وما هديتنا إليه من الطاعات.. ويسّرته لنا من الحسنات.. ووفقتنا إليه من القربات.. فنسألك برحمتك وكرمك، اللهم أن تجعل لهم منها أوفر الحظ والنصيب..
* *
اللهم وما اقترفناه من السيئات، واكتسبناه من الخطيئات.. فلا تحمّلهم منه شيئا..
اللهم وكما سررتهم بنا في الحياة، فأفرحهم بنا بعد الوفاة..
اللهم ولا تخزهم بنا.. وبلغهم من أخبارنا ما يدخل الفرح إلى قلوبهم، والنور إلى قبورهم..
اللهم وما صليناه من صلاة فتقـبلتها.. وعملنا من أعمال صالحة فرضيـتها… وتصدقنا من صدقة فنميـتها.. نسألك اللهم أن تجعل حظهم منها أكبر من حظوظنا.. وسهمهم من ثوابها أوفر من سهامنا ..
فإنك أوصيتنا ببرّهم وندبتنا إلى شكرهم..
فأنت أولى بالبر من البارين.. وأحق بالوصل من المأمورين..
* *
اللهم واجعلنا لهم قرة أعين يوم يقوم الأشهاد..
وأسمعهم منا أطيب النداء يوم التناد.. حتى تجمعنا بهم تحت لواء سيد المرسلين صلى الله عليه وسلم، فنسعد به وبهم، ويسعدون بنا..
اللهم اجمعنا بهم في دار كرامتك، ومستقر رحمتك، ومحل رضوانك مع الذين أنعمت عليهم من النبيين والصديقين والشهداء والصالحين، وحسن أولئك رفيقا..
اللهم وأعنّا على برّهم.. وقوّنا على القيام بحقوقهم على الوجه الذي يرضيك..
وصلى الله على سيدنا محمد وعلى آله وصحبه وسلم..
والحمد لله رب العالمين..