مشاهدة النسخة كاملة : استفسارات سريعة
السلام عليكم ورحمة الله
*هل الافضل قراءة القران من المصحف ولا من حفظى
فى غير رمضان ما كانت تفرق معايا
بس دلوقتى الواحد طمعان فى حسنات
انا تعرضت للمسالة وقريتها بس من زمان ومش عارفة ادور دلوقتى فاذا حد يعرف قولوالنا الله يكرمك
طبعا اقصد القراءة مش فى الصلاة
*وتانى استفسار سنة العشاء تدخل مع التراويح ولا دى حاجة ودى حاجة
*وتالت استفسار الوتر اعرف انه من الافضل تاخيره يكون اخر حاجة
دلوقتى لو الواحد خاف ميصحاش تانى يصليه احتياطا؟؟؟
ولو قام تانى يصلى ولا يوتر ولا يكمل الوتر بركعة ويرجع يعيد الوتر اما يخلص
اذا عندكم اى معرفة عن الاجابة فافيدونا مشكورين وجزاكم الله خيرا
فـاروق
10-04-2005, 07:56 PM
السلام عليكم
سنة العشاء لا تدخل في التراويح
اذا كنت تخشين ان لا تستيقظين ...فصلي الوتر ثم نامي ثم اذا قمت فصل من الليل ما شئت ولا توتري....او اذا قمت صل ركعة واحدة لكسر الوتر ثم قومي ما شئت ثم اوتري (هذه طريقة عثمان رضي الله عنه)
بالنسبة للسؤال الاول..اقول من المصحف افضل (وكني لست متأكد 100%) والسبب انك تشركين حواس اكثر ..عين وسمع ...وصوت...ولكن يجب وجود الخشوع في القراءة
هذا والله اعلم
وعليكم السلام ورحمة الله
جزاك الله خيرا
ويبقى السؤال الاول محيرا
احيانا تيجى اجزاء الواحد بيحبها وعاوز يسمعها لنفسه ويتدبر فيها اكتر من غير المصحف
بس اذا النظر للمصحف عبادة كما قرات سابقا يبقى نخليها من المصحف وخلاص
جزيت خيرا وبارك الله بك
السلام عليكم
تانى استفسار بقى
دلوقتى انا اللى قراته ان فى السفر الجمع بيكون قصر يعنى بصلى الظهر اتنين والعصر اتنين جت واحدة قالت لى وانا قرات انها اربعة
قلته لها والله معرفش بس هسالك لانى مبحثتش فى الموضوع دا كتير واعتمدت على دراستى وقرائتى لكلام العلماء
دلوقتى هل يجوز القصر والاتمام فى الجمع؟؟؟
وفى حاجة عجيبة اوى احنا نزلنا نصلى فى مسجد الجامعة لقيت صاحبتين لى وقفونى وكان المسجد زحمة موت بيقولوا هو لو واحد شافك وانت بتصلى يبقى صلاتك باطلة قلتلهم ايه دا احنا هنالف بقى عمرك درستى انت ولا هى من مبطلات الصلاة ان يراك الرجل الاجنبى قالوا لى لا بس البنات بيقولوا كدا لما قلنالهم طالعين نصلى فوق فى الدور الرابع جنب المخازن قلتلهم وانا هطلع اصلا مفيش رجال هناك الا لو دكتور رايح مكتبه ممكن يلمحنا من بعيد ومش معقول هيقف يتفرج علينا طيب هتقلعى النقاب قلتلهم لا طبعا لان لو فى احتمال واحد من مية فى المية رجل يشوفك يبقى تصلى به وطلعوا يصلوا فوق بقى
يلا شوفولنا رؤية الرجل للمراة وهى بتصلى تبطل الصلاة ولا ايه يمكن طلع حكم واحنا مش عارفين هو احنا يعنى كنا اتعلمنا كل العلم بس اهم حاجة الاستفسار الاول
اه وتكلمة للاول اذا ناوية الجمع والقصر ولقت جماعة والجماعة تتم هى لازم تتم معاهم بعدين تجمع العصر ازاى بقى ركعتين ولا ايه
اظن الاخوة بتتعرضوا للجماعات والسفر شوفولنا الموضوع الواحد مبيدققش فى الكلام دا بناء انه مش بيحصله بس لازم نتعلم كل حاجة
فـاروق
10-09-2005, 03:42 PM
السلام عليكم
قال الله تعالى " وإذا ضربتم في الأرض فليس عليكم جناح أن تقصروا الصلوة إن خفتم أن يفتنكم الذين كفروا" النساء 101
والتقييد في الخوف غير معمول به.فعن أبي يعلى بن أمية قال:قلت لعمر بن الخطاب أرأيت إقصار الناس الصلاة وإنما قال الله "إن خفتم أن يفتنكم الذين كفروا" فقد ذهب ذلك اليوم (أي الخوف) فقال عمر: عجبت مما عجبت منه فذكرت ذلك لرسول الله صلى الله عليه وسلم فقال:صدقة تصدق الله بها عليكم فاقبلوا صدقته" رواه الجماعة
ولم يثبت عن النبي الكريم أنه أتم الرباعية في السفر ولم يختلف في ذلك أحد من الأئمة وإن كانوا اختلفوا في حكم القصر فقال بوجوبه عمرو وعلي وابن مسعود وابن عمر وجابر وهو مذهب الحنفية وقالت المالكية: القصر سنة مؤكدة آكد من الجماعة فإذا لم يجد المسافر مسافرا يقتدي به صلى مفردا على القصر ويكره اقتداؤه بالمقيم. وعند الحنابلة أن القصر أفضل جائز وهو أفضل من الإتمام وكذا عند الشافعية إن بلغ مسافة القصر
الجمع:
الجمع في السفر بين الصلاتين (جمع تأخير أو تقديم)في وقت احداهما جائز في قول اكثر اهل العلم.
لجمع:
الجمع في السفر بين الصلاتين في وقت احداهما جائز في قول اكثر اهل العلم.
ماشى دلوقتى ممكن تجمع وتتم؟
وجزاك الله خيرا وبارك الله بك
فـاروق
10-09-2005, 03:48 PM
يا اختي....القصر افضل من الاتمام...بل هو واجب عند البعض...وهو آكد من الاتمام كما ورد...فصلي منفردة واقصري ولا تتمي
انا معنديش مشاكل انا اقصر واجمع ومبصليش جماعة
بس البنات سالونى ووعدتهم بالبحث
دا انا خدت شوط كبيييييييييير على اما اقنعتهم بالقصرولاننا درسنا فى المعهد شافعى كانوا مصممين على ال80كيلو وشوية
جبتلهم بقى كلام العلماء وحسمتلهم المسالة وفهمتهم والحمدلله
يلا بنشوف موضوع الاتمام دا اصلى مش فاكرة بالزبط اللى انا قريته هل يجب القصر فى الجمع ام لا
جزاك الله خيرا وبارك الله بك
من هناك
10-09-2005, 07:21 PM
السلام عليكم،
هناك الكثير من الأحاديث التي سمحت بالجمع دون سفر ولا مطر ولا خوف ايضاً
حتى ان العلماء في شمال اوروبا اجازوا للناس الجمع بين المغرب والعشاء لأن العشاء يتأخر حتى بعد منتصف الليل ويأتي بعده الفجر بساعة تقريباً في بعض المناطق
وعليكم السلام ورحمة الله
ايوة يا اخ بلال ماشى كل دا
جزاك الله خيرا
البنات عاوزين يجمعوا مع الاتمام ينفع ولا لا
هبلونى والله اخلص من القصر يطلعلى الجمع
ربنا ييسر
فـاروق
10-09-2005, 08:15 PM
اخت منال...عند الاحناف ينفع ولكن تعتبر الركعتين الزائدتين نفلا....!!!
لان عند الاحناف القصر واااااااااااااااجب
عند المالكية القصر سنة مؤكدة...يعني يمكن الجمع والاتمام ولكن هذا يخالف ما قام به الحبيب...وعند الشافعية الامر كما عند المالكية اذا كانت المسافة مسافة قصر...
اعتقد ان الاجابة واضحة...اليس كذلك؟
من هناك
10-09-2005, 08:53 PM
ما شاء الله عليك يا مولانا
ايوة واضح كدا جزاااااااااااك الله خيرا وبارك الله بك
السلام عليكم
مش هنهى استفسارات باين كدا!!!
دلوقتى دعاء القنوت الامام بيبدا بالحمد والثناء
مش فاكرة كنت سمعت الشيخ فى المسجد ولا قرات الله اعلم مش فاكرة--انه المامومين يامنوا عالدعاء بس
مش لما يجى الامام يحمد يقولوا لك الحمد ويجى يثنى يقولوا يا الله
عندكم فكرة بالموضوع ؟؟؟لحسن فى ناس بتصلى فى المسجد سالونى